foodiecats.hk's Profile

2021年幫襯過，係間幾有情調既西餐廳，裡面好多綠色元素，仲設有戶外用餐區，秋天既話應該幾chill。食物質素很好，打卡一流。巨型嘅疏乎厘好得意。經過K11musea睇展覽或者睇戲之後，約埋朋友食餐好傾吓偈，呢間係一個唔錯嘅選擇。…Read More

好抵食、大大碗既越南粉，推介香脆豬既豬頸肉、炸蝦餅、同又淋又香既牛腩。健康人士，建議食湯粉，始終撈檬既汁（魚露酸甜汁）偏鹹，食完個口唔係咁舒服。舖頭細細，有帶越南風嘅裝修同枱凳。服務幾好。平靚正食個午餐冇得輸。…Read More

Pizza同炸雞係我食過最好味嘅：炸雞好香脆，而且好多味道款式選擇，Pizza係厚厚麵包底果種，妹滿足好飽肚。適合一班人一齊happy share，就可以試晒咁多種口味。…Read More

連續好多年獲得米芝蓮嘅中式糖水舖，最近新裝修咗，雖然少咗以前嗰種懷舊感覺，但係味道依然十分之好。中式糖水真材實料。小編最鍾意就係杏仁露加雞蛋，同埋芝麻糊加芝麻湯圓！如果我有好多個甜品胃，我一定會食多幾碗。由於人氣高企，好多時都要排隊，不過排隊都真係好值得。…Read More

長期好多人排隊既日式西餐廳，味道很好，等下都值得。推介印度烤雞pancake，同好滑厚身既甜品類pancake。坐窗邊可享受靚靚海景，真正good food good mood.…Read More

由台灣人主理，裝修用心既餐廳，牆身掛滿台灣特色的海報，背景播台灣歌手的流行曲，總有一首你識跟住哼兩句，感覺好似去左台灣咁。滷肉飯、台式蛋卷同鹽酥雞都非常好食！台式飲品選擇多多，總有一款啱你口味。午市不設訂座，都幾多人排隊㗎。…Read More

上層既榻榻米，雖然充滿日本風，打卡唔錯，但地面果層可以坐得舒服些，又有陽光。食物好有質數，服務態度很好。推介軟殼蟹多士、茶漬飯同開心果特飲。適合情侶未打卡，或者同朋友踩完單車嚟嘆下。…Read More

中環呢間分店裝修好靚，有彩色玻璃窗，加上很chill既音樂，顯得很有格調，最岩Happy Hour! 特別推介燴牛肉配麵包（可惜忘記影相），鍾意食青口既朋友，就要試下星期一任食青口，無限時，食幾多都得，我朋友話佢最高紀錄係16碟！講緊都係$250左右。酒的選擇算多，適合情侶同好友相聚，在節日和紀念日慶祝。餐廳可供訂座，服務很好，侍應多數是外國人，會同客人傾下計。…Read More

樓上居酒屋，坐得算舒服，服務很好。午餐定食，可以優惠價追加串燒，好抵食。魚生鮮甜，串燒出色，重點推介燒雞翼。餐廳可供訂座，一行8人既話，坐到最入自成一角都幾好架。…Read More

由識講廣東話嘅日本人打埋既居酒屋，傳統裝修，牆上既菜式人手寫既，手字幾靚。午市食過五次左右，款款都好唔錯，最鍾意係魚生飯同鰻魚飯！午市不設訂座，要食就早啲嚟排隊喇，五人同行有機會比一間房你地添㗎。…Read More

餐廳細細，坐底同隔籬枱都幾近下。勝在泰菜味道十分出色，燒牛仔骨係必食嘅，肥美又多汁，配啤酒一流！而且好抵食！建議約多幾個朋友試多幾款嘢食，晚市就早啲嚟排隊攞位。…Read More

餐廳地下果層樓底高，空間感十足，坐得好舒服，服務不錯。泰菜很正宗，大份又好食，冬陰功湯最正，夠曬香辣惹味，炸蝦餅同春卷都好好食，泰式糕點拼盤亦都唔錯。適合一班人舒舒服服聚一聚。…Read More

經常幫襯嘅連鎖式火鍋專門店。最鍾意午餐食一人火鍋，食到捧住個肚走都係$100左右，而且可以食好多好多菜。湯底款式有8款，主食肉類主打牛豬雞，仲有好多款火鍋配料同飲品，任君選擇。餐廳空間十足，而且乾淨企理。…Read More

超級抵食既點心店，食到飽飽都係$60左右。最正係黑金流沙包！點心款式都算多，午餐嗌個蒸飯就一定飽曬。鋪仔細細，枱同枱之間嘅距離就比較近。午市不設訂位，幾多人等位㗎。…Read More

韓國人開既韓式快餐店，先付款後按號碼取餐。最鐘意餐廳空間夠闊落，張枱好大。炸雞同炸豬扒蛋包飯係小編既至愛，另外，紫菜包飯、蛋卷、韓式伴飯、冷麵同部隊鍋都唔錯架。…Read More