pimigege's Profile

上星期五想食米線，醒起好耐無食雲家，就去排隊食，咁啱人吾算多等左兩枱就有位，叫左個麻辣雲吞豬軟骨小鍋米線，同埋一個蒜泥白肉，加支凍豆漿，碗米線仲係咁足料，好多芽菜肉碎，好正！…Read More

今晚收工去同個frd去左荃灣間十二味食dinner, 叫左個二人餐，都算幾抵食下，有兩個小食青瓜同雲耳，酸酸地夠開胃，跟住有個土豆絲加個毛血旺，平時比較少食呢類川菜，幾刺激，食完仲有兩碗冰粉解下辣～成個餐都係兩舊水咁上下，爽呀！…Read More

早兩日放lunch唔想諗食咩，就咁落街搵下有咩食，見到呢間兩餸飯幾受歡迎就試試佢，最後揀左個三餸飯，雞翼咕嚕肉炒椰菜花，份量都幾足，食得好飽下，算係尖沙咀放lunch好選擇！…Read More

今日收工去開中環有d野搞，醒起最近新開左間Samsen係中環，就諗住去食返轉，因為以前食開上環個間已經覺得好正。 7點鐘去到攞左位話半個鐘就有位，咁就周圍行下街，半個鐘返到去又真係準時有位叫左炒雞肉闊河粉，河粉煙靭勁似泰國先食到個隻河粉，香港真係吾係度度搵到。又叫左招牌和牛船面，湯底十分濃郁又係勁似泰國食過嘅船面味道，湯入面有牛肉牛丸牛腩都好好食應淋嘅淋應爽口嘅爽口。仲叫左個青木瓜沙律，好fresh好清爽，酸酸辣辣。中途仲聽到好多泰文，證明真係一間又高質又地道嘅泰菜。…Read More

知道有呢間爆丼屋好耐 但係一直都無機會試 但係今日同朋友經過諗住試吓 我地叫咗一個三色海膽盛丼同埋一個四重火山盛丼 叫完野食無耐 就每人有碗面豉湯 可以係食刺身前暖暖個胃先一上主菜個兩個丼 當堂嚇左一跳 睇相以為份量唔係好大，其實真係好少見到咁重本嘅海膽丼，啲海膽多到滿瀉，而且食落味道都好鮮甜再嚟就係四重火山盛丼，入邊有拖羅蓉，三文魚子，蟹肉同埋海膽仲要疊到勁高，材料好新鮮食落好爽總括而言，爆丼屋真係夠晒爆，分量同埋味道都比到我好爆嘅感覺…Read More

出開銅鑼灣 打算試試呢間有omakase嘅日式餐廳環境幾舒服 坐底亦都有店員沖茶同比條濕毛巾你叫左個 A5和牛照燒set 同埋 鹿兒島產黑豚生姜燒set 兩個lunch set都有蓮藕片，帶子裙邊，茶碗蒸，麵豉湯同埋一碟刺身 都算幾豐富刺身食落好新鮮 茶碗蒸都好滑:) 但係帶子裙邊就有d韌 𡁻吾得爛由於店員話當刻餐廳白飯用完 就幫我地轉左做烏冬，烏冬食落都吾錯 軟硬啱啱好，可惜我地叫嘅係和牛同豚肉燒 感覺跟飯食會爽d和牛同豚肉燒都好食，和牛表面燒得幾香口食落又有油份，豚肉燒肥瘦適中 配埋洋蔥幾好食 但係吾算太特別最後個dessert同餐茶一個揀左要抹茶蛋糕 一個揀左咖啡…Read More

平時無生蠔嘅自助餐硬係會覺得無咁抵食 但係聽人講呢間buffet有水準 所以book左試下 結果真係有驚喜 首先坐位都算舒服 吾會同隔離枱太近 又會有消毒濕紙巾同口罩套提供 疫情下都算諗得周到出到去攞野食 見到龍蝦都幾大隻幾多膏 另外仲有個salad bar有三款沙律order 員工會幫你prepare 幾fresh 比起平時自己任夾個d更高質熱盤方面都有好多吾同野食 例如即煎鴨肝多士 同埋燒牛肉 我都好滿意最後當然吾少得甜品 睇到賣相已經好吸引 特別得尼係好食總括而言 成餐都算滿意 可以再戰…Read More

同個frd講左食燒肉勁耐，終於決定食呢間和牛燒肉一郎，因為睇到d相見到d肉都好肥美下坐底無耐就出左去攞沙律同埋野飲 款式都算多叫左份西冷同架船，船上面裝住牛嘅吾同部位，仲有海鮮同其他肉類例如豬同雞肉 質素都吾錯西冷用個寶箱裝住好特別，上嘅時候仲有應該係乾冰嘅煙噴出尼，賣相加分，食落都同想像中一樣咁juicy 另外仲叫左d和牛壽司同埋壽喜燒 但係因為太吸引所以無比相機食先 我食左先 整體係無一樣食物令我失望 可以再戰…Read More