Gourmet hunter's Profile

一家人做冬，阿媽想食羊腩煲，又冇乜好酒樓選擇，就聽朋友介紹試下呢間小菜館。Book定位唔駛等，一去到有張大枱，平日成8點9都仲有好多人。孝敬阿媽，梗係第一時間整個羊腩煲。嘩~~ 好大煲好滿! 價錢200幾，比起酒樓做特價百幾蚊但係得幾粒羊肉，份量真係大好多倍! 羊腩炆得夠林夠入味，夾極都仲有，仲有好多冬菇，枝竹，馬蹄，夠晒足料，一行10人都食唔晒。加埋大大兜生菜，索晒d濃汁，正! 嗌左半隻沙薑雞，好似13X，肉夠鮮夠滑，食得出係新鮮雞，連雞胸都唔嚡口，幾好。豉椒炒蟶子，都係13X有6大隻，蟶子肉厚大大舊，爽口鮮甜，抵食又好食!東星斑，200幾都算大條，蒸得啱啱好，肉質軟滑又夠鮮，豉油調得啱啱好，夠味得嚟唔會太重蓋過魚嘅鮮味，平時少食魚嘅我都忍唔住食多幾舊。仲有幾個菜想寫...睇住咁多先，下回待續...😃…Read More

荃灣區都有幾多甜品，平時食黎食去都係路德圍嗰幾間，前幾日見倒呢間新開嘅就試下。裝修新淨，算幾企理。餐牌設計幾得意，但選擇偏少，得10幾款，同好多都賣晒，小食又冇供應，原本想試合桃糊燉奶冇晒，朋友想食楊枝甘露都冇，結果食咗個柚子涼粉，配搭幾清新，好多柚肉，但而家天氣咁涼，唔多啱時候。朋友食脆芝麻糊，脆果仁配滑芝麻糊都幾有口感。整體ok，希望下次見到有多d其他款試下。，脆果仁配滑芝麻糊都幾有口感。整體ok，希望下次見到有多d其他款試下。…Read More

附近食完飯想食甜，見倒呢間就試下。舖唔大，位好迫，人貼人咁坐。主要賣傳統糖水，叫咗蛋花馬蹄露，比想像中大碗，幾足料下，好多粒粒馬蹄，幾爽口，蛋花普通，可以再滑d。朋友就叫咗麥米粥同芝麻糊，都話唔錯，麥米有咬口，芝麻糊都夠滑。食完先見到原來有「南瓜馬蹄露」，好似幾好，下次可以再試！…Read More

食過幾次，好似長期都好多人，夜晚7，8點黎通常要等成個幾鐘，9點後會好少少。貪佢樣樣嘢都好平又唔太大份，可以乜都試下叫多d。通常會叫周打湯，算幾濃同多料，配埋芝士包烘到好香好脆咁，正！甜蝦沙律幾鮮甜，蘑菇漢堡扒汁濃 ，肉質ok唔會太實或太散。其他如焗田螺、青口、大路嘅意粉…都唔差，咁抵嘅價錢，質素都算有交代啦！…Read More

本來想食Outback,但條龍長到企出馬路咁濟，見隔離呢間有位就是但入。全場唔full，枱櫈都排得唔密。見特價11蚊隻，先叫咗半打美國生蠔，食落都ok唔算腥，係淡d同冇乜海水味。主菜叫咗牛柳、羊架、烤豬手、海鮮意粉，全部偏細份，唔多夠食，再叫多個辣肉腸pizza。味道全部都好普通，牛柳叫5成都有d韌，羊架肥膏多過肉，豬手皮唔脆，肉味淡，pizza叫好d，餅底都脆同夠芝士味。其實平均每份都接近200到200幾，但咁嘅質素同份量，隔離Outback好食過你又大份幾倍，唔怪得人數差咁遠……Read More

喺附近行街，見就腳就響呢間食。門牌改咗，而家叫金曼谷。叫咗：海南雞 - 冇去骨又唔夠滑，食落似貴妃雞多d炒金邊粉 - 冇乜特別串燒 - 肉乾乾地，沙嗲ok咖喱炒大頭蝦 - 咖哩汁好少同唔夠香，用黎點幾塊蒜蓉包都唔夠。蝦都算多，但混咗d其他蝦。蒜蓉包 - 叫最好食，脆到好似炸出黎咁。生蝦 - 食夠$200可以$1換一碟，好似好抵，但就好細份，蝦算爽，汁麻麻地。…Read More

次次食都唔同，一時好一時差。味道方面，荔枝、士多啤梨ok但唔出，綠茶、朱古力以普通雪糕，豆味就好怪，都係原味至穩陣，同埋睇果次d乳酪雪得夠唔夠硬。試過唔夠凍，d乳酪響你未加完配料前已經溶緊，俾埋錢坐低就見倒水，大打折扣！…Read More

間唔中都會去食下tea，最值得食係個奶油豬仔包，因為奶油夠晒足，又烘得夠晒脆，好食過好多茶餐廳。其他食嘢，飲嘢都一般啦。服務就…同其他人講一樣，個個懶懶閒，真係要改善下。…Read More