busyeating's Profile

最近南豐紗廠內新開左好多cafe。路過想揀間靚cafe 坐下，見到呢間無咩人，而裝修清新，所以入去試下。最後叫左伯爵茶蛋糕、迷迭香士多啤梨綠茶同一杯mocha，蛋糕上有馬卡龍同半粒麥提沙，味道尚可，麥提沙放得耐，少少林左。mocha 同茶都正常，但唔算香，而個茶真係有幾粒新鮮士多啤梨，影相幾靚。整體黎講價格係偏貴，但勝在無咩人同可以坐得耐同朋友傾下計。PS. 不過我地入去坐低後，由原本無人，變成愈來愈多人入黎，都有啲遊客，但就未至於爆滿，所以都可以慢慢坐下傾下計。…Read More

早排新景新城新開南小館，好多人等。不過今日星期五放工黎到已經唔駛等就有位。我地叫左個黃魚、帶子小籠包、炒飯同菜。個魚最好味，脆口，又滑。個飯油左啲。小籠包都係平時果種好味啲，帶子口感怪。…Read More

琴日放工，黎到牛頭角見到呢間好多位，打算入去食，但朋友未到，所以同個侍應講兩位。但佢話要齊人先入得坐... 所以我要喺門口等... 我出左去諗左陣，其實鋪頭都無咩客，而且天氣咁熱，我再入返去話咁當我一位先啦，佢就比我入去，但坐一人位。然後佢催我落單先，其實我都想落左先，因為都好肚餓，所以落左個拉麵。拉麵黎到，都係整到好似人樣咁，好得意。個湯係清湯，還可以，個麵就偏硬身，可以再淋少少，叉燒就幾好，無咩肥肉。…Read More

之前都有間唔中食開呢間，一直都覺得好好味。今日放工自己一個去食，德福平日無咩人，所以立即有位坐。呢度嘅食法係先飲啖牛湯，再倒入杯仔嘅配料，再加啲檸檬汁。而食牛肉時可自行加惹味嘅醬汁。不過我今日想食清啲，所以就無點汁，直接食～我叫左個生牛肉河，其實我最近次次都叫呢個，因為第一次試過熟牛，好似係牛腩咁，較硬。而生牛肉就最好食，因為雖然佢湯黎時係半熟，但慢慢會熟晒，所以剛剛好，唔會太硬，而且入口即溶咁。今日一如以往都係牛肉好好味，唯一美中不足係個粉嘅份量偏少，$60食完都唔係幾飽。…Read More

今日遲放工，朋友去左荃灣間元氣揾位先，估唔到平日元氣都要拎飛等位。我黎到嘅時間已經有位，而且叫好晒野食～其實最近都有食元氣，幾鍾意佢有魚頭湯，所以我地今次都有叫～第一樣就係飲湯先，都多料，而且好有麵豉味。之後食左件鰻魚芝士卷，呢個我麻麻地，可能芝士同鰻魚唔太夾。之後食我最愛嘅帶子，呢個好味～另外，我地都有叫個野菜餅烏冬，我略嫌佢比較熱氣，最後我地就食埋啲壽司：三文魚、燒三文魚、煙三文魚、甜蝦... 最難食就係煙三文魚，唔太襯做壽司。…Read More

今日返工叫左plum，一樣係生煎包（祥興記，都寫左食評～），另一樣就係呢間嘅芋圓（$28）。我叫左桂圓紅棗黑糖芋圓。收到時係冰涼涼的～打開見到滿滿嘅黑糖糖水。第一啖飲左個糖水先，好清涼而且清甜，適合夏天熱辣辣嘅天氣。之後再試下啲芋圓，都好彈牙，同平時不規則形狀嘅芋圓有啲唔同，呢個好大粒，係正立方體咁，有六至九粒（無特意數），所以食完都好飽肚，不過係略嫌味淡左少少，食唔出幾隻味嘅分別，似一舊舊粉咁。之後仲有兩粒龍眼，清清地都幾好。最後我仲飲晒啲糖水，涼涼地，好舒服～…Read More

今日星期一Monday blue, 見到plum有得order我鍾意食嘅祥興記生煎包過黎九龍灣，所以食左一客～$35 四隻～喺office樓下拎到上黎打開都感覺到個盒仲有啲熱，打開左之後見到有醋，我一下倒落去就開始試味～ 食落真係唔熱，不過個皮都仲係脆，而且入面有湯，咬落都係會爆湯汁，係比堂食無咁熱，味道一定無堂食咁好，但外賣黎講，算合理。而且係返工時間可以安坐office食到，已經係一種幸福～！建議想再熱啲，其實可再放入公司微波爐叮一叮，相信效果會更好～…Read More

琴日算早食完晚餐，所以九點幾又想飲杯野。上次第一飲叫左個冷門嘅宇治抹茶，好淡味，今次決定再試呢間，比多個機會佢。我地叫個最多人買嘅招牌啵爆黑糖鮮奶。依舊都係等左十幾分鐘左右，拎到杯飲品，但個樣好似無人地果啲咁靚，不過都唔緊要，味道好就得，但結果令人有啲失望。首先因爲未攪勻，第一啖好甜，之後攪勻佢，係無咁甜，但仍然係甜，飲到中後都係得奶水味，係無咩奶味，而且佢份量又細，要$36，所以下次應該唔會再幫襯呢間了。…Read More

荃灣路德圍新開左一段時間嘅良辰吉時，到而家雖然人龍比初初少左人，但都仍然好多人幫襯。今日同朋友講起，先知呢間係台灣藝人納豆開嘅珍珠奶茶店，唔怪得咁多人黎飲。今次我地買左宇治抹茶奶，都要等大概十分鐘，不過天氣唔算太熱，所以企喺度等都還可以。一路等，見到原來其他人主要都叫果個啵爆黑糖奶，賣相都唔錯，有啲啡色紋咁，好吸引。到我地果個抹茶奶出黎，因為顏色淡啲，而且無珍珠，所以個樣好普通。飲落有抹茶味，但整體味道偏淡，又無咩奶味，可能我個人比較重口味，所以覺得呢個一般，不過唯有諗佢味唔濃，應該無咁肥嘅... 下次都係再試下其他味～…Read More

今朝喺荃新天地想找間餐廳食早餐，見呢間有位就入左去。餐牌有河粉麥皮果啲，仲可加$6有燕麥厚多士同炒蛋，照落好似唔錯。我地叫左個手撕雞通粉同船河，各自都加麥包同炒蛋。首先黎嘅係粉面，都ok, 但唔係好多料。之後黎左一份多士同蛋，點之另一份一直都唔黎，我地就同返侍應講跟一跟，佢係有跟嘅，等左排，我見到有員工推一堆蛋多士出黎，心諗應該都有我份啦～點知個員員派派下又唔派餐，做左其他野... 完全忘記左我份野未黎，我望住餐車上面果五六份未派出黎多士，望左好耐T^T 點知個員工仲推返入廚房... 都唔係派嘅整凍晒.... 再等左陣佢又推返出黎，但又唔係派，又比我望到啲多士同炒蛋出左黎來回至少十五分鐘....終於先派到黎... 個蛋都縮晒水，食落又凍又乾，個包直頭係硬加凍添...真係好失望，一份早餐嘅精粹，就係個蛋，同埋要夠熱囉.... 凍晒先比人食... 真係好唔ok......所以呢間嘅早餐真係無下次！…Read More

今日由荃灣行黎青衣，行到好熱，熱到發忟陣，所以決定提早六點半食晚餐。黎到老虎先生，見有位就入去。我地叫左個蜆肉明太子意大利粉、招牌咖哩吉列豬排蛋飯、野莓特飲。先黎到嘅係個意粉，中規中矩，唔算太膩，不過如果明太子比例再多啲就更，因為我地比較愛明太子～之後黎嘅係個咖哩飯，個蛋炒得唔錯，但豬排有筋，而且咖哩偏辣，我個人比較喜歡日式甜咖哩，加上好怕有筋嘅口感，所以覺得呢個招牌菜麻麻地... 不過目測呢度九成人都有叫呢個飯咁。飲品方面，得個甜字，一般啦。最後最正嘅係+$8有movenpick 嘅雪糕～呢樣最吸引，而且係最好味XD…Read More

星期五放工黎到葵芳，所有餐廳都排長龍，行到呢間，比較隱蔽，少人等位啲，仲要剛剛有二人枱有兩人起身走～所以好幸運地唔駛等位就坐低左，不過係近牆，所以係有啲迫，但好處係靜啲。望下個餐牌，有意粉同包，我地一人叫一樣，叫左個忌廉意粉，同埋漢堡餐，湯就一白湯一紅湯。首先黎係個意粉，嗯，果然係食三文治嘅地方，個樣有啲hea，好似一pat罐頭忌廉汁喺意粉上面，不過食落味道都ok，當然唔可以太高要求。之後黎嘅係個burger, 賣相麻麻，個包係扁嘅.... 但食落都幾好味，而個薯條望落幾好，但好多油，而且唔熱，就有啲令人失望。不過佢又有飲品又有湯，又唔駛點等，都係星期五放工嘅好選擇。…Read More

琴日夜左放工，行去路德圍找野食，見到呢間漁民麵館，之前無食過，所以入去試下。餐廳環境係中式設計，張櫈有少少細，pat pat大啲都會唔夠坐😂。咁坐低睇餐牌，見到主要係食花膠為主，價錢都係$30-50左右，唔算太貴，就食到花膠，都幾吸引～夜收工係應該補下～我地叫左個花膠湯麵同花膠雞絲翅（碗仔翅）。個麵個花膠幾大舊～仲有大大粒冬菇，$38黎講都算抵食。個翅就普通啲，花膠好似薄弱啲咁，同有啲大碗，食到尾有啲膩。…Read More

今日放工去食尖沙咀呢間意大利餐廳。餐廳有兩部分，有室外同室內，多數外國食客坐出面。我地就當然坐空內。我地食左個意大利飯、兩個薄餅、一個硯肉意大利粉。意大利飯味道唔錯，幾有口感，反而薄餅一般，一來硬，二來三文魚味怪怪地，所以我地無食晒，意粉就有啲辣，不過都幾惹味。可能因為今日係星期三，大家都唔會出街食，所以餐廳都無咩人，我地由7點坐到9點，周圍都仲有好多位。而且坐隔離嘅都係一班外國人，幾relax咁。如果係一班朋友聚舊，應該可以喺度慢慢坐。…Read More

朋友介紹我試呢間台式養生火鍋，所以今日放工同家人黎試下。呢間嘅裝修係中式設計，不過不失。黎到先揀火鍋湯底，主要都係養生藥材料。我地揀左個美人鍋（$188），話係有美顏功效～而落單時，姐姐仲提我地因爲呢個係最貴嘅鍋，我地可以揀多一款轉鴛鴦鍋，所以我地又揀多個寧神養心鍋。而配菜方面，我地揀左個極上雪花肥牛（$188）、水耕菜、餃子拼盤、台灣A菜、芝心牛丸、芝麻湯圓....當個湯底黎到時，姐姐提醒我地可以先試飲湯底，我地兩個湯底都試左味，養心湯係辣辣地，但好惹味，而美人湯就清甜啲，而且好濃郁藥材味，所以我地都忍唔住飲多幾啖～配材方面，我地先食牛，呢個價錢，份量偏少，但味道都唔錯，入口即溶。牛丸$12粒，偏貴但食落都係明顯唔係差嘅牛。至於個響鈴，就幾香口，值得一試。而最普通就係個餃子，試晒咁多個味，都係一般。而最特別係佢有個芝麻湯丸，比人放入藥材湯煮，係比較奇怪，味道又咸又甜咁，我個人覺得麻麻地。不過最後姐姐又行過黎，話會送雪糕，有芝麻、芒果、士多啤梨、榴連、唔記得....我地要左芝麻同榴連，個雪糕好豐富芝麻同榴連味～我好鍾意～！所以呢個雪糕令今餐好完滿～！😁😁😁…Read More