fire-monkey's Profile

外賣麻辣雞煲一份 加左三款配菜1. 手打墨丸2. 萵笋3. 嚮鈴買完外賣就上的士，冇對清楚，心想已經覺得不妥，點解只得兩個熱辣辣放滿湯的盒？唔通漏左冇俾配菜？試問點會諗到呢間餐廳會將所有配菜加入雞煲! 嚮鈴喎，係咩玩法？致電餐廳詢問，佢竟然話如果想分開要特別備註，我真係未試過外賣雞煲叫嚮鈴係會放入湯俾客。你堂食會幫我加嚮鈴入湯嗎？點解覺得分開放係特別要求？萵笋放入窩搞到冧晒發黄 夾起我仲以為係薯粉手打墨丸 知唔知咩叫“手打”？另外，睇下張圖，會以為我叫左豆卜鍋，豆卜多到夾起有一大湯碗！餐廳要用心做!…Read More

之前叫過兩次外賣，印象係幾好。中式小炒，附近選擇不多，呢間算係有水準。今晚兩個人叫左4個小炒，之前未叫過相同的菜式，全部都可以用“差”去形容。1. 小炒皇 咸。好油。炒得太熟。可能係外賣送到黎係焗左一陣，我理解，呢個送我都接受。2. 啫啫雞煲好咸。d雞好厚粉，每口都是油。雞的部位亦多是只有皮冇肉。加左幾舊豬潤，個人口味唔食內臟，所以成碟食左少過三分一。3. 海蝦荷葉飯好咸。原因太多蒜泥，但最大問題係，個飯好濕，d飯好爛。希望可以改善下。4. 剁椒魚雲非常失望。因為係“生”，有幾舊係未蒸熟，腥，食唔到三分一要放棄。總結，你地每次外賣都簽名寫卡，希望會改善出品。…Read More

這間餐廳咁多好評，我叫了外賣仲有優惠買一送一，結果食左兩舊已經唔想食。全部炸雞同一個味，只係俾唔同醬汁你。叫左香䓤，柚子，原味。炸雞係冇骨的，雪藏雞肉，勁厚粉。似KFC炸雞粒的大舊版。真係好伏! 要做買一送一係有原因的。…Read More

外賣份量嚴重縮水，可否叫回水？4月4日叫過這款麻辣栗子雞，份量足，用紙盒盛載，同樣外賣送餐，同樣是散叫單點$103。今天4月17日order 變成如此小而淺的膠盒，令人非常失望。再者，上次的是雞件，今回變成小塊雞丁，全盒得8,9舊左右。疫情期間，我家幫襯過這店好幾次，份量一向正常，味道不錯，也曾寫食評大讚。是次遇到偷工減料情況，恐怕要打入冷宮先。外賣選擇多的是，你認真做得好，大家就會重覆光顧。希望店家可以接納意見。…Read More

深井 絕對係美食沙漠 因為選擇少 得果幾間獨巿茶餐廳 泰菜店 住係呢度附近的居民 冇乜好揀如果你專登黎深井 黎到能記食飯 一定會想講粗口 除非你冇要求 店家咁樣製作食物 就係對自己冇要求菜式“香煎蓮藕餅“ 可以改叫做 粉餅如果冇心做，就不如取消呢個菜式好嗎？1. 咬落去 全口油冧冧 睇落去 8成透明 成口只食到係粉 蓮藕好貴咩？2. 要煎到咁樣衰嗎？酒家菜式，可以咁既賣相？如果我不是外賣，我一定會叫你食返啖。我另外order兩款菜式： 彩椒牛柳粒 － 算正常的，但牛柳似係拾熟咁，毫無鑊氣/香煎的感覺 脆皮豆腐 － 冇調味的豆腐 跟一兜很咸的水 會好食嗎？當天我5點半左右來貴店，堂食6點即將停，只得我一份外賣等我取，可見生意不忙，出品卻是這等質素。…Read More

疫情期間，各大餐廳都推出外賣。好多間都有折扣，又有套餐。究竟點揀好？我家皇后嗜辣，先前好幾個食評的餐廳都有辣的食品，今次亦然。皇后都讚，寫返呢編推介讚下。299二人餐：麻辣乳鴿😋😋😋😋😋酸菜魚片😋😋😋海南雞😋😋😋四季豆😋😋蝦仁紅米炒飯😋😋😋😋流沙包😋😋😋(菜名憑記憶列出因為張單係皇后落的）麻辣乳鴿一隻，味道好，夠麻夠咸香，如果可以一開4件會食得冇咁喱hea. 酸菜魚 我個人覺得個湯應該係奶白色的，呢個係橙橙地色，少少似酸辣湯果種。味道夠辣，配菜多，最讚係用“龍躉片“，雖然皇后話冇我係楊屋道街巿買的咁彈牙鮮甜，但都抵讚。我仲打電話去店家確認係咩魚，幾有誠意😂。其他唔逐一講，整體係超乎預期，299好抵食啦。另外，外賣包裝好重要! 呢間好正常好企理，仲有個保溫袋，半小時回到家仲係熱辣辣。可以睇返我上一編食評，就會明白包裝的重要。…Read More

晚巿冇堂食，團年飯唔煮就係買外賣。呢度，水煮魚 同片皮鴨 係必點菜式。水煮魚配料多，夠麻夠辣，值得讚。個人唔介意係用厚肉的魚，但如果想食桂花魚片就會失望了。講返呢個post的重點，外賣包裝問題。附上一張相，說明一切。一早預訂6點取外賣，6點準時有取，可以理解你地必定好很多訂單，但3點order 6點取，應該有足夠時間整，而且，呢個問題已經唔係第一次，係第三次了。返到屋企發現，水煮魚膠盒個蓋係冇吸實，導致漏到成個袋都係油。包裝的人做事求其，浪費了煮的努力。還要再買你的外賣嗎？…Read More

猶記得10年前來過慶祝紀念日，今次家人生日，再次揀選呢間鐵板燒慶祝。訂枱時話只可以選兩個時段，我選了1點半。一行6人我地準時到達並點菜。當時房間內冷氣都未開，有陣潮濕油煙未，感覺頗舊，但可以接受。因為係生日飯，之前上網見到食評有件小小蛋糕仔加生日牌，趁壽星主角未到時，向女經理表示有人生日可否安排，女經理表示ok.之後點完菜，女經理走來我旁邊，話未能安排因為只有晚巿才可供應。我於是提議，在鐵板上寫個生日快樂可以嗎？她說可以。我冇要求畫公仔。到食到最後的甜品，㕑師講埋多謝byebye, 都毫無表示話要寫個生日快樂，感覺奇怪。然後食緊雪糕，女經理又突然送上兩件蛋糕，令人莫名其妙，but anyway, thanks. 其實我想講，送一小件cake, 唔使咁孤寒既，客人來到你店慶祝生日，你都想俾個美好體驗客人，對嗎？而我地食到3點幾，明白你地要“落場“，我地個雪糕都未食完，你地就走黎表示要清場催促我地，而且係你㕑師煮得慢，要是你咁急落場，何必要人book 1點半? 周末時間，目測其實你地係好冷清，已經不復當年book到爆晒的日子。…Read More

聽聞呢間食烤魚本身係元朗 做法好似大陸果間“探魚“，今日過開黎旺角，見新開張幾日就試下。食物選擇有幾款辣烤魚，同埋燒烤小食，係幾似“探魚“，岩晒宜家冇得返大陸又想食辣野香港人。小食方面，叫左小辣，辣味適中:帶子燒得岩岩好，讚!燒蠔就差d, 因為有dd唔夠熟。燒韮菜份量太少。烤魚揀左香辣豆花“江團魚“，都係“探魚“有的選擇，少d魚骨，讚; 豆花其實是豆腐，唔算係豆花，扣分。除左豆花，呢個烤魚冇乜其他配料，只有很少量超幼芽菜。點餐時加左支竹&蓮藕，算是不過不失。而辣度方便，小辣可以話係淡過一般的BB辣，重點係整個鍋都非 常 咸。只有咸又不太辣，係幾令人失望的烤魚。經常將“探魚“同烤魚工房比較，因為前者做得太出色，有返過大陸食的話，一定會明白。最後補充返，我地幫襯當日店員話未申請到酒牌，所以冇啤酒賣，呢個係最大扣分位。如果有杯冰凍啤酒，相信“咸“呢個影響可以減到最低，成個體驗或者會好唔同。我提議自己去7仔買 (因為之前試過，讓食客自携酒, 冇酒牌應不算違法)，可惜店員禮貌拒絕。…Read More

原本想用“十分失望“為題，但中肯一點可能只是我期望過高。這晚是復活節假期最後一天，8點多才入座，慶幸不用等位。兩口子來到餐廳，只點了一個鍋: 薯仔排骨鍋當然期望是韓國風味，結果就是十.分.失.望.。這餐廳的㕑師應該是韓國人(聽到樓面用韓文對內溝通), 有位樓面男士，似是店主也是韓國人，理應知道馳名的地道的薯仔排骨鍋是怎樣一回事吧!上枱時，全鍋滿是洋蔥，薯仔不冧，排骨很硬。韓式的排骨鍋應有年糕，有薯粉/粉絲，紫蘇葉，此鍋都欠奉。我問過侍應女生，“你們平時也是用這種排骨嗎“ 女生答我 “是啊“。店家，你用的排骨是急凍的一字排/金沙骨，傳統的韓式排骨鍋不可能用這種，而是用豬脊骨，韓國人一定懂。我們只吃了幾啖就走了，抱歉浪費食物，但實在太難食，相信你們都看到我倆的失落。順帶一提，香港有幾間餐廳都做到這款韓式排骨鍋，其中金巴利道那間很不錯，希望店家可以參考，或乾脆取消呢個菜式好嗎？…Read More

突然好想食辣野，搵到呢間，點了以下食品外賣回家，逐一點評下:-泡椒鳳爪冇泡椒香，唔夠辣，鳳爪好淋但係冇乜味。可以話係難食。食左一舊就全掉了。-椒鹽魷魚取餐到打開用餐在半小時內。我明白呢個食品應該煮起即食先係最好。可惜一打開已經全凍，粉漿好厚，係硬而un un地，我都仲左3份1。-辣子雞味道還可以。好可惜一d都唔辣，學咩人叫辣子雞？！估計係遷就大眾化口味唔整咁辣，但你叫得麻辣風雲，食得麻辣就預左，總之唔辣!-香辣蝦期望係好香辣的蝦，只可以話係幾失望。亦期望係脆到可以食埋個殼果種，應該係我諗多左。都係一d都唔辣亦唔香!俾返個指標，我平時食“譚仔“係食4小辣，個人唔算好食得辣。如果你想食d唔係幾辣的，你可以試下，價錢都合理的。 “如果呢間野唔整得辣d, 會好快執粒“ 係mean左少少，但店主要諗下你係target咩客。…Read More

看完其他食評，最近來過兩次。希望店家可以看到我的意見。各樣食品恰如其分，我覺得好味，炸魚旦彈牙，幾款餃我都試過，買了生餃回家打邊爐，皮夠薄而淥完唔會散開，超讚!可是，兩次幫襯，我都留意到一個問題: 店內收錢的男士(相信是店主)對其女店員多次呼喝，我作為客人當然不知就裡，眼見女店員默默工作，對店主的責備亦唯唯諾諾。女店員幫我堂食及外賣落單，寫字係慢d, 但都準確，店主見狀立刻呼喝她，著她讓他跟進。食碗面15分鐘時間，不難聽到店主呼喝(不禮貌地指點)她5,6次。我只覺得，一間食店，好食固然重要，但你對員工的態度也好反映你有冇品，是否值得支持。今時今日，做老闆(男收銀)係咪真係惡晒？…Read More

曾經好喜歡的豬骨粥，完全變了。希望可可店的員工可以睇到呢個post. 但好可惜，我已經決定不會再幫襯。我細個住西環，現已搬家了。但每次到西環都買外賣。昨晚買了兩碗外賣。粥有勁重胡椒味，好稀，應該係加水再煮，有一舊舊的飯，整體來說，非常難食。可以話係又稀但咸，蠔豉卻很硬。我只覺得你敗壞左可可店的名聲，下面有人話你地係西環3寶，相信已經係好耐之前的事。非常失望，痛心好希望你地會醒覺，粥唔係溝水加鹽再翻煮又翻煮！…Read More