keya_yan's Profile

叫咗一個刺身定食，和一個燒鯖魚定食（其實仲有一個壽司定食，不過無影相）刺身定食最貴，百零蚊左右，其他就80幾多d。- 壽司定食的刺身好鮮味，不過佢烏冬就淡味少少感覺一般。- 燒鯖魚定食唔錯，魚燒得幾好味，出面脆脆地，入面d魚飲都唔鞋。每個定食都會跟一個胡麻豆腐，同埋一個小食。夜晚嚟食，餐廳坐唔滿（唔算好多位），唔驚排隊。老闆娘非常有禮，餐廳環境乾淨。…Read More

老人家生日帶佢來食飯慶祝。地下位置偏熱，被安排在一張近房間的枱，由於位置問題，同行有些朋友坐得不太舒服，店員很好，知道後，送了款冷食給風們。豬手好食，有咬感，個湯汁好好味，咸咸地帶微辣。沙煲蠔都好食小炒皇一般啦炸蒜瀨尿蝦好味，冇殼可以直接食，炸蒜亦都好香口。其他食物因為唔係我特別喜好嘅食物，所以我覺得一般還好。埋單約一千三百幾，6個大人食，都真心唔算貴。…Read More

糖水吸引！比較多台式糖水。紫薯雪糕好特別，入面有啲粒粒野，有咬感。椰子糊勁香椰子味有芋圓嗰幾款糖水，非常足料，食完好飽肚。店舖冷氣非常大，食埋個雪糕覺得好凍。價錢平宜，$30幾蚊-$40蚊，大大份。值得推介…Read More

第一次食，坐位幾舒服。小炒食物來講，價錢略為小貴，不過每樣嘢食都好大份，所以其實好夠食。密糖薯仔牛柳粒，牛柳粒都味，係其中有一粒非常之生。個汁好好味好甜。金沙黃金四季豆，一開始驚有啲唔值呢個價錢，點知食落去都幾好食，而且佢份量好多，基本上食一半已經有啲滯。…Read More

對比起旺角其他泰式餐廳，呢間非常之抵食，食物份量OK多，價錢又唔算太貴。可惜環境一般般啦，一般餐廳嘅格局，枱與枱之間嘅距離有少少迫，如果追求餐廳環境嘅人可能就要諗一諗。不過如果唔介意環境的話，食物同價錢的性價比相當唔錯。…Read More

不過不失的泰國餐廳。店面不大，位置於平台較偏位置，所以好多時都可以直入，唔使排隊。不過要讚下佢個喇沙湯底，好岩香港人口味。不會太辣，而且帶椰香，食麵時會忍不住係咁飲個湯。…Read More

五點天婦羅盛合1. 牛肉烏冬：麵條彈牙、吸湯力不錯，但牛肉偏老，咬起來略顯費力，食完肉碎塞牙逢，未能展現理想的嫩度。 2. **天婦羅**：炸得酥脆，油分控制得宜，蔬菜與海鮮類表現穩定，天婦羅魚最正，外脆內嫩，配埋鹽和綠茶粉，成個餐最好食。 3. **蒸蛋**：滑嫩細緻，入口即化，味道清淡中帶出蛋香，令人滿意。 4. **配搭整體**：餐點份量適中，色彩搭配吸引，既有視覺享受也不失飽足感。 5. **用餐環境（杉玉灣仔店）**：日式居酒屋風格，氣氛溫馨，適合朋友聚餐或輕鬆小酌。但客多時會偏嘈吵。…Read More

必點日安紅厚奶歐蕾。茶香奶重，好好味！第一次飲時好驚喜。而且價錢相比其他手搖飲，抵飲好多。棉被奶茶即係奶蓋奶茶，我就覺得唔算好有驚喜，不過不失啦。不過佢太多人排隊啦，所以次次都係開店無耐去買。…Read More

趁佢新開業買來試吓。買咗兩個餐包括有生煎包+櫻花蝦濃湯擔擔麵，生煎包+雲吞六粒。-生煎包好好食，外脆，入邊好多汁，好Juicy。加埋芝麻粒好香口。-櫻花蝦濃湯擔擔麵不過不失，因為湯底已經非常濃厚，唔係好食到櫻花蝦味。-個雲吞就非常之唔得啦，雲吞皮非常之厚雲吞餡唔係好有味，湯底勁鹹。呢個唔推介。…Read More

份量好多，對得住個價錢。一個女仔食基本上好難食得晒，三個人嗌兩個餐就啱啱好。佢啲粉絲好好食，但係啲小菜有時會比較偏油。整體而言味道比較濃，如果係鍾意食淡嘢嘅人未必好啱食。…Read More

經常去食中午飯的食堂。佢嘅A加B餐，選擇非常之多，超值午市套餐價錢超級抵！咖喱和牛漢堡飯，一個女仔食完係會非常之飽。鯖魚定食，個鯖魚都好好味，魚皮燒得脆脆的魚肉又OK唔會好柴。呢間以前成日都要等位，唔知幾時開始基本上唔使預約， Walk in就已經可以即刻入去。…Read More

一家人去食壽司郎，水準差唔多同其他分店一樣，不過不失咁啦，食物好快送到，因為嗌得太多搞到成枱都係，爭啲擺唔落。其中出名嘅甜品都好好味，嚟到真係冇理由唔食個甜品齋食壽司囉。…Read More

嚟過兩次慶祝紀念日，水準一如以往都好好味。熟食唔算好多，甜品就有好多選擇，甜品可以要求店員喺碟上面寫上祝福字句，幾有心思。而且不同的酒可以任飲，包括香檳紅酒白酒。…Read More

開業冇耐去食，環境非常乾淨，有房可以俾多人聚餐。店員非常之有禮貌。個筍同埋個湯都非常好味，眼瞓糖醋骨就略為苦咗少少。因為店員話係用意大利醋，所以味道會同平時有啲唔同。酒釀丸子就相對普通少少。食物同價錢比較性價比唔算10分高，但係勝在環境OK，整體嚟講唔錯。…Read More

食過好幾次佢嗰個all day Breakfast，好食！薯條都好好味，好脆。雞胸沙律好好味，適合減肥人士食。環境幾好，因為我每次都是早午時段食，人唔係好多，坐得舒服同埋容易傾計。…Read More