natalie_dog's Profile

我對高級自助餐，一向有要求，自助餐食物種類貴精不貴多，因為無論有多少種類，我都只會挑自己喜歡的來吃。打個比喻，如果有些人會嫌食物種類不夠多，你要吃炒飯，點心，烚菜，船麵，真的不要期望能在高級酒店吃到。好了，入正題先說我對海鮮的評價，急凍海鮮，龍蝦蟹腳鮑魚螺青口，的確比我想像中好吃，是有鮮味的，肉不是那種雪硬了的。但生蠔感覺下等，雖然很鮮味，但瘦小又不creamy。魚生我都不能接受，有辱文華東方酒店明聲，簡直像是下價放題貨色。芝士，我好喜歡吃芝士，我給它100分。燒牛肉，羊膝，不錯啦！我沒有試全部的熱盤，但目測感覺不過不失啦。對我而言，甜品就是自助餐的靈魂，真心覺得詫異，這裏供給的蛋糕質素很下等，完全不像是大酒店供應的甜品，馬卡龍不是外脆內軟，感覺只是普通的甜蛋白餅。所謂的栗子蛋糕，不知所謂，我只嘗到小小的蛋糕頂部有像手指尾第一節那麼大的栗子蓉，其餘不知自己在吃什麼。朱古力蛋糕，感覺像屋邨麵包舖賣的切餅。唯一最好吃，像樣的是最出名的文華芝士蛋糕。雪糕，不值一提。合桃撻，撻皮又硬又乾，我知道我做得一定比他好。水果，嚇死人嗎？高級酒店用糖水浸蜜瓜？士多啤梨很酸，水果質素一定比去旅行時他國酒店供應的早餐自助餐差。總括而言，如果你是用想試一試文華東方酒店這類級數的酒店食物，我會叫你不要來，去其他同等升級的，應該會比較滿意。但如果你只是付出了$600一位的價錢，我覺得可以一試^_^。…Read More

星期五晚一定人多，入座之前都已經知道係要個半鐘還枱，老實講阿媽生日個半鐘食韓燒真係唔係好夠，下次一定唔會book星期五晚。門口帶位果個面口好似趕客咁，唔怪得香港啲飲食業生意咁差，其他員工都OK嘅。講食物，叫咗大牛骨，呢個係好食嘅，肉質柔軟多汁。另外一個厚牛舌，牛小排，兩個都韌到不得了，其中應係牛肉本身有筋，我自己習慣食三至五成熟，都有咁嘅口感，我諗冇下次啦。跟住諗住叫個豬梅肉，就咁擺兩塊都唔係話十分之林嘅豬扒係度，好似我平時買來煮餸嗰啲咁樣。。。未講過冷麵，我唔知原來香港食韓式冷麵係冇味嘅，可能佢expect我自己落嘢，但其實有咩可以落呢？🧐韓式燒肉就係好大嚿，塊塊都要自己剪開，呢間餐廳嗰把鉸剪利到，連店員嚟幫手自己都剪唔開。可能我自己期望多咗啦，始終好耐冇喺香港食過韓燒，通常我都係鍾意去日本食燒肉。其實價錢都唔係平㗎，食啲咁嘅嘢，一次過囉。…Read More