YY1222's Profile

琴日放左學就落左旺角食野，經過女人街見到十三姨，menu d野都吸引到我地，就一於試下，果然無令我失望。一坐低，店員就比左蝦片我地食，非常香口！個人好推介手撕雞雞油雞，望落好似細細碗，但份量十足。佢仲會比埋秘製撈飯既醬汁，可以自己調節口味。同埋，十分香口，佢落左炸蒜片，雞油，好惹味。仲會包一杯汽水，好驚喜既係樽裝汽水。唔知點解次次見到餐廳用樽裝汽水，都會好加分我朋友就叫左個叉燒陽春麵，佢都會有提供for麵既醬汁，叉燒夠大塊又入味，我同朋友對呢間餐廳評分好高！…Read More

平時放lunch想d無咁頹既野，就會去韓國餐食下。呢間餐廳由韓國人開，所以d野食都好正寫宗韓國菜。出面閒閒地食個韓國菜都要七十幾八十蚊，但呢間勝在價錢夠平民化。試左個韓式辣味豬肉飯，d辣味好似一次比一次辣，但辣得黎好香口。d飯就用左珍珠米，煮得岩岩好，十分吸引。仲有學生價都係37蚊咋。朋友就試左甜酸炸雞飯，我個人更加推介呢個餐，因為酸酸甜甜好開胃，炸雞炸得岩岩好，下次我會再食呢個餐。食飯仲會跟一碗海帶湯，食之前飲更加開胃，十分抵食。…Read More

成日聽人講B仔涼粉既雞翼尖好正，終於有機會試到啦。個日咁岩經過元朗，口痕又想食小小野，就入左b仔涼粉。我就試左西瓜西米露，西米露係我既最愛，同埋一定唔會伏既。個日岩岩行完山，想消暑食埋西瓜就一流啦。有個朋友就叫木瓜杏仁霜，可能本身我都麻麻地杏仁，所以我就唔太推介。同埋，佢d木瓜同杏仁霜唔太match。食完d甜野,突然想食返d小食。就緊係試下好出名既雞翼尖啦，果然無令我失望。佢熱得黎又有小小麻，十分正。而家諗起都仲有d流口水。 唔知係咪太肚餓既關係，燒賣魚蛋都好好味，配埋佢d汁，更加吸引。…Read More

每次返工都會經過茶狼，見到個鋪頭就比佢吸引到。於是，揾日收工就入左試下。我同同事就試左白露苿莉奶蓋茶、烏龍奶蓋茶，同埋烏龍茶芝士蛋糕。 我個人十分推介茉莉奶蓋茶，佢fresh得黎帶點苿莉淡香，再加上奶蓋，就多種層次。我都好中意茉莉陣味，所以為佢加左唔少分。而烏龍奶蓋茶就唔太推介啦，因為烏龍本身有d苦甘味，再配合奶蓋，就有點唔算太match,不過口味既野個個人都唔同既。最後，烏龍茶芝士蛋糕就一定要讚下先啦，本身我又係好中意食芝士cake,但有時怕太流。 但佢加左烏龍茶係面就會覺得好岩岩好，下次經過一定要再食。 …Read More