sharemoments.sy's Profile

因為返學係銅鑼灣，我成日係呢邊覓食，搵搵下俾我搵到間日式創意料理 - 為食龍💛呢間主打日式輕食，啱晒有時唔太肚餓時食。店面雖細，但都有地方供客人立食。​​個人幾鐘意佢地嘅腐皮壽司，平時食壽司我極少叫腐皮壽司，印象係冇咩味道。呢間用腐皮做成腐皮袋，食落帶有甜味，上面再加魚生，我簡左三文魚牛油果，黑松露帶子粒同甜蝦蟹子，款款都好足料，魚生非常厚切，鮮味十足。 黑松露帶子粒最有驚喜，黑松露好香濃但又唔會搶左帶子嘅鮮味，估唔到咁夾。​…Read More

而家觀塘工廠區真係多左好多特色小店💛餐廳裝修得好有格調，外牆以湖水藍色做主調，配上落地玻璃窗。咁啱我地被安排坐係近窗位，望住人來人往好寫意。​US prime rib rye - 牛扒叫左medium, 輕輕切開後肉汁慢慢流出，超級juicy!肉質嫩而多汁，牛味濃郁。不得不提嘅係旁邊配菜嘅原粒蒜頭花，焗得好惹味，同牛扒一齊食更加豐富左牛扒嘅味道。​…Read More

💛Beans聽過好多人話好食，特別係甜品，但次次都見到大排長龍，一路都冇機會試。咁啱呢排都有得WFH，朋友話不如試下lunch後去食啦，我二話不說話好！當日真係得一兩個人排隊等入，唔想等嘅朋友可以試下呢個方法😂😂​​安格斯牛肉漢堡-牛肉可以揀3/5/7成熟，我地揀左5成熟，中間有個流心蛋，咬埋去牛肉同蛋嘅汁同時bi出嚟，真係勁juicy！ ​​焦糖單骨雞翼配薯條-沾滿焦糖嘅雞翼，甜而不膩，食落香脆肉嫩。​伯爵茶流心吐司-平時甜品叫開抹茶朱古力呢啲大路野多，我地見有伯爵茶味就諗住試下。但我同朋友都唔太鐘意伯爵茶嘅味，覺得好怪，下次都係叫返冇死嘅抹茶啦！​…Read More

果日難得山長水遠去南豐紗廠，當然要發掘一下荃灣有咩好食。朋友介紹試下秘💛，一搵發覺好吸引，有我好鐘意嘅牛呀，一於試試佢啦！​​首先講下等位先，我地係星期日去，大約七點零到，到咗門口發現幾多人喺度等位，最尾到九點先有位，建議去嘅朋友早少少或者平日去。​​板燒吉列牛定食-吉列牛已經炸至半生熟，每片牛肉每邊輕燒一兩分鐘就得，燒好嘅吉列牛外邊鬆脆，裏邊嫩滑。呢度選用安格斯牛肉，油脂都分佈得好平均，牛味十足。​​秘之飯素-珍珠米粒粒飽滿，加埋飯素同醬油，紫菜芝麻，勁香口，就算平時唔鐘意食飯嘅我都勁鐘意食。​​蒲燒原條鰻魚飯-原條鰻魚肥美又大條，一啲骨都冇，鰻魚燒得啱啱好，加上醬汁入晒味。​​炸雞翼-外脆內軟多汁，就算食到最後都保持香脆，水準好高。​​和風薯條配芝士醬-薯條實肉唔空心，灑上飯素，再點上芝士醬，而芝士醬香濃，鐘意芝士嘅朋友唔可以錯過！​…Read More