serene.csw的個人專頁

經OpenRice book左檯男員工未夠鐘就打嚟用唔太友善嘅語氣催我地盡快到因為我地book個時間已經係last order咁點解你地要比人book依個時間😅趕頭趕命去到 要十分鐘內落單🏃🏻‍♂️🧀三重特濃芝士火鍋（$188）都係比啲料你自己放入個火鍋度 無乜好寫味道平淡 值唔值依個價就見仁見智🐖美式BBQ醬烤焗西班牙豬肋骨配洋蔥圈見佢menu打左粒星又好多人寫到好好食 就叫嚟試吓啦但唔知係咪我地唔好彩 有啲overcooked🍹Bailey’s Banana Coconut Smoothie🍹另一杯唔記得咗叫咩名水準中下 唔算好飲 飲水穩陣啲🥞開心果奶蓋梳乎厘班戟最期待 但都係最失望🥺 但味道一陣再講咁大個人無試過明明叫後上係會未食完正餐就突然上左俾你同埋我地張檯根本唔夠位放！我地即刻同侍應反映依個問題佢嘅反應係 但我地整好咗啦喎你而家唔食個pancake就會塌於是就發生左依一幕 個pancake就嚟飛落街🤯唔夠位放依個問題仲搞笑可能見我地逼成咁（我地坐二人檯）過左一陣 個侍應喺🫨無問過🫨隔離兩位坐四人檯嘅顧客嘅情況下一下就拉左佢地半張檯俾我地😧於是個擺位就變咗咁樣本身人地好開心慶祝緊生日？真係令我地好唔好意思🤧講返味道 可能係泡打粉落得太多Pancake有浸苦味開心果醬都無咩味 好失望😞大約食到9:20 又俾人催要快啲食完因為9:35要清場望向門口 大大隻字印住10:00關門離開餐廳 覺得成餐飯充滿住突然、趕急同壓迫感無下次😞😞…查看更多

去到荃灣，忽然想食蕃茄湯底嘅麵，見到Openrice話依度有茄蛋通就尼左。七點半入座唔使等位，落單之後野飲好快就到。環境都幾闊落、好坐。同同行朋友各自叫左一個茄蛋通配瑞士雞翼（兩隻），同一個茄蛋飯配瑞士雞髀，每個套餐都係$50，再用半價加左杯咸檸七($11)同檸蜜($8)。茄蛋通同飯都見到個湯入面有一舊舊蕃茄，真材實料有誠意👍🏻，係真正嘅蕃茄濃湯，亦唔會過酸。（順帶一提，落單時可以揀蕃茄湯底要辣定唔辣，亦可以轉豬骨湯底）牛乳炒蛋有奶香、奶味，如果份量再多啲就好，而家唔夠喉啊😆至於瑞士雞翼同雞髀都好入味，瑞士汁好濃。不過可能係我食野淡口啦，食到尾覺得有少少太濃味🙈 肉質都幾實，如果再嫩口啲就好😛 餐飲就同出面無乜分別，唔侵氣了😛出餐順序尼講，廚房出左雞翼同雞髀先，再過左好一陣先出茄蛋通/飯，有啲得意😆 不過整體尼講都係令人滿意嘅一餐😊…查看更多

四季煲仔飯，我細細個就聽過依個名。數數手指，對上一次尼依度食都成八年前🙊 當時對食仲未有咩要求，淨係記得好多人排隊，同埋個鴨蛋蠔餅好香口好足料～八年後嘅今日，六點半尼到，有四、五張檯等緊。排隊嘅同時可以睇定餐牌同點定菜，所以一入座野食好快就到。排左大約十分鐘已經可以入座。兩個人嗌左一個白鱔滑雞飯($77)、一份腐乳通菜($20)，同一份細蠔餅($44)，回味下兒時嘅感覺～首先上檯嘅係細蠔餅，香口依然，蠔仔飽滿，不過印象中好似八年前再多蠔啲（？）但都有可能係我記錯嘅🙊 無點魚露，就咁食都覺得好好味😍然後講下主角白鱔滑雞飯，白鱔同滑雞都好嫩滑、鮮味，同埋成功焗到飯焦，開心🥳 白鱔上面有豆瓣醬，撈埋令個飯有少少酸😅 份量尼講，一人一煲應該岩岩好，所以兩個人食其實唔係好夠，但依個唔係店家問題，哈哈😀 不過77蚊一個飯，好似都係偏貴。至於腐乳通菜，腐乳醬都落得幾多幾重手，我自己口味偏淡，覺得點少少已經好鹹，要拿拿林飲返啖水😂整體尼講，個人覺得蠔餅好食，其餘水準中規中矩。環境唔算太好坐⋯⋯點都好，七點三食完行到出去，仍然有長長的人龍～所以想食都係要早少少到呢～…查看更多

食過唔同餐廳嘅酸菜魚，最鐘意都係依間～星期日七點半左右先攞位，等到大約八點三有位。一入座先飲八寶茶，香而清甜，好適合配比較濃味嘅菜式。同一杯入面嘅配料反覆沖都無影響到味道，食左兩個鐘再沖都未覺得太淡👍🏻當晚主角係桂花酸菜魚，兩個人食唔到太多，叫左個例牌($268)唔辣。酸菜魚本身連埋薯粉，我地另外加左豬紅($24)同娃娃菜($16)。湯底本身夠酸同鮮，薯粉索左啲湯之後好好味😭💕 桂花魚有少少皮，無骨，嫩滑、啖啖肉。豬紅都好滑，食落口感細膩過平日食豬紅粥嘅豬紅。娃娃菜就無咩特別，就係正常嘅娃娃菜😂食過其他唔同餐廳嘅酸菜魚，食得出川莊嘅魚係比較新鮮，食完會有好滿足嘅幸福感😍 同埋環境都舒服，值得再來😌…查看更多

一班女仔Gathering，想搵間可以坐得耐嘅餐廳。朋友搵到位置方便嘅RBTea，太子站一出向前行就搵到。每人叫左一個Set Dinner，有餐湯、Main Course、餐飲同甜品，每個Set由$83到$107不等，無加一。填好食咩之後就出去收銀處落單、比錢。餐湯好快尼左，係忌廉磨菇湯，份量唔多，但過下口癮都足夠，味道亦唔錯。湯入面有多士粒，可能浸得耐左，唔算脆，不過尚可接受。我Order嘅係香濃忌廉蜆意粉($86)，蜆大隻、鮮味，可惜蜆有沙，同埋部分蜆殼碎左，混左入去意粉度，失望😥 意粉煮得過稔，加埋忌廉醬比較「杰」，用叉撩一撩，意粉已經斷開。忌廉醬無乜味，意粉食落口感亦唔分明😢餐飲我叫左熱檸檬紅茶，驚喜嘅係依度用左青檸，飲落不過不失。不過我同朋友嘅熱飲杯柄都係痴笠笠的🙈是日甜品係杏仁奶，本身唔食杏仁，所以比左朋友飲。加點左一份珍珠奶茶班戟($62)大家share，Pancake有三層，甜度適中，算係當晚比較滿意嘅item😋最後點都要一讚嘅係依度服務態度好好，員工主動、樂意幫我地揸機影相。同時真係幾好坐，無限時，喺太子真係好難搵到一間餐廳會比客人坐足三個鐘都唔趕😆 總結而言，想搵個地方食下甜品、慢慢傾下計，依度會係唔錯嘅選擇。…查看更多

過開灣仔做野，順便搵喺灣仔返工嘅朋友食飯，一齊去試一直喺朋友To-eat list嘅Bread & Beast😊接近一點去到，唔使等位。諗好食咩就可以出去order同比錢，再等十秒左右杯野飲已經沖好左，好快手😆（影漏左杯桂花烏龍添⋯⋯）我order左牛油果磨菇溫泉蛋飯($78)，再加左$22要多杯桂花烏龍同腐乳蓮藕片同朋友share。個人幾鐘意個飯😋 有好多配料，食落口感好豐富，溫泉蛋嘅蛋漿令紅米飯濕潤度剛好，磨菇、蘆筍同牛油果都好新鮮同處理得好好，加埋提子乾，令成個飯食落好清新、開胃😋腐乳蓮藕片都幾特別，薄薄嘅炸蓮藕片有少少硬，不過都算脆。腐乳味濃，算鹹，我自己食野口味偏淡，唔算非常喜歡；同行朋友鐘意食濃味少少就好喜歡，覺得fusion、特別得尼意外嘅好味😋 我自己都覺得值得一試，因為真係幾特別😆桂花烏龍雖然無乜桂花味，但味道尚算討好，帶少少甜味，飲落有茶香。沖好時唔算熱，可以即刻飲。而朋友order左紅菜頭沙律($78)，佢表示紅菜頭新鮮好食，不過個醬都幾辣😅，佢認為唔辣嘅話個沙律會好食好多，所以唔食得辣嘅朋友可以注意下😊依個價錢嘅lunch喺灣仔尼講算係可以接受吧～覺得可以再去😋…查看更多