Antiwati Susanto's Profile

一入“日喜樓”就發現佢哋嘅地方非常寬敞舒適，有高高嘅樓底，再配長長嘅沙化位，中間位置更有數張大圓枱，真係非常適合一家大細又或者三五好友相聚嘅好地方喔⋯⋯👍🏼👍🏼👍🏼《四喜烤麩、雞絲粉皮》烤麩吸收了傳統上海式甜甜嘅醬汁，配上筍片、木耳、毛豆，好醒胃呀！😋滑滑嘅粉皮、嫩嫩雞絲同脆脆青瓜絲，加埋濃香嘅芝蔴醬，又一醒胃之選！😋《日喜灌湯小籠包》小籠包皮薄肉汁極豐富又鮮味，無得頂呀！👍🏼《羅春閣爆汁生煎包》生煎包肉汁都係咁豐富同鮮味，要讚讚包底煎得非常香脆，食時真係要小心燙到嘴仔呀！👍🏼👍🏼《高湯鮮菌豆腐煲》高湯馥郁濃厚嘅鮮味完全浸入豆腐同鮮菌中，令人不禁一口又一口咁食唔停～👍🏼《黃金姜米鱈魚粒炒飯》炒飯粒粒分明又唔油膩，鱈魚粒切得幼細，每啖充滿魚香、米香，值得推介喔！👍🏼👍🏼《薺菜雞絲炒年糕》年糕味道雖是清淡，碎末嘅薺菜葉黐係每件年糕上，散發住淡淡清香，一口軟糯一口清香，白綠相間，暖心又暖胃，真是難得的美味呀⋯⋯👍🏼👍🏼…Read More

唔可以錯過、唔可以錯過、唔可以錯過（重要嘅嘢要講3次）😬 連夏天都會掛住嘅火鍋，每次必點材料非常豐富嘅“豬骨煲”👍🏼👍🏼👍🏼，仲有一定不可決小嘅“手切霜降牛肉”👍🏼👍🏼👍🏼，同埋時令海鮮“蟶虸皇”👍🏼👍🏼👍🏼，其他火鍋材料都好新鮮㗎，一定有啱自己嘅選擇。烚到咁上下，骨煲入面嘅蘿蔔、粟米已吸收了湯嘅精華鮮甜無比，同時豬骨、雞腳亦煮到軟軟的口感剛好，我哋每次嚟最後都會加埋“淮山麵”，然後就一定清晒成煲至滿足👍🏼👍🏼😋。…Read More

難得假期～ 點可以放過去搵好嘢食呢😬⋯⋯ 今日就嚟呢間中、西、意、日、韓嘅fusion餐廳試吓先，侍應安排我哋係中間位置嘅一張長枱坐，但感覺好自成一閣呀！食物都算唔錯，頭盤嘅“黑毛豬腩肉片配蝴蝶包”同“灸烤蘑菇配韓式泡菜芝士”各有特式，意粉軟硬適中味道唔錯，“松露焗豬飯”非常惹味，材料仲好豐富添呀👍🏼👍🏼，Pizza烘焙得好香脆，亦係一個唔錯嘅選擇👍🏼，最後嘅甜品就有小小失望，最初嚟係因為見佢有crepe（法式班㦸），但個班㦸一d都唔係法式嗰隻囉，好彩另外嘅“香蕉配巧克力多士”做得幾好 ，酥脆嘅多士上面鋪滿好多香蕉、朱古力脆脆、鮮忌廉、雪糕，賣相都好吸引喔😍。…Read More

“布丁燒”呢個咁有層次嘅甜品，我已經想食好耐喇！今日就去搵呢間人氣甜品店「呦呦鹿鳴布丁燒」食吓佢有幾好味先，遠遠已經見到呢間以白色簡潔為主裝嘅小店，令人覺得好整潔，再配上精心手繪嘅餐牌、同埋係黑板上面嘅畫，店主一定放咗好多心思落去，以上都咁用心做，佢哋嘅“布丁燒”一定無得輸啦…… 左揀右揀之下就有以下選擇：1.          “焙茶布丁燒”﹝熱食﹞；2.          “鐵觀音布丁燒”﹝凍食﹞；及3.          “回魂布丁燒”﹝凍食﹞。 店主好細心咁教我將“布丁燒”分先後次序食同講凍同熱嘅布丁分別，首先原杯食食熱嘅“培茶布丁燒”👍🏼👍🏼，滑滑嘅質感好似燉蛋，香香嘅焙茶味慢慢咁由奶香布丁滲出，再挖深d將焦糖浸滿芝士蛋糕同布丁上，又有另外一種味道喔！跟住就食凍嘅“鐵觀音布丁燒”👍🏼👍🏼👍🏼，凍嘅要倒出嚟上碟食，用匙放入時覺得凍嘅質感係實小小，但食落依然好滑溜，鐵觀音嘅茶味較焙茶特出，茶香、奶香、蛋香、焦糖香甜一次過放晒入口，好好味呀……. 最後到人氣第一位嘅“回魂布丁燒”⭐️👍🏼👍🏼👍🏼⭐️，一食滿口濃濃咖啡味，再加埋芝士蛋糕同焦糖，真係好食到停唔到口囉，怪不之係人氣榜首第一位。…Read More

試新店，一睇餐牌上面嘅價錢，嘩⋯⋯ 拍得住上市餐廳嗰d價喎，咁就要試吓佢哋d食物質素同水準如何啦！今晚晚餐係“雞扒拼炸帶子配紅酒汁”，套餐包埋餐湯同飲品，忌廉粟米湯無特別屬一般茶餐廳質素，炸帶子雖然炸得酥脆，但屬急凍種類而帶子肉質有點兒韌，雞扒醃得好入味，而且煎得焦香惹味👍🏼👍🏼，紅酒汁味帶著酸酸的，再配埋粒粒分明嘅白米飯，好好味呀⋯⋯乾炒牛河都唔錯👍🏼，上枱時連一小碟辣椒醬，超細心喔！…Read More

星期日就更係岀去搵好嘢食啦，今日嚟呢間開係港島區半山屋村嘅茶餐廳，佢哋係度已經開咗好幾年喇⋯⋯ 嚟到已經係下午茶時間了，咁就揀咗2個茶餐嚟試吓先，“熱狗”嘅賣相好精美，腸仔界滿花放係一個鬆軟麵包上面，配埋蕃茄片、青瓜片同沙律醬真係好味👍🏼。另外，“雞肶配沙律”⋯⋯ 除雞肶炸得外皮脆脆又唔會過熟外，傳統茶餐廳嘅沙律材料都好豐富㗎👍🏼👍🏼，分別有青瓜、紅蘿蔔、薯仔、椰果、罐頭雜果等等👍🏼👍🏼～ 再飲番杯“熱菜蜜”，呢個組合真係唔錯！…Read More

一向唔多鍾意食飯當正餐嘅我，收到風話上環尾近西營盤有間⭐️級車仔麵店，咁就即刻去試試，一入舖就見到牆上面好多歌手、明星同老闆嘅合照，心諗會唔會又係“伏”店以明星作招牌！車仔麵就揀咗豬紅、咖喱魷魚、牛筋腩、咖喱魚蛋、幼麵配辣汁，4款餸都好入味喔～ 牛筋爽滑仲好有咬口添👍🏼👍🏼，至於“辣汁”就真係正👍🏼👍🏼👍🏼，令成碗麵增添味美！而小食今日就揀咗“腸粉+燒賣”同埋“香煎蘿蔔糕”，好有回憶嘅味道呀⋯⋯ 滑滑嘅齊醬腸粉再加彈口嘅魚肉煩賣👍🏼，雖然蘿蔔糕等咗好耐至嚟，店員話要用中火慢慢煎所以需時，但真係外脆內軟，好好味喔👍🏼👍🏼！…Read More

我哋一班成18人嘅好朋友，為每月一聚嘅飯局搵地方都好傷腦筋，係今年年中就比我哋發現Chez Bistro，佢不但坐位唔逼夾，更有一間房間可以容納晒我哋成班人，真係一個良朋歡聚嘅好地方👍🏼👍🏼👍🏼！佢哋嘅食品質素好高，單單頭盤嘅麵包係由法國急凍運過嚟，上枱前才焗香，我要食2個至滿足😋。而今次嘅餐湯係南瓜湯，飲落好香甜濃滑配埋粟米粒粒令口感更加豐富👍🏼。主菜我就點了“炭燒美國頂級黑毛安格斯腹心肉配檸檬蜜糖芥末牛油汁”，一上枱望落已知無揀錯，肉質軟、嫩、多汁⋯⋯ 雖然無一般牛排嘅油脂香，但都無減低佢本身嘅牛肉香，配菜嘅焗薯批都一樣做得出色👍🏼👍🏼👍🏼。另外朋友就揀咗“炭燒加拿大有機帶骨豚配乾葱紅酒汁”，厚厚嘅豬排外面燒得好焦香，咬落非常鬆軟，而配菜嘅薯蓉就滑滑中帶點點薯粒增強口感，真係令人食到停唔到口呀👍🏼👍🏼👍🏼。…Read More

都一段時間無食過“翡翠拉麵小籠包”了，今午就去試吓啦！裝修後感覺上因加多咗枱嘅數目，所以有d逼夾，落單後店員話食物要等15至20分鐘，我哋都乖乖咁等～ 但一等就係半個鐘，叫店員幫忙跟進一下，竟然聽到廚房有人叫岀嚟，話食物已做好咗一陣，你哋無攞岀去吱嘛⋯⋯😤“手抓餅”食落表面酥脆但頗油同糊口👎🏼，“上海炒年糕”味道尚可，但年糕一d都唔煙韌👎🏼，另外最後就係（唔記得菜色名）嘅“肉絲配薄餅”，肉絲可能落得太多鬆肉粉，所以肉質食落有d怪，薄餅可能放咗段時間至攞岀嚟，5片都好乾導致一放肉絲上去包嚟嘅時候全裂開，搞到一手都係醬汁👎🏼👎🏼👎🏼。除咗等食物耐之外，一坐落隔離枱已好勞氣咁同d店員講，叫咗你哋幾次埋單都無人嚟，我心諗唔通連埋單都要等，原來係真㗎，要叫幾次至有人攞張單埋嚟㗎😤😤！…Read More

先兩日至係電視節目睇到介紹日本人氣“龍蝦拉麵”，已經搞到我心癢癢，點知今晚搵嘢食時就比我見到「霸嗎拉麵」推出期間限定喇！就係😍“極上原隻龍蝦味玉拉麵”呀😋😋，店員話係每日限量供應㗎，另外仲叫咗個“雞叉燒辛辣雞白湯拉麵”添！龍蝦拉麵一上枱已忍唔住要幫佢影番幾張靚相，跟住更係飲啖香噴噴嘅熱湯啦，嘩⋯⋯湯底除咗有豬骨湯嘅濃厚味道之外，同時更有濃濃嘅龍蝦鮮香，熱湯掛滿係每條彈牙嘅拉麵上面，再食啖龍蝦，🦞肉質彈牙又夠豐滿，味玉（溏心蛋）就唔使多介紹啦，都係一樣咁好味，好👍🏼好👍🏼好👍🏼正😋呀！“雞叉燒辛辣雞白湯拉麵”嘅湯非常清甜，望落好似油多咗d咁，但其實食落唔覺油膩，反而覺得帶陣陣辣油嘅香，好醒胃喔！👍🏼👍🏼👍🏼…Read More

悠悠閒閒嘅週末做乜好呢，更係帶埋自己最愛嘅人岀去食好嘢啦！今日我就揀咗呢間係上環區嘅意式小店。今日叫咗3個午市套餐，而餐前就揀咗是日餐湯“南瓜湯”，個湯好濃郁細滑同埋唔膩口，啖啖都覺得好香甜，真係好好飲喔👍🏼👍🏼。“迷你野菌意大利雲呑配青衣魚柳大蜆蕃茄蝦湯”一上枱時就瀰漫住🦐香，我哋已急不及待將雲呑同湯放入口慢慢品嚐，雲呑嘅菌味同湯嘅鮮甜好襯呀😋，店員話我哋知佢哋係用上10個鐘去淆製鮮🦐湯㗎，所以非常鮮、香、味美👍🏼👍🏼👍🏼，再食一啖青衣魚柳同大蜆肉，嘩～絕對係鮮上加鮮～ 好正呀⋯⋯😋😋😋“安格斯芝士漢堡包配炸薯條”🍔，芝士已溶係漢堡扒上，再放上厚切微焦嘅洋蔥、蕃茄同一片酸瓜～ 一啖咬落去漢堡扒好Juicy、牛肉味好濃厚之餘再配埋香噴噴嘅餡料，食到停唔到口添👍🏼👍🏼👍🏼⋯⋯ 仲有薯條係粗身有口感嗰隻呀，好味😋😋😋“雞肉蘆筍黑松露忌廉闊條麵”🍝嘅雞肉好嫩滑，每條闊條麵都掛滿味道同濃淡剛好黑松露忌廉汁，自家製嘅意大利麵條有蛋香同質感煙韌，又係另一種唔同嘅享受喔👍🏼👍🏼👍🏼最後飲埋餐飲，杯Hot Rich Chocolate真係好rich啊☕️👍🏼👍🏼…Read More

知道尖沙咀又有一間新開嘅台式飲品店，而黑糖、珍珠、鮮奶呢個組合嘅飲品店，係香港已經開咗好幾間台灣有名氣嘅專門店，我當然有試過晒啦，每間都各有不同之處。今日我就嚟呢間新店同揀咗佢哋排第三位嘅“下站帖太極厚醇奶”。買完等待飲品時，發現佢哋好細心咁設計咗個飲品影相位置👍🏼，每個客人攞到手後就立即放杯飲品係度影番幾張靚相，我當然無放過呢個機會啦！😃😃講番杯“下站帖太極厚醇奶”，一攞上手同同類飲品一樣杯嗰底部係暖暖的，店員亦有溫馨提示要將面層嘅芝蔴粉同花生粉拌勻後才飲，嘩～嘩～嘩～好香、好Q彈嘅珍珠、好濃厚嘅鮮奶、好好飲呀⋯⋯ 可能係因為多咗芝蔴粉同花生粉嘅關係，令鮮奶更濃厚、更香喔👍🏼👍🏼👍🏼！…Read More

今晚遲放工，做得好攰所以就揀咗間近近地嘅餐廳同朋友食晚餐，一入嚟成間舖只得一枱一家三口嘅客人。餐牌好簡潔，有套餐同單點菜式，但價錢好唔算平喔，朋友就要咗個意粉套餐，套餐包括餐湯、沙律、自選意粉、甜品同飲品，因我攰到無乜胃口，所以就單點咗個“卡邦尼意粉”。套餐嘅南瓜湯同香芒雜菜沙律先上枱，我每款都試咗啖，尚算可以～ 朋友揀嘅“輕煎帶子配自家製香草醬意粉”，帶子一食就覺得唔新鮮，香草醬意粉味道只係一般，而我碟意粉嘅份量同朋友嗰碟一樣小，而且汁醬略咸，但值得一讚係汁醬係剛好掛係意粉上，最後套餐嘅甜品“朱古力慕絲蛋糕”同“熱情果紅茶”都係無乜驚喜。…Read More

依家搵間上海正宗老飯店已經好難，難得灣仔仲有呢間超過五十年嘅老飯店，更係要帶媽咪去試吓啦！一入去，見到一張張鋪著紅色枱布嘅枱，好有舊上海菜館感覺呀！一坐低侍應就放上每人一杯茶，就係呢杯好清香嘅香片茶呀～ 細個時最喜歡飲㗎，印象中只有去舊式上海飯店食嘢才會有的。今晚我就試咗幾個最平凡嘅上海食品，先嚟皮薄多汁嘅“小籠包”，再嚟係“上海粗炒麵”味道尚算可以，但可能係廚房已一早炒好用熱煱熱住嗰啲，所以較淋同碎，“青菜煨麵”都係一般，最後就係“砂鍋雲吞雞”，鍋內有四至六件雞同已滾到皮差不多甩嘅雲吞，同岀面食過用半隻或全隻雞上有唔同，湯頭味道濃郁，湯夠熱再加上大白菜絲，都算唔錯👍🏼👍🏼！…Read More

咁大個人都係第一次食無肉同有茄汁意粉🍝嘅漢堡包🍔呀，今日食嘅呢個就係MOS Burger期間限定“北海道薯餅漢堡”，一打開見到厚厚嘅炸薯餅已經流晒口水，仲有茄汁意粉、切得好幼細嘅椰菜絲～ 就忍唔住一大啖咁咬落去，薯餅表面香脆，裡面嘅薯茸非常幼滑，再加埋椰菜絲更加錦上添花，好好味呀👍🏼👍🏼👍🏼😋！MOS Burger嘅套餐係有得揀㗎，除咗一般薯條外，仲有厚切薯條、南瓜薯餅、摩斯脆雞、摩斯雞塊等等任君選擇👍🏼，我好鍾意“摩斯雞塊”好有雞味，加埋個“泰式甜辣醬”簡直無得彈👍🏼👍🏼！…Read More