garycheung01's Profile

嘢食一般，價格較貴，加埋一仲覺得唔抵。性價比低，無服務但收我加一服務費，繼續咁落去，香港餐飲業只會沉淪落去。啲枱枱凳凳係露營用嘅，張四人枱中間張枱會凹落去，張凳又矮，食得唔方便。有啲位置個天花仲滴水。成個場都可以帶狗隻入去，但用餐時成日都聽到好大聲嘅狗吠聲，用餐感覺不良好。用QR code落單，完全不需經人手，叫侍應斟杯水，職員就叫你去自助Bar度斟。喺手機上落單要求隻蛋全熟，因為俾小朋友食，佢上菜時仍然都係俾個半生熟嘅蛋我，完全冇服務可言。總括嚟講，不會再幫襯。…Read More

呢間嘢食咗想食好耐，但係見個餐牌都幾貴，唔捨得食，今日行過睇吓個餐牌見到個午市定食唔算貴，就一於入去食。兩人食午市套餐，叫咗個烏冬配壽司，午市套餐B手握壽司盛合，$88，再追加多個迷你魚生飯，$38，同埋豪華三色丼，$48，總共$300有找。啲烏冬又滑又彈牙，湯底鹹鹹地，好食👍🏻啲吞拿魚壽司食落甜既，又長，觀賞性高八爪魚彈牙，好食👍🏻個蝦天婦羅好香，雖然淋左，但唔油膩，蝦肉彈牙，好食。👍🏻座位地方闊落，坐得舒服👍🏻侍應招待殷勤，時常幫你清理枱上唔用嘅器皿👍🏻…Read More

諗住一試，試完就知中伏1. 啲食評話海膽鮮甜，親身試過一個海膽軍艦，有苦味，其實喺香港食大部份都會係咁，不過係冇之前啲食評話嗰種鮮甜。2. 賣相差，壽司飯上面啲刺身甩皮甩骨，一塊1刺身斷開兩塊，佢係日本嘅平價壽司，但係喺日本食平價壽司都唔會整到個賣相咁差。3. 性價比低，佢啲壽司唔係平，絕對唔可以話係平價嚟形容，爭鮮嗰啲先至係平，但食得爭鮮就預咗啲質素係麻麻，但係佢啲價錢又唔平，但啲質素同爭鮮差唔多。4. 唯一特別之處係有多種豉油嘅味道選擇…Read More

去昌運食過一次，one and only one，環境焗促，衛生情況差，勁多蚊滋係牆上，前菜無蓋好，任由放係室內，出食物又慢，位又窄，牛肉唔算特別好食，性價比低，唔食也罷…Read More

牛腩好重牛味👍🏼，不過今日晏左黎，無爽腩，下次再試，味道一流，雖然價錢貴左啲，但值得👍🏼，不過記得要早啲黎，因為爽腩好快無哂，平日開12點，我今日平日3點半黎已無…Read More

今日特登走去尖沙咀韓國街食韓食，間間都要等，咁求期搵一間等啦，等左一間叫亞之媽既舖頭，等既時候，已經聽到"黎呢條街選邊間食都好，都唔好食呢間"，我聽完個心立刻抽了口涼氣，到底需唔需要等第二間呢，但本著"唔試下又點知既精神"，繼續等落去，終於等到位勒，入到去坐低，個侍應就話"要一次過點菜"，ok呀，我好爽快咁叫左個牛肋骨飯同雞肉石頭鍋飯。首先係牛肋骨飯到先，一望到就心知"中伏了"，個賣相同我係祥華邨大排檔食既快餐一x樣，真係得幾塊牛肉同份量食唔飽既白飯，我仲要問個侍應"俾啲牛肉汁我好嗎？"，80幾蚊食啲咁既野😡。跟住到雞肉石頭鍋飯，賣相正常，真係一個石頭鍋，上面舖滿五顏六色既菜(其實都係芽菜，紅蘿蔔絲，生菜同泡菜)，睇落收得貨啦，點知當我想撈匀啲食時，撈極都搵唔到雞肉係邊，x街，說好的雞肉呢？！去到呢一刻，我真係無話可說，唔怪得睇電視見到啲韓星個個都咁苗條，原來係咁！我下次一定一定唔會再黎呢間食！…Read More