ManyiWong6094's Profile

雖然喺門口排咗一陣先可以食但食完都真心覺得好值得，會再食！🔶自選酸辣紅麵：自選系列選擇好多，而我就叫左紅薯粉，牛丸，麻辣雞肉，蟹柳，蘿白，翡翠苗。麵可以選擇淋，爽口，或正常。重口味既朋友仲可以追加芫茜。湯底酸酸辣辣幾惹味，又唔會好渴，紅薯粉索哂d湯汁一流！雞球夠嫩滑，蘿蔔又鮮甜，值得推薦🔶豬頸肉清湯紅薯粉：豬頸肉絕非浪得虛名。即叫即煎，非常香口又唔會乾哂，點埋秘製辣醬，非常好正。另外，我加左魚腐都值得叫。魚腐外皮係煎過，所以夠哂香口，好正🔶手拍青瓜，紅油拌皮蛋，紅油拌海哲：依三款小食都好入味，配菜亦都好足，開胃一流！結論係就算排隊都一定要試呢間米線！…Read More

原來銅鑼灣利舞臺後面都開左間西式素食餐廳Treehouse。當然要試下啦！🔶雪降烤餅：雪降烤餅就唔止係一塊餅，其實係一個有烤天貝、炸茄子、沙律菜既紅米飯。紅米帶點嚼勁，配上日式燒汁炸茄子，口感酥脆又 juicy，炭烤西蘭花帶淡淡煙燻香，沙律菜新鮮清爽，炸天貝更是外脆內軟，層次分明，每一口都滿足。🔶森林漢堡：漢堡同樣出色，紅菜頭和烤磨菇製成的漢堡扒香濃多汁，唔會輸比平時用肉整成既漢堡扒。連埋烤燈籠椒，蕃茄，生菜咬落去非常之一流。漢堡配上烤蕃薯條，外皮香脆內裡軟綿，唔會好似薯條咁dry。漢堡餐亦送沙律菜，絕對夠飽！最後仲叫左兩杯薑茶及檸檬特飲，消暑一流！食左咁多野，當然係飽肚滿足地離開啦…Read More

今日就去左旺角新開既金西南米線。金西南本身就係銅鑼灣起家，早排重新rebrand ，亦到衝出港島係旺角開分店，當然要再試吓啦！餐廳主打自選熱拌同酸辣小鍋麵。自選配料夠多，有豬肚、豬潤、肥牛、鹽香手撕雞、丸等等，非常豐富！辣度、醬汁以至配菜（酸菜、花生等）都可以可加可減，自由組合想食既口味！兩款自選麵都包份量好足既辣肉同配菜，抵食！🔶熱拌薯粉：醬汁夠哂惹味，撈薯粉一流，食完又唔會好口渴，唔錯。蘿蔔鮮甜無渣，星星鱈魚丸亦都好少搵到，加埋夠哂juicy既醬爆丸，好食！🔶小窩米線：湯底酸酸辣辣夠哂開胃，米線軟硬適中又吸湯。手撕雞同豬紅夠哂入味，豬潤亦都爽口！🔶麻辣手撕雞：雞肉幾嫩滑，亦都好入味，值得一試！…Read More

今日突然想食下泰國野，緊係去水門雞飯啦～🔶香辣肉碎煎蛋飯：愈簡單既野愈難做出水準。佢既肉碎炒得好香，加埋岩岩煎好既蛋，送飯一流。🔶冬蔭公海鮮金邊粉：依個非常抵食！絕對唔係搵蟹柳扮海鮮。有青口、蝦、仲要有魷魚！湯底酸酸辣辣，非常惹味！金邊粉亦都好煙un，好有口感！🔶西蘭花炒鮮魷：水門雞飯既炒菜一定要叫。因為重點就係佢既醬料！鑊氣夠，炒得好香。仲可以少油少辣，無咁邪惡！🔶原隻鮮魷魚：由於之前魷魚都好食，所以決定追加燒魷魚！魷魚非常爽口，仲要即叫即燒！配埋秘製醫汁，非常入味！最後我地再叫左龍眼水同美祿，每杯都係加多$8，夠抵啦！…Read More

原來太古城都開左天天海南雞飯，梗係要試下啦！果然冇令我哋失望😋🔶火焰石燒魷魚鬚：餐廳夠哂儀式感，即場燒俾大家睇。魷魚夠哂爽口，配埋醬汁夠哂開胃。🔶鴨胡椒羅氏蝦粉絲煲：第一次食依款蝦。原來佢係頭大身細，個樣幾得意。一咬蝦頭，蝦膏爆哂出黎，非常驚喜！蝦肉一d都唔梅，配埋粉絲好食。🔶豆漿海南雜菜煲：食左唔少heavy野，當然要清一清腸胃啦。雜菜煲夠哂足料，豆漿湯底豆味濃郁，都好夾！🔶班蘭汁椰奶鱈魚：原來係炸鱈魚粒。餐廳炸得非常香脆，咬落去仲有陣陣椰奶香。鱈魚都好滑!…Read More

今日心血來潮好想食湯湯水水，所以就去左位於銅鑼灣既餃掂手工餃子雲吞專門店啦。水餃皮好彈牙又唔會散開哂，食完真係超滿足！🔶至尊松茸豬肉湯餃松茸豬肉湯餃另配黑松露醬。未點醬前，緊係試下湯餃原味係點啦。一咬落去豬肉餃非常juicy，每一淡都夾雜住香濃既香菇味，好正。之後又試下點黑松露醬。黑松露醬夠哂香，點餃一流。另外，餃子亦送狀元九鼎湯，湯味鮮甜都好夾餃子。🔶壽喜燒牛肉湯餃子麵估唔到原來壽喜燒都可以成為餃子。牛肉味濃，加埋壽喜燒湯底夠哂惹味。🔶 黃金原味皮蛋第一次食依款蛋！原來成舊真係金黃色，絕對無呃你。味道都醃得唔錯。🔶 四川涼麵麵條爽口彈牙，撈埋辣醬同麻醬非常開胃！最重要係辣度同麻醬比重自己決定！🔶上湯菜心菜心夠曬鮮甜，配埋上湯清清地都唔錯。🔶檸檬薏米水食左咁多heavy野，加埋依排濕濕地最岩就似薏米水啦。酸西酸甜度，清熱一流…Read More

平時去親旺角都係集中菜街朗豪坊食飯。原來黑布街個邊都一樣有高質餐廳。今次介紹俾大家，就係申子居酒屋。🔶醬油漬吞拿魚丼：醬油醃製既吞拿魚鮮甜好食。加埋餐廳自家磨製既山藥同生雞蛋，撈埋一齊非常開胃，送飯一流！丼飯亦配麵豉湯同前菜，絕對抵食。前菜絕不是旦，有蛋卷、雞軟骨同已經去皮既蕃茄仔，非常好食🤤🔶蓬鬆玉子：依個蛋卷真係不得了。好多時不少餐廳蛋卷都會整到偏向乾身。但佢既蛋卷真係無改錯名，夠哂蓬鬆。一切落去，入面夾雜住拉絲芝士既蛋液就慢慢流出黎。玉子好滑，加埋鋪面既沙律醬蔥花，惹味到收唔到手🔶芝麻雞翼：雞翼炸得非常香口，熱辣辣送上，仲要皮脆肉滑，一流！…Read More

第一次食呢間位於新蒲崗嘅茶餐廳 - 力天冰室，估唔到勁有驚喜！我地就叫左兩款小菜。小菜套餐包湯（可以選中湯或紅湯）同兩碗白飯。中湯紅湯都好足料，又入味。🔶瑤柱鮑汁菜膽雞：今時今日已經唔係咁易搵到有菜膽雞。雞肉非常嫩滑，雞味又夠。配埋汁撈飯一流。冇諗過呢個價錢可以食到咁高質嘅菜膽雞👍🔶金銀蒜粉絲絲蒸鮮魷：魷魚非常爽口，又夠！炸蒜粉絲都幾入飯，又係送飯最佳配搭！每人各自加多$8就有特飲。特飲選擇多元化，連久違既龍鳳檸樂都有！仲要汽水原罐上，我地最後叫左龍鳳檸龍同青檸柚子梳打，消消暑啦！…Read More

食完覺得超驚喜嘅中菜廳！每樣餸都好高質🔶紫砂功夫燉湯：食中菜就緊係要飲湯啦！燉湯非常足料，有螺頭、雞、瘦肉、羊菌菇等。飲落幾清甜，唔會太油膩。值得一提係，湯係擺落紫砂茶壺，亦會有蠟燭長期慶住，可以一邊食主菜，一邊慢慢品嘗熱湯。🔶極厚切蜜汁黑毛豬：依隻黑毛豬叉燒非常好食！每塊都大大舊又熱辣辣。最重要係咬落去非常鬆軟，但又唔會太肥，食多幾舊都唔怕🔶魚湯魚腐浸勝瓜：魚湯非常鮮甜。勝瓜亦好爽口，配埋魚腐清清地都唔錯。🔶蝦多士：即叫即炸，所以一食落去非常香脆。蝦都好爽口，抵讚！值得一提餐廳開到一點。下次係銅鑼灣玩夜左，可以試下佢～…Read More

早排有事又要去新蒲崗，正當諗緊去唔去Mikki食飯時，發現原來Mikki對面既茶舍都唔錯！🔶豚肉斧頭扒煎蛋飯：有別於平時係茶餐廳既豬扒煎蛋飯，茶舍既斧頭扒除左大大塊之外，又唔會好乾身，夠哂juciy，加埋熱辣辣既煎蛋，送飯一流🔶龍蝦汁海鮮意粉：龍蝦汁好濃味，海鮮又非常足料，意粉煮得唔錯，有口感！🔶紅湯：紅湯質素喜出望外。濃濃既湯底，仲要有堆牛肉，非常好味！🔶鮮奶卷：依個甜品真係不得了。非常鬆脆，一咬就已經係鮮奶。鮮奶仲要炸完都好滑🔶柑桔炸雞：即叫即炸，所以上菜時都仲熱辣辣。雞件炸得外脆內軟，為依餐畫上完美既句號。值得一提，餐廳門口有自助水機可以等大家拎凍茶飲。天氣熱既時候，都可以飲住凍茶等入座，非常窩心既安排…Read More

今日去咗喺新蒲崗嘅Plato Cafe & Bistro我哋嗌咗兩個晚市套餐分別係紐西蘭肉眼牛扒 同 燒黃油春雞我哋仲加咗日式天婦羅魷魚鬚同埋北海道帶子沙律食完餐飯真係大滿足紐西蘭肉眼牛扒好juicy我哋嗌咗三成熟煎得啱啱好 完全係我哋想要嘅熟度牛扒嫩滑得嚟又保留到好濃嘅牛味至於燒黃油春雞都好正咬落去啲肉汁會直接流出嚟同埋又係好嫩滑😋小食最impressed到我哋嘅係日式天婦羅魷魚鬚！雖然佢係炸 但佢個外皮唔會太厚粉每條魷魚鬚都勁粗 絕對唔會食到成口炸皮然後無肉 係咬落去每口都啖啖肉 真心正而北海道帶子沙律性價比高 兩粒帶子都好大粒煎到外皮微脆 裡面又保留到帶子嘅鮮味！最後忍唔住食埋甜品先走嗌咗個牛角窩夫伴雪糕佢個窩夫真係超特別同其他waffle唔同 係做到好似酥皮咁咬落去係勁香 又熱辣辣 夾埋雪糕食真係不得了總括嚟講呢間餐廳性價比好高每樣餸都好有驚喜推薦大家去試吓！…Read More

今日去咗喺九龍城嘅小曼谷海鮮燒烤屋兩個人食 嗌咗個泰北火鍋，揀咗金不換湯底個火鍋勁足料海鮮份量好多，蝦同魷魚都好新鮮同彈牙仲有肥牛同埋豬肉片，值得一讚嘅係豬肉片真係好嫩滑其實食完個火鍋已經都幾飽 佢除咗有好多海鮮同肉之外仲有大量菜同埋有個粉絲 以呢個價錢嚟講真係好抵同埋個金不換湯底清得嚟又有啲香茅味，好特別，啱晒想試泰式風味火鍋又怕辣嘅朋友食完火鍋之後我哋嗌咗啲串燒帶子沙嗲串燒好香同埋juicy, 蕃茄仔配埋帶子食估唔到會咁夾最驚喜係佢個珍寶腸沙嗲串燒，完全係外脆內軟，跑落去又係有啲肉汁流出嚟雞腎沙嗲串燒好爽口，牛肉同雞肉串燒就好嫩滑，總括嚟講所有串燒都好高質九龍城咁多間泰國嘢，呢間真係會想keep住不停去！…Read More

天氣凍 決定同朋友食啲熱辣辣嘢暖吓胃食完成餐飯真係覺得自己完全無揀錯我哋嗌咗個'成年人不作選擇'芫茜刀削麵😂有三拼嘅餸 - 雞肉 豬軟骨 同特級手切牛頸脊一次過滿足哂我哋三個願望 唔洗左揀右揀！一上枱成個麵係勁滾熱辣 出哂煙個麵真係勁重芫茜味 份量又多三樣餸都好嫩滑又入味 70幾蚊就可以食到三個餸仲要份量勁多 真心抵！第一個面我哋就嗌咗秘製麻辣手撕雞手擀麵佢係將啲面切到薄薄地一片咁樣 軟滑得來又好煙靭 第一次試呢隻質感嘅面 加埋佢個藥膳湯底真係好夾個手撕雞又係好入味嫩滑 同埋佢個醬汁條配得啱啱好 有手撕雞嗰種麻但係又唔算超級辣 相信大部份香港人都啱食小食方面我哋仲嗌咗個麻辣豬肚同埋蔥油餅麻辣豬肚好爽口 至於蔥油餅就煎得啱啱好 夠晒鬆脆而且好香 成餐飯都食得超滿足好推薦大家去試吓！…Read More

今日同朋友去咗新蒲崗嘅好運泰國美食去到已經覺得餐廳環境好闊落 啲裝飾好有泰國風情我哋嗌咗泰式炸蝦餅，泰式船河，冬陰功湯粉同埋泰式燒魷魚筒全部嘢都好有驚喜！泰式船河同冬陰功湯粉我哋都揀咗要金邊粉，同埋雞肉首先佢啲雞肉全部都好嫩滑 完全唔會鞋啲金邊粉嘅軟硬度又恰到好處 泰式船河個湯底都幾香，而冬陰功湯粉湯底又唔會太過辣同埋佢嘅份量好足夠 我哋一人一個湯粉食完之後已經幾飽下至於泰式炸蝦餅上菜嘅時候已經熱辣辣外皮好脆 啲肉又好滑同鮮味至於燒魷魚筒又係即燒 個汁好惹味 酸酸辣辣地 夠哂開胃食埋兩個小食真係超級飽除咗嘢食之外我哋仲嗌咗支泰國象啤 勁大支 嗌一支其實已經夠晒兩個人飲臨尾再追加咗個泰式豬肉串燒又係啲肉勁嫩滑得來仲要燒到外皮微脆 好好食呢餐真係大滿足！…Read More

今日約咗同朋友聚會，想去間坐得舒服啲嘅餐廳，所以就揀咗去旺角嘅孖啡Cafe食飯餐廳環境真係好適合聚會，啲卡位都好闊落，而且有好多唔同嘅board game 玩！我哋嗌咗個明太子蝦球意粉，成個意粉都好重明太子味，勁足料，每啖意粉都食到一粒粒明太子。而且蝦球每粒都好大又彈牙🦐另外我哋仲嗌咗個焗豬扒飯，本身個炒飯底已經係粒粒分明同埋好香，抵讚！而且有好足料既芝士同埋好厚肉既豬扒，配埋個番茄醬，食完真係大滿足，勁飽！另外，我哋仲嗌咗個小食拼盤，有魷魚圈，洋蔥圈，薯角，雞翼，炸餃子等等。全部都炸得好香口同埋上碟係熱辣辣，同埋雖然全部野都係炸但係係一啲都唔會好厚粉，同埋每款食飯份量都好夠多，好抵食🙌🏻推介大家嚟開旺角可以去呢間Cafe食飯！…Read More