car-men的个人专页

路過小店， 見價錢幾抵，諗住試下佢嘅漢堡睇下得唔得。叫左個雙色芝士漢堡，加錢要左個果汁特飲同雙色薯條。個包幾好食，牛肉唔咸，肉味唔錯；薯條厚切好食；誠意之作。以後唔駛去路德圍嗰邊食喇😙…查看更多

今日一行四人叫左個$777四人豬牛雞90分鐘任食，連埋加一$854。見到雜誌介紹同食評唔錯，諗住一試，但發現中伏。首先服務好差，叫左嘢食成半個鐘先到，四罐嘢飲要催先至拎過嚟（汽水又唔凍），但嗰時12點零全場都無乜人；但埋單就非常準時，真係手腳慢啲都食唔到乜。啲肉食非常唔新鮮，醃得太咸，肉又碎又咬唔開，見圖五花腩得肥膏；五款豬肉但有三款無得揀（黑毛豬肩、護心肉、豬頸肉），咁點解唔一開始話比人知呢？成件事覺得比人呃左。成次韓燒感覺好似去食露天BBQ；啲肉根本入唔到口；未試過食任食食完都唔飽；寫呢篇食評只係唔想有人同我一樣中伏。P.S. 呢篇係我人生中第一次食評，真係好嬲先寫得出。…查看更多