麵包妹的個人專頁

好耐冇寫食評, 但係尋日個心太軟真係太好味, 一定要寫一寫! 今日早左放工,可以食到個tea set.真係好抵! 抵過dinner好多!叫左牛柳意粉$28, 再$10要個朱古力心太軟,再加$10飲個曲奇朱古力(有埋個雪糕球)個心太軟真係太好味啦!係我食咁多間最好味既, 仲好味過我之前在酒店食! 個cake本身自己同入面都好足料!雖然我好驚肥,都成個食晒!杯曲奇朱古力都好好飲,好夠味,仲有 好多曲奇在裡面.個牛柳意粉就ok啦,冇咩特別~牛柳有少少un.…查看更多

我同好朋友食early dinner 時段 (5:30-7:15pm),整體我覺d野好好食呀~個環境都好好(lee後時間唔會太多人, 但得1hr 45min都幾趕ga) !最難忘係蟹腳,好大隻,好多肉,好夠味!!!仲有龍蝦沙律,我好早到,所以仲夾到好多龍蝦. 到6點幾已經冇晒龍蝦,得返d沙律~哈哈鍾意沙律同甜品既朋友就岩晒啦,因為好多選擇.反而熱盤不太多(約8盤), 當中巴東牛肉好正呀!!! 仲有粉麵檔.最後緊係要講下澳洲m9和牛啦,我覺得不過不牛啦,都唔錯既~我地兩個人食,問人借左會員咭,所以變為buy one get one free,原本$188, 連兩人加一只係$226! 抵到爆!最後一句,大家一定要食蟹腳啊!!!!!!!…查看更多

同3個好朋友去食applegreen,試一試佢點解咁多好評當日早上先打去book位,但已經full晒,要walk in (如果大家book位,記住最少早一日)有一個好professional既waiteress同我地落單,話我地知邊d比較好食 (so good!)我地order左:蕃茄焗薯皮-上面有d 沙律醬+小小蕃茄粒, 味道一般牛油果沙律(半份), 棒棒雞沙律(半份): 可以叫半份,價錢都一半,真係好好wor!可以試多d呀嘛~沙律會有一舊合桃蛋糕o係面,我個人好鍾意食囉,哈哈!芝士通粉-幾好味,又平, only $22, 但真係好鬼"漏"香腸海蜆意粉(Pesto Sauce)-好好味呀!都好多料呀!Main Course - 野菌雞胸 - 好正,個雞胸好"淋",抵食夾大件!Chocolate Brownie Sundee - lee個份量好小呀,味道ok~唔特別.…查看更多

叫左2個set,可以選肉醬薯蓉or薯條蘑姑熱狗+肉醬薯蓉+Zero芝士肉醬熱狗+薯條+Latta薯條係美式薯條,即係粗身果種,好好味,仲熱辣辣ga!熱狗係即叫即整,個包都係熱ga!d料都好好味!但個熱狗真係好細,男仔係完全唔夠食,只可以當tea食~肉醬薯蓉: ok!杯latta(加三蚊)真係好淡,跟住叫佢加糖醬,但加完都係好淡,奇怪!…查看更多

終於來了!o係open rice見到lee間上海野好耐,但因為地點較唔方便一路都未能品嚐.這天去奧海城當然要試一試啦!二個人叫左:烤夫-幾入味同大碟,但比較油~小d油同多d雲耳會更好~小籠包 - 好得好得--皮薄多汁!我覺得好食過鼎泰豐!價錢又平d~八寶辣醬湯麵: 八寶辣醬有雞肉,冬菇,豆付干等等,不太辣.唔錯唔錯麵質很好，很彈牙,但份量不多小tips: 大家可以下午茶時間(星期六,日3-5pm)來食,真係抵食好多ga~…查看更多

TEA SET肉鬆厚土司+半熟蛋+南洋涷咖啡 ($28)肉鬆厚土司真係好好味!好多肉鬆,加埋練奶甜甜的,正!半熟蛋加左d豉油同pepper,ok,唔特別南洋咖啡: 唔特別班蘭蛋糕 ($13)質地:讚! -->非常鬆軟,但冇咩班蘭味價錢唔貴,環境舒服,野食都唔錯:會比個笑臉!…查看更多

一行九人叫了:welcome bread:難食而且凍的焗釀蘑菇: 好味雞肉凱撒沙律:非常一般茄汁肉醬千層面:麻麻地,同pizza hut差不多海鮮意大利飯:好味白汁磨菇意大利飯:失望,唔好食,炸魷魚:幾好,不過份量太小芝士薯片:唔好食,好奇怪!Tiramisu:好好味New York Cheese Cake(有人生日這個送的): ok,不過超級"漏",多人先好order真的有點失望,食物質素真的平平無奇.我只能說用咁既價錢係唔值既.…查看更多

一路覺得樓上cafe只得舒適既環境,卻沒有好質素既食物.panda house cafe令我好surprise!因為d食物真係好好味,再加上有heart既飲品,有外表有內涵. 特別推介:沙律, 肉醬意粉and白汁西蘭花帆立貝長通粉(真係好得!)Drinks 特別推介: coffee and Chocolate之於環境都很好,好多可愛panda裝飾.可以影下相呢~裡面有好多大枱,10幾人都坐到,一大班人不妨試下!不過記住book位~…查看更多

講真,o係官塘工廠區食野真係又貴又迫質素又低~但lee間新境界真係要介紹一下,特別係鐵板扒餐:首先d野食全部有相睇,睇岩先買扒餐d扒份量真係唔惹少!(女仔食,係會飽死~)可以跟飯,意粉,薯菜塊牛扒直情成塊鐵板咁大~大家可以睇睇張相.好誇張.個重點唔係大塊,係好味呀,咁大塊一d都唔老,好"琳"身~至於雜扒有雞扒,豬扒,腸仔,牛扒.又係會飽死!都好好味每日都有特飲送:我果日係柑桔lemon.講下環境,有好多位.都坐得幾舒服,唔駛迫餐死,不過都幾嘈ga~買左飛之後會有人拿來的.大家不妨去食下個扒餐~…查看更多

6點3去到已經滿晒座,好勁呀!好彩朋友一早到左!我地總共9男女,叫左以下食物~鹵水鵝片：鵝片好瘦,不過又唔會"老" wor,而且幾入味,好好!仲有d豆腐墊底,good!蝦棗拼墨魚餅：味道同口感都好好!有碟甜甜地o既汁"點",好好~脆皮糯米釀大腸：我無食到,真係接受唔到食大腸,過唔到心理關口,哈哈~我d friends話好得呀,裡面有糯米同栗子ga~家鄉煎蠔餅：好厚身,令人覺得好有口感,好脆口，好食!蠔仔份量過適中.蠔仔肉碎泡粥: lee個味道同材料分量ok!我好鐘意食方魚.所以覺得方魚少左d lor~魚湯浸菜心:lee個平凡既菜色做得好好!魚湯令到菜心好鮮味!菜心煮到剛剛好!名爐梅子烏頭-賣相ok,味道一般啦,可能有火燒住,所以覺得d肉有d老.潮式糖醋伊麵: 想食lee個潮州菜色好耐啦~有別於一般既炒麵係因為外面脆但裡面係"軟屬"o既.加埋糖同醋一齊就變左一個好有特色呢!好味!p.s 前菜三碟:都幾好味ga,可以送粥一大班人去真係幾好,有大圓枱.方便傾計呀!…查看更多

真係要激讚lee個四人半月鴨,海斑餐,全部都好好味呀,價錢又抵($398)SERVICE同環境都好好!頭盤:海蜇頭椒鹽豆腐-好好味呀!!!外脆內軟.非常惹味湯:蟹肉榆耳竹笙- 好好飲,唔會太杰主菜:半月鴨- 好味,不過冇咩肉海斑- 蒸得剛剛好,好嫰滑呀!!!花膠瑤柱浸茶苗- 非常正,好清但d上湯係好入味,瑤柱好"琳"包點:生煎包dessert:杏仁茶- 好味我地三個人食,因為唔會好油,所以都食得晒~呵呵~…查看更多

上星期六同fd食lunch. 好驚訝冇午餐,要散叫~ 牛肉餅:好味,d肉唔會好油~感覺唔會好肥膩素鵝:一般水準雪菜粉皮:好少雪菜,好多粉皮,味道幾好上海炒年糕k啦,幾惹味整體上都唔錯!份量都算幾多,我地2個女仔食極都食唔晒~哈哈service都幾好,頻頻來加茶呢~不過星期六冇午飯套餐,要散叫就比較貴啦~ …查看更多

奶蓋青茶($12)(等左約十分鐘)我本身唔飲奶茶,但都覺得好好飲wor!d茶好好飲,d奶好濃勁甜!我已經order半糖,但溝埋都係勁甜wor!!!我好懷疑係唔係半糖,因為真係太甜!但除了甜左d外,整體都好正!但要留意,飲晒成杯真係好飽ga!!!…查看更多

見到咁多好評,一於試下lunch buffet,比較平嘛.有恆生咭只係$198仲有welcome drink.一去到,比左個麵包籃+一碟魚子醬.我本人好鍾意食麵包,所以都食左大半,麵包質地好"軟屬", good!魚子醬就冇咩食到,因為我唔食既,真係side晒!出去拿熱盤,但選擇真係唔多呀!算啦~lee度係sell"貴精不貴多"~熱盤質數一般!天婦羅,鐵板燒,刺身and shusi係order既,唔駛出去拿~我覺得好味呀,一來係即叫即做,一定熱辣辣,味道都算好呀!刺身好新鮮!甜品方面選擇又係唔多~雪糕就得兩款:綠茶同士多啤梨~甜品質素都係一般!生蠔唔知.因為我同我個fd都唔食既~總括黎講,我覺得值得一試,環境真係好高級,另外有d食物又可以order,唔駛自己拿,會讓人有一種好悠閒好relax既感覺~但你問我會唔會再黎,就真係未必wor,因為食物選擇真係太少(對於lunch buffet而言)~…查看更多

d相大過1MB post 唔到, 真傷心>.<上星期六同左屋企人去飲茶.因為朋友話我知好抵食呀,原來大中小點都係$8.8 (11am-4pm), 係咁既地區,環境都有咁平既price,真係好難以相信~12點半入到去都唔駛等位!環境真係非常好,仲要唔嘈,正!!!因為係京川滬餐廳,所以除了經典點心外,有埋上海點心既選擇:鍋貼,紅油抄手,小籠包,酒釀丸子等等等等...岩晒我地lee班上海人o既口味呀!好,講返我地食果d先!叫左好多,當中推介個名稱可能有d出入...heehee)雪山叉燒包(勁好味~外脆內軟! 鍾意食墨西哥包o既必要試下!)雞肉酥 (個皮真係好好好鬆脆!),馬拉糕 (用個缽仔裝住,好熱好鬆軟!), 咸魚肉餅飯(抵食)奶皇丸子(真係流沙ga!)備註:1. 大中小點$8.8,好似只係適用於星期一至六2. 注意有d點心係特點, 要$22 (例如蝦餃,蝦腸...)…查看更多