ynaffi's Profile

同伴喜歡吃牛，我帶佢去試新野。舞特盛 $698🔸沙律唔錯,沙律菜係新鮮到爽脆的，脆脆的很清新。🔸泡菜少辣，惹味。我配鍋飯食好夾。🔸和牛四點盛和牛羽下同埋和牛肩三角都好好食。和羽下一放上爐燒，即刻搶火。油花好靚，入口即溶嗰隻！🔸夢之大地豚三味🔸日本産雞肉三味兩種肉都高質，豬肉更勝一籌。可惜分唔到係邊個部位的肉。🔸石鍋和牛牛肉伴飯估唔到咁好食。調味適中。牛肉係熟的肉片,我以為會係生肥牛。🔸上等牛舌薄切大塊，輕燒兩面即熟食得。軟香淋滑，嘴裡充滿滋味。🔸和牛肋肉眼看非常靚,油脂分佈平均。入口中上，我會比較推介羽下 。…Read More

放工後去食好西。想靜一點方便傾計，揀左將軍澳站，平日晚相對會少d人。🔸小食拼盤我諗要改一改名, 叫做大食拼盤。兩枱時真係有啲嚇一跳，好似畀相片中的還要大份。雞翼size本身都大隻，仲要有幾隻。另外有吉列蝦、薯條、芝士腸同炸腐皮。炸腐皮係腐皮夾住一舊類似貢丸的物體,幾好食的。幾款食物味道不錯，即叫即炸夠新鮮。🔸餐湯配酸種麵包是日餐湯係蕃茄忌廉湯，口感偏酸，我幾鍾意。可惜檯面只有胡椒粉而不是黑椒粒，否則味道嘅能昇華。旁邊的是酸種麵包，好驚喜！一般都是餐包，難得食到酸種麵包而且質量很不錯，有烘過的，熱烘烘的好好食。🔸沖繩柚子油醋烤雞肉南瓜沙律好大的一份沙律。烤雞扒的量比我預期中多很多。我喜歡他的柚子油醋，食落好清新配在雞扒上面，令到烤雞也不感到油膩。沙律菜和南瓜是預期中的新鮮香甜。🔸冬陰功波士頓龍蝦意大利粉價錢不貴的龍蝦意大利粉。龍蝦質素不俗，肉質不會黴黴爛爛。最驚喜的是冬陰功意粉，它的味道媲美好吃的泰國餐廳！冬陰功帶點辣，但係都冇阻我一口一口咁吃下去，真係好惹味。🔸炭燒頂級封門牛柳這個是性價比高的封門牛柳，因爲份量又係好多，一碟起碼有六、七大塊？味道方便，有肉味，稍有嚼頭。牛肉本身没什麽調味，配合旁邊的醬汁就剛剛好。食得一讚的是，旁邊的配菜絕不馬虎。有哮蒜頭西蘭花和焗薯粒。西蘭花真係好讚，未食過呢一種長腳的西蘭花，而且好嫰！通常外面食的蔬菜都係好硬，不知道係未夠熟還是其他原因，但呢度就唔會出現呢個情況。🔸百香果藍蝶花梳打有儀式感的梳打。藍蝶花糖漿係自己倒落去的，睇住佢又透明變成紫藍色，好鬼靚。🔸忌廉特濃朱古力我的comfort drink! 好邪惡但係好好飲，他的忌廉絕不手軟，令到成杯嘢飲落口好滑。🔸手作楊枝甘露這個新甜品是店員推介給每一台客人的，所以我也試下。又真係好好食喎！我本身已經好飽，但係都覺得佢好好食。可能因為甜品不太甜，食落去好清新，就算底部的奶凍都唔算甜，所以完全唔會覺得滯。果然冇介紹錯。🔸榛子朱古力杏仁蛋糕同楊枝甘露比，這個甜品會比較甜。稍炎朱古力蛋糕的朱古力味未算好強，不過鋪在外面的果仁碎係滿滿的真材實料, 真係贏曬，鍾意食果仁嘅一定會鍾意。平時呢類價位嘅餐廳，食物通常都是精緻嘅份量。然而, 這裏每一道菜式都份量十足，沒有揸流灘。食完感覺好似吃了一頓自助餐,真係要抱住個肚離開，好滿足。…Read More

上年食過一次覺得唔錯，今次帶朋友黎食。睇餐牌都幾多揀，點了個二人餐，包了幾道菜，實際上也夠吃，份量都好足夠。Pizza 二人餐🔸鮮打法式龍蝦湯配蒜蓉包龍蝦湯夠鮮味，真係飲到龍蝦味，仲有些龍蝦肉添！蒜蓉包恰如其分，蒜香足夠,我覺得夠外脆內軟，朋友話可以再熱d。🔸煙三文魚凱撒沙律雖然係經典菜色，我俾呢個都高分。因為三文魚係靚貨，油香足夠。沙律菜鮮甜，醬汁濃度剛剛好。🔸香煎澳洲安格斯肉眼扒配薯菜我幾中意呢個肉眼扒，五成的熟度唔會令到牛扒太老。我一向喜歡不沾醬汁吃，因為咁先食到牛扒本身的香。牛扒上面已經灑上鹽，食到牛肉最原始的味道。如果能保留更多肉汁就更好。配菜仲出色。薯蓉調製得好香好好味，散發牛油和奶香。🔸招牌明太子海鮮薄餅呢個配搭幾特別, 都幾夾。Pizza偏和日式口味，上面的紫菜同木魚絲有畫龍點睛的效果，直頭一上枱就聞到好香既木魚味。好滿意，下次想試填鴨那款。🔸啤酒。好開心！有啤酒飲！ 稍稍不夠凍，無損雅興。Asahi較清淡好爽口，配海鮮好夾。兩支都只係加少少錢。服務都幾好架，店員都好有禮貌。當晚是平日晚，坐坐下都見滿座，最好先訂座。…Read More

同伴中意食牛扒，今次同佢試一間主打阿根廷牛扒的餐廳。環境有點似間木屋，好有風味。餐廳環境係好坐既，好適合情侣拍拖，也適合三五知己聊天說地。近窗的位置我覺得似露台的設計，座位和枱比較高身，望住窗外，都幾chill.🔸Grilled Octupus salad我見主菜都有燒八爪魚選項，但怕食唔哂，轉叫八爪魚沙律。八爪魚Q彈有嚼頭，下面的沙律菜、青瓜蕃茄洋葱等等都好鮮甜，蒜味醬汁都配得好好味，酸甜鹹度適中。🔸Rib eye餐廳主打牛扒，當然要試下佢。上枱時牛扒在鐵钣上吱吱作響，香味撲向我個鼻度，已經好吸引。Medium的牛扒顔色好靚，裏面粉嫩的顔色，外皮 烤到好香，帶點黑色但食落唔覺佢燶左，有點脂肪但不油膩 。調味係少量的鹽，反而附著六款醬汁才夠精彩。經典的有芥茉醬；bbq醬配牛扒比較少見，味道帶點酸甜，有點像吃梅子醬，幾fresh。有三款則似香草醬加橄欖油，未試過咁既配搭但絕對係好食既！ 而我地最喜歡的是白色的蒜味牛乳酪牛油。牛油本身已經好香，被牛扒沾上後起了化學作用，將味道加乘。🔸Slow cooked beef tongue呢個牛脷係慢煮既，不是煎香嗰隻，所以唔係食佢既香脆同油香，而係軟淋。入口好易咬開，份量出奇地多。呢碟本身附有配菜如新薯和蘑菇等，都高質。🔸Mashed potato好食好食好食！重要嘅嘢要講三次！這個薯蓉係我食過既top 3。充滿牛油香，加左大量黑松露醬增添香氣，黑松露控會好中意。🔸Churros值得一讚既係，店員的服務係細心既，又不失令人舒服自在。我地已經諗住再黎食喇，for 慶祝節日都係好好的選擇。我仲想試其他款式食物呢！…Read More

呢間見佢周末要等位，搵左個平日去試下晚餐。🔸曼谷醉貓炒金邊粉好大的一份。店員話撈埋旁邊的芫茜更好食，果然冇介紹錯！又一隻大蝦再加幾隻中蝦，上面有一堆蛋絲增添口感。🔸手打月亮炸蝦餅4件好脆好有蝦味，仲要俾多幾塊蝦片，蝦片好好食。配左兩款汁，一隻係酸甜，另一隻係辣汁。我唔食得好辣，沾酸甜醬已經好滿足 。🔸金磚蒜蓉包4件🔸紅咖哩安格斯牛坑腩煲牛坑腩份量好多，有嚼頭，我尤其喜歡連住牛筋的位置。紅咖喱唔算好辣，配住蒜蓉包食好夾。🔸冬陰功紅蝦湯唔似平時飲開既冬陰功，好有蔬菜的清甜，原來加了好多紅蘿白和瓜等等，唔怪得似羅宋湯，好有益，值得推蔫！湯内有大蝦、蜆、青口等，我覺得口味偏辣，要叫番杯凍飲中和。🔸爆打鴨屎百香果茶好特別的味道，唔似平時的百香果，似青檸，爭d 以為黎錯飲品，擺了個烏龍。 整體上好清新，消滯解膩。服務都唔錯，我已經飽左，否則想試埋甜品。…Read More

好耐冇出尖沙咀食飯，條街又唔同哂舖頭。揀黎一間開業有一段時間的黑木亭，希望質素有保證。🔸M7澳洲和牛水菜巻金菇肥牛食很多，水菜肥牛卷就未食過。食物由鐵板上，熱氣騰騰～ 牛肉質素好，有牛香，牛卷上灑上黑椒，好香。包著水菜又解膩，比金菇更好。🔸155m珍寶燒蠔--黑松露牛油野菌好大隻的蠔！啖啖肉而且唔腥，满意它的鮮度。蠔上面舖上黑松露牛油野菌加香葱，真係不得了。由於野菌太多，食完蠔，都仲有剩在蠔殼内，用筷子夾起單吃都好好味。它另外有麵鼓醬和芝士味揀，下次會試下。🔸玉子燒汁脆活海鳗大大的一份，鰻魚塊size好大,厚切,口感一流。甜甜鹹鹹的融合，恰到好处。兩個人食會好满足，三個人分都好，每人兩件再留肚食其他。🔸熊之降臨豆乳豬骨鍋配M7澳洲和牛珍寶雜錦盤打卡一流之餘，好食。雜錦盤有M7牛肉、豬肉、帶子、冬菇、菜、寬粉等。肉的份量足夠，每一卷肉都大塊的，肥瘦度剛好；菜的份量用驚人黎形容。太好了，正好满足到食肉獸的同伴和蔬菜控的我。🔸紅火龍果佛手柑熊茶🔸芒果烏龍熊茶兩杯都好靚唔捨得飲。要比較的話, 前者會甜些，果味較重；後者就淡些，茶味會出些。 我係清淡人士中意後者，同伴則喜歡前者。餐廳都幾好坐，冷氣就一個個位有風。店員nice 的，整體都好滿意，可以再嚟。…Read More

總係覺得而家好多餐廳都唔係幾好食，今晚遇到一間好味既，想好好記錄佢。餐廳位於中上環，歌賦街有點點難搵。餐廳裝潢俾到一種黃昏chill的感覺，已經對佢有一份好感。坐下來後，店員會介紹菜色，大致上兩人叫6份食物就剛好。🔸Smoky hummus煙熏鷹嘴豆蓉配扁包食既。煙熏味好強，加上鷹嘴豆蓉不常吃，成件事好新鮮。食落仲有檸檬的清香同蒜蓉輕輕的辛辣感。🔸Flatbread扁包呢隻包好好味！嗰種質地同味道都係味食過既，雖然然係個plain包，但食落有清香的麥香,帶些鬆軟,非常配合鷹嘴豆蓉。🔸Feta蜂蜜烤費達芝士又一樣未食過既味道。一大塊費達芝士加蜂蜜要烘烤，熱辣辣的。芝士好奶香，加上蜂蜜的甜同蕃茄仔的酸甜，好複雜得黎係好食既。🔸Truffle duck tagine黑松露鴨肉塔吉鍋燴飯一上枱打開鍋蓋，香氣滿溢，黑松露香氣尤其出色，同蘑菇和鴨肉片香味相互相乘。 鍋飯加左隻雞蛋，除了有蛋香， 攪伴後鍋飯質地更加濃厚，滿足感十足。不過，建議這道菜要share, 一人食可能有些膩。🔸Beef kofteh牛肉串配古斯米沙律牛肉串以免治牛肉整成條狀，以長長的烤肉棒串起。下面舖了乳酪和蕃紅花蕃茄醬，可以直接融合牛肉一起吃。蕃紅花蕃茄醬唔會好搶味，作用係加乘乳酪同牛肉的味道，吊起一點清新。又一道令我滿意的菜色。然而，最驚喜係古斯米沙律。看似簡單的食物，反而令人拍案叫絕！它的調味微酸微甜令我好舒服， 車厘茄好新鮮，每一口都好似置身係郊外之中。🔸Konafa開心果雪糕好特別的配搭，雪糕下面係叫“金絲蜜酥”,類似係炸米粉咁。上桌時店員淋上玫瑰糖漿，所以金絲係甜甜的。撈埋一起吃，就會有雪糕的軟滑和凍，金絲的脆和熱，口感好得意。同伴好欣賞這道甜品，我稍嫌開心果雪糕偏向雲尼拿味，但整體上係好唔錯既。最後，我特別欣賞餐廳的服務。目測餐廳的店員和廚師都係全男班的，重點係店員好有禮貌，敬業樂業， 服務細心而不壓逼。100分！上菜速度比較慢,正好俾我慢慢歎美食，建議飲埋酒會更加chill。…Read More

想食印度菜又想坐好少少，經朋友介紹中環一樓上舖。果然，環境裝修高雅，好舒服，好好坐；店員都很nice。由於餐牌太多選擇，出現選擇困難症，店員亦悉心為我地介绍菜色 。🔸Non-vegetarian有tandoori nisha、fish Tikka, boti kebba等等，即雞塊、腸、羊肉、魚、蝦咩都有。其中，雞塊我最欣賞，做到入口嫩滑的口感。魚肉稍過鹹，蝦肉紮實不霉。🔸Chicken Makhni (Butter chicken)店員推介的，果然沒介绍錯 。個汁好滑，雞塊都有好多。加入葫蘆芭這種香料，更富層次。🔸Garlic nann, butter nann食印度咖喱一定要配搭既nann😍。都係選擇經典的garlic nann同butter nann。兩份都好正，前者會多一份蒜香，令人欲罷不能。🔸Mutton berliram我請店員推介羊肉菜色,他為我介紹這個。呢個汁較濃郁。加入了香料和香草慢煮而成的羊肉，每一口都在衝擊味蕾。有部分羊肉係帶骨的，但因為已經好淋，一口就散，所以好易食。🔸mango Lassi夠香濃，質感呈厚身。芒果味較真實，沒有香精味。🔸Rose Lassi比mango lassi稀，味道不減，有淡淡玫瑰清香。…Read More

記得很多年前來過尖沙咀分店吃燒肉，印象挺不錯的，現在又來睇下質素有冇下降。呢度的店員好friendly，幾細心。外面有泡菜、生菜可以自取。我好欣賞他們的泡菜雖然係任食，但一點都大馬虎。味道中上，首推醃蘿白。🔸牛肉眼大大的一塊，仲要好靚仔。就咁放上去鐵板燒，兩面用一兩分鐘烤香後剪開，好好燒。有肉味，有脂肪香，呢舊好味。🔸喜來韓豚五花肉已經醃好左的燒肉。個樣有點瘦, 但都好食的。🔸牛肉石鍋飯調味一流,仲有好香的蔴油味，足夠令我一口接一口咁食。🔸嫩豆腐湯濃郁質地厚重，和平時喝的口感有些不一樣。味道不錯，少辣。豆腐夠嫩滑。…Read More

好耐前睇過食評，吸引了我去試過午餐。突然想起這間餐廳，約了朋友試晚餐。不起眼的門口，可能經過了也不覺。上到二樓餐廳嗰層，突然就像換了個環境。除了藝術氣息，門外還有一對愛情鳥在迎接客人的到臨。餐牌以套餐為主，有好多選擇，每個餐有唔多配搭的湯和小食等等，有點花多眼亂的感覺，我呢d選擇困難症到花了好一陣子才選定食物。最後揀咗兩個晚宴套餐，分別係香煎刁草格陵蘭比目魚柳和火焰美國prime護心肉牛柳串。🔸前菜首先嚟嘅係前菜小食，係煙燻三文魚。下面墊住一塊去嘅餅乾，上面有一些黑魚子點綴。貌似普通嘅前菜，但係一食口就覺得很不錯。三文魚是靚貨冇腥味，帶著淡淡的油香，又同下面塊餅幾夾喎。上面的魚子則提鮮整道菜。🔸俄羅斯雜菜湯味道很豐富，很夠蔬菜味 ，卻不會過鹹，就是一切剛剛好的味道。🔸野菌湯（+$38）好似食緊很多蘑菇咁。🔸香煎刁草格陵蘭比目魚柳很大快的魚柳，但係冇將貨就價。好耐冇食過咁好味嘅魚柳喇。可能因為魚肉夠厚，做到外脆內軟嘅質感。咬落去啖啖肉好滿足，調味都係非常好，小小咸，多多趣，good!週年旁邊的伴碟蔬菜半碟蔬菜，都食得出那份新鮮。尤其係蘆筍，嫩得很。🔸火焰美國prime護心肉牛柳串上枱後，先嚟一個眼球上嘅滿足。店員會將牛柳串用火燒一燒，增加焦香。牛柳串嘅份量真係好多，我覺得一個人食係偏多的，最好兩三個人分享。牛柳食落有點似熟成牛嘅感覺，濃郁的牛肉味。🔸甜品拼盤晚宴套餐冇得揀甜品款式，不過我都好滿意當晚嘅甜品。每人有一杯tiramisu和一件迷你卷蛋。特別喜歡tiramisu，輕甜質地細緻。題外話，餐牌第一頁就寫咗老闆開呢間餐廳嘅心路歷程。食完之後更加體會到老闆對食物嘅認真和那種真誠，我食得到套餐的價值。…Read More

到韓國旅行時，食過當地的炸雞，滋味令人念念不忘。因此，都會在本地尋覓一下好味的韓式炸雞。比較早黎到，客人未算好多。職員安排了窗邊位置，可以遠望海景。🔹Half half fried chicken怕辣，揀左原味和蜜糖芝士。外皮好脆，裡面雞肉有肉汁。基本上原味和蜜糖芝士都是同味的雞塊，後者加了帶甜味的芝士粉，增加香甜度。🔹淑女年糕有魚糕、芝士，葱、年糕，熱辣辣上枱。餐牌標示一個辣，食落有點辣味但唔會好辣，適合唔食得好辣既人。🔹火炙牛上枱時，店員會在牛肉表面進行炙燒。食得出牛肉係優質的，如果燒耐點相信更加香。🔹芒果雪冰好香甜，正是熟悉既芒果雪糕味道🤤。不過冰融化後味道會較甜，最好快點食左去。…Read More

諗起上年食過既新強記，印象不錯，又約人去食。 今次唔食餐了，散叫。🔹雞粥 （一位）一位份量都幾多，兩位都夠食。我最欣賞佢既雞肉，熟得黎肉質係嫩滑的！🔹乳鴿 （一隻）即炸的，好惹味！今晚的好像特別完美，外脆內嫩。 附了喼汁和椒鹽，但不用點已經好夠味，鹹味也相當足夠。🔹咖喱牛腩見到係推介菜所以叫的。呢個咖喱係舒服的咖喱，不辣的。同其他餸相比,反而係最淡味的，正合我意。 雖然大部份小菜要過百元，但所有既黎既小菜都好大碟。 以性價比來説係高的。而當晚令我最深刻的係，餐廳內好多阿姐都好親切，好helpful。 即使係傳菜既都好好，全程食得好開心。 完全冇好多老字號的氣焰。…Read More

好耐冇食雞煲，約老死聚一聚。就老死附近放工，揀了附近的金樂軒。金樂軒係好傳統的小館, 好道地好local,我鐘意！未試過呢間雞煲，所以只要小辣。小煲都唔細喎。除了雞件，仲有蒜頭、芫茜、豆卜等等，所以雞煲一上枱就好香。雞煲（細）小辣係一開始食會感到有些辣，係舒服既辣，而且一路食會習慣的。個雞煲唔會愈食愈辣，幾好，啱晒我呢d微辣人。椒鹽羊排好多蒜粒，非常惹味,老死最愛。食落口好香，有羊味但唔會好騷。有適量的脂肪加乘，個油脂香味令人回味無窮。雖然隻碟唔大，食落其實份量好足。安格斯牛頸脊食左8成雞煲後加湯，用黎燙牛頸脊。湯底同牛肉幾協調，已經好夠味，唔洗另外醮醬汁。讚岐烏冬最後加咗一份烏冬黎索汁。係精華啊，就算已經飽左都食得落。順帶一提，老闆娘幾nice,會主動推介食物俾我們。👍…Read More

很久冇食韓燒，諗起喜來稀肉，原來旺角都有，好方便，即刻約埋朋友一起食。一坐下店員就準備烤盤邊的蛋漿同埋蒜片。外面有調味醬料、泡菜和生菜可自取。其中，白菜泡菜都有兩款，有喜來泡菜和酸味泡菜。兩款都唔錯，前者再添上淡淡的人參清香，好食得黎幾特別。我愛肉肉，一口氣嗌左三款肉肉：醬油烤韓豚、牛肋骨肉、牛護心肉。牛肋肉較淋身，富有牛香 。 烤韓豚有點像五花肉，雖然話係醬油，但唔算濃味，反而幾喜歡，食得番豬肉的原味道。叧外叫左石頭鍋飯，最冇期望，反而好驚喜，好足料好惹味。份量都唔少。盤邊的芝士蛋和淨蛋都好食，但都係芝士蛋香d。食完可以再加，不過已經開始飽，第二round只加淨芝士，一樣咁好味。…Read More

天氣熱，唔想煮飯 。買現成餸返屋企食最好，所以去左街市街嗰間燒味檔。糾結於燒腩仔還是叉燒🤔，見叉燒係是日特價，就扑搥食半斤叉燒。另外，按家人要求，加多半隻手撕雞。叉燒要半肥瘦，有些燶邊，肉質唔乾柴， 而且個汁唔錯，不會過鹹過淡。 下次我想要再肥多少少😬，入口再滿足些。手撕雞鹹鹹香香，好濃既沙薑粉味，送飯一流。去左骨，啱哂我呢d懶人。好快就ko左半隻雞。久唔久食下呢間，好過瘾。好味指數： 👍👍👍👍…Read More