litszzzching's Profile

唔講唔知原來灣仔大廈嘅25樓高空有一間主打食意大利羅馬菜嘅西餐廳，由意大利人主理，唔單止裝潢以意式酒館為概念，感覺古典優雅，仲有大屏幕播放羅馬影片，即刻感覺置身於羅馬🇮🇹🤣餐廳支持「Farm to Table」概念，99%食材均從意大利直送到餐廳，包括牛扒、牛內臟、蔬菜、芝士、醬汁、各款酒類等，帶來原汁原味的風味。🌟THE SUMMER IN ROME TASTING TOURANTIPASTI TO SHARE✨酥炸羅馬牛肚球✨薄切意大利生牛肉芝士火箭菜沙律✨炭烤煙燻芝士配蘆筍、烤蘑菇PASTA✨龍蝦小黃瓜扁意大利麵配車厘茄醬MAIN COURSE✨炭烤阿根廷肉眼牛扒✨羅馬風燴鱈魚柳…Read More

中環加州大廈嘅Porterhouse裝修後重新營業，由原本嘅7樓變到而家24樓，唔單止望到成個中環高樓大廈景色，環境更大更舒服✨最特別係逢星期四五六仲會有魔術表演🎭食食吓飯會有魔術師行埋嚟表演🪄😆可以近距離同魔術師互動真心幾Fun🤣前菜方面叫咗紐西蘭三文魚同薄切黃尾鰤魚，黃尾鰤魚嘅醬汁係用咗Tigermilk，所以好重椰奶香😋豬肉鼠尾草腸卷外層係金黃色嘅酥皮，配上蕃茄辣椒醬好惹味! 牛扒方面，我哋叫咗美國黑安格斯西冷牛扒同紐西蘭純種和牛肉眼，兩款煎到五成熟好粉嫩😚西冷感覺肉味比較香濃，而和牛肉眼脂肪比例較高，食落口感更柔軟，牛油味更香🥰🌟N.Z. Ora King Salmon $138🌟Hiramassa Kingfish Ceviche $138🌟Pork & Sage Sausage Roll $48/pc🌟Mi-So-Corny $78🌟Sticky Eggplant $98🌟Striploin (7oz) USDA Prime Black Angus $358🌟Rib Eye (70z) Full-Blood Wagyu, Carrara,New Zealand $378…Read More

經過中上環發現COA酒吧對面開咗新嘅意大利餐廳🇮🇹入夜後餐廳環境昏暗，每枱仲會放置燭光🕯️氣氛超級浪漫🥰餐廳大廚Gabriel來至意大利佛羅倫斯，希望更多香港人食到意大利北部嘅傳統米蘭菜😋最特別係餐廳中間地下有個米蘭公牛嘅圖案，店員話圍住轉一週嘅話成個星期都會得到幸運之神嘅眷顧🤣🍀所以每枱食客臨走之前都會圍住順時針轉一個圈！🌟Mondeghilli Meatballs $98
店員超推介嘅米蘭炸肉丸✨望落好似西班牙可樂餅haha外層好酥脆，中間肉味香濃而且好juicy! 上面加入蒜香蛋黃醬更加惹味🥰🌟Fegatini $128
好鍾意呢款雞肝醬多士💗最特別係雞肝醬上面有一層Campari利口酒果凍，筆出嚟好似奶凍咁好smooth🤤雞肝醬好軟滑，上層Campari加入酒味又幾得意🧐香煎布里歐麵包口感係超級鬆脆🥺😭而且好重牛油香！厚厚地搽上凍冰冰嘅雞肝醬超好食😍🥹🌟Pumpkin Gnocchi $178個人認為係喺香港食過最好食嘅Gnocchi🥺❤️口感超級煙韌，而且咀嚼間都會食到南瓜嘅清甜🎃醬汁方面用咗巴馬臣芝士忌廉，creamy得嚟芝士味濃郁到不得了🥹💛不過份量有啲小，兩個人瞬間清晒😢😂🌟Cotoletta alla Milanese $568都係店員推介嘅米蘭炸小牛排！上枱俾佢個size嚇親🤣真係斧頭扒咁巨型😳感覺有啲似吉列豬扒，外層沾滿木糠後炸到金黃色，口感酥脆，中間一切係爆肉汁💦😋肉質柔軟而且脂肪比例平均，只係食到最後有啲漏🤣🤣🌟Verdure dell'Orto $78side dish叫嘅烤蔬菜～🌟Tiramisu $98來自餐廳成員Emanuele嫲嫲嘅食譜🤣店員一大盤拎出嚟刮咗大大殼俾我哋😋mascarpone cheese超級軟滑!!口感好濕潤而且重酒香✨真心好好食!!🌟Almond panna cotta $88我諗係全港獨有嘅panna cotta🙂‍↕️上面有粒粒杏仁脆糖勁crunchy!店員仲會即場加入義大利橙香艾酒果醬，橙皮嘅甘香令整體更清新唔漏🤤🌟Lemon Spritz $98意大利檸檬酒、氣泡酒同梳打水🌟SBAGLIATO $78紅色香艾酒同Campari，氣泡酒Prosecco…Read More

原來Pica Pica同Barbar集團最近喺灣仔船街開咗全新嘅PINTXOS by Barbar，由西班牙25歳靚仔主廚Xavier Pla主理，係全港第一間Pintxos Bar!!🤩Pintxos嘅西班牙文係指「插食物既竹籤」，以竹籤將食材固定喺麵包上，放喺吧台上讓食客以自助式享用😋最得意係呢度採用粤式酒樓點心紙嘅形式🤣店員會派印章紙，喺counter睇岩食物就同店員講，等店員吸印仔之後可以將pintxos拎返自己座位享用，好鬼得意😎From the Counter🍢Classic $32🍢Signature $45個人推介:🍢Egg + Spicy Mayo🍢Avocado, Anchovy, Tomato🍢Chorizo Quiche🍢Mushroom Quiche🍢Cod Brandade + piquillo除咗喺counter拎嘅冷盤pintxos之外，仲有各款即叫即製嘅熱盤pintxos同其他西班牙小食，每款都可以一件或者一份咁嗌，而且單價唔算貴，即使兩個人嚟都可以試到好多款😍！最推介係鮮味炸彈西班牙紅蝦🦐蝦頭真係爆哂膏好正😍煙燻牛肉Bomba其實好似西班牙可樂餅～中間薯蓉超級綿密仲有好多煙燻牛肉粒！同埋一定要試Broken quail egg!!😝下層係焦糖洋葱，上面再加入西班牙辣肉腸粒同奶油薯蓉，最後鋪上以榛子牛油炸香嘅麵包碎同煎鵪鶉蛋，撈勻一齊食勁好味！美國牛柳伴鵝肝配佩里戈爾汁真心邪惡😍入口鵝肝嘅油脂係口腔爆發，配上柔軟嘅牛柳簡直係Perfect Match🥹From the Kitchen🍴French Oyster Daniel Sorlut served natural $68/pc🍴30gr Ibérico ham "Paleta" $85🍴Spanish red prawn "plancha" $118/pc🍴BBQ beef rib "Bomba", all-i-oli $35/pc🍴Broken quail egg, potato parmentier, chorizo, migas $48/pc🍴Beef tripe "callos" with pork chorizo, morcilla and chickpea $68🍴Foie gras pintxo, candied onion, balsamic $88/pc🍴40gr US beef tenderloin, foie gras, périgord $125最後一定要試埋西班牙傳統嘅甜品🥰西班牙焦糖燉蛋超級軟滑，每一啖都食到濃郁嘅蛋香同焦糖香🍮而另一款傳統酥炸甜品 Xuxo有啲似牛角包🥐外層炸到金黃酥脆，中間係catalan cream，爆餡得嚟超級creamy!!Sweet🍮Traditional Spanish flan $28🍮"Xuxo" filled with catalan cream $35🍹Red Wine Sangria $83🍹Cava Sangría $88…Read More

唔講唔知原來北角Hyatt Centric酒店有間咁浪漫嘅空中餐廳💗唔單止可以飽覽成個維港海景，而且成個環境都好有情調🌹最近餐廳加入全新菜式嘅「Feed Me晚市套餐」兩個人就可以食到九道東南亞菜式，每碟都好大份，就算男仔都一定食得飽😂！🌟FEED ME Menu for 2p.p👅Hiramasa Kingfish Sashimi油甘魚刺身油甘魚刺身好肥美，而且青檸香草醬好清新!👅Blue Swimming Crab Salad藍花蟹沙律 鮮甜蟹肉配上花生醬、椰子同各種香料，味道好似喇沙咁，配上泰式青檸多士同鬆軟嘅香料麵包都一樣咁夾🥰👅Changs Pork Belly Ssam豬腩肉生菜包豬腩肉燒到焦香，肉質厚實但略嫌有啲乾，配上芥末同薑蓉包住菜一齊食都幾滿足～👅Cheeky Massaman馬沙文咖哩燴和牛面頰肉超級鍾意呢個和牛面頰肉！大大嚿，而且肉質超級軟腍🥹真係入口即溶嘅感覺💗咖喱偏甜，但係味道非常濃郁！👅Black Pepper Tiger Prawns黑胡椒虎蝦虎蝦成隻手掌咁大隻😳醬汁非常掛汁，蝦肉彈岩惹味～👅XO Cauliflower XO醬炒椰菜花👅Roti Canai印度薄餅一定要配埋個咖喱一齊食🙂‍↕️🙂‍↕️👅Egg Fried Rice蛋炒飯唔明點解可以仲有一大碟炒飯🤣男仔一定會飽！👅Matcha Tiramisu抹茶提拉米蘇甜品都超級大杯😂上面一層抹茶忌廉，配上紅豆同蕨餅，下層係Espresso同手指餅，質感非常濕潤而且重咖啡味，反而抹茶味比較淡～…Read More

男朋友生日正日決定二訪呢間我心目中Top3嘅香港餐廳🥰主打食中西日結合嘅fusion餐廳🍽️ 「WAKARAN」名係採用17-19世紀衍生既和華蘭文化作意念，將日本之「和」、中國之「華」同荷蘭之「蘭」三者融合🙂‍↕️每一道菜式都食到中西日嘅元素🤞🏻吧枱仲有開放式廚房全程睇住廚師認真咁準備食物添🥰🌟4-Courses Weekend Brunch $298 p.pTO BEGIN🍽️Bread n Butter Milk Foam餐前麵包竟然係我最愛嘅煉奶炸饅頭😍外形好似刈包，炸到金黄色🙂‍↕️重點係！煉奶竟然打成泡沫🫧輕盈又creamy🥹夾住食好食到暈低😭STARTER (Choose Two)🍽️Beef Tenderloin Tartare Black Pepper Rice Paper + $28牛肩肉他他搭配自家製黑胡椒米紙😌米紙好脆，咬落好似蝦餅🤣配搭口感軟腍嘅他他都幾夾～🍽️Typhoon Shelter Calamari Sweet Chili (Min. 2 persons)反而呢個避風塘炸魷魚就正常發揮～冇乜特別可以試其他haha🍽️Slow Cooked Egg Chanterelle Potato Foam呢個有驚喜🤩慢煮流心蛋上面係薯仔泡沫，蛋汁配埋爽彈嘅雞油菇口感好rich好正！MAIN DISH (Choose One)🍽️K.F.C. Sichuan Mala Pepper & Yuzu Honey, Loaded Fries加入咗四川麻辣醬同柚子蜜糖嘅韓式炸雞🍗炸雞大件香脆，不過肉質有啲乾，反而隔離嘅芝士薯條勁好食😍外脆內軟仲要勁多芝士醬🤩🍽️Misoyaki Black Cod Chencun Rice Sheets新版鱈魚西京燒🫢湯底加入蜆肉同菇菌，每啖都好鮮甜，最特別係竟然加埋陳村粉，吸滿湯汁夠滋味😛SWEET (Choose One)🍽️Pistachio Affogato Hong Kong Milk Tea Gelato +$18必叫！！開心果醬掛杯配上港式奶茶Gelato，茶香味好重，打卡同味道都一百分‼️🍽️Chocolate Brownie Raspberry Chili朱古力Brownie都做得好濕潤～配埋Raspberry酸酸甜甜幾清新…Read More

夜媽媽經過大坑，發現原來呢度有一間超隱祕嘅西餐廳，一個唔小心都會skip咗佢😳餐廳入面都係採用全黑嘅型格設計，昏暗燈光勁有情調🖤超級適合拍拖同chill drink🥂餐廳主打食西班牙菜，唔講唔知原來佢哋已經開咗10幾年，只係老細最近重新裝修改埋名，就睇吓質素如何😆🌟Anchovies & Tuna Salsa Toast $148超級鍾意呢個前菜!!!多士烘到超級脆身，上面放咗吞拿魚他他、鯷魚、蕃茄粒同紫蘇苗，一咬落去蕃茄勁爆汁💦整體味道超級鮮甜!😋🌟French Baby Blue Mussels $198老細採用法國藍青口，雖然細細隻但肥美唔腥，重點係成兜份量好多好澎湃😆醬汁加入龍蒿葉同白酒調味，入口香料味重，更加突出青口嘅鮮甜!🌟Signature Roasted Suckling Pig $348老細話呢碟燒乳豬賣咗10幾年都仲係招牌菜😆差唔多每一枱都會叫😌冇加啲咩特別香料，純粹用鹽同初榨橄欖油醃，放入雪櫃吹一晚即叫即燒，上碟熱辣辣出哂煙，外皮係超級脆，中間肉質軟嫩而油香十足，另外可以淋上自家製杏脯醬紅酒汁，酸酸甜甜中和油膩感🥰真心好出色！！🌟Beef Cheek Tagliatelle $268另外叫咗呢個慢煮牛臉頰肉闊蛋面～意粉彈牙有口感，牛臉頰肉非常軟腍，醬汁鮮甜掛汁而且好香蕃茄味，連上面嘅芝士都可以拉絲😆不過牛臉頰肉切粒就唔係太食到牛肉嘅口感🧐呢個位有啲可惜！🌟Apple Crumble $88最後連甜品都好有誠意🙂‍↔️Apple crumble焗得超級酥脆，中間蘋果粒好香甜，仲有淡淡嘅玉桂味，配埋雪糕冰火交融 超 級 正！🥹🥹…Read More

呢晚同男朋友拜訪了由着名日本料理藝術家Masa-san藤澤昌隆主廚開辦嘅炭火割烹料理店，主打採用日本北海道本土食材，烹煮一連串嘅特色日本料理✨🍢🍱環境優雅寧靜，吧枱為主，可以直望師傅炭火燒烤，儀式感100分🙂‍↔️🌟SATORI TASTING MENU $980✨前菜🥢雞皮啫喱🥢海膽玉子🥢鰻魚青瓜🥢鴨胸配法國露荀四款前菜都好有誠意，尤其係雞皮啫喱口感好有趣，而且啫喱嘅雞湯味非常濃郁～海膽玉子都非常鮮甜而質感濕潤😋✨刺身🥢赤身 配柚子胡椒🥢煙燻馬駮魚🥢真鯛 配柚子醋🥢螢光魷魚四款刺身都高質！馬駮魚經過煙燻後好香，而螢光魷魚係一咬爆汁💦✨雞白湯 雞白湯配上自家製嘅雞肉丸子，特別鍾意佢嘅雞肉丸子爽口彈牙！✨燒物🥢燒三文魚腩廚師想呈現北海道名產鐵板燒料理鏘鏘燒，以燒香嘅三文魚腩配上蔬菜味噌，簡單而美味😋🥢燒羊架羊架超香炭燒味！中間肉質非常軟嫩又唔臊，配上德國咸酸菜同西蘭花蓉炒成嘅醬料感覺幾清新，仲可以解油膩～✨沙律沙律菜配上北海道炸水八爪魚同炸薯仔絲，冇諗過炸水八爪魚煙韌得嚟口感非常軟嫩，好似麻糬咁好得意！✨煮物🥢角煮銀鱈魚銀鱈魚肉質鮮嫩而魚油味好出，而且蘿蔔好鮮甜～🥢角煮豚肉豚肉半肥瘦，而且超級軟腍同入味！特別鍾意佢嘅醬汁，唔知點解有一種焦糖爆谷嘅味🤣甜甜的好神奇～✨炭燒和牛和牛油脂豐富，配上香菇醬同蘿蔔醬油更加帶出和牛嘅香味☺️✨和牛釜飯 +$98全晚最特別就係呢個釜飯！釜飯上面鋪滿和牛，店員將飯攪勻後會加入紅薑～最特別係佢哋會拎出七款調味料俾我哋自行加添🧂逐款試味好似做實驗咁🤣🤣🤣第二碗仲加入熱湯變成茶漬飯😚兩款都好滿足～✨赤麵豉湯✨紅豆白玉豆腐雪糕…Read More

前排同朋友二訪呢間位於中環蘭桂坊附近嘅兩層高西班牙小餐館🇪🇸開業一年水準依舊地好，而且並沒有加價🥹✨$688嘅晚市二人套餐人均$300幾蚊就食到六道菜，真心性價比很高呢🥰超適合約會同慶祝生日🎂特別日子嚟仲送即影即有📸🌟Moodie Tasting Menu $688/2p.p✨芝士脆卷配牛肉他他✨黑松露比基尼三文治✨法式藍芝士藍青口✨蒜香大蝦火山扁意大利粉✨慢煮伊比利亞黑毛豬配秘制杏脯醬✨自家製提拉米蘇夢幻雪糕配特濃咖啡啫喱兩道前菜都有誠意，鍾意軟嫩嘅牛肉他他配薄薄嘅芝士脆卷，口感滿滿🤞🏻法式藍芝士藍青口細細隻但夠大兜，而且藍芝士汁好濃郁creamy✨成晚最鍾意蒜香大蝦火山扁意大利粉😍廚師老細用咗好多蝦頭去煮醬汁🦐🦐每條意粉都沾滿蝦汁，蝦味濃郁到癲咗🤯意粉彈牙重蛋味，真心好好味😋😍最後要試埋自家製嘅提拉米蘇雪糕🤞🏻外層Tiramisu包住冰凍嘅雪糕，配埋crumble同咖啡啫喱味道層次一流🩷…Read More

位於尖沙咀ISquare 的28樓嘅呢間日本餐廳唔單止對住成個維港夜景🌃而且以「熊本城」為設計藍本，仲有日籍師傳擔當主廚，有時仲會見到日籍和服美人招待！👘🎎務求提供最好嘅體驗俾每一位客人✨餐廳引入熊本縣產食材，提供多元化食物選擇，除咗有廚師發辦，仲有各款日式料理同鍋物，午市更有定食同會席料理🥰呢次主要食A La carte，居酒屋價錢仲有維港景，性價比非常高😝🌟鯛魚白子🌟炸白子春卷🌟他他醬炸雞🌟新鮮刺身盛合5款 $290🌟明太子蛋黃醬燒炸豆腐 $50🌟鹽炒青椒雞腎 $100🌟燒牛舌扒 $180🌟吉列熊本黑毛和牛『和王』 $280🌟熊本黑毛和牛『和王』扒丼 $150🌟熊本晚柑梳打 $58🌟柚子梳打 $48…Read More

⚠️‼️野豬出沒注意🐗一向出名多嘢食嘅銅鑼灣澳門逸園中心最近開咗新居酒屋🎏🎉由靚仔老細 @chef 主理，主打食唔同嘅居酒屋料理，主廚非常友善細心，唔單止照顧每一台客人嘅需要，而且不時會同客人傾偈交流✨😆重點係每樣菜式都好好味，絕對食得出廚師嘅心機同誠意！🌟燒牛舌扒 $168‼️大家必須要叫呢碟燒牛舌扒🥹‼️食完之後直接榮升我喺香港心中top 1嘅燒牛舌🥇❤️🥹牛舌經過多小時慢煮，色澤粉嫩有油光，咬落去帶微焦香，口感超級爽彈同軟嫩🥹😍完全唔需要費力咀嚼😝每咬一口牛油香都充斥口腔，真係超級好食🥹個人特別推介可以點少少柚子鹽同Wasabi一齊食，超級惹味des!🌟明太子玉子燒 $68做得好出色嘅玉子燒🥰✨又係差唔多每一台都會叫😝玉子燒超級嫩滑，差唔多一夾就散🤣入口係超級水嫩，中間仲有海量明太子醬‼️玉子燒味道偏甜，同明太子嘅鹹香互相平衡，味道啱啱好🥰🌟汁燒豆腐 $30即使串燒都係誠意滿滿💛豆腐用火槍燒到非常焦脆，充滿焦香味嘅外皮下面嘅豆腐係充滿醬汁嘅香甜，超級水嫩juicy😋💦🌟野豬卷 $168卷物中間有吞拿魚蓉，上面再放上海量三文魚籽同海膽😋一啖食落去係超級鮮甜！一啲腥味都冇🥹連平時唔食生嘢嘅朋友都食到😝🌟帶子三文魚籽 $55酥炸帶子放上自家製蛋黃醬同粒粒三文魚籽，口感豐富而且鮮味十足✨🌟吉列芝士火腿 $48炸到金黃色，口感酥脆，中間係超級多芝士，絕對係邪惡之選😈🌟關東煮🍢 我哋叫咗蘿蔔、煙燻小香腸、牛筋肉、竹輪同油豆腐，蘿蔔吸滿湯汁，超級香甜😋牛筋肉大大串，而且肉質非常軟腍！🌟柑桔冷素麵 $38最後一定要食返一個清爽嘅冷麵😆麵質非常煙靭，配埋清甜嘅柑桔醬油解膩一流😋另外我哋仲叫咗….👇🏻👇🏻👇🏻🌟野豬薯仔沙律 $48🌟麻香鹽漬刺身 $58🌟野豬飯團🍙 $38🌟鱈魚乾 $48🌟鹽燒豬腩肉 $38🌟白桃紅茶雞尾酒 $78 🌟巨峰柑橘雞尾酒 $78…Read More

呢間位於上環荷李活道，外牆鮮橙色嘅意大利餐館足足有兩層高，半露天位置最啱同朋友嚟食吓pizza意粉🍕🍝飲返兩杯夠晒chill🥂依家週末限定嘅weekend brunch一個價錢有齊晒四款前菜、主食、甜品同包兩個鐘嘅無限暢飲😍✨真係超抵！🌟Detox Brunch: $398 + 2小時暢飲果汁、汽水及無酒精雞尾酒🌟Party Brunch : $498 + 2小時暢飲紅白酒、啤酒及精選雞尾酒STARTERS ✨ENDIVE SALAD✨POLPLETTE DELLA CASA✨BRUSCHETTA 208✨INSALATA RUSSA前菜方面最鍾意意大利蕃茄肉丸，牛肉味超級香濃！BRUSCHETTA 208係招牌蕃茄芝士多士，上面有濃厚嘅布袋芝士，啖啖滿足🥰MAIN✨TAGLIOLINI AL TARTUFO +$48✨SQUID INK CASERECCE我哋叫咗兩款手工意粉，黑松露細扁麵用咗油封紅蔥牛油去煮，油香滿滿，上面仲有即刨嘅黑松露片🥰墨魚汁麻花捲義大利麵配料好豐富，重點係呢款意粉超級掛汁，每一啖都食到清新嘅羅勒醬同檸檬汁😋DOLCE✨BRIOSCHE SICILIANA✨TIRAMISU甜品方面，試咗法式布里歐麵包同招牌Tiramisu😋布里歐麵包口感鬆軟，配上凍冰冰嘅開心果Gelato真心冇得輸💚Tiramisu忌廉好軟滑，酒味同咖啡味都非常平衡💕另外生日嘅話店員仲會準備手寫生日碟同即影即有生日卡📸真心儀式感滿滿💖…Read More

呢間喺中上環新開業嘅法式小餐館係由兩位法式三文治小店Croque嘅年輕法國人老闆Remi Brunet同Clement Jacques創立，並由經驗豐富嘅主廚Cedric Tsia掌舵👨🏻‍🍳Cedric仲要係出身於著名嘅兩星米芝蓮餐廳 Amber同一星米芝蓮餐廳餐廳Belon同Louise Hong Kong㗎🤫餐廳主打食正宗住家法國菜，裝修環境都好有法式酒館嘅溫馨感，而且平日lunch set低至$198，性價比好高😋🌟Oeuf Pané $138呢道脆炸有機溏心蛋係餐廳招牌前菜，一切開中間蛋汁超流心！醬汁creamy軟滑，有啲似吉士達醬～上面仲有香脆嘅煙肉🥰口感都幾豐富，不過炸皮就未夠脆～🌟Poireaux Vinaigrette $128另一款幾特別嘅油封韭蔥沙律🥗油封韭蔥好嫩而味道清甜，上面再淋上法式熟蛋黃醬、香草同烤果仁，味道好似蛋沙律咁幾得意😛🌟Gnocchis Parisiennes $258芝士控同意粉控必會瘋狂嘅菜式！🤩呢道走巴黎style嘅Gnocchi最特別係餐廳並冇用麵粉去整，反而係用24個月熟成嘅金文拔芝士😍Gnocci煎到金黃色，外脆內軟綿，配上creamy嘅法式芝士白汁真係邪惡得嚟啖啖滿足😍上面仲放上風乾火腿同烤蘑菇，味道層次更豐富😝🌟Short Ribs à L'échalotte $348絕對係近期食過最出色嘅慢煮牛小排🥺❤️牛小排係經過溫度70°C慢煮12小時，每件脂肪分佈非常平均，一咬肉質軟腍，而油脂喺口腔爆發，真係有入口即溶嘅感覺😭就連底下嘅薯蓉都好creamy好滑🥹醬汁方面用咗蔥油、醬油同雞汁，味道濃郁得嚟唔知點解有一種中式嘅感覺😆🌟Babette Riz Au Lait $98甜品方面叫咗招牌米布甸！好似好少喺法國餐廳食到呢款甜品😌第一啖完全係西米布甸嘅感覺！有淡淡嘅雲尼拿香，而且口感軟滑，下層仲有酸酸甜甜嘅青蘋果蓉，配埋最頂嘅脆片一齊食口感好豐富😋…Read More

呢次嚟到Wooloomooloo嘅新副線MOOO!🐮主打澳洲燒烤同各款加入港式元素嘅fusion菜🥰重點係價錢比Wooloomooloo更友善😌餐廳裝修走港式路線，加入好多霓虹燈同綠色鐵閘等設計，充滿懷舊港風特色✨超級推介大家叫原條牛骨髓慢煮牛腩威靈頓！🔥第一次見呢個組合，金黃色嘅酥皮下竟然係原條牛骨髓，酥皮吸盡牛油香味超級邪惡!另外招牌黯然銷魂慢煮澳洲西冷牛扒牛肝菌煲仔飯都係餐廳特色之一，牛肉份量十足，而且牛肝菌味道超濃郁😚個人私心推介香脆蝦多士😋長條型又炸得勁香脆，而且醬油蛋黃醬係超好味🤣🌟蕃茄煙肉芝士泡芙 $72🌟香脆蝦多士、醬油蛋黃醬、芝麻 $98🌟川式蜜汁香脆雞翼、醋漬薑片 $138🌟沙嗲牛肉靚哥炸包 $98🌟燒烤醬豬肋骨、蕃茄菠蘿莎莎醬 $162🌟黯然銷魂慢煮澳洲西冷牛扒牛肝菌煲仔飯 $248🌟原條牛骨髓慢煮牛腩威靈頓 $288…Read More

上個weekend嚟咗呢間自己bookmark咗嘅墨西哥餐廳食lunch🇲🇽餐廳外牆鮮紅色，成日經過都會留意到！🤣店員都係外國人，而且都有唔少外國客嚟食，成個氣氛都好chill🫶🏻🌟Nachos (s) $112 + al pastor pork $38痴咗線‼️呢碟Nachos真心超巨型，成座山咁😂我哋仲要只係叫咗細size😱🤣上面有大量焗芝士、墨西哥辣椒、墨西哥莎莎醬同牛油果醬🥑Nachos脆卜卜，配上啖啖醬真係好邪惡好正😈另外仲加咗醃豬肉，辣辣地超惹味！🌟Chapulines🌮 $46究竟有鼓起幾大勇氣先夠膽叫呢個Taco😂😂😂上面竟然係放咗一大堆炸草猛😱😱口感係脆卜卜，咬多幾下就有一種詭異嘅鹹香😂😂😂😂但配埋牛油果醬洋蔥粒同芝士粒等配料一齊食反而又冇乜違和感🤣比想像中冇咁恐怖🫢勇士們必需試🤭‼️🌟Lengua🌮 $48呢款中間有牛舌、墨西哥青莎莎醬同芫荽，牛舌薄身軟腍，不過青莎莎醬同芫荽就有啲搶味，所以牛舌存在感偏低haha🤣🌟Chicken Enchiladas $168超大盤嘅墨西哥雞肉捲😱😂雞肉捲上面加入海量青莎莎醬、酸忌廉同芝士，經烤焗後芝士超級拉絲😈口感好似食緊千層麵🤣🤣啖啖醬勁邪惡🤭😝青莎莎醬辣辣地，食完個胃暖笠笠，冬天食超正！但真心好飽，絕對夠2-3人share🤣🌟Jarritos Guava $50招牌墨西哥梳打汽水！石榴味唔太甜，凍冰冰夠哂解渴！🌟Bonita $98…Read More