waiyee47's Profile

係銅鑼灣行街，意外地發現左呢間burger店,環境優雅,供應既burger同菜式都十分驚喜。我點咗三款主打餐點:🐻Mega Cheese Burger、🐻Portobello Cheese Burger 和 🐻Truffle Cheese Fries。🐻Mega Cheese Burger係個特大份量既芝士牛肉漢堡,厚實多汁既牛肉餡配上香濃熔岩般既芝士,再加上新鮮蔬菜,咬落去滿滿嘅肉汁芝味,令人回味無窮,而且貼心咁將個漢堡切開方便入口.🐻Portobello Cheese Burger依款採用烤大菇作為漢堡胚,口感獨特而又十分美味。烤菇片鮮嫩多汁,香味與牛肉同芝士完美融合。🐻 Truffle Cheese Fries香酥可口既薯條淋上黑松露醬和融化既芝士,係完美既配搭!薯條本身炸到恰到好處,外酥內軟,再配上濃郁既黑松露香氣同絲滑既芝士醬,簡直係讓人難以抗拒既組合。每一道菜式都好有驚喜,不論是食材既新穎組合,還是每道菜既精湛烹飪技術,都非常之好丫。…Read More

多啦A夢黎左香港，去完探佢，所以唔諗咁多，睇下尖沙咀有咩新野食，竟然發現呢間“西塔老太太燒肉”，平時番大陸排晒長龍，依家要book定，應該未係好多人知呢間過江龍啦，可能係新開，做緊優惠-7點前離座「極上牛肉二人份」半價！！$ 298，重點冇加一！！！！入位已經準備好一系列既前菜，沙律，泡菜，薯蓉，食完係可以再加的👏👏👏🐻「老太太特色肥牛」、「老太太特色瘦牛」,兩款牛肉正丫。肥牛肉質鮮嫩多汁,肥肪分佈岩岩好，唔係over俾人一種醇厚和牛美味，而瘦牛口感彈牙,搭配獨特的醬料,層次感十足🐻雪花肋條肉質綿密細緻,脂肪恰到好處🐻香翁鳳梨牛排好出色，將嫩嫩既牛排同鳳梨既酸甜交織一齊，俾人耳目一新既滋味🐻澆汁橫隔膜肉嫩多汁，夾埋生菜一齊食，好正丫🐻蘑菇拼盤口感豐富層次分明，飲食均衡，食左一輪肉，食個菇解解膩🐻冷麵彈牙爽脆，湯汁帶酸味，超解油膩感丫🐻牛肉海帶湯清爽可口，超多海帶，用料十足丫👍👍整講黎講，「極上牛肉二人份」$298呢個價CP值好高，兩個人已經好飽啦，肉肉質素又好好，值得再黎食丫…Read More

好耐冇出旺角行下啦，行完街就入左女人街睇下有咩新餐廳吸引，行左就發現左呢間Luna Kaffe。睇左個menu ，價錢幾公道，所以就簡左佢啦😆😆😆🐻黃金脆香雞堡伴薯條（$128-包括是日餐湯&飲品）出於好奇，想知係咪同menu一樣咁大份量所以就決定試試佢🤤🤤🤤🤤一黎到真係呆一呆，圖片與事實相符👏👏👏👏雞肉外層金黃酥脆,咬落去滿滿既鮮嫩的肉汁,保持到彈牙既質地，搭配埋酸甜番茄，完美平衡左雞肉既口感。粗薯條外皮香脆,內裡蓬鬆綿軟，一食就知係岩岩炸起👍👍👍🐻牛肝菌松露意大利飯（$98）作為菌類松露意大利飯既愛好者必點，意大利飯飯粒煮到岩岩好,軟嫩多汁既牛肝菌同濃郁松露油完美融合，香味四溢🤤🤤🐻黃金蝦多士（+$28）外層金黃酥脆,咬下去蝦肉鮮嫩彈牙,內裡飽滿多汁，好食丫👍👍…Read More

今日去左旺角兆萬中心一間食韓式燒肉既平昌，一開𨋢門會好surprise,係個韓風滿溢嘅地方，會即刻感受到佢嘅獨特風格同氛圍，好似置身喺韓國一樣。佢嘅環境裝修真係滿滿嘅韓式元素，感覺就好似去左東大門個邊既燒肉店咁，佈置得好正丫👍👍勁鍾意用手機下單簡野食💖，真心方便，又唔洗等侍應路過先比到單佢，又唔會忙得滯張單唔見左咁，而且好快送到d野，感覺唔到五分鐘d野食就到咁👍👏👏咁我簡左個大君御膳，食物選擇好多，牛肉，牛舌，豬肉同雞肉。而且，佢哋嘅食物質素絕對唔會令你失望。每一款肉都新鮮嫩滑，一燒就散發出誘人嘅香氣。仲有配菜同湯品，例如新鮮嘅生菜，泡菜同芽菜，令你可以自由搭配，創造出屬於自己嘅獨特口味。佢哋嘅服務仲好貼心，會留意你嘅需求。例如，佢哋會主動問你需唔需要換燒板，確保你嘅燒肉體驗始終保持最佳狀態。佢哋嘅團隊真係好細心，照顧到每一位客人嘅需要。下次我會想食君子御膳，多d海鮮食，重點可以燒蠔丫，又有埋醬油蟹同蝦🤤🤤🤤…Read More

係大埔竟然有一間隱世驚喜小店日式居酒屋，係大埔墟既一條小巷入面，真係好易忽略既巷仔入面。雖然店鋪環境唔太，位置亦有限，但真係做到小巧得黎舒服，而且裝修上亦都好貼心咁有個小掛鈎方便掛隨身物品，讚👍👍👍🐻火炙海鮮丼飯定食（$148）真係好有驚喜丫！丼飯入面有帆立貝、鮭魚、左口魚邊同埋赤海老，真係好豐富丫！好重點既一樣野，一定要讚左先，個壽司飯個醋較得岩岩好，唔會太酸又做到粒粒分明，唔洗食海鮮，我都可以淨食醋飯丫🤤🤤🤤帆立貝真係好新鮮，d貝肉好嫩，一咬落去就滋味爆炸，真係好鮮甜！加埋佢哋火炙過嘅表面，啲貝肉就有啲微焦嘅口感，好香好脆！鮭魚同左口魚邊就更加令人驚訝！鮭魚肉質好鬆軟，每一口都滲透住濃郁嘅油脂，咬落去就好滑順！左口魚邊就係嚟到新鮮嘅一邊，有啲微咸微酸嘅味道，好開胃又爽口！赤海老好大一隻，佢嘅鮮紅色好吸引，一咬落去就食到滿口嘅鮮甜！啲質感又脆又多汁，正正丫🐻刺身（帆立貝$38&吞拿魚$48）刺身出色，超新鮮，帆立貝好鮮甜，口感彈牙，吞拿魚肉質鮮嫩，帶有微微嘅油脂，好滑又好食💖💖…Read More

工廠區除左多新奇有趣既玩同買，市集之外，仲有滿滿打卡風既cafe💖💖睇完戲驚喜咁發現左呢間波希米亞風cafe😍😍除咗裝修好靚之外，仲好貼心咁有埋打卡位添，完全滿足到食好影好既心丫👏👏👏🐻香濃蟹膏新鮮手卷意大利麵配香焗明太子蟹肉（*每日限量供應*）$218超lucky 丫，竟然仲有呢個限量供應丫，感動😆😆手工意大利麵難怪要限量，每條手卷麵彈牙，仲充分咁掛滿明太子汁汁，估唔到蟹肉同明太子係咁夾架，諗起仲想食丫💖💖有緣遇到一定要食佢丫🐻冬日暖意-三重特濃芝士火鍋 $188完全估唔到cafe有芝士火鍋，一些枱已經好香芝士味啦，極度推薦牛舌粒丫，佢竟然係超夾芝士汁丫，好surprise 丫，同埋個麵包，勁吸芝士汁，超滿足丫💖💖💖(生活係要儀式感架，如果唔係會變做社畜架）🐻開心果奶蓋梳乎厘班戟 $138超香濃既開心果味丫，開心果fans必食丫😍😍😍好動L既梳乎厘，滿滿空氣感而且勁吸開心果醬，係今餐既完美ending…Read More

💖拍拖紀念日，男朋友就book左上環呢間omakase,好好咁慶祝下，日子係要有儀式感的🥰🥰🥰🥰好靚既裝潢，有種去左日本既感覺，成間餐廳都會令你好想好想飛去日本😆😆😆🐻先付け SARIZURE用海苔做湯底，煮上螢光魷魚配帆立貝🐻お造り五点 SASHIMI-伊佐木刺身: 魚肉卷住配上醬油同蔥，增添香味🐻來自兵庫縣既生蠔配上金箔同新鮮海苔，入口即化，非常鮮甜🐻深海池魚（腩同背）一件係刺身，刺身爽甜，而另一件係火炙過既魚腩部位，經過火炙既地方將腩既皮下油脂出黎增加左香味🐻燒金雕配海台汁好有驚喜，完全冇諗過魚磷經過炸之後可以變得咁香脆，而且魚肉仍然非常鮮嫩🐻寿司赤貝配橘子汁魷魚配少少薑鳥貝金目雕（火炙過的）中拖羅海膽（濃濃海水味，滑嫩鮮甜，好想去日本丫）赤鯥🐻煮鮟鱇魚肝配木之芽鮟鱇魚肝口感綿滑，用舌尖輕輕一壓，鮮甜味即時爆發出黎，香味濃郁🐻卵焼き-江戶前玉子燒口感超似蛋糕，濃濃蛋香🐻水菓子 MIZUMONO蜜柑，靜崗草莓&蜜瓜…Read More

我今日lunch去咗「知魚知樂」食飯，真心好有驚喜！估唔到呢邊有間食川菜類型既餐廳，雖然環境似普通茶記，但係食物一d都唔普通👏👏值得一提餐廳外有茶水提供，for你等位個陣有d野飲下，冇咁dry😆😆我點咗烤羊肉串、烤牛肉串、烤牛肚同埋一份烤魚，再加上一杯士多啤梨益力多。全部都要求中辣，真係刺激好過癮！🐻烤羊肉串（$36@2）肉質好嫩，每一口都充滿肉汁。中辣嘅調味料唔會太過辣，恰到好處，好岩係天凍食呢款熱辣嘅烤羊肉串。🐻烤牛肉串（$29@2）牛肉口感彈牙，肉汁豐富。中辣嘅調味料更增加咗味道嘅層次感，每一口都好滿足。🐻烤牛肚（$36@2）真係驚喜！牛肚烤得脆口，外層微焦，但內裡仍然保持住肉質嘅鮮嫩。加上中辣嘅調味料，味道更加豐富。🐻香辣烤魚（$78）魚肉烤得剛剛好，外皮酥脆，內裡保持住魚嘅鮮嫩多汁。中辣嘅調味料增添咗一份微妙嘅辣味，帶嚟一種舒暢感。🐻士多啤梨益力($36)多係一杯消暑解渴嘅好選擇。士多啤梨嘅酸甜味同益力多嘅滑順口感完美結合，令人心情愉悅。🐻爆檸渣男（$38）滿滿既檸檬香味，茶底又香，唔係用平時檸茶既黃檸檬，係用青檸，所以檸香更濃，加上師傳有打過，因而飲個陣唔洗再（吉）檸檬，又方便又爽👏👏👏…Read More

做完body check,係附近搵食野，意外發現呢間有驚喜既陸歐風cafe, 餐廳環境闊落而且有兩層，即使繁忙時間都唔洗得好耐👍👍👍簡左個豪華二人餐（$546）🐻西班牙風乾火腿伴哈蜜瓜沙律乾火腿既咸香配包住哈蜜瓜既香甜，再襯埋新鮮沙律菜加黑醋，成個沙律好開胃丫😍😍鍾意食咸甜咸甜既勁鍾意丫🥰🥰🐻是日餐湯（椰菜花忌廉湯）🐻蜜糖燒豬手配薯條豬手燒得岩岩好，豬手皮軟糯，滿滿骨膠原口感，而豬手肉肉超軟滑，基本上唔洗點切，就咁叉黎食都冇難度丫值得一提，薯條雖然唔係粗薯條，但佢都外脆內軟，一d都唔輸粗薯條丫👏👏👏🐻美國安格斯肉眼牛扒（五成熟）香煎肉眼最愛都係食五成，唔會帶血又唔會易overcook，切起黎又容易切開，仲會保留到肉汁，推薦👍👍👍🐻是日甜品（日式芝士蛋糕&朱古力雪糕）鬆軟香濃既cheese cake,濃濃既芝士香但又唔會好甜，為晚餐畫上完滿既句號🥰🥰🐻焙茶鮮奶🐻水果茶…Read More

星期一番工普遍係打工仔既痛苦一天，所以呢收工就好需要食d野鼓勵下自己，今日簡左呢間旺角樓上居酒屋。環境裝飾有日本氣氛，門外仲有一部夾公保機，每人都有一次機會，可以換到唔同類既食品，就睇你運氣啦🐻蟹籽沙律($56)爽脆青瓜絲配上蛋黃沙律醬再加埋蟹子，清爽解膩👍🐻牛肉壽喜燒鍋($98)欣賞唔係好甜既壽喜燒，牛肉既份量一d都唔少，而且勁鍾意入面既寬粉，完美吸收左湯底加上滑到不得了既口感，勁推👍👍👍🐻燒銀鱈魚乾($38)十分適合配酒，食幾條銀鱈魚乾，配啖酒，再同埋朋友吹水，so nice👏👏🐻牛油蒜香炒雜菌($60)牛油香而不膩，一啖接一啖咁食丫🐻日本雞皮餃子 (3件)($42)少見到用雞皮做餃子皮，雖然十分邪惡，但係香氣爆棚，充滿肉汁，比普通餃子更加香口👍👍👍👍🐻日本雞骨腸 (1本)($18)啖啖肉，冇骨串燒岩晒我呢d懶人丫，再配上新鮮既蛋黃，正丫👍👍👍🐻三得利混合啤（$55）混合啤未見過，味道好有趣，同時飲到啤酒同黑啤，但又唔會有衝突鍾意試新野既一定要試😆😆😆🐻柚子酒（$48）口感清爽，酸甜可口，香濃柚子香喔…Read More

終於放工去完aia，順路去上環食晚飯啦。今日去左上環孖沙街既無敵家食日本野😋😋🐻明太子玉子燒（$98）結合了明太子既鹹香同玉子燒既蓬鬆口感，每一啖都可以感受到明太子既鮮味同玉子燒既柔軟口感，令人愛不釋手。🐻雞腎串燒（$34）🐻大葉練梅雞肉串（$42）🐻雞軟骨串燒（$32）🐻豚肉荔枝卷串燒（$42）十分推薦豚肉荔枝卷，一上枱就已經有好香既荔枝香味，一咬落去荔枝汁同烤香左既豚肉充分咁融合，估唔到豚肉同荔枝結合係咁夾🐻燒三文魚腩未上枱就已經聞到好香，皮燒得脆口，內裡肥美鮮嫩，口感好好🐻黑松露三文魚炒飯份量足夠兩個人食，黑松露既濃郁香味完美融合炒飯，再夾堆鮮嫩既三文魚，完美搭配。每一啖都可以食到黑松露既奢華風味，令人一啖接一啖咁食…Read More

食飯時間繁忙係正常既，但係入座30分鐘以上都未有任何食物而隔離枱遲入位10分鐘，食物都陸陸續續都有食物出現，但係我張枱仲有只有空氣😵‍💫😵‍💫😵‍💫一開始都懷疑係咪冇送餐，但係有飲品出現丫，即係我有送餐丫，但係只有空氣同飲品❗❗❗*************重點❗重點❗❗重點❗❗❗最離譜係安東汁炸雞蓋飯既炸雞，係凍❗係凍❗❗係凍架❗❗❗等左30分鐘以上既炸雞都係凍既，會唔會太離譜丫😵‍💫😵‍💫😵‍💫😵‍💫離譜2❗❗叫個大醬湯配紫菜飯，都係要等30分鐘，難道個湯係即叫即煲？飯都係生米收到order先煲？離譜3❗❗❗隔離枱同樣都係4個order,有兩個餐都係同我一樣，但係隔離枱有飯食，而我都係只有空氣❗❗❗❗…Read More

難得接男朋友收工，獎勵我咁乖就帶我去食好西啦😊😊今日黎左黑門水產，呢到勁日本feel,由裝修，環境到氣氛都好日本style 丫，令你有置身係日本既感覺🐻赤鬼蟹味噌甲羅燒（$88）食居酒屋必點食品甲羅燒，蟹蓋載住滿滿蟹肉，蟹膏再加埋魚子蔥絲鵪鶉蛋，staff會幫忙燒，先比時間你打卡然後再燒，完全唔洗自己郁手。將燒好而濃郁既蟹膏配上梳打餅，入口香而不膩，正正丫🐻蟹味噌燒帆立貝（$88）出乎意料既好食，冇諗過蟹味同帆立貝係咁夾架，香濃既蟹味又冇蓋帆立貝反而更帶出鮮味，配料既菇菇都吸晒d鮮味，好好食丫🐻黑門令大漁魚子醬脆脆包（$98）澎湃既脆脆包，由吞拿魚蓉，蟹籽，三文魚籽，仲有海膽同魚子醬，一啖係冇可能食得晒的，爆炸式既鮮甜🤤🤤🤤🐻岩手縣赤崎生蠔（一本）（$88）岩手縣生蠔同手掌一樣大，滿滿既海水，肉質肥美鮮甜，完全冇腥味，配上應該係檸檬啫喱，增加清新既口感，解解膩🐻黑門令海膽櫻花蝦海鮮炒飯（$238）完全足夠兩人share,飯炒到粒粒分明，材料充足，除左海膽同櫻花蝦，仲有蟹籽，蜆肉，蔥等等🐻黑門角切海鮮沙律（$98）刺身份量都唔少，有吞拿魚，三文魚同甜蝦，mix埋沙律菜再配埋酸酸甜甜既沙律醋，令人胃口大開…Read More

難得今日男朋友得閒，所以簡左呢間cafe,可以坐得舒服又冇用餐時間一小時既限制，仲可以玩下broadgame黎到門口，感覺好chill& relax ，好鐘意佢暃窗邊位，望出去個view好靚。枱與枱之間保持左距離，唔會好迫，有點私密度的。🐻黑松露蟹肉配黑醋沙律（$98）作為黑松露fans，呢間既黑松露唔會有gas味，未上枱就已經聞到黑松露香，蟹肉一d都唔手軟，滿滿既蟹肉，配上黑醋，令人食慾大開丫🐻黑松露帶子鮮菌燴意大利飯（$128）意大利飯好creamy,同黑松露完美咁融合，唔會有分離既感覺，帶子同鮮菌都係滿滿的。💖加$38升級做套餐，有沙律&蛋糕（朱古力蛋糕，藍莓芝士蛋糕&紐約芝士蛋糕）🐻朱古力蛋糕香濃朱古力味，即使有d朱古力醬點綴都好，都唔會令到蛋糕變得好甜，反而增加左口感，令到朱古力味更濃💖All set都有跟$38餐飲🐻藍莓乳酪（$48）（跟餐+$10）滿滿藍莓味，仲有藍莓碎碎，令到口感唔同，增加左個藍莓香味，乳酪口感順滑，整體唔會好甜，飲到乳酪香🐻神仙（$58）（跟餐+$20）女孩子鍾愛既花茶系列，神仙花茶功效可以舒緩腸胃不適，如果你岩岩係特別時期的話都可以舒緩脹痛，改善貧血（PS，好香既茉莉花香）🐻魚手指現薯條（$62）脆卜卜既魚手指，雖然得三條，但多真心會膩，所以分量我個人覺得剛好，薯條係永遠既王者---粗薯條，整分量係對得住價錢的，性價比好ok的…Read More

泰國野唔單止係九龍城先好食既，今日黎左尖沙咀食呢間Thailand king ，環境好chill好relax,係個放鬆同朋友傾計食野既好地方🐻軟殼蟹青瓜沙律（$98）軟殼蟹炸得香脆，一d都唔油，亦都好多蟹膏，沙律好清爽，配合埋個沙律汁，非常開胃，係呢d咁熱既天氣，食個沙律真係會不自然咁食多d野🐻四式拼盤（$188）“雞球，墨魚餅，蝦餅，春卷”每樣小食都有4件，size都唔細件，份量都好足夠的🐻波蘿海鮮炒飯（$88）超大份量既波蘿炒飯，建議三人分享會好d，如果你仲想食其他小食既就岩人多分啦。飯炒得粒粒分明，好有鑊氣，唔會乾身，好食丫🐻豬肉生菜包（$98）食泰國野點少得生菜包呢，呢個生菜包好惹味，有點辣，但唔係辣到要飲水，係惹味既辣，令到成個生菜包好出色，推薦👍👍🐻鮮波蘿梳打（$58）好足料既波蘿，入口仲有波蘿果肉係到，係波蘿既甜味，並唔係落糖水既死甜👍🐻鮮青檸梳打（$48）好清新既青檸味，畢竟泰國菜都係有點重口味，飲杯青檸梳打，refresh 左個人，又有空間再食多少少野👏👏…Read More