文達的個人專頁

放工時段餓餓地, 經過呢度買左串魚蛋同牛丸. 呢間野啲牛丸好大串, 原來係一開二. 一開二睇落好似好大串, 好似呃人咁, 但係諗深一層, 我又覺得佢幾細心. 好多小食店係你未ORDER佢已經不停咁6, 6到過淋, 而即6既又會6到表面好熱, 但係個心凍冰冰. 呢間就係即6既, 亦因為佢一開二, 所以全粒牛丸都夠熱. 個汁都OK啦.…查看更多

早兩日經過呢度, 唔知幾時變左做清湯腩, 仲講到自己好出息咁, 於是乎坐底食番碗.餐牌上面樣樣都自好食, 樣樣都話出息, 到最後都係腩河一碗. 仲話牛腩有得揀爽淋肥瘦, 我就揀左淋瘦. 碗野黎左之後(如圖), 都幾好樣咁, D腩都真係幾瘦下. 飲飲個湯, 都幾清.當準備開動之時, 摷下碗野點知發現有條頭髮係度(其實有邊個冇脫髮問題, 新陳代謝姐, 唔為意都唔出奇既). 於是叫佢換過碗, 值得一讚是我真係見到個侍應倒左碗有頭髮既(雖然係應該要咁做, 不過好少親眼見到餐廳D人係咁做. 相傳叫人唔好換野食, 小心廚房會吐口水, 不過眼不見為乾淨啦). 第二碗黎到(唔記得影相), 只見到4粒牛腩, 摷完一輪都係得4, 5粒, 同之前果碗有4, 5塊靚仔牛腩差好遠. 同個侍應表達, 個侍應就同廚房講, 過左一輪走黎同我講, 個切法唔一樣姐, 冇切得咁靚姐, 份量都係一樣既, 廚房砰過架..... 講真, 佢切法唔一樣, 我可以同意, 未必可以好似之前果碗咁靚, 我都可以同意, 但係份量多少真的可以看得出...... 呢件事就咁算左.食個牛腩, 淋係淋既, 瘦係瘦既, 不過冇味, 唔好食呢........ 睇到佢張單, 睇得出老細對自己出品好有信心, 因為它喜歡大家在openrice內comment, 既然如此, 我就覺得自己有必要為他寫一篇食評. 亦因為他重視食家們的意見, 過多一陣子, 我會再給他機會.…查看更多

平時好少去甜品舖叫WAFFLE, 今次唔知叫乜好, 就叫左WAFFLE+雪糕, 居然有驚喜.有驚喜的不是雪糕, 其實雪糕真的毫無特別. 不過WAFFLE就又香又脆, 又微溫, 好好食.不過環境真係好迫.…查看更多

好多年前已經知"小巴黎", 不過好多年冇食, 呢年醒番起呢間野, 不過都係幫襯沙田分店, 覺得又逼又趕, 坐得又唔舒服, 野食又唔好食.早一兩個星期經過呢度, 發現原來呢度有間, 就入黎食. 叫左好多年前佢最出名既"香芧豬扒檬", 豬扒炸得好香, 但又唔乾身, 肉仲好嫩滑, 又夠香茅味, 唔錯!!!最近要呢度好少人, 坐得好舒服, 又唔趕, 不過當時隔離裝修緊, 有啲嘈, 希望佢快啲裝修完啦.…查看更多

路過呢間舖頭, 睇到阿宗麵線呢4個字(個新字細到離奇), 不難諗起台灣既阿宗麵線啦. 其實去過台灣兩次, 食過台灣阿宗麵線, 第一次食覺得無乜特別, 第二次則覺得啲菜浦好好食.今次黎呢度食, 叫左個細同加蠔仔. 佢一放低, 加啲麻油就食, 覺得完全唔好食, 不過個staff叫我加埋其他配料同菜浦啲(我唔記得左乜打乜). 加完之後, 味道原來真係完全唔同晒. 好味好多倍. 不過無論點落佢啲配料, 都有不可改變的事實, 就係碗野撻撻, 搞到成碗野好似一個獻汁咁.再講下佢啲蠔仔, 都幾新鮮, 幾肥大, 幾好味既.... …查看更多

因為趕時間, 而且又唔係太肚餓, 加上好耐冇食過呢種日式烏冬, 於是乎和朋友隨隨便便揀左呢間黎食, 傾左份量太得黎share食剛剛好.唔係係唔係太耐冇食過, 總覺得味道古古怪怪, 有啲酸味, 但係我見我朋友又冇乜反應, 所以繼續食. 其實以個人口味黎講, 真係麻麻地.....…查看更多

上個月第一次黎呢度食飯, 一行三人叫左個奶油大蝦二人套餐. 呢個餐除左有奶油大蝦, 仲有馬拉盞炒時菜, 海南雞, 菠蘿雞絲炒飯, 兩個甜品和兩杯飲品. 再加左個煎蛋薄餅同泰皇鐵板蠔仔蛋.樣樣都唔錯, 但最值得推介係個奶油大蝦, 一碟奶油大蝦要~$160, 但一個餐先~$290. 奶油大蝦黎到仲要有四大件, 即係兩隻大蝦. 個汁仲好好食, 食到我地要叫多個油鬆餅黎送汁.埋單~$500, 仲送左個coupon比我地下次免費食個lunch添....…查看更多

黎到呢間野已經8pm, 裡面一個人都冇, waitress安排左我地坐一個位, 熱到死, 後來發覺佢冷氣都冇開, 大熱天時, 連冷氣都唔開, 唔怪之得一個人都冇啦. 我都唔理得呢度係唔係高級餐廳, 攞住佢個drink list起勢咁put, 但係坐左三四分鐘都唔見佢有動靜, 要叫佢先識開冷氣. 我地未叫野食, 佢就有dull蝦片放係枱面, 但係食落, 好淋又唔香. 我地叫左一個木瓜沙律, 一個咖喱羊, 和一個冬陰功, 同一杯ginger ale同一杯ginger beer.木瓜沙律, 得個酸字, 仲係好酸好酸, 黎到好似有陣叔味, 曾經以為係呢碟野, 但不過食落又冇. 但係真係好叔. massaman lamb, 好有羊味, 又夠羶, 但係完全唔淋, 只係個汁好食. 個冬陰公$68得個一碗字, 又係得個酸字, 又冇香味, 仲要冇乜料. ginger ale 得個甜字, 少少姜味都冇, 朋友個ginger beer都仲好少少.D野食真係好難食, 份量又食, 我地邊食邊話難食, 到最後因為太難食, 冇食晒就走, 真係走去食雲吞麵好過. 其實我地食到咁上下既時候, 間餐廳開始多人, 但係發覺全部都係鬼, 我諗真係鬼先會黎食, 因為佢地根本唔知泰國菜係什麼一回事.埋單仲要$450, 把鬼.埋到屋企睇下其他人食評, 發覺有一個好, 但細心睇下先知原來最近一個食評都已經係2006.4.6. 我諗呢段時間都已經冇食家去過lu....…查看更多

早兩個星期六左右黎呢度飲茶, 或者我太晏啦(十點幾), 又落雨, 黎到冇乜人, 不過亦因為咁, 所以冇乜點心揀. 我諗想多啲野揀就要早啲到先得..... 呢度寫出名果幾樣都食唔到, 只食到豆腐花. 豆腐花都幾滑, 不過又唔覺得比出面豆腐舖食到果啲更滑.其實呢度食野好似唔知價, 我地食左六樣野左右, 埋單時叫佢行過黎計, 就咁話$73. …查看更多

端午節補假黎左呢度飲茶, 第一次黎呢間飲茶, 見到地下點心部好多野食, 滿心高興.有咩要求, 只想食大包, 因為而家係出面好難搵到大包食. 食落唔係好熱, 點知食落個心度仲係冰凍既添..... 唉....真失望.至於其他食物就一般啦, 都知黎呢度係食風味多.... 不過茶就幾好飲.....…查看更多

一班人包場玩, 6:30-10:30pm. 包場2400+10%一晚, 包野食. 食物CHEAP到痺, 出海遊船河D野食都好過佢\.D野飲雖然任飲, 但係等於冇野飲, 佢\有可樂, 檸檬水, 桂花茶同水. 檸檬水=甜, 桂花茶=怪味, 水=正常. 所以99%朋友都只飲水, 無限refill水, 賺鬼死佢\.有個大舊阿叔態度奇差, 佢\可能係老板, 朋友6:30pm到, 我7pm到, 只見佢\係度搞機, 我地一班人打算包場唱歌, 但係7pm都未唱到. 到最後又唔補番半個鐘比我地, 聽朋友講, 佢\仲話我地唔早D上黎SET機. \"阿叔, 你交得個場出黎就SET好先交喇, 洗唔洗幫你拖埋地呀?\" 到10:30pm又話佢\好多野做, 趕我地走, 又話$500半個鐘. 後來得知佢\地一入去就已經同個大舊阿叔好唔妥, 我係搞手就真係拉大隊走(好似只係落左$300訂). 去NEWAY唱好鬼過, 食都好食過佢\.有人拍咪, 大舊阿叔就會話, 語氣奇差. 得閒無事又較細聲我地個VOL, 人地搞佢\部機就緊張到死. 若果係咁緊張D野咪米鬼租場比人喇. 一係講明整壞邊D野要賠幾多錢喇, 唔好成日MON住人地係度做乜鬼喇.部機奇雞, 要電腦選曲就冇得自己播碟, 要自已播碟, 就冇得電腦選曲. 但係D歌舊到死, 連大陸卡拉OK D歌都新過佢\. 雖然話間餐\廳係有人駐場唱懷舊金曲姐, 但係你比得人包場唱歌, 就UPDATE下D歌喇. 奉勸大家唔好去, 若果真係要包場, 唔好落重訂, 有咩事走頭, 最多蝕少少, 好過一肚氣.…查看更多

我阿媽一向都唔鍾意出街食飯, 但今次佢主動叫我帶佢黎呢間野試. 因為佢坐巴士經過時, 深深被佢既"紫砂"同埋裝修所吸引. 不過我亦有咁既同感.呢度交通亦非常之唔方便, 坐地鐵, 深水埗又唔係, 太子又唔係, 巴士線又唔係特別多, 又係一個黑漆漆既舊區. 以咁既條件, 照計食客都係附近既居民. 但係呢間野價錢又唔係十分平, 照計單靠附近居民應該做唔住, 因為相信附近居民的能力都唔會太高. 以咁既條件, 呢度既食客算係出奇地多. 永遠維持八成滿. 相信佢一定有佢優勝之處.呢度啲枱都算幾大張, 坐得好舒服, 又有電視睇, 要追電視劇都得. 舖既裝修有啲古色古香既感覺. 店既一旁放左好多紫砂煲, 而店既食品絕大部份都係以呢啲紫砂煲黎煮. 所以我保呢間野其實係一間做紫砂煲既公司所經營, 佢想做既並非飲食業, 目的只係等大家試過用紫砂煲煮既野會買番一兩個. 或者我地都食慣味濃既野, 我地總係覺得食物冇乜味, 不過份量好夠, $240.我地一行三人, 叫左滑雞大鱔煲仔飯- 雞同大鱔好滑, 飯冇飯焦陳皮梅子炆鴨- 冇陳皮味, 鴨有鴨味, 好乾, 只有沾有梅子醬既鴨件先有梅子味豆腐鯪魚球生菜煲- 鯪魚球冇魚味, 應該係雪藏香芋南瓜魚腩煲- 芋頭好粉, 但係唔夠香, 魚腩都冇魚味好難明點解呢間野會有咁多客. 但係經過完廚房, 我諗我明白個中既道理. 因為我發現整個廚房只有紫砂煲, 煲湯係佢, 煲飯係佢, 炆燉煮係佢, 相信炒都係佢. 因為看過所有食客, 全都係一煲二煲. 亦因為咁, 成個廚房都毫無油煙, 非常乾淨.無可能唔估佢係為左賣煲.之後再同屋企人研究, 我地對之前既食物有重新既評價.我阿媽一向都唔鍾意出街食飯, 但今次佢主動叫我帶佢黎呢間野試. 因為佢坐巴士經過時, 深深被佢既"紫砂"同埋裝修所吸引. 不過我亦有咁既同感.呢度交通亦非常之唔方便, 坐地鐵, 深水埗又唔係, 太子又唔係, 巴士線又唔係特別多, 又係一個黑漆漆既舊區. 以咁既條件, 照計食客都係附近既居民. 但係呢間野價錢又唔係十分平, 照計單靠附近居民應該做唔住, 因為相信附近居民的能力都唔會太高. 以咁既條件, 呢度既食客算係出奇地多. 永遠維持八成滿. 相信佢一定有佢優勝之處.呢度啲枱都算幾大張, 坐得好舒服, 又有電視睇, 要追電視劇都得. 舖既裝修有啲古色古香既感覺. 店既一旁放左好多紫砂煲, 而店既食品絕大部份都係以呢啲紫砂煲黎煮. 所以我保呢間野其實係一間做紫砂煲既公司所經營, 佢想做既並非飲食業, 目的只係等大家試過用紫砂煲煮既野會買番一兩個. 或者我地都食慣味濃既野, 我地總係覺得食物冇乜味, 不過份量好夠, $240.我地一行三人, 叫左滑雞大鱔煲仔飯- 飯夠乾, 無油, 亦可能因為咁, 形成唔到飯焦.陳皮梅子炆鴨- 鴨最了正常既皮外, 沒有丁點肥膏, 亦因為咁, 所以鴨肉變得鞋.豆腐鯪魚球生菜煲- 呢個煲有少少湯水, 但湯水都係好清, 油都冇滴香芋南瓜魚腩煲- 魚腩冇爆過, 連煎都冇煎過, 所以唔夠香. 而且只落好少椰汁, 所以要食到煲底先食到香芋既香.之後我地就明白左呢間野既生存之道是"健康". 因為同區附近都係茶餐廳, 大排檔, 西餐廳, 要食到咁健康既野只有呢度. 不過要消費得起應該只有港灣豪庭果邊啲人先有可能餐餐黎開飯. 因為對於無飯家庭, 最緊要健康.飯後仲有甜品送, 係腐竹雞蛋薏米糖水, 我媽就最鍾意, 因為唔係太甜, 但好好味, 又煲得靚.…查看更多