marc_hanna's Profile

朋友約左掟炸彈俾我地，所以約左係元朗Yoho Mall霸王川莊見面；係餐廳門口等齊人先攞位，門口餐牌係lunch menu；14:15入到去坐底，朋友話要出去買麵包俾囡囡，我同另一個朋友就睇餐牌睇食咩；諗住等埋出左去個朋友返黎先落order，侍應就黎同我地講：lunch last order啦，幫你地落左單先啦我地話：我地想等埋朋友返黎先決定侍應話：咁你地一陣就冇lunch set嗌我問佢：咁我地可以嗌咩？侍應話：會有下午茶，但因為你地係lunch time入黎，我地頭先都有其他客排緊隊，冇可能個個都入黎坐住等嗌下午茶朋友話：姐係我地而家一定要嗌lunch menu既野？一陣我地唔嗌得下午茶？侍應：你地𠴱位未黎既朋友可以嗌一份下午茶🙄🙄🙄🙄🙄朋友先嗌左一份normal menu 既酸菜魚，侍應就冇再講啲咩，朋友咁岩買完野返黎，就傾食咩！最後嗌左個lunch menu 既四人餐，其中一個餸有酸菜魚，叫返同一位侍應落單，取消normal既酸菜魚，個侍應話：lunch set個酸菜魚份量少啲㗎喎，我地話冇問題唔係話扮大方，入餐廳前見到lunch menu都冇諗過食下午茶，我地等埋朋友先落單都有說話聽；佢咁講如果真係計較啲，我地行出去再入返入黎重新攞位都可以照嗌下午茶啦唔知而家係連鎖餐廳工作都要跑數，壓力咁大要push客人嗌得價錢愈高愈好落左單之後，𠴱位侍應冇再埋過我地枱，直到16:10左右叫我地埋單，話要落場；OK，冇問題！埋單就埋單！成餐飯感覺一直俾人催促，迫逼，最後收曬我地啲野趕我地走咁既感覺呢個時間食飯，其他間間餐廳門庭若市，呢間好多人排隊咩？又唔見得🤷🏻‍♀️啲服務咁樣，唔會想再去，亦都會同曬所有朋友講，唔好再去呢間連鎖店食‼️‼️‼️…Read More

好耐冇更新食評，前排實在太忙，唔得閒去搵野食，食評自然罷埋左一邊今個星期比較得閒，男友前一日已經講定想食呢間錦麗牛肉粉，較定時間搭車過黎，唔需要排隊已經有吧枱位坐了一人嗌左一碗綜合Pho,個湯好飲有牛肉味，飲左一啖再加埋啲香料落去，成個味即刻唔同曬，酸酸甜甜！夏天就係為左呢個味而黎食，如果唔係食咩都冇味咁，流太多汗啦見其他食評家話湯多油:(其實用肉骨煲既湯有油唔係好正常咩？生牛肉薄切，軟嫩；熟牛肉較厚有咬口，但未至於韌；牛丸開半睇落以為好多，不過都好食；我同男友一人一碗，份量係一定唔夠佢食㗎啦，俾佢食埋我𠴱碗，佢話我𠴱碗啲河粉好食過佢𠴱碗，佢話佢原本𠴱碗啲河粉煮得太耐太冧🧐（其實無論啲粉點，個湯都已經贏曬） 嗌埋呢個米紙卷，包得都實，唔會散，夏天食非常之適合比較起蔡生新開既餐廳，呢度既價錢已經算好合理，越南菜值唔值，真係見人見智食完Pho好想飲野，但我地都冇再加點飲品了...男友話：越南野多多少少都有落味精🤷🏻‍♀️…Read More

之前黎到筲箕灣睇場地，呢次係我人生第一次黎到筲箕灣，做左新界妹咁耐，識左味覺敏感人士先咁經常出入港島區...未食午餐去睇場，到睇完就黎東大街搵野食...都好多選擇，但本人偏好熱湯麵，見到好幾間一係就full到排曬隊，一係就空無一人，經過呢間「北方餃子源」咁多雜誌訪問過，就入去試試！座位唔多，下午茶時間都兩三張枱客咁，嗌左西洋菜豬肉餃同荸齊牛肉餃，仲有京蔥羊肉同鮮蝦韭黃豬肉餃子呢樣野呢，真係要趁熱食...凍左個皮就硬，真係差啲；西洋菜豬肉：西洋菜味冇想像中咁濃，順口荸齊牛肉：牛肉味唔重，加埋荸齊爽口京蔥羊肉：我食得羊肉，自然覺得冇咩騷味，好食鮮蝦韭黃豬肉：最冇印象既一款餃，各方面都唔特別食慣左荃灣荃豐既餃子屋，食到呢間就覺得呢度既餃子比較細粒，同埋佢唔算多汁，（不過餃子屋其實係個湯取勝），試下味黎講都ok，但再黎就未必會了…Read More

之前台灣友人趁住雙十節後香港玩，帶佢地去左裕記食燒鵝，但因為係星期六夜晚，裕記好似趕客咁趕，食得好唔開心！好奇心驅使下，想搵下香港仲有邊度既燒鵝好食，唔駛下下都入深井，結果就搵到黎深水埗既陳光記！門面係好有以前當舖既特色既，好大個Menu東係門口，價錢便宜！入到去，送左兩碗湯先！有飯有麵揀，嗌左個叉燒麵、燒鵝脾麵同埋生菜紅叉燒普通啦，燒鵝脾淋左啲黑椒汁係惹味既，不過味覺敏感人士話蓋過左鵝本身陣香味，個皮唔脆，冇咩燒既味道...但鵝肉係彈牙好食既！生菜紅好食，鴨紅嫩滑唔老，好正！本身鍾意食豬紅鴨紅，開正我𠴱範！比較起裕記鏞記，價錢算平，48蚊食到個燒味飯算係咁啦而家啲物價…Read More

公司同事成日叫呢間餐廳外賣，但係唔係成日叫到，因為佢地成日唔聽電話今日去到門市堂食，星期五既晚市樓面只有一位女士做野，咁可能係因為人手唔夠啦，主要做街坊生意一行五人去到，坐係中間既兩張枱，佢既卡位比較細，目測一邊坐兩個人都迫，唔好勉強五人落左咖哩牛腩飯，牛肉湯河，兩客蛋黃蝦仁札肉炒飯（餐牌上面個名比較長），仲有一客札肉炒河，熱飲唔需要加錢，多點了三杯涼粉椰汁冰加7蚊炒飯炒得幾香，聽過同事話好食先要呢個既，果然冇失望，蛋黃香同埋炒得乾身，飯粒又唔會太乾，蝦仁都唔少炒河都係香，辣辣地幾惹味，炒野幾推薦，食落唔錯湯河好大碗，牛肉份量都唔少，唔似其他餐廳得兩三片又乾又硬，而且湯底仲有得揀：豬骨湯、沙爹同酸辣咖啡牛腩就中規中距，正正常常其間都有啲電話打入黎，但樓面女士都冇聽，可能應付唔黎啦，始終七八枱客坐係度…Read More

呢個係我係Openrice ge 第一PO:):)好少去銅鑼灣,攪到行左一段時間都唔知食咩好兜左一陣,係謝斐道見到呢間韓國菜,門口有個姐姐俾左張傳單我地睇見到Set Lunch $6x有個餐,心諗dinner都唔會貴得去邊啦~又行到支力支力地,所以就上左去食啦!一坐低有幾碟韓式小冷盆上左,都係免費其中當然有泡菜啦仲可以無限添加!!!D肉都幾Juicy兩個人只係叫左兩樣野食1罐提子汁,就已經$5xx埋單!整體都尚算可以~…Read More