Haahaahaa's Profile

其實我同爸爸都中意食西餐，尤其是牛扒😍所以今次我地特登嚟試吓The Grill Room. 因為爸爸最近返工都比較忙，成日OT, 所以我特登book八點，點知佢都係遲到🙄。（估唔到8點到仲咁多人）我唯有自己點杯紅酒飲住先🥰爸爸到佐。如常等佢order, 我地叫佐番香花忌廉白酒煮青口伴酸種麵包、烤西蘭花苗、炭燒美國16安士USDA安格斯肉眼牛扒（三成熟😍）再加法式薯蓉。忌廉青口味道鮮,但酸種麵包太細份有d唔多夠喉。肉眼扒係真係做到3成熟（好多時叫3成會比5成）。肉質軟同肉味濃。不得不讚薯蓉真係好creamy 好好食。美中不足既應該係我地坐個個位冷氣好大，所以啲嘢食好快就凍曬…Read More

原本只係諗住同爸爸出去拍下拖，但由於終於都放暑假啦，所以就決定都係帶埋家姐出去食下好野。但聰明既我唔記得改booking轉返3位呀😱，舖頭full house 🫣正當我係到諗點算既時候，侍應好好叫我俾15分鐘佢，佢安排另一張枱俾我。原來有人差唔多食完走，真係好彩。最後安排佐一張高枱，我心諗大獲啦，好動既家姐會唔會走來走去🤯係等既15分鐘入面，家姐同爸爸已經決定佐食咩啦。所以可以坐低即叫。我地叫佐香草白酒煮蜆，意大利生切牛肉薄片，BOZ意大利牛柳+Broccolini 同卡邦尼扁意粉。出面通常見到都係煮靑口，比較少見煮蜆。咁既配搭我覺得仲好食。蜆青甜好多😍生切牛肉薄片就係爸爸最愛。原本諗住叫個意粉俾家姐，點估到佢係睇中我同爸爸既野食！意粉個汁味道唔算好濃，面質有咬口，好食。我期待既BOZ意大利牛柳到啦。好軟身，家姐搶住要自己切。對於一個啱啱學揸刀既小朋友都切到，真係好軟身。5塊入面，家姐搶食2塊半。爸爸2塊。我得半塊😭。最後唔少得嘅當然係甜品啦，大滿足。…Read More

開始放暑假啦。家姐同佢個朋友仔就要去觀塘學畫畫。做媽媽既緊係係佢哋上堂嘅時候，出去搵嘢食啦。行過見到間舖坐滿晒人，應該都OK嘅，所以就決定入去坐低試吓。唔算特別貴，感覺都好似抵食，所以我同朋友仔媽媽就一人叫咗一個餐。壽司定食同埋刺身定食😂😂😂（見到餐廳寫住日本料理梗係食日本嘢啦）魚生好肥美，份量我覺得都叫做足夠，因為食完真係好飽。加$6有咁大杯嘢飲，正呀。臨走前，先記得影一影間舖😂😂😂我發現原來我地係坐到最後，希望冇阻住人哋放break. 臨走見到呢個夜繽紛任飲，好似好抵。下次可以同爸爸黎一試…Read More

唔經唔覺，原來我已經做佐2個月全職媽媽。絕對係比返工辛苦好多倍！！趁今日星期一唔係咁忙，同姐姐出街食個晏晝，慰勞下佢先😂雖然話唔係好忙，但係其實都係要送返學同接放學，所以只可以喺屋企附近食嘢。都係因為私心問題，我好想食小籠包。點知又真係俾我搵到屋企附近有小籠包😍我送咗妹妹返學，姐姐送咗家姐返學，我哋就約埋一齊去食嘢。平時行過真係唔覺得呢間舖頭嘅存在🙈，可能因為「行仔」入邊，但係其實都成三間舖，真係好大。我同姐姐就大約1:45到，唔知係咪因為已經過咗食飯時間，所以冇咩人。因為唔知道個份量大唔大，又覺得冇理由入嚟淨係叫小籠包，所以我哋就點咗一個自選一人餐，再加小籠包同埋煎餃。自選一人套餐：我同姐姐揀咗羊肉餃、浸菜心苗、酸辣湯麵+杞子龍眼菊花蜜。咁多嘢都係$78。跟住我見到仲有升級加倍，加$28仲有原味小籠包，比散叫平佐$7呀！😍都話佐我係為咗小籠包，梗係唔會淨係叫一籠小籠包啦。我見到有十全肉骨茶小籠包，感覺好特別，我未見過，加上我都好鍾意飲肉骨茶，梗係要試一試。原本諗住就咁就算，點知臨尾俾我見到椰香荔芋臘腸香菇餃，芋頭我中意呀！見$29 有4隻。試下啦。第一樣到既係小籠包，正呀，咬落去勁多汁，我之前食嘅小籠包，啲餡料都係比較軟身，呢度嘅小籠包餡料比較有咬口。肉骨茶小籠包好高質，入邊嘅肉骨茶湯真係好好飲🤤之後到嘅就係嗰一人餐，嘩，咁多嘢嘅，個湯麵超級大，目測就咁食個麵都已經夠飽。食咗個羊肉餃先，我一咬又係勁誇張，爆汁嘅！個酸辣湯麵，湯底偏酸，我本人好鍾意，但係姐姐佢就食唔到咁酸。所以鍾意酸嘅話，可以叫酸辣湯底。之後就到好特別嘅椰香荔芋臘腸香菇餃。咬落去，發現入邊係勁重料。芋頭食落口超甜，我即刻同姐姐講，我覺得我媽咪應該會超鍾意呢個餃。我決定要帶我媽咪黎食！基本上每一個餸，姐姐個反應都係「嘩，好好味」，我真係忍唔住同佢講，妳唔好好似未食過嘢咁啦😂（不過其實我都不停講好好味）。呀～枱面個菜圃，食得辣嘅真係唔好放過，又係超級好味，搞到我都有衝動想買返屋企。…Read More

食完飯行一陣街，跟住見到the matcha Tokyo . 我同老公都好鍾意飲綠茶，所以就決定試一試。我叫咗抹茶，可以睇住佢慢慢沖，個感覺唔錯。至於老公之後叫咗ice matcha Expresso latte ( 走甜）。侍應話走甜嘅話做唔到好靚，冇咗個三層分明嘅效果。唔緊要啦，我老公話味道係唔錯嘅。至於我覺得我個抹茶，唔夠濃。感覺喺日本飲嘅濃d。…Read More

適逢亞女生日，即係媽媽受難日。老公就請咗假，趁阿女返學，就同我出去食個午餐。裝修都唔錯，幾靚。所以就揀咗呢間新加坡嘢食。我就叫咗個炒貴刁，老公就叫咗個喇沙。老公見到有螄蚶，話好耐冇食過，特登叫咗一份嚟食。炒貴刁我要求加多咗辣粉，有鑊氣好食嘅。螄蚶我試咗一隻，哇，好腥呀！睇嚟我都係唔啱食！我老公嘅評價就係，醃得麻麻。其實我仲有叫熱嘅拉茶。可惜我覺得茶味唔夠，感覺似係一包粉沖出嚟嗰啲。究竟幾時先至可以飲到水準好好嘅奶茶😩…Read More

今日送完亞女去畫畫，諗住過嚟坐低飲杯咖啡等。一嚟到門口，即刻眼前一亮，係「Ian」呀！！！原本諗住坐出邊飲咖啡，入去order 既時候聽到入面都係播緊Ian嘅歌，忍唔住喺室內坐低一路飲咖啡一路聽歌😍感覺好似有人喺度偷望我😂😂😂侍應生好好，佢問我係唔係hellosss,仲主動送咗應援物俾我。講返杯咖啡先，啲奶打得滑，咖啡都唔會好水。咖啡係高質嘅，如果唔係我都唔會每星期返嚟飲😂😂…Read More

平時真係好少機會入嚟將軍澳，難得今日阿女入嚟小學interview。所以就入嚟將軍澳食burger。大約11點45分到。已經見到兩三枱坐喺度，好彩仲有一張大枱。坐低就叫咗兩份burger同埋一份意粉。個burger好Juicy, 包仲要脆，正。炸芝士真係超級好味，咬落去嘅時候，啲芝士係溶㗎…Read More

之前返工附近冇太二，所以唔知道原來有午市套餐，今日送完返學經過見到，即刻入去食。$168 ， +1之後都要$184.8。價錢唔係特別平，但係其實份量都幾大，兩個人share食都可以。仲有甜品添，我覺得同夜晚食冇分別，魚嘅份量都多，湯入面嘅粉絲好似多過夜晚另叫嘅一份。…Read More

心血來潮好想食pizza，但係又唔想出街，唯有就係叫爸爸出去買啦。呢間Pizza Hut我哋成日都叫，keep 到水準。拎到返屋企仲可以做到拉絲😍小朋友就最鍾意食雞翼，妹妹每次都要食幾隻。…Read More

又到星期二溜冰，每一次溜完冰都要諗食啲乜嘢。今日都係簡單食算啦，去food court 行一圈。揀個最多人排隊嘅😂譚仔三哥老公就叫咗三個酸辣三小辣，我就叫咗三個酸辣中辣。有時我去其他三哥，個中辣係完全唔啱，又一城呢間個辣度合適。…Read More

好耐冇嚟過太興食嘢啦，今日送完返學之後。就去太興坐低食個晏晝。一點幾，唔多人，一入去就有位。叫咗個肥叉油雞飯+冰鎮奶茶。係我記憶入邊，我每一次嚟叫肥叉，佢都係同我講冇（或者一啲都唔肥）。我夾起舊叉燒，心諗「哎，一啲都唔肥既」。但係食落口，超級淋，好有驚喜。冰鎮奶茶，一如既往出色。。…Read More

5點幾等緊阿囡校車到既時候，就走佐去買媽咪雞蛋仔。放學時間居然冇人排隊。等佐唔洗10分鐘就食得。雞蛋仔好脆，原來諗住同阿囡share,點知校車未到我已經食佐2/3。…Read More

減肥暫時告一段落，可以不停食我最鍾意嘅打邊爐。品記平時我哋係會買外賣返屋企嘅，因為好方便。但係因為今日放工已經好晏，所以同老公兩個人去撐枱腳。通常叫返屋企，我哋都會叫花膠湯底，今次試吓沙嗲濃湯底，冇花膠咁野味，但係都唔錯。每一次必叫嘅都係本地手切牛。超淋超好味，不過唔知係咪心理作用，我覺得堂食嘅好似好味啲。辣魚皮好野味，夾啤酒係一流。…Read More

FTM既生活開始啦。送完妹妹返學，再坐巴士返到屋企，已經一點幾，發現自己仲未食嘢，全職媽媽真係辛苦（明明之前返工， 11:30就lunch time）。原本好想食公仔麵，忽然發現我好似未食過意樂lunch. 跟住記起爸爸，上次話蒲燒鰻魚炒珍珠飯幾好食，所以諗住坐低試吓。我覺得都幾大碟，食唔晒。味道都唔錯，凍檸茶好飲（夠檸味）…Read More