eat_best's Profile

今日去咗觀塘駱駝漆大廈第三座6樓嘅 **Day One Cafe**，雖然位置低調，但食物質素絕對有驚喜！ 點了外賣回公司慢慢嘆。🍝 **黑松露忌廉扁意粉** 一開就已經聞到超濃黑松露香！忌廉汁creamy得嚟唔膩，扁意粉煮得剛好，掛汁力滿分。松露份量足，每啖都係滿足感，鍾意松露嘅朋友必試～ 🥩 **香煎澳洲草飼肉眼牛扒配薯菜** 呢個配搭好特別！厲害之處我叫咗五成熟，外賣返到去都係好啱嘅，澳洲牛扒煎得恰到好處，medium rare肉質軟嫩又多汁。仲有蘆筍同車厘茄嘅微甜同牛肉出奇地夾，解膩之餘帶出層次感。薯菜份量足，是薯蓉香滑細膩，誠意推薦！ 環境舒適，價錢合理（觀塘區來講算高性價比），店員服務態度亦友善又有笑容。very good，下次帶埋同事嚟食！ …Read More

在協和街的轉角遇見這間小店，外面有一隻隻雞吊住，看見啲雞皮又薄又靚已經好吸引，再見到menu咁平咁抵食，二話不說叫個外賣返屋企嘆先。🐔 水門雙拼雞飯雞肉嫩滑得不像話！白斬雞皮爽肉嫩，加上炸雞，雙重享受，油雞醬香入味，搭配靈魂雞油飯，粒粒分明又香氣逼人，蘸上酸辣醬更是一口接一口停不下來。 🍜 泰式船粉湯頭清澈卻濃郁，暗藏魚露和香料層次，河粉吸飽湯汁，有魚蛋魚片芽菜通菜等各種材料，好味多口感。🌶️ 香辣紅咖哩牛肉飯咖哩濃稠度剛好，牛肉燉到鬆化，辣度是「微微冒汗但忍不住繼續扒飯」的程度，哈哈，薯仔吸滿咖哩精華，邪惡又滿足。 ✨仲點了小食都好吸引：香茅雞翼外脆內多汁，醃得夠透；雞雜處理得乾淨，爽脆蘸辣醬超正，仲有涼拌牛舌，超好食啊。整體非常滿意，即叫即整，價錢又平，會在encore，值得推薦。 …Read More

今曰去左銅鑼灣百德新街美食街食午餐，呢間叫赤，門面已充滿高級日式餐廳的感覺，不過價錢又不算貴，就試一試。正是中午時分，有午餐set，揀左這份「三色刺身丼」，以吞拿魚、三文魚、油甘魚為主角，魚生切得厚薄適中，色澤鮮亮，一眼就能看出新鮮度十足。吞拿魚口感柔軟帶微甜，三文魚油脂豐潤，油甘魚則有獨特的爽脆與甘香，三種魚肉在口中交織出層次豐富的風味。米飯溫度恰到好處，醋飯的酸甜比例平衡，不會搶走刺身的鮮味，超好味啊。 這個set搭配的前菜也毫不馬虎，有四樣咁多，首先椰菜絲沙律，清爽開胃，可以自行加醬汁調味，另外茶碗蒸，滑嫩細緻，仲有漬物和麵豉湯則為整套餐點增添了傳統日式的溫暖感。以$148的價格來說，無論是食材品質還是整體搭配都物有所值，刺身用料真係非常高質，超好食！ 令我最後仲點咗一個燒原隻魷魚筒，燒物都好出色，佢燒得一點也不乾，仲包留到魷魚新鮮肉汁，而且配上特製醬汁，令佢魷魚鮮味再提升，整餐飯都很滿意，一定再來。…Read More

這間位於淘大商場地下的「阿城鵝肉」絕對是驚喜之選！佢係台灣連續六年米芝蓮推介，食物質素同台灣一樣，卻令人印象深刻，尤其是他們的招牌鵝肉和小吃，每一道都充滿地道風味，絕對值得一試！ 白鹵水鵝肉後半段：肉質鮮嫩多汁，鵝肉很新鮮，白滷得入味，搭配獨特的白酒香氣，讓人回味無窮，份量多，可兩人分享。 另外仲點咗三個個人餐，鵝腸，鵝心，同鵝粉肝，全部內臟處理得非常乾淨，毫無腥味。粉肝口感綿密，酒香濃郁，送飯送麵一流，鵝腸好爽口，而且喜歡佢切得好厚，食落好有口感，鵝心比較少食，肉質紮實，是下酒菜的絕佳選擇！ 我同朋友點了湯意麵 和 湯冬粉來送食，湯頭清甜，麵條吸飽湯汁卻不失彈性，簡單卻充滿古早味，暖胃又滿足，份量又夠，食到飽飽。飲品都係台湾飲品，有蘋果西打同猛將木瓜牛奶，蘋果西打清爽解膩，木瓜牛奶濃郁香甜，搭配重口味的小吃剛剛好。 整體好好，如果喜歡地道台灣小吃，這家店絕對不能錯過！…Read More

今曰我去了位於新蒲崗廣場的「好運泰國美食」，店面雖不大但乾淨整潔，裝潢充滿泰式街頭風情，牆上掛著泰國風景畫和特色飾品，氛圍輕鬆。中午時分，同朋友點左幾款野食。泰式燒雞翼，雞翼外皮烤得焦香，肉質嫩滑且醃料入味，熱辣辣好好食。咖喱牛腩飯，才$58，咖喱汁濃郁，椰奶香突出，牛肉燉煮軟爛，少少辣，好惹味，正。 泰式船河，湯底鮮甜帶淡淡香料味，河粉順滑，牛肉片嫩滑美味。仲有牛丸同其他配料，口感豐富好味。另外，泰式蟹肉煎蛋餅，蛋餅厚實蓬鬆，蟹肉份量足且鮮甜，搭配甜辣醬仲好味。份量多好食。 整體來説，價錢合理，味道好，非常滿意。…Read More

今日去到新蒲崗Mikiki對面嘅「天廚海南雞」，試咗幾款招牌菜，整體質素出乎意料，絕對係區內高性價比之選！ **✨無骨海南雞** 一上枱就聞到淡淡雞油香，雞皮金黃透亮，肉質超級嫩滑，完全對得住「無骨」二字！入口啖啖肉，蘸埋佢哋特製嘅三色醬（黑醬油、薑蓉、辣醬），層次感即刻提升。雞肉本身調味適中，唔會過鹹，底下墊嘅青瓜絲清新解膩，個人覺得比好多連鎖店更出色！ **🐟鰻魚滑蛋飯** 鰻魚份量足，表面烤得微焦，醬汁偏甜但唔會膩，肉質厚身無骨。滑蛋係亮點！火候控制得剛好，蛋液半凝固狀態，撈飯一流。不過飯量略多，如果醬汁可以多啲就更完美。 **🥩安格斯肉眼扒滑蛋飯** 驚喜之作！肉眼扒大大塊，肉質鬆軟有牛香，以茶記價錢嚟講超值。滑蛋同樣高水準，仲可以自選黑椒汁或洋蔥汁，建議揀洋蔥汁，甜鹹平衡更夾牛肉。配菜嘅炒雜菇都入味，整體份量十足，男仔食都夠飽。 整體來講，海南雞必試！鰻魚飯同牛扒飯都係誠意之作，人均$60+已經食到超滿足超值。如果經過新蒲崗，絕對值得專登拜訪！ …Read More

位於鑽石山荷裡活廣場的Make Up，店面裝潢簡約現代，燈光柔和，營造出舒適的用餐氛圍。服務人員態度友善，上菜速度適中，整體服務體驗良好。 燒日本黑毛豬鞍，有洋蔥汁黑椒汁同埋牛肝菌汁，揀了後者，豬扒肉質鮮嫩多汁，搭配濃郁的牛肝菌汁，味道層次豐富。配菜有黃瓜清爽解膩，是日餐湯是蘑菇湯，香濃順口，仲有餐包，凍奶茶茶味濃郁，奶香十足，非常推薦。 另外點的了香蒜鮮蝦橄欖油炒意粉，鮮蝦份量多新鮮彈牙，內裡肉質細嫩，搭配炒香嘅蒜增添香氣。飲品揀了果茶，搭配令人驚喜，果茶清新酸甜，平衡了主菜的油膩感。追加32元的「是日甜品」，是抹茶紅豆千層蛋糕，但口感細膩，為餐點畫上完美句點。 諗住食得晒，仲點了夏威夷風情薄餅，薄餅餡料豐富，菠蘿的酸甜與芝士的濃郁融合得恰到好處，餅底酥脆，食吾晒拎回家亦不影響風味。 整體非常滿意，性價比合理。菜單選擇都多樣，食材新鮮，好食，值得再次光顧！ …Read More

今日同男朋友慶祝，揸車去咗九龍城食泰菜，泊車又方便，呢間小曼谷海鮮燒烤屋，真係一流，地方又方便，氣氛又好，裝修有靚，服務好，最重要係價錢平靚正，好食得嚟，又大件夾抵食。見到menu揀，揀左牛油蒜蓉燒蟶子，之後就見到個二人餐，398元好多熱門岩食，咁嗌個餐真係好抵，有咖喱又串燒，有菜，有新菜鳳爪，仲送芒果糯米飯啊，正。唔使等好耐就有得食喇，畀佢嗰份量嚇親，因為碟碟都大大碟，我覺得二人食已經飽到不得了，先講蒜蓉燒聖子，佢係燒嘅，所以仲係好彈牙，而且好惹味，食得出鮮味，好新鮮，值得叫。之後二人餐我嗌咗個黃咖哩雞，仲有串燒有雞牛豬同埋泰式臘腸，第一次食泰式臘腸，燒得幾好食，腸皮香甜脆口，吾錯。之後有個極大碟嘅泰式鳳爪，鳳爪去曬骨，食落好方便，而且個醬汁好惹味，小小辣好開胃，最後仲有一碟大大碟嘅菜，我揀咗椰菜苗，一波一波一粒粒咁又幾得意，一口一個，又有咬口，好食，我哋揀咗兩個白飯，其實仲可以揀蒜蓉包同烤餅。食到好飽，仲有個芒果糯米飯，估唔到送嘅份量都係大大碟，芒果好甜，椰醬又好香滑，糯米飯熱啦啦好軟熟好好食，我哋兩個都食到好開心，好飽，真係超級抵食呀。值得推介。…Read More

今日中午，在旺角西洋菜南街呢間河內越式料理買了幾份外賣回去食，覺得整體價錢合理，味道又好，都吾錯，特別想推介一下。點了咖哩牛腩飯，蕃茄牛腩飯，豬頸肉蛋飯和香芧雞翼。先講咖哩牛腩飯同蕃茄牛腩飯，兩者牛腩都是嫩淋入味，份量都好夠，兩者之下外有特色，咖哩牛腩很惹味，咖哩味濃，喜歡佢嘅薯仔，都入味好送飯好食，蕃茄就感覺健康，兩個都好食。至於越式豬頸肉蛋飯，佢嘅豬頸肉很好食，外面周圍很香口，豬頸肉又保留口感爽口彈牙，份量都夠，是越式菜中必食之選。另外加了份小食香茅雞翼，有兩隻，都非常香口惹味，價錢不貴，外皮煎香，肉汁仲保留住，好味道，整體都好滿意，旺角必食精選。…Read More

今日去了水門雞飯買外賣返去食，佢嘅雞飯真係冇得頂，食落感覺健康又好食。呢間在豉油街的水門雞飯服務仲好好，現在服務都是不少人注意的啊，這個讚！我地嗌了幾份餐，有招牌水門雞飯，乾炒辣牛河，紅咖哩牛肉飯，仲有新出的椰菜花雞飯。先講水門雞飯，雞又滑又嫩，飯是油飯，特別好食，食落吾會覺得膩，好食。乾炒辣牛河就很惹味，我是外賣的，份量勁多，全盒滿滿放到實實，又香又辣，勁好食，估吾到雞飯店的炒牛河都咁出色。紅咖哩牛肉飯，佢很細心分左兩碗，一碗係飯一碗係餸，紅咖哩吾算辣，同牛肉一齊整得很入味又嫩淋，很喜歡佢其他配菜，都很入味，很送飯。最後是新出的椰菜花雞飯。佢用椰菜花d花粉當成飯，所以真的很健康，而且又好食，有咬口，雞應該是水門雞，改左椰菜飯覺得更精甜，好好食，健康之選，吾多餐廳會咁做，因為應該比較難整吧，又吾貴，真心讚。…Read More

今日中午去左呢間鐵板世家食飯，中午時份都幾多人，不過都未洗要等位，咁多人食一定好食了。入到去，裝修靚環境都乾淨，坐位都闊落，店員招呼同介紹餐牌，我地就點了兩個餐，價錢都好合理。點了肉眼扒配珍寶腸，揀了意粉黑椒汁送了白湯，凍奶茶。另外就點了鐵板肉眼牛扒配雜扒，有餐包，紅湯，燒汁，凍檸茶。先講肉眼扒配珍寶腸，好大份，肉眼很嫩淋，意粉勁大碟，配黑椒汁很惹味，好食。至於鐵板餐，佢在你面前落汁在鐵板上，很有義式感，哈哈，熱辣辣很香，口水直流，牛扒同樣嫩淋，仲有雞扒等，佢配薯菜，份量都係好多，好食，食肉獸嘅我岩晒。整體都好滿意，份鐵板都不用一百元，超值。…Read More

今日去咗將軍澳探朋友，係Monterey呢個商場下面就有呢間牛肉麵店，叫喜牛蘭州牛肉麵，商場在同區好多人識嘅，因為上樓上已經係donki啦。呢間牛肉店，地方算好大，而且座位都好闊落，不過我今日係買外賣拎去朋友屋企食。我嗌咗一個蕃茄牛肉麵，牛肚麵，喜牛牛肉麵。另外仲嗌咗鹵蛋同埋雞翼。外賣唔使等好耐就有得拎喇。佢嘅麵底可以揀唔同嘅麵嘅麵型，我就揀左細麵。三碗麵湯底一流，很鮮甜美味，牛肉味濃。蕃茄牛肉麵就蕃茄味濃郁，好食，牛肉嫩淋好好食。而牛肚麵就係辣嘅，佢牛肚同埋辣嘅醬汁係分開嘅，所以可以自己調教辣度。最後喜牛牛肉麵更加好食，係佢招牌嚟，麵可以配其他食物，除了素菜，仲有葷菜，我點了鹵蛋同雞翼，都很入味，價錢合理，服務好，味道一流，一定會再幫襯。…Read More

今晚嚟咗石硤尾南山村呢個冬菇亭食宵夜，呢度算舊區，很有特色，街坊都很熱情，時間係晚上十點幾，但係呢都已經好多人，好熱鬧，有食店更要排隊，都是年輕大學生，氣氛很好。呢間在熱鬧中的小店，叫髀加燒，我同朋友嗌咗生炸雞髀配碗仔翅，只係48蚊。碗仔翅超多料，大大碗，食完都半飽喇，佢好細心，會比埋醋，麻油同胡椒粉比你自己落，可以食返自己嘅口味。生炸雞髀就更加出色，係即叫即炸，熱辣辣咁上碟，外皮香脆，肉質鮮嫩，好好食啊，咸咸地又夠味，吾錯，48元連大大碗碗仔翅真係好抵食呀。另外仲嗌一份香爆魷魚鬚，魷魚鬚很香口惹味，又吾un，岩岩好有口感，份量都多。最後越食越肚餓，嗌埋個牛扒意粉，超大碟啊，牛扒大大塊，揀咗黑椒汁，牛肉肉汁嫩淋好好食，牛味濃，超大碟可share 食，真係美味又滿足丫。…Read More

今日去咗新蒲崗mikiki對面嘅景福餐廳食飯，我哋嗌外賣返屋企食，佢價錢合理，份量又多，而且又好味，即叫即整，超好食，值得推介。晚飯時間我點出三個餐，分別係蝦醬蒸豬頸肉（$59），另外就係馬拉盞通菜炒牛肉（$59）仲有薑蔥霸王雞（$59），全部都係59元，連飯連湯。先講個蝦醬蒸豬頸肉，佢係即叫蒸，蒸豬頸肉好嫩滑爽口，蝦醬味好香，仲有啲南瓜，送飯好食。馬拉盞通菜炒牛肉都超大碟，成盒滿嘅，牛肉好嫩滑，通菜又好香甜，好食。薑蔥霸王雞份量都好，多薑蔥在雞面上，而且雞好嫩滑，好味道。另外個餐湯都好正，有冬瓜，蘿蔔，薏米，仲有陳皮同雞腳等，吾係味精湯，難怪咁多年都咁多食客，整體都好滿意。…Read More

今日去左新都城搵嘢食，係喺二樓對住天幕廣場就有間餃子店，叫餃掂，岩晒了，覺得好耐冇食餃子，是很好的選擇。地方吾算大，不過都乾淨衛生，同朋友兩人食，我點了餃子麵，要韭菜豬肉餃，好好食，大大粒有六粒，韭菜味好香，感覺冇味精，好健康。而朋友就嗌左雲吞麵，一個有12粒好多粒，肉汁鮮甜，彈牙爽口皮薄餡靚，大大碗好食。另外仲點左香煎軟心芝士餃，煎得很香脆很香口， 一咬就濃濃的芝士香同埋粟米鮮甜，好好食。蜜餞雞翼超級入味，甜甜的很開胃，夏天食配餃子好夾，又吾貴，點了三隻岩岩好。另外飲品推介蜜檸意米水，大大杯，真材實料，飲落很清新，感覺很健康，整體全部都好食又吾貴，值得推介。…Read More