Sergeieve's Profile

櫃面唔忙，得一位男士攞蛋糕。我同老公排隊買蛋糕個女仔全程唔望人，個男士企埋一邊等，比我地買蛋糕外賣先。我同個女仔講我要邊兩件蛋糕，佢直接去攞我果兩件蛋糕達上櫃枱，即係佢聽到架喎但黑面冇出聲冇反應。到我比左卡佢就再黑面問我：夠未？咩夠未？講左呢兩件卡都碌左，包埋左個盒先問夠未？？邏輯好強！返到屋企食就如上面啲comment咁講一味得個甜，焦糖 綠茶 紅豆全部同一隻味就係甜...Oh no...永不回頭之選！到底咩事咁唔想做就唔好做，無謂用趕客呢招丫～即場寫個生日蛋糕字係咁煩咁唔願意既，咪叫啲人一早預訂蛋糕講埋咯。又要provide呢種懶係即叫即做形式既野但又唔願咁又要黑面，寫果幾隻字好似全村人得罪佢咁。邊個黎買蛋糕同人慶祝都已經唔開心啦。too bad really...…Read More

自從上次寫過食評之後，經常見呢到排長龍。今日睇完戲見都成3點半，門口冇人就同朋友落黎。門口空無一人，入面半個場都吉既，但個經理係我地面前行黎行去左好耐都冇人問我地幾位。呢個時候後面開始多人排隊,另一個侍應就慢條斯理過黎帶位。都唔知攪乜啲食物質素差左好多，你望下呢碟百幾蚊既鵝肝多士：多士燶到苦，鵝肝煎得太over。仲有朋友點左個長通粉佢話個味好怪酸唔酸鹹唔鹹咁。我就影都冇興趣又係普通到唔普通仲要細碟仲要難食。最大問題係我朋友點餐果陣個經理顯得十分十分不耐煩。其實做咩事呢？我同朋友係黎享受下午茶。完全係失望！…Read More

上次寫過篇讚既食評今日再去食直情失望。好似去左第2間餐廳咁。龍蝦扁意粉無啦啦酒味多到苦，小朋友唔食。龍蝦肉幾粒咁啦但收$268。用個殻冚住就算，睇我上次食評幅相差太遠喇掛！凱撒沙律basic野好難特別唔好食杯蘋果香檳熱唔熱凍唔凍咁攞出黎唔夠汽唯一得個蕃茄雞肉丸好食一路食侍應一路咳我都唔會禁止人病而咳既但可唔可以唔好企係客人枱前狂咳痰十下。然後我朋友未食完個侍應收左佢隻碟。收碟快我讚既不過佢隻手指好順手咁插左落我碟龍蝦意粉到。包都唔洗打即刻賣單唔該。…Read More

電話一直唔通，睇網站話開11點咁就第2日11點去到以為得啦。樓下保安姐姐話開12點，即刻企左係到！再打電話都係冇人聽極無奈唯有同朋友行街。等到12點再打上去都係冇人聽咁就12點2上去。點知門口reception話冇book就冇位今日已滿。喂咁我係咪要一個月前book定？每間餐廳都會預留位做walk-in,呢間冇加佢網站又寫錯時間！請問係咪米芝蓮幾星？…Read More

同朋友約左其他朋友食lunch,兩個好耐冇見就聚下先飲杯野傾下計。黎到The One朋友話呢間未試過就黎試下。係門口睇到有青瓜梳打就埋counter點餐。counter個女仔冇禮貌，喵一喵我同我朋友繼續篤部機。我同我朋友再望住佢，佢就指隔離個男仔話：你同佢落飛先啦！嘩咩事...晨早流流咁大怨氣算吧，見到朋友既高興都唔得閒理佢咁既態度....但坐低我朋友同我講好污糟佢話攞糖同飲管個位癡立立啲糖溶哂出黎攪到我要攞溼紙巾比佢抹手。仲有烏蠅蚊飛黎飛去！音樂嘈到我地要好大聲講野飲完杯野拿拿林會合朋友走，唔會再幫襯…Read More

12點7入到去冇乜人就好快落單,跟住等左7個字(35分鐘)! 侍應態度好差!漏單都完全唔理你~咖啡都飲哂~隔離3個人都食完走埋~第1次我問一個短髮侍應,佢話我要排隊等炒逐碟黎~我點唔排隊等??最早黎最遲未到~講緊斜對面個男仔同我食同一樣野都食完走左。佢都望下我到問收銀紮馬尾泰國果個女侍應仲衰~佢話“每樣野我地唔同架~我地分開炒”再嘴妙妙。我梗知你唔係大鑊飯啦~唔好答啲唔make sense既答案得唔得?我睇住同一碟粉你出左4個。咁好明顯我漏單先問你啦。跟住我起身走~因為計計埋埋我花左41分鍾係呢到~我話我淨係會比返咖啡錢~佢話要收返我成個餐45蚊仲話我:“乜你咁乜野架!”我禮貌問你地你地唔理我~漏單去左叫出面啲人入黎坐都冇去同我望下~唔發火就奇啦。我擺低20蚊就走。買麵包返公司食。今日真係好黑!!!入左呢間野…Read More

同其他comment一樣。啲野真係超級咁難食!!啲位同位之間好窄,似茶樓而且好焗,完全冇氣抖既感覺。今日22度咋喎攪乜?由帶位果位姐姐個態度開始,食左餐惡夢!好多位都唔比人坐,將食客逼哂係中間。侍應全部叫極都冇反應兩個意粉salty到爆同其他食客comment一樣。啲肉碎好鹹呢個carbonara完全冇蛋香,成兜都係芝士醬。超級咁鹹,食哂一日需要既鹽分,我以為自己食緊一個冇味覺既老人家既家鄉菜!麵包又係,鹹到。。。。落黑醋感覺都冇變好到。全餐得甜品好食,但雪糕唔似自己整,咁實好食啦。毫無心機煮,咁多人比comment都唔改善,到底點解呢??難怪每次行過都冇乜人。講緊潮語“勝價比”。。。你輸哂…Read More

同朋友行完街即興過黎飲茶,一入門口reception已經好晦氣,寫完紙隊比我地話“入去啦”到帶位果個仲更加不知所謂,佢首先帶我地去張4人枱,然後佢話呢張大枱兩個人唔坐得。跟住帶我地去門口張一半入左牆,得一張櫈既位叫我地坐,點坐呀,人地推門入黎絕對撞到我膊頭。咁我成餐茶咪一有人開門咪起身??跟住佢又帶我地行去大廳,我好火滾,佢再大聲強調啲4人枱兩個人唔坐得咯。我丟低張點心紙同賣單卡轉身同朋友走。部長呢個時候走出黎話個帶位做乜人地入到黎有位唔比人坐。果位呀姐仲大大聲話咁坐啦。你地冇野呀??你覺得咁既態度過呼呼喝喝,我仲要幫襯你?唔好唔幫我登!!我覺得呢件事係應該比所有potential customer知道。我想話我平時係附近返工,萬一下次我帶左我啲客同老闆黎飲茶咪死!!!!呢間野既老細,如果你睇到而又注重自己盤生意既,唔該換左果兩個金髮聲大夾惡當客係仇人既女侍應。食客係黎食野係黎享受唔係事必要受氣既。…Read More

好日唔行太古城...第1次黎就比人倒水入鞋。我要買六合彩!!2點半左右黎到,仲有3張枱。但上手食客啲野擺到勁核突都冇人執...我同隔離位太太都得左20分鍾先有人黎執枱。中間兩個店員都只回應但走左去,由啲野繼續擺。最後,呀店員將所有飲品加杯倒落佢個盆到果陣,杯裡啲水向我倒埋黎再灑到一地都係。我對鞋同條褲都一達二達。我果下冇話佢因為我覺得啲水好污糟用紙巾抹都抹唔切,你睇都唔睇下隻杯仲有冇野就“那”落去,如果係咖啡咁點?!但如是者,佢係冇拖地就速逃!到買野食,隔離枱鼓噪話買足廿分鍾。我同我朋友都係。我朋友仲要買兩次因為講完要乜之後,第1張單竟然淨係打左飲品。食物完全同我地省略。難怪每個人點餐都買咁耐。你係得既!我黎到係齋飲唔需要食。呢枝咁既鮮蘋果汁。。把鬼。又酸又怪。朋友杯咖啡好香又幾似樣(兩張單行兩次分兩次上)呢碟野經典,難食!奇腥無比!我要既fish and chip唔係fish fillet....呢碟野個包係法包切落黎查啲蒜蓉醬就算。個意粉。。。算吧,朋友話唔好浪費quota食佢。。。****************Food is so-so and I will never visit again...never ever...******************************…Read More

開完會,同朋友約出出面lunch抖抖氣黎到唔洗等位。即刻叫個Lobster linguine因為我係為左佢而黎朋友叫左Truffle fries, Mock champagne, Americano..同 Caesar salad.佢拆左肉同有啲膏拎去煮個汁,一上枱就好香。Mock champagne...岩女仕飲..但佢個蘋果片係咁滴汁,:好新鮮喎。其實佢同海鮮好夾。個黑松露薯條熱食一流。惹味。我見朋友都食左唔少(平時只有我會食薯條)。另外因為我唔飲得咖啡,但朋友杯americano好香。。攪到我超想飲。個沙律就平淡左啲。不過呢碟係細既,其實份量絕對夠哂兩個人賣單$519D我地會再黎。順帶一提,我覺得全部侍應都態度好好...有質素有禮貌…Read More

未到晚飯又食左lunch...行過就買左杯熱咖啡,平時經過見佢開左一排但都冇機會試。整體感覺係員工好有禮貌,態度好好。冷氣夠。返到公司開黎飲,熱咖啡好香滑搵日我會黎坐低試下佢個麵,同事話唔錯…Read More

難食到不堪!!$678兩個人食擦子膠!Book左9點,8點50黎到。坐低自己睇餐牌,冇人話可以點咩唔可以點咩,餐牌指示唔清晰你hea極都整個 label落去啦下話。好喇,咁是但啦,話黎左海鮮先!點知望到果4粒帶子我已經冇胃口。完全蠔屎咁既味,蝦同大家講既一樣好霉又話澳洲和牛,其實就肯定唔係和牛,陣味“蘇”到又un,我好想問牛點解會有豬蘇味。叫左碗蔥花溫泉蛋飯,直情冷飯撈隻水蛋。朋友完全唔食飲品冇seke,甜品帶年糕燒,飲asahi加錢4x蚊杯,食日本和牛餐先唔洗加。攪左一輪等啲厚實既擦子膠熟都等好耐,唔知點解50分鍾就話last order。呢個我是但你啦,反正難食到想起身走,但其他食家可能介意你咁做總括黎講唔會再幫襯,同啲正點食評差太遠…Read More

行過見到新開同朋友睇餐牌..有店員比menu我地睇,見到有牛排就吸引左我入黎禮貌好好另外佢個牛扒係炭燒,脆既但肉汁仍在7成熟呢個意大利飯就硬左少少。但蝦同其他野好鮮。始終Risotto好蝦人煮...環境幾好坐得舒服....Margarita好飲。偏果汁味重,岩哂女仕口味。小食拼盤有炸芝士波、蝦、蕃薯、餃子。芝士波非常好食。牛扒送南瓜湯好好飲。有粟米味同睇得出手打既,唔係加豆粉開。同朋友食得線滿意…Read More

諗黎諗去放假一想同朋友飲茶就會黎呢到,門口帶位同派飛個短髮ee真係好有禮貌好好!坐左近門口側邊個偏廳,逼左少少但野食好okay。今次叫左香茜牛肉腸粉、千層咖啡糕、炸蝦餃、馬拉糕、牛肉球、鳳爪、娥姐粉果等等。(本身諗住食隻乳鴿但最後冇黎,下次再試)呢個好特別,入面有介茉醬,脆新野黎。娥姐粉果係有蝦既,另外一款係素粉果,我今次先睇到原來咁分!皮煙韌本身諗住叫千層蛋黃糕,但改左menu。有新意喎咖啡糕好mocha味,朋友都讚。其餘係外賣比屋企人食既,4人份量賣單3百零蚊,service好,部長侍應反應快會禮貌應你“係,轉頭比你:)”之類。我覺得飲茶都可以坐得舒服食得開心:)起碼唔會破壞我晨早放假既好心情…Read More

同事介紹話食物唔錯咁就決定黎呢間啦。點知入到去阿侍應嬸嬸話“哎,鍾意坐呢邊又得果邊又得邊邊都得啦”好勁咯,禮貌好到咁。好啦算,同我女上司坐低一齊邊傾一邊點餐,呀嬸又殺出黎話“兩點半last order,3點close喎”我同老闆即刻起身走,然後呀嬸又黑面高8度話“下,唔係呀,半個鍾都食唔到呀”喇,我係唔介意去任何茶餐廳食快飯,但比呢個價錢咁既態度就免喇。…Read More