coeychan's Profile

禮拜五下午放假，同同事6個人2點幾去到餐廳，因為大家之前都食左啲野，所以大家只想食少少野，搵個地方坐低吹下水咁，同事見到餐牌上寫每人最少飲一杯野，咁就入去啦，大家叫左3個午餐，諗住晏啲先叫6杯飲品，點知個著便服短頭髮嘅女職員立即好串咁話，"每人最少叫一個餐喎!" 同事話，"唔係喎，我見到最少叫一杯野飲就得喎! "個女職員話，"邊個咁好同你咁講呀？"同事話，"你個menu寫住喎! "個女職員就話"而家新年嘛!" (年廿五就叫新年??!!)之後我地叫佢落住呢啲先，佢就黑口黑面走開。食食下野，我地發現後面張枱有人食三文治同格仔餅，於是就搵人嚟問問點解唔見我地個menu有嘅? 點知又係嗰個女職員行過嚟話, "點呀？仲加啲乜野呀？"我話，"我想問下呢，我見到人地有三文治呢啲野食，點解我地無嗰個menu嘅? "點知個女職員發火 話"人地話唔食飯丫嘛, 咁我咪俾呢份menu佢地囉，咁你地食飯丫嘛，我咪俾呢份menu你地囉!!! 話我點解唔俾你!!!" 同事見佢咁癲，就唔敢刺激佢，就話，"咁你俾嗰份menu我地丫", 我同同事講，我幾時話我要食飯呀? 點解一定要食set lunch呀？啲set lunch又唔係特別吸引! Menu嚟到就知點解了，原來啲三文治平過set lunch幾十蚊，佢地就想迫人食set lunch, 但係唔係個個上嚟一定好肚餓架嘛!! 你個lunch又湯又包又主菜又野飲，咁想食少少野嘅人點呀？散叫唔係客人呀？ 真係未食都一肚氣!最後坐坐下有下午茶，所以都加左三人份量tea set。食物方面Set lunch有三款湯選擇，紅湯，白湯同洋蔥湯，我地每樣叫一個，我無飲到，同事話味道都係普通餐廳水準。Set lunch我地叫左一個豬脾飯，豬脾幾淋，都幾好味。一個炸魚薯菜，呢個都唔差。另外一鴛鴦焗飯，呢個好似大家樂水準。下午茶餐，我地叫左個二人pizza餐，pizza有6件，熱辣辣，味道都唔錯。另一個叫左雪糕格仔餅，雪糕有三款選擇，我地要了雲呢拿雪糕，個格仔餅就普通到不得了，鹹食應該好過甜品。總括食物中規中矩，唔係特別好味。服務除了著便服短頭髮嘅女職員態度惡劣質之外，其餘職員都ok有禮貌嘅。不過就係因為呢個女職女，我地已經bad list左呢間餐廳，仲叫身邊朋友不要貼錢買難受。其實一間有質素嘅餐廳，係唔會淨係俾午餐的餐牌，而散叫嘅餐牌就唔提供俾埋人客的! …Read More

自從兩年前响上海食過Dairy Queen後， 簡直深深愛上佢 雖然香港無分店，但近近地澳門都有，所以每逢去澳門，都必定會去食一杯 响上海就叫綠茶味食，嚟到澳門有杏仁餅加落去，原來綠茶+杏仁餅都好夾 綠茶味有茶香味，而加上相信是澳門獨有的杏仁餅碎就非常有口感…值得一試!…Read More

每次去澳門， 都必定會去火龍媽媽食飯。每次水準都一樣，好好味。好過好多都出左名嘅店舖， 水準每次都唔同。推介1)咸檸雪碧$18，好好飲， 飲完喉嚨好舒服。推介2) 煎蝦米餅$110，蝦用蒜蓉炒過，好香，煎米粉餅夠脆又香口， 加埋佢秘製嘅辣椒醬，正正正推介3) 芝士黃金蝦$36，好香口，價錢超抵食另外一品米線$68, 都好味，個湯底好香，好飲，另外海鮮又夠多, 加埋佢秘製辣椒醬， 夠晒惹味…Read More

與3位朋友聚舊, 想試試中餐~朋友介紹諾士佛臺天與地~未試過, 就試一次啦~我7:30pm到, 朋友放工趕來未到, 叫我幫手叫酒精飲品, 因為happy hour至8pm~我第一次來, 朋友說happy hour是買一送一, 但我看drink list 看不到寫買一送一, 那就問問侍應就最清楚啦~點知那位頭髮束辮的男侍應態度極度惡劣地說是special price, (但沒有回答我有沒有買一送一, 因為special price都可以仍有買一送一的嘛), 那我再問多次"咁即係有無買一送一?", 那位頭髮束辮的男侍應繼續以極度惡劣的態度及極不耐煩的表情對我說是special price, 我再第三次問他, "咁係咪即係冇買一送一?", 他才說冇!! 那時候我已經嬲到想離開餐廳! 大佬! 唔清楚才問你, 為何要那副態度??? 為何我要受你氣???到7:45pm他又以不耐煩的表情過來催促我落飲品order(第二次來催我), 大佬!! 4位只有我1位到, 等一陣可以嗎?? 我知道8點前happy hour囉!!最後叫了2杯Nothing 及2杯Perfect Martini, 坦白說, 不關那束辮的男侍應的服務態度事, 真的不太好飲, 酒精太重, 好彩各人只叫一杯~之後食物點了小籠包(肉太多, 沒有肉汁)、臭豆腐(一口一粒, ok好味)、皮蛋豆腐(ok)、黃金蝦(好好味!)、唔記得咩生菜包(ok)、齋春卷(好味)。總括來說, 食物味道可以! 酒精飲品可以一試!! 服務態度惡劣!!就係因為那位頭髮束辮的男侍應那惡劣的服務態度, 我不會再光顧天與地! 亦會叫朋友不要光顧, 無謂付錢受氣~~…Read More