Moncheri123's Profile

如果講難食, 呢間真係新蒲崗數一數二,叫咗個青咖哩雞飯外賣, 悪夢就開始!! 青咖哩不知所謂, 完全唔係青咖哩黎,個樣係黃咖哩嘅顔色, 根本唔知青左去邊度, 食落去你唔好期望有青咖哩味, 就連咖哩味都極之微弱, 冇咖哩香料味, 冇椰汁味, 好難食!!真係未食過禁難食嘅青咖哩!!仲有第一次食咖哩雞飯啲雞係雞扒黎, 佢由頭到尾根本係分開煮, 煮好晒等有人order先再決定淋邊隻咖哩汁, 真係犀利, 同碟頭飯嘅運作模式一樣。完全唔掂呢間野, 好少寫食評, 呢間禁大穫真係花幾分鐘時間都要寫。…Read More

佢個班㦸皮都真係差到冇人有😓😓唔係話要日本嗰隻質素，係根本連基本都唔合格。製作時間都幾耐，但質素同製作時間唔成正比，班㦸個皮又乾又硬又薄，終極難食😲😲我咁大個人都未食過咁難食嘅班㦸皮，難食到我有啲意外，畢竟出面都仲有幾個人等緊買班㦸，都有生意。我叫咗椰子雪糕，椰子味係夠濃，但雪糕個質地好奇怪，好似加左好多糯米粉咁，食落去係漿住咁，到底咩事好好地一個雪糕要搞成咁所以整體真係好唔掂，太安樓黎講有好多野都好食過佢，但服務態度良好，食物有待改進。…Read More