Yiufung's Profile

終於解封咗可以8人一枱了！ 約埋班同事一齊去食飯好既😋 葵芳呢間西餐可以有廚師發板，唔洗諗，對於我呢啲有選擇困難症嘅人來講，非常之非常之好嘅，唔洗自己諗🤣前菜有2隻法國白珍珠生蠔， 一隻爽甜、一個好cream ，都好好食，好新鮮。之後嚟咗個藏紅花魚湯，食落去層次豐富，與湯好鮮甜，銀雪魚都好新鮮，因為佢湯入邊有啲西芹，紅蘿蔔切到好細粒，但又唔會煮到好林，所以食落去個口感好豐富。之後就嚟咗個蟹子海膽牛油果，本身我個人唔食海膽嘅，因為驚佢會好腥同埋有時有啲海膽會苦，但係佢呢個食落去完全唔會有嗰浸腥同苦，反而係甘甜甘甜，尋晚埋牛油果係一種新嘅配搭，估唔到三樣嘢嘅味夾埋都唔錯。第4道菜有2款酥皮盒一個酥皮蟹肉 & 酥皮牛肉，佢哋話要先食完蟹肉酥皮盒，然後先食牛肉，仲要配埋紅酒一齊飲，成個感覺好match 😌 第5道法有法國鵝肝配燒菠蘿同蘋果蓉，我本身都好少食鵝肝，因為感覺會好滯，但係佢配咗菠蘿同蘋果蓉，酸酸地既感覺配上鵝肝感覺岩岩好，完全唔會好滯同油嘅感覺，配搭啱啱好👍🏻第6道菜係刺身帶子配集茄湯，可能因為上一道菜係鵝肝，所以呢一道菜就酸酸甜甜同系凍湯，可以去晒上一道菜嘅油膩感覺，變咗到開胃菜，如果夏天你食就啱啱好。第7道菜 北海道皇帝蟹膏配脆多士，呢個就無乜特別，因為我對蟹膏興趣不大最後有牛扒同埋一個甜品，牛扒好香炭燒味，時間啱啱好，食落去都仲好有牛肉白味。總括嚟講呢餐飯，食物品質同埋分量都好好，價錢都合理，平時出去其他地方食分分鐘應該會貴好多。…Read More

天園水餃好抵食，平時帶10隻水餃配呢個雞扒，一個人食可以食到好飽好飽，而且可以叫多蔥，對於鍾意食蔥嘅人來講係個福利同埋一個麻醬雞絲粉皮 都好好食😋另外就係嗰個撈麵，我就比較鍾意食多啲，因為佢個撈麵個味道啱啱好，唔會太鹹亦都唔會太淡。但今次我嗌左個白胡椒雜菌豬肉餃 ，諗住試吓帶新野但就有少少失望，因為上菜就咁睇已經等同於我張相睇到咁，好多粒都穿咗，開頭我仲以為佢送咗啲丸俾我😂點知先發現原來係個水餃穿咗，仲要底好多粒都係，有些少失望，下次我都係帶返啲韭菜餃算啦😂…Read More

中午比較多嘢做，你說落公司樓下簡簡單單買個星洲炒米，呢間野度食咩我通常都唔會行常餐/午餐，我比較鍾意嗌啲炒麵食，因為佢係即叫即炒，雖然等得耐少少，但係起碼啲嘢食熱辣辣係好食既。 外賣份量適中，但通常堂食就會多啲嘅同埋大份好多，但要趕住做嘢所以都外賣算了😂…Read More

星期日落雨想食啲熱辣辣嘅野食，就簡咗打邊爐，可能假期我哋6:00攞飛，七點幾先入去，但係因為無乜位，要坐近門口嘅一人坐，不過都冇所謂咁樣坐反而可以同男朋友一人一個煲，2種口味。 佢哎咗最平嗰個餐，都幾多嘢食㗎其實，我哋試咗佢個白鱔，發現白鱔都幾好食，唔會話好腥，其他都係正常打邊爐嘅嘢食。 啊！仲有佢個鮮蝦，食得出係新鮮嘅唔係嗰啲急凍嘅，同埋就算唔飲豉油汁都甜甜地，我哋都叫咗三次。如果鍾意食鴨血嘅話，我會建議唔好出去拎啲麻辣鴨血，可能因為比較浸得耐，所以我覺得有啲煮老咗 ，但個味係唔錯嘅 如果鍾意食啱啱好嘅話，會建議落order自己煮，個口感會控制得比較好啲。其他打邊爐嘅料都係普普通通，冇乜驚喜，所以都唔特別講。 不過佢嗰個乳酪雪糕，就會有啲失望，因為以前食開真係乳酪嗰隻雪糕味嚟嘅，但琴日食就反而變咗好似啲奶精製品味，好失望。 …Read More

嗰日喺紅磡收工，上網見到好多人食呢一間野，於是特登等埋男朋友收工去食，五點幾嗰時都要見到入面full哂，仲要不斷有人喺出面排隊，令我更加想試吓呢一間。7:00入座，環境簡樸，但好舒服嘅。佢醬油蛋飯好好食😋見到好多好多人哎，真係值得一試😋但個主食就一般，唔系好特別，而且個肥牛舊舊都有筋，好難咬。值得講嘅係個八爪魚冷盤、關東煮，八爪魚涼食咁你喺出面食過，所以都覺得好有新鮮感同幾好食。 關東關東煮好入味，點少少芥茉醬就已經覺得幾好食。 總括嚟講，不過不失…Read More

收工去撐枱腳，一入到去，都坐滿7-8成人，我哋買咗個炸饅頭，上堂嗰時， 哇～咗聲，好浮誇😂😂 但係係打卡既好時機，隻船不斷有乾淨啲煙出，真係好誇張😂 但啲炸饅頭幾好食，外脆內軟 另外，叫咗個酸菜魚，小辣，不過不失，但就係好似唔夠入味😂 個價錢其實都唔算平，但啲野食都不過不失既。…Read More

呢間自助燒烤，鍾意食海鮮嘅話就可以去呢間，因為佢主力都係以海鮮為主。 一入座嗰時佢會比一兜大頭蝦你，但係呢都係有少少梅嘅感覺唔係好新鮮，而且夾嗰啲反而新鮮好好食好多。但係不得不讚係佢比既鱔，燒出嚟真係好好食！！！而且又唔腥，唔會梅，可惜唔可以任叫。我哋夾咗啲鮑魚，原來鮑魚一定要轉開先可以燒，如果唔係需要中間會爆，會嚇親😂蠔無乜特別，帶子都ok。食到尾嗰時見到佢有貴妃蚌，燒咗兩隻嚟食，好爽好好食，但因為我哋都食飽咗都食唔落啦。 …Read More

間唔屎時都會成日同男朋友去撐枱腳食呢間，佢啲魚生唔新鮮嘅，而且價錢唔算貴，都算係性價比自選，唯一缺點就係成日都要排隊。我覺得佢哋啲帶子好鮮甜，又大粒，油甘魚都係我黎親都必選之一，一放放落口啲油脂就即刻好似溶咗咁，係幸福嘅味道🥰但係吞拿魚嗰度有一樣缺點，就係成日都會有筋，試過食幾次都係有斤喺度俾人難咬，但個味係唔錯嘅。 而其他嘢都不過不失。 …Read More

同好耐冇見好耐冇見嘅舊同學一齊去食燒肉，但係佢介紹我去食呢一間。我哋訂位都要提早一個禮拜上網訂。去到之後準時入座，我哋叫既燒肉都幾好食唔錯，唔會話一下有雪櫃味，佢哋上菜都好快手又唔會漏單，我個人比較鍾意食牛舌多啲，唔會好鞋都唔會好韌。 其他肉都唔錯食落去有都多汁，唔會話好乾咁樣。 最搞笑係我哋完全唔記得咗，去出去攞菜式同埋我除咗針嘢飲，勁搞笑😂 唔怪得啲侍應望住我哋。食到7788差唔多飽嗰時，先發現原來啲菜啊嘢飲呀同湯係出邊😂 間鋪佢就會好準時叫我哋交枱，連1分鐘都唔會遲，總括嚟講食物質素都唔錯…Read More

今日放lunch嘅時候見到有人派傳單話呢間野新開張，於是同同事去試吓呢間野，點知竟然有意外驚喜，比平時葵芳食開既都西餐好食好多，價錢都唔算貴，性價比幾高👍🏻嗌咗個安格斯牛肉意粉，而同事嗌左個菠蘿豬肉眼扒。 個安格斯牛肉意粉幾好食好入味，啲牛肉都唔似醃過鬆肉粉，食落去好有牛味又唔會韌。個意粉都煮得好彈牙，唔似平時食嗰啲發脹咁嘅口感。同事食嗰個菠蘿豬肉眼扒，見佢似落去都仲有啲汁流出來，食落去都好Juice，好鬆軟。個餐廳經理上餐嗰時都叫我哋趁熱食，咁樣先會食到佢好Juice嘅感覺。 另外佢都介紹咗飲一個香茅薑汁梳打，飲落去幾特別但係香茅同薑汁都唔會搶咗對方嘅味，反而好Fresh, 呢杯野幾特別，我都未試過喺出面餐廳飲過。 值得一提佢哋啲雞翼真係好好食，上咗枱隔咗一陣食落去第一啖都仲熱辣辣同埋有煙出，我最衰冇影相。新開業值得一試！ 希望可以保持水準…Read More

上星期公司聚會又去食Salamat ，菜式又唔同咗。我哋嗌左啲豬肉眼扒配燒菠蘿，牛肩板腱肉，香草麵包糠豬鞍架，同埋一啲小食。先上小食，秘製炸雞翼真係好好食，好啱用送啤酒，每次嚟到都會嗌囉呢個，真係好推介！👍🏻我仲叫咗個牛肉卷，食完都覺得幾特別，喺香港都真係比較少西餐廳會做呢樣野。我個人呢就好鍾意食嗰個豬肉眼扒，食落去啲肉質唔會鞋，好鬆軟得黎，又唔係落咗啲鬆肉粉。又Juice又好味。另外嗰個牛肩板腱肉，食落去個牛肉味好重，好香，鍾意食牛嘅都會建議去食個。不過我個人真係好推介，呢度嘅餐湯，佢唔似出邊着嗰到好稀，反而好creamy，味道亦都好濃郁，好值得去試吓。整體來講，食咗多次佢哋都keep到啲水準，真係值得讚。…Read More

我一收工唔好諗住去食一人鍋，點知太多人有排等所以就冇食到，改咗去食韓國嘢，原先我哎咗個石鍋豬肉拌飯、男朋友叫咗個辛辣海鮮炒麵之類既野。當我地等緊既時間見到其他食客都打邊爐同食佢地主打既奶奶雞，因為我地得2個人，驚食唔哂啲野，所以無叫到，不過睇見啲奶奶雞同豬手都好多人叫，系咁不停上菜。但我地啲野都未上到，可以無乜人叫所以要等耐少少喇。 但原先我系叫咗石鍋豬肉拌飯既，但個侍應話唔好意思，廚房搞錯咗，轉咗做牛肉拌飯，問我介唔介意。基於我太太太肚餓既關係，所以都無乜所謂，其實原本我就諗緊食豬定食牛好😂😂😂。石鍋牛肉拌飯都做得唔錯，好夠熱，味道都岩岩好，如果你覺得唔夠味想辣少少都可以自己加，因為佢地提前放好一碗仔韓式辣醬比食客自己加。 特別要睇嘅戲，佢個鍋好熱，所以系不斷都整到啲飯蕉出黎，我哋都好鐘意食，所以我哋都覺得好正！！！最後到個海鮮炒麵，男朋友話幾好食，少少辣同埋入面都有2-3舊炒年糕，唔錯咁話😂…Read More

Halloween第二日起身個人有啲頭痛，於是想其實食啲清淡少少既野，就簡咗食粥。呢間鋪嘅環境好乾淨，坐多闊落，唔同以往食粥既地方。我同佢係咪又係咗2個生滾粥套餐。我哋兩個都嗌咗及第粥，一碟蝦米腸、一碟炒米粉。同埋佢地有附送一小碟油炸鬼。個及第粥一上到黎就好熱辣辣，而且啲豬肚、粉賜同豬腰食落去都唔會有腥臭味，呢個真系直得賺，而且啲蝦米腸同炒米粉份量都好足，好彩我地2個都咁大食，先可以食得哂，如果唔系我會建議下次可以叫一個套餐同一碗粥就夠。埋單2個人先HK$102, 整體來講真係好抵食😋😋😋…Read More

嗰日同同事放工，啱啱出糧冇耐於是想慶祝食一餐，記得之前間鋪未裝修同未搬之前食過一次，矯飾尤其係嗰啲牙籤羊肉，於是諗住見佢新開左再同同事去食下睇吓啲味有冇keep到。我哋幾個人嗌左幾碟唔同嘅嘢，牙籤羊肉、串串蝦、涼粉、酸菜魚、東風螺，好似仲有啲雞肉。全部野都係叫咗小辣，但其實全部野上晒枱都唔係覺得好辣，連平時唔食辣野嗰個同事都覺得唔辣，可能我哋嗌小辣佢驚我哋食唔到咁多立美啦所以落少咗掛。首先佢先想涼粉嘅，但我哋食嗰個涼粉呢就完全唔凍囉，係室溫嘅溫度囉，呢個就真係有啲失望嘅。但個東風螺呢就好味好多，而且佢啲青瓜呢有啲似wasabi嘅辣味幾得意😂啲螺食落去係新鮮嘅而且唔會話好鞋，我哋都啱啱好。羊肉同埋雞肉嗰度主要係我哋覺得睇落好似好多辣椒但係好似冇乜辣味囉，不過下次可能試吓中辣，睇吓會唔會辣好多。另外嗰個酸菜魚呢個，就唔評論啦，因為我哋覺得冇乜特別。但係相反個串串蝦，我哋就覺得幾好食不過就係太多油啦，一個咩都就OK嘅。令我哋嗌左啲水果茶，同埋啲青檸梳打，咁水果茶呢佢一上到黎呢即刻好驚喜，因為真係好多水果同埋都好靚好大杯嘅。總括嚟講我覺得個味道呢未搬之前好食啲，而家可能因為多咗廚房，有機會唔同廚師煮嘅，所以個味可能爭少少。不過個環境呢就比以前坐得舒服咗同埋都乾淨好多嘅。…Read More

前排社交平台睇到佢哋買嘅廣告，睇完都覺得幾吸引可以試吓，於是就同男朋友喺社交平台度留言同埋book位，去睇吓究竟好唔好食。由於我哋有提前book檯，所以我哋有得任食海鮮。一坐低就見到有炸物同埋串燒可以落Oder, 於是我哋都樣樣都落咗少少，好彩佢哋可以單件咁哎，唔使一下子就食咗好多炸物同串燒，諗得都幾周到。但係原本我哋嗌燒雞翼但係佢最終來做炸雞翼，唔知係咪太多人所以搞錯咗，但我哋都可以照食。好快佢地就上咗任食嗰個海鮮套餐時候，哇～真係好似豐富同埋好多選擇，不過最緊要啲海鮮睇落都幾新鮮幾好食咁。但有啲海鮮食落去有一兩隻就唔係好新鮮，相反啲蠔同帶子同肥牛都幾好食，呢三款我哋係有嗌第2 round， 但由於我哋嗌左好多嘢食，同埋出邊都拎咗好多菜啊嗰啲，所以我哋都唔想嘥嘢，最終無再點落order 。我地係社交平台睇見到係有啤酒任飲，但係飲品櫃入邊就唔係好覺得有啤酒拎，但奇怪就係有其他人枱面係有啤酒嘅，唔知係咪要問佢哋啲員工先可以拎呢？ 不過整體來講呢間野都唔錯嘅，下次可以唔使出去攞咁多嘢食先，等齊枱面啲嘢食，先再考慮再出唔出去攞嘢食。 我個人覺得可以再試多次啦呢間野。…Read More