tlap082's Profile

咁啱去完大圍行街，見到咁多人排隊，又寫住皇牌係叉燒，諗住差都有個譜，所以諗住就試衫下佢，斬料返屋企加送，一試由自可，試咗把鬼火，叫咗半斤淋叉，勁垃圾，好似啱啱煲完湯嗰啲瘦肉咁，又唔香，又走肥，咬到牙較都軟埋，叉燒汁又差，你唔叫自己做王牌我都冇咁嬲，仲要買成$78半斤，舖頭環境又差，周圍都好似好污糟呀，見到都唔開胃，為一盒格就係份量都好似叫夠秤，真心唔明點解咁多人排隊下次送俾我都唔食，真係10分失望…Read More

我寫呢篇野就壞咗叫大家唔好白白浪費幾百蚊，啲幾百蚊我寧願去食金拱門全餐，食物質素衰過茶餐廳，刺身仲比百佳嗰啲更加要來得差，未見咁恐怖嘅刺身，好似爛肉咁樣，全部撈埋晒一齊啲壽司全部打晒風，鴨胸壽司，中華沙律壽司，罐頭吞拿魚壽司，名將咩熟食少得可憐，全部都唔好食，淨粟米沙律，紅咖喱蒸鮑魚，要幾咁不知所謂先諗到呢啲嘢食出嚟，啲甜品仲衰過日式放題，全部都批發貨款，作為一間酒店嘅自助餐揀咗離晒譜成餐飯最正常竟然係可樂糖其實早幾年我成日嚟呢度食自助餐，仲會介紹俾其他朋友，因為我覺得性價比高，唔知點解今日墮落到呢個地步，我係有啲痛心，價錢仲要貴咗，奉勸大家一句千其唔好掉幾舊水落海！！！…Read More

本身諗住去食米線，點知落場，又好肚餓又落大雨，所以求其入咗一間茶餐廳食嘢，呢間野簡直係地獄，間餐廳污糟到一個點，結枱櫈都癡立立，打開嗰個餐具櫃桶簡直唔開胃，算，我叫咗個乾炒牛河，個乾炒牛河直頭乾炒千層河，全部河粉炒唔開黐埋晒一齊，係一疊疊嗰隻，炒到超油，唔知如何用油浸出嚟㗎，啲牛肉銀到飛起，刀切都唔爛，個凍檸茶苦到呢仲有一個魚香茄子炆米，咸到好似直接食緊鹽咁，炆米我以為湯米，水到爆炸，點解可以整出嚟俾人食，所以我估佢應該攞嚟餵狗，啱晒啦對面養咗一堆不過老實講真係掉落地，狗都唔食…Read More

今日嚟咗日出康城個新商場，都幾多嘢食，最後揀咗呢一間門面都幾靚嘅泰國菜，裝修都好骨子，坐得又舒服，今日超熱所以嗌左一個涼快既前菜，無骨鳳爪，無骨鳳爪最緊要就係個汁整得夠酸辣，呢個汁調得啱啱好，非常開胃，份量都算幾多再嚟嗌左個冬陰功雞河，雞嘅份量都幾多，肉質都整得啱啱好，冬陰功湯底小辣適合唔同嘅人都可以食到，食完個雞河可以飲埋個冬陰功湯，一味兩食跟住再嚟嗌左個豬頸肉炒水晶粉，呢個粉非常驚喜，水晶粉口感煙銀，炸得又好夠獲氣，味道夠濃，係油咗少少最後仲嚟咗個青檸烏頭，上到嚟香噴噴，肉質鮮嫩，個汁又勁有泰國風味，係略嫌條魚細咗少少，不過咁嘅價錢都算交足貨總括來講係大商場收平民價錢，分量都算大份，味道又唔錯，可以encore…Read More

大埔一向都算係一個美食集中地區，但係今日行到去富善街市嗰邊有啲肚餓，嗰頭又唔係好熟路，咁見到有間平平哋嘅粉面檔就諗住入去以下圖就算，負面睇落去就係做街坊生意，出邊都有一兩人排隊，但周圍又好似冇乜嘢食，咁就照排咁見佢都係寫手打牛丸墨丸嗰啲，本身諗住間間都係咁寫，我老婆就嗌左碗墨丸牛丸雙丸面，咁我就穩陣啲嗌返碗牛腩撈粗，牛腩麵你都見到賣相唔錯，肥瘦適中，個鹼水麵十分出色，麵爽彈牙冇鹼水味，估唔到呢啲小店都做到呢個水準，我老婆碗墨丸牛丸就真係不得了，我相信香港同價位或者高一級都唔會係佢嘅對手，墨丸足料爽口彈牙，牛丸多汁味濃，我對牛丸嘅要求都好高，絕對係同潮州牛丸同一個水平，俾起而家嗰啲咩和牛牛丸高一兩個層次，肯定係自家製，真係竹蔗嘅價錢燒鵝嘅味道，之後忍唔住試埋佢個淨雲吞同魚皮，雲吞蝦多足料，魚皮脆香，浸落啲湯度仲有嗰種渣渣聲，超治癒，臨走發現原來有得pack裝買走，仲有啲豬手同牛筋腩，最後都係先買咗墨丸同牛丸，呢間絕對係返啅系列…Read More

今日嚟到K11係一個比較隱藏嘅位置搵到一間高質西餐，外邊睇嚟好似一間小店，但係入到去裏邊空間感非常十足，裝修勁有日本北海道嘅感覺，一坐低職員攞咗個箱俾我哋放袋，體貼細心我哋嗌左芝士磨菇釀雞翼，牛仔肉配惹菌闊條意大利闊條麵，美國大草原自然西冷配黑松露燒汁呢一個芝士蘑菇雞翼嘅超級好味，食落去個芝士同個蘑菇好夾，拼出黎嗰陣味唔講可能都未必知係芝士同蘑菇，味道10分出色，雞翼煎得外脆嫩，口感層次豐富牛仔肉闊條麵牛仔肉非常淋滑，完全可以帶出牛仔肉個效果，個醬汁味道都好特別，應該係打住自然味道嘅關係，個醬汁味道唔濃，啱啱好唔使咁膩我哋叫咗三成熟嘅美國西冷，火候掌握得好好，切開中間嫩粉紅色，肉香多汁，但我覺得唔配燒汁味道更佳諗住食一個閒飯，估唔到呢間野咁出色，遲啲可以再encore，亦都適合三五知己過嚟聚餐…Read More

今日好好彩喺政府實施六點後冇飯食之前食到呢間韓國菜，好彩呢個都冇令我失望，冇浪費到限聚令最後一個晚餐，呢間韓閣係喺商場唯一一間要排隊嘅餐廳，所以就吸引咗我去食，入到去第一眼嘅裝飾都好有韓式風味，餐牌超多嘢食都唔知點揀好，價錢係韓國菜來講算係好平民價，第一個當然叫咗我最愛嘅甜酸炸雞，炸雞熱辣辣，外脆內軟，一咬就流晒啲雞油出嚟，甜酸汁味道啱啱好再嗌左個胡麻醬雞絲撈麵，呢個一向都係冇得輸嘅配搭，呢個面份量真係非常之大，超飽肚忍唔住又嗌買個韓式炒粉絲，粉絲炒出嚟嘅濕度啱啱好，份量都係超級多呢度啲卷蛋嘅口味好特別，竟然有肉鬆紫菜味，呢個直頭係我至愛，熱辣辣配合埋肉鬆，蛋味超香，下次一定要試埋其他味道雕完之後發現咗有一個特價餐牌，價錢真係平到嚇親我，講緊係$8，$9 一個小食，我哋叫咗韓式炸餃子同埋紫薯炸薯餅，上到黎真係嚇親我，絕對唔似係啲特價小食呢一餐$300食咗咁多嘢，呢間絕對可以做飯堂…Read More

落到去煙霧離漫，心諗都有啲伏味，再見到個價錢咁鬼平，心諗一定唔好味啦，不過既然坐低咗咁咪照叫啦，我哋嗌左一個大理石牛扒300 g，同埋一個大大塊雞扒當係食過普通晚餐，加咗沙律吧同埋嘢飲，咁出面都其實都係得啲白飯同意粉同普通沙律，嘢飲就係即沖汽水機，雞扒好夠大塊，味道正正常常，勝在冇乜雪藏味，牛扒上到枱應該已經煮咗少少，所以係粉紅色，牛扒都好夠厚身，望落的確唔錯，自己煮玩下都幾過癮，配埋個牛油，切出嚟可以煮到五成熟，食落口真係估唔到咁有質素牛扒，嫩滑有牛味，食完唔夠喉竟然我哋再encore多一個200 g ，都係$98 ，呢個價錢實在太痴線，我相信我自己攞$98都買唔到呢個食材，呢間野可以話平靚正，為一個缺點可能就比較大味同間野個Network差少少…Read More

本身今日嚟到諗住食台灣滷肉飯嗰啲嘢食，但係打開個餐牌見到有燒肉食，見到隔離嗰台啲人啲燒肉又好似好正咁，所以轉去咗食燒肉，叫咗個牛肉拼盤同雞軟骨，最後西班牙豚肉冇貨，又咁啱見到隔離嗰台個鹽酥雞扒飯又好似好正，忍唔住最後叫咗個鹽酥雞扒滷肉飯，一晚滿足晒兩個願望先來個牛肉拼盤，有牛舌牛小排牛空腹同埋牛肩甲，牛舌夠厚又夠嫩，牛肩甲多汁又夠香，份量啱啱好夠兩個人食，本身諗住帶個白飯，最後叫咗鹽酥雞扒飯，鹽酥雞扒炸得夠乾身，雞肉又唔佬又多汁，同滷肉飯係完美配合最後叫咗個芋圓做糖水，本身冇乜期望諗住搭單食個糖水，但係呢個芋圓喜出望外，我覺得可以直頭開一間舖頭淨係賣芋圓…Read More

因為book唔到其他酒店咁就局住去咗Marco Polo呢間咖啡廳，本身都冇乜期望，但簡直係驚嚇嘅水準呀呢度，唔講以為去咗自己屋企樓下間茶餐廳，如果我冇估錯應該係食蟹主題嘅buffet，但係你搵唔到有少少質素嘅蟹嘅食材，你就不如唔好做啦，我諗呢間唔可以用酒店黎形容，款式少，唔新鮮，差服務，冇環境，超難食，係叫做平少少姐海鮮個龍蝦，啲龍蝦唔講以為好似俾人食過再擺返上嚟，霉到一個點，應該係好似放咗好多日咁樣，食落去好似食緊舊膠咁，啲帝王蟹腳，長腳蟹腳，乜蟹都好，都好似浸過鹽水咁，得個死鹹味，又係霉，魚生冇魚味腥既，瞇埋眼食你個分唔到係咩嚟，生蠔我就費事試啦其餘所有熟食什麼蟹汁魚柳，豬頸肉，蘑菇汁雞胸肉，乜都好啦全部都冇味嘅，真係估唔到連豬頸肉咁簡單嘅嘢都整都冇味，唯獨是個千層麵係仲叫做放得入個口入邊，三款燒味係叉燒喺其餘嘅嘢食完全唔見得人嘅情況底下叫做仲食得，其餘燒鴨同油雞係乾到龜裂咁滯，應該係晏晝拎過出去比35度嘅太陽曬過 點解我會話呢間嘅茶餐廳，因為只有你一個四川啖啖面係叫做比較好食，所以我係食咗兩碗嘅，但我想講佢擺出嚟嗰個sample點解都可以核突到咁嘅地步，反而實物真係好啲嘢飲真係夠經典，檸檬茶全部沖定晒出嚟擺喺出邊，啲冰融晒，仲要完全冇遮無掩，檸檬都就咁放出嚟，連蓋都冇一個，今日係咩時代，喺呢個有疫情情況底下竟然可以將所有飲品咁開陽放晒出嚟仲要有個名將壽司系列既甜品「燕窩壽司」，都唔緊要，仲要連夾都冇，職員叫我用手拎喎，癡粒粒仲要好易揩到隔離嗰件睇到呢度你都仲要去食嘅我就祝你好運啦…Read More

今日去咗西貢食海鮮，見到間自唱12年米芝蓮推薦嘅餐館，咁就試一試你，咁海鮮就當然係海鮮價啦，睇你好唔好彩啦，價錢都唔算係重點最緊要食物質素係點樣，我對佢期望非常之高，今日叫咗有賴尿蝦，芝士龍蝦焗伊面，椒鹽魷魚啊，鮑魚同東風螺，先唔講嘢食，個環境非常惡劣，勁多飛蟻飛來飛去，直程可以幫你加餸，食物個份量都幾多，但係食物質素總體而言係高過屋村嘅酒樓少少咁多，咁價錢就當然比屋村㗎貴唔少啦，唔知嗰日我條脷有問題定係真係佢啲海鮮冇乜味，唔講真係唔知佢即場喺個魚缸拿出來，都係果句有時間自己去街市買返屋企整好好多，我都有興趣想睇吓12年米芝蓮推薦咗佢啲乜嘢定係2012年推薦過咋😂呢啲正宗叫俾錢買經驗…Read More

今日有嚟到大角咀呢個乜都有得食嘅地方，咁今日就想食返啲麵食嘅嘢，咁就揀咗依家慶記，我喺舊舖年代已經食過，咁而家喺新鋪地方大左好多舒服咗好多同超級乾淨，新裝修都幾Modern，坐嘅位置都多咗好多，咁我哋就嗌左兩個煮食，一個就係豬完骨撈麵，另外一個就係巴東牛肉湯麵，本身想食呢個炸排骨撈麵，但係唔知係咪新開張所以就未有得發售，再叫咗一個醉雞捲同埋蒜香雞翼。撈麵個豬骨同埋個麵食係分開嘅，呢個上菜方式幾好，唔使有太多汁，豬軟骨都保持水準，個面就林咗少少啦，整體水準唔錯，巴東牛肉麵個牛肉都煮得夠林其餘兩個小食都唔錯，雖然就唔算得係好驚為天人，但係合格以上…Read More

出街食完飯覺得口渴諗住叫碗紅豆沙食下，見到呢個樣都唔使食啦，水同紅豆完全分開，唔知以為自己做緊科學實驗啊啲紅豆好似冇煲過一啲都唔起沙如果你話呢個係茶餐廳食個茶餐搭一個紅豆沙我都算數啦，但係你係專做甜品嘅紅豆沙，點樣都講唔通呢，水汪汪又唔起沙嘅紅豆，佢直頭將最差嗰隻紅豆沙發揮得淋漓盡致，表露晒所有缺點出嚟，所以我就將佢送咗落我個馬桶入邊啊我都唔係話要求你要有啲咩陳皮味，俾少少心機煲出嚟，如果唔係呢個時勢我都好戥你擔心…Read More

平時人哋嗰啲係隱世美食，呢間就打破傳統，位置夠晒遠又夠吊腳，但係就極度10分難食，是但喺九龍城一間泰國菜都好食過佢，先來個生蝦，得個樣但係超級唔新鮮， 腥哼哼嘅，食咗我都驚自己會肚痛，蒜蓉炒椰菜苗，我都好少何喺泰國餐廳食到一個炒椰菜苗係吵得咁難食，冇鑊氣油淋淋，啲菜仲要勁多菜柄，好似冇整理過咁再嚟過炒金邊粉，啲雞完全係雪藏雞嚟嘅，嗰陣雪味大到啊，嗰份可以炒到一啲味都冇，好有難道，咖喱軟殼蟹，嗰個咖喱好似啲cheap茶餐廳嗰啲一劈螢光汁，軟殼蟹睇佢個樣都係買啲現成，所以味道先正常返啲，蒜蓉包都可以整到硬骨骨，一啲誠意都冇，唯獨是係燒鱔最正常，可能唔需要調味啦，淨係燒熟佢，所以味道最正常生菜包都過得去食完勁口渴，勁多味精，呢間野除左餐廳外表裝修，食物賣相之外，其他所有嘢都係欠奉，其實我都佩服佢，賣相似模似樣但係可以冇味，千祈千祈千祈唔好嘥錢入去，過嚟九龍城是但搵一間都好過佢…Read More

今日book咗呢間林洪記，位於保安道街市頂樓，環境極具本地風味，咁嚟得街市都唔會預咗環境好好，但絕對係食氣氛嘅好地方，不過今日天氣真係有啲熱，所以呢個都算係一個有少少不足嘅地方講完環境就講嘢食，海鮮份量冇得彈，直頭望落去點會估到係二百幾蚊一位，仲要再加任食火鍋，海鮮超新鮮，生蠔鮑魚勁大隻，龍蝦勁多膏，我諗自己買返屋企煮都唔止呢個價先來就蒸左扇貝同其他貝類，仲有象拔蚌仔， 全部野都勁新鮮，扇貝都算洗得好乾淨，鮮甜多汁第二轉就係龍蝦鮑魚，正出嚟之後啲肉超飽滿，啲膏爆曬出嚟，海鮮lover必食，講真出到去其他地方呢個價錢一定食唔飽你再嚟就係蒸蟲草雞，估唔到啲雞又真係幾好味，除咗海鮮呢個雞都係出乎意料之外牛肉就過得去啦，咁我哋呢個都係主要食海鮮嘅啫之後叫咗啲火鍋配料攞嚟蒸，食材質素咁都對得住自己個價錢嘅…Read More