kwaitsingfoodie的個人專頁

有日經開長沙灣 見到有間新開嘅越南菜😆粉藍拼灰色嘅舖面 散發住溫馨小店嘅感覺 越湯主打各款湯粉 牛湯湯底更加係自家製🏠連牛肉都係選用日本和牛🇯🇵但定價依然親民 大部分粉麵飯$60都有找 有和牛會貴少少 甚至你可以喺度食到牡蠣、龍蝦、軟殼蟹🦞-店內裝修簡潔 沒有過多花巧嘅裝飾😌民族風嘅餐墊同碗碟令人賞心悅目 入座冇幾耐就開始多人 講緊係下晝4點🤯-🍲招牌火車頭和牛湯粉 $68牛魔王嘅你一定要試下😈有齊生牛肉、牛𦟌、牛筋、牛柏葉、牛丸 而且每樣至少都有兩三舊 相對足料😉獨食一定相當滿足 當中生牛肉更加選用日本和牛🇯🇵上到檯兩塊和牛顏色依然粉嫩～·先講湯底 充滿香料味道 較為清爽 啱朋友口味😛麵底嗌咗檬粉 軟硬適中 配料方面 生牛肉、牛𦟌、牛筋都整得好腍 平時最怕牛筋食落會漿口😥但係佢哋整嘅又唔會😆仲幾入味 而牛𦟌肉味重 味道比較清淡 個人覺得可以再加重調味 不過朋友就覺得啱啱好😙都係視乎個人口味 至於牛柏葉同牛丸都非常爽口彈牙 牛味濃🤓-🍱越式小食拼盤 $138最啱嗌嚟同朋友share🍽拼盤包括5款小食：和牛米紙卷、蝦餅、扎肉、雞翼、豬頸肉 估唔到連米紙卷都用咗和牛👀薄薄嘅米紙包住生菜、粉絲、紅蘿蔔、和牛 味道好清新 另外最有驚喜就係蝦餅😍質感彈牙 咬開仲見到粒粒蝦肉🦐蘸埋甜酸醬更加惹味 我仲同朋友猜包剪揼爭食最後一塊🙈而豬頸肉肥膏位較多 所以食落都有油脂香 唔會乾爭爭💁🏻‍♀️不過如果可以燒下會再好食啲🔥至於雞翼肉質都嫩滑 調味可以再重少少～-🍹落霞 跟餐+$12呢個咁有詩意嘅名 配上夢幻嘅紫色外觀💜其實即係蝶豆花士多啤梨梳打 味道唔會過酸或過甜 消暑一流🥵-🍊凍柑桔…查看更多

中環蘇豪呢個酒吧林立嘅地方 窄巷裏竟然有間馬來西亞菜餐廳😯要左穿右插先見到佢嘅身影🥵建議大家可以搭半山扶手電梯上去 唔使好似我咁辛苦捱斜路樓梯😂餐廳IG都有教點行(我而家先見到🥲)-一嚟到店員已經殷勤招待 相當friendly😝餐廳座位不多 平日夜晚7點後就開始多人 雖然佢哋主打馬拉菜 但都有西式同日式食物提供 嚟到當然要試下最多人推薦嘅肉骨茶🤓-🥘火熱砂煲香濃肉骨茶 $165每檯都必叫就係佢哋嘅肉骨茶～上到檯仲係滾熱辣🔥店員仲提醒我哋趁熱食 對女士滋補架 非常貼心💕·肉骨茶配有白飯、油炸鬼、手工蒜香米餅、蒜泥醬 首先湯底幾香藥材味 但一啲都唔苦 仲帶有一絲甜味 好易入口☺️餸埋飯簡直一流·而且肉骨茶非常足料 豬軟骨大大舊 整得夠軟腍又入味 唔使lur骨啱哂我呢啲懶人🙈入面仲加咗豆卜同菇類 再加埋蒜泥醬 湯底更加濃郁惹味 只係略嫌油炸鬼太硬-🍜秘製馬來西亞咖喱喇沙湯麵 配脆炸梅子一口雞 $118喇沙亦係佢哋另一款主打🤓我哋就揀咗比較少見嘅梅子一口雞🐓·炸雞唔會好重油溢味 面頭灑滿梅子粉 味道酸酸甜甜 幾開胃～至於喇沙湯底標榜無添加味精同糖🚫味道濃郁得嚟又唔會太辣 起碼連我唔食辣都接受到😆而麵底係油麵+米粉 即係摻摻 每條麵條都沾滿香濃嘅喇沙 旁邊仲跟咗隻溏心蛋 成碗好快已經被我哋清哂🤣-飲品方面 除咗一般嘅紅白酒 仲有一系列嘅健康養生特飲🙆🏻‍♀️我哋分別嗌咗羅漢果茶同薑茶～-🍹Iced Monk Fruit Tea with Dried Plum & Peach Gum $68羅漢果茶+話梅+桃膠 本身我麻麻地羅漢果浸味 不過加咗酸酸甜甜嘅話梅之後 易入口咗好多 味道清爽 桃膠零甜味 為杯特飲增添口感 養生又美顏-☕️Thai Pandan Lemongrass & Ginger Tea $68斑蘭葉+香茅+薑茶 味道好清新 -如果鍾意佢哋嘅肉骨茶同喇沙 仲可以買急凍包返屋企自己煮～👩🏻‍🍳另外見到佢哋嘅甜品都多人推介下次有機會再嚟試下☺️…查看更多

深水埗係布業嘅樞紐 更加係布行集中地 當中仲有間以布藝為主題嘅cafe BOLD Coffee去年喺基隆街開業🎊取名為「BOLD」 除咗發音同「布」相似外 Bold亦指勇氣 寄語每個人都可以勇敢行自己想行嘅路🏃🏻‍♀️-呼應主題 店內設有數個布藝裝飾🎀布料都係去已被清遷嘅棚仔採購而製成 充滿歷史意義 亦為餐廳增添不少色彩🎨最特別係連menu都以布版色卡設計 好有創意 平日冇咁多人 可以飲杯啡靜靜relax下😙有養寵物嘅大家都可以帶埋毛孩去～-🍝夢王．卡邦尼 $128卡邦尼係佢哋signature之一 選用日本夢王雞蛋🥚橙紅色嘅蛋黃相當吸引🤤餐廳採用正宗做法不加忌廉炮製卡邦尼 整體較乾爽 煙韌度十足嘅扁意粉沾滿蛋香濃郁嘅夢王蛋液☺️食落個口有章住章住嘅感覺 配埋充滿鹹香嘅煙腩肉碎🥓口感更加豐富 不過份量就較少-🍓士多啤梨乳酪牛角包窩夫配雪糕 $88甜品方面 我哋嗌咗個士多啤梨croffle🥐窩夫上淋滿士多啤梨乳酪醬同埋少少穀物 伴碟仲有新鮮士多啤梨粒🍓因為淋咗醬嘅緣故 所以croffle口感較軟身 士多啤梨乳酪醬酸度較高 配埋甜甜地嘅雲呢拿雪糕食就啱啱好🍨-🍥伯爵茶奶茶北海道忌廉卷蛋 $60店員介紹嘅新品 外層蛋糕伯爵茶味濃郁 包裹住充滿奶香味嘅北海道忌廉 中心仲加咗啲朱古力脆脆 不過略嫌食完有少少漏-☕️Flat White $45平時都係飲開latte 今次挑戰下flat white😉不過其實兩者分別唔大 flat white啡味會重啲 佢哋採用埃塞俄比亞咖啡豆☕️果酸味會較出 -☕️Americano(H) $38同樣果酸味較出～…查看更多

呢間rooftop bar近排曝光率超高🤓天台同室內兩層都可以望到維港海景🌃啱晒朋友把酒談歡 享受醉人美景 餐廳採用芬蘭木材同天然竹子🎋打造猶如置身於外國般嘅海灘餐廳🏖今次我哋坐室內 可以睇到少少幻彩詠香江 留意不論天台定室內 記得最好預先book位！-KABOOM主打東南亞fusion菜 仲以心情為題設計出12款cocktail🍹相信大家見到啲名都會感同身受😝Cocktail賣相同造型都充滿異國風情 拎上手飲有種喺外國度假嘅感覺😎bar檯位仲可以觀摩調酒師如何炮製每一杯cocktail-🍸Life Sucks, Let’s Get Drunk $108(HH)(Rum, Melon Purée, Calamansi Juice with Coconut Flavour)椰子杯好得意啊😍呢款味道較清新 柑橘嘅甘味同冧酒幾夾 尾段帶少少蜜瓜甜香中和返 酒味唔會太重 易入口 推薦俾平時較少飲酒嘅人-🍹Kaboom $118(HH)(Whiskey, Brulee Liqueur, Homemade Darjeeling Milk Tea, Condensed Milk with Vanilla Flavour)呢款cocktail就以餐廳名kaboom命名 味道較甜 首先香濃雲呢拿味湧出 然後到濃郁嘅酒味😯奶茶味唔太出 對平時少飲酒嘅我哋嚟講有啲刺激😂-介紹完cocktail 跟住就到小食！-🦀Crab Bao Bao $118軟殼蟹刈包相當有驚喜😚軟殼蟹炸得香脆 即使我哋影耐咗相 都完全冇變腍 咬落去仲聽到脆卜卜嘅聲音 而且隻蟹咬開咇晒肉汁☺️配埋入面微辣嘅沙律醬 好惹味又唔會太油膩-🍖Satay Skewers Pork $98串燒可以揀豬或者雞 我哋就揀咗豬🐖至於沙嗲醬係另上 可以隨心加 串燒有焦香味 豬肉食落一啲都唔韌 沙嗲醬較稀身-主菜我哋分別嗌咗牛同魚～-🥩Chargrilled Beef Strips w/ Roasted Vegetables and Gravy $308牛扒我哋嗌咗medium 中心仲呈現粉紅色 咬落有牛味 而且有肉汁 不過有少少筋 至於伴碟嘅蔬菜食落腍腍哋 而且都有焦香味🥒-🐟Pan Seared Salmon Served with Ratatouille Salsa and Baby Brassica $238第二個main我哋嗌咗三文魚 煎得幾香 魚皮煎得微脆 魚肉嫩滑 擠埋檸檬汁更加惹味🍋三文魚旁邊仲有幾棵疑似小棠菜 成件事好fusion🤣…查看更多

成日好奇點解泰式餐廳都用elephant命名🤔原來大象喺泰國被視為吉祥嘅象徵🐘(而家先知 可能係我孤陋寡聞😀)呢間泰國菜橙象同樣以大象命名 由博文街舊舖搬咗嚟利奧坊新舖😙新舖採用落地玻璃設計 感覺更開揚 不過雜物有啲多 唔係太美觀🤨-嚟到門口就見到有兩個優惠牌🤪1️⃣優惠：每晚9點後入座有7折2️⃣優惠：晚市指定菜式優惠價$1❗️我冇打錯啊 係真係1蚊 勁抵🤯留意返唔可以同其他優惠同時使用建議落order前問清楚有咩優惠條款先💁🏻‍♀️-Scan QR code就可以落單🤳🏻食物選擇都好多 眼花撩亂-🥥椰青焗海鮮飯 $114上網睇menu嗰陣已經決定一定要嗌呢個椰青焗飯食 因為實在太吸引🤩一上檯椰子味已經香氣四溢 朋友仲催我快啲影完快啲開餐😒原個椰子殼填滿飯 面頭仲淋上椰漿 望落好邪惡😈飯粒之間充滿椰香 仲食到一絲絲椰子肉、腰果、提子乾😋海鮮方面有青口、蝦、魷魚 啲蝦食落都好彈牙🦐估唔到連殼入面都裝滿飯 不過如果冇加三色豆就perfect池🥺-🍛黃咖喱牛腩煲 $92雖然menu上佢個名旁邊有隻辣椒🌶但其實食落一啲都唔辣😛咖喱香甜 重香料味 牛腩份量都好多 而且大大舊 食落軟硬適中 另外仲有好多洋蔥同薯仔添🥔薯仔仲要係連皮嗰隻😍佢哋仲將紅蘿蔔切成樹同鷹嘅形狀 好有創意😂將啲咖喱汁撈埋椰汁飯一齊食都好正😋-🥗醉貓豬頸肉沙律 $78有冇人可以話俾我知究竟咩係醉貓？🤣豬頸肉重炭香味 帶酸辣 可能係魚露嘅味道🤓朋友仲大讚面頭嘅芫荽令味道更加豐富(我認同嘅 雖然我真係好唔鍾意芫荽🥶)而且雖然豬頸肉望落細細塊 但係份量多到生菜都包唔晒😌-🥭芒果冰特飲 $36餐廳主打芒果狂熱Mango Mania特飲🍹我哋就叫咗杯芒果冰 飲落係微沙冰質感 好smooth😚最頂仲有芒果肉小山丘 芒果甜度啱啱好 唔會太酸或者過甜 雖然望落好似細細杯咁 但係飲極都仲有🤯-🥥椰汁珍多冰 $32要解辣當然要嗌返杯椰汁系飲品😉珍多冰椰汁味香濃 大樹菠蘿好甜 不過切得太大啜唔到 一定要舀起食😂-$1就可以叫指定菜式 真係好癲🤯店員應該都係泰國人 聽到佢哋用泰文溝通🇹🇭…查看更多

一講SOGO最吸引我就係地庫嘅食店😋最近新開咗間鐵板燒料理店「淳吟．燒」係來自北海道日式料理淳吟．峠嘅延伸牌子😙主打簡易風味日式便當及鐵板燒🍱更加由米芝蓮推介餐廳日籍廚師主理😍-Menu提供五款日式鐵板燒便當🍱便當會放入暖櫃 確保暖笠笠到客人手😚佢哋仲新推出限定鐵板燒一口牛 限定價$58 即叫即由日籍師傅燒😆店舖仲有玻璃可以睇住師傅炒 聽住牛肉嘅滋滋聲非常療癒😌留意製作時間需要10-15分鐘-🐂鐵板燒．熊本一口牛 $58$58就可以食到鐵板牛😍另外仲有倍量$88版本 一口牛上面放滿炸過嘅蒜片🧄香氣撲鼻 熊本牛咬落有嚼勁 充滿牛味🐂仲好香鐵板味 而且肉汁咇晒出嚟😆底下嘅洋蔥蘿蔔絲已經煮到腍晒 索晒啲肉汁精華🤤值得一讚仲加咗我最鍾意嘅西蘭花🥦-🍱北海道帆立貝雞肉鐵板燒便當 $98佢哋嘅便當100%採用日本原產米製作 口感煙韌😌更加係每日新鮮製作 帆立貝有成3大粒咁多🤩食落香得嚟軟腍腍 不過調味有少少太鹹 至於雞肉咬落有肉汁 肉質可以再嫩啲 旁邊嘅醃蘿蔔味道甘酸 口感爽脆 令口腔保持清新感覺🌿左上角嘅薯仔沙律🥗沙律醬嘅酸味唔會太重 味道比較溫和☺️-而家凡購買任何食品或飲品🥤兩件或以上 即可全單享有8折❗️優惠期至今個月31號咋！！…查看更多

自從上次食過呢間泰國菜便對佢念念不忘🥺時隔一年 終於拉埋朋友一齊再去食🤤我哋平日6:30上到去仲有空檯 但轉個頭7:30餐廳就開始滿座😳-大家有冇見過佢哋最出名嘅火山排骨呢？🌋除咗呢樣 咖喱三重奏亦係主打之一😉上次食過青咖喱軟殼蟹都好高質 相信咖喱三重奏一定唔會令我失望🤪我哋仲嗌咗上次冇食到嘅幾款菜式-🥘咖喱三重奏(配蒜蓉包粒) $218Miluthai嘅招牌菜之一就係封面呢個超吸引嘅咖喱三重奏🥘一鍋就可以試晒泰式青💚黃💛紅❤️三款咖喱 未食先興奮🤩咖喱亦放入不同海鮮 將蒜蓉包粒蘸埋咖喱一齊食 夠晒jeng😋·💚青咖喱咖喱少辣 有炸軟殼蟹🦀啲蟹浸晒落咖喱超邪惡🤤但係炸得偏腍 仍然食到有殼嘅質感 不過咖喱底下加咗我最鍾意嘅西蘭花🥦·💛黃咖喱咖喱bb辣 甜甜地 我不嬲最鍾意食黃咖喱😍入面有炸龍脷柳 扇貝 同少少薯仔🥔印象扇貝最好食 ·❤️紅咖喱估唔到呢款一啲都唔辣😯只有濃郁嘅香料味 入面有青口 蝦 帶子粒 -🐟泰檸酸辣明爐烏頭 $208朋友鍾意食魚 所以嗌咗條酸辣烏頭試試😬成條魚上檯真係好架勢😎店員仲會喺下面點火熱住條魚 不過個火有啲猛 大家夾魚記得小心啲🔥魚肉少少酸辣 唔食得辣嘅我都可以接受🥸不過！鋪喺魚上嘅粉絲比魚肉更入味！😂佢嘅酸辣程度簡直勁魚肉幾倍 入口先酸 後辣味先湧上嚟🌶仲令我諗起上次食過嘅火山排骨 建議大家嗌定啲解辣飲品🥵-🍳泰式蛋包炒金邊粉 $118食泰國嘢冇理由唔叫返個金邊粉食啦🤪呢度嘅金邊粉特別在用蛋皮包住 面頭仲有三隻茄汁蝦🦐金邊粉味道酸酸甜甜 而且好足料 加埋伴碟嘅花生碎更加昇華去另一個層次🥜至於茄汁蝦夠晒入味🥫蝦肉彈牙 只係蝦殼有啲黏肉-🥬馬拉盞通菜 $88佢哋嘅通菜不嬲都整得好食😌仍然推薦馬拉盞口味 通菜食落爽脆 馬拉盞帶點微辣 幫通菜吊起啲味 不過今次薑味有啲重 影響到味道😗-🥭芒果糯米飯 $88上次已經好想食芒果糯米飯 今次終於食到🥰芒果份量比想像中多 甜度適中😝食落一啲都唔覺得生或者酸 配埋椰汁簡直係解辣必勝組合😎所以好快就俾我哋清晒(廢廢的我們😂)唯一略嫌糯米飯有啲太黏口-🍹乳酸梳打 $34最初睇到紅色乳酸圖片 以為係咩特別口味 原來係因為隻杯紅色 所以杯飲品先紅色😂味道唔會過酸亦唔會過甜 叫返杯梳打爽下啦～-未去到旅行 不妨嚟感受下泰式風味啦🇹🇭平日夜晚都建議book檯先…查看更多

最近和牛燒肉壽喜燒曝光率好高🤪銅鑼灣呢間牛川推出A5和牛放題 一口氣試到唔同部位嘅和牛☺️放題限時120分鐘 盛惠$458/位 另外仲有提供兩款非和牛燒肉放題 大家可以根據自己需要揀邊款放題💁🏻‍♀️-餐廳裝修富有日式風格 黑紅為主 而且大部分係卡位 所以坐得舒適😌雖然係燒肉餐廳 但唔會煙霧瀰漫 店員態度友善 會細心講解注意事項 雖然佢哋語速好快 妙語連珠🤣-🥩尊貴A5日本和牛放題 $458/位雖然係放題 但係已經包咗幾款頭盤同拼盤😙有咩啱食可以再落單·🥗和牛沙律(頭盤)已熟嘅和牛配上沙律菜 配搭好有趣😛每塊和牛都大大塊 食落有啲油脂香 邪惡完即刻食返啲菜🥬即刻心理平衡返好多🤣·🍳和牛美人玉子(頭盤)和牛雪花紋路幾靚 店員建議將和牛美人燒至7成熟😙再蘸生蛋黃食 呢款和牛重牛味 入口軟熟 大家可以比較下邊款食法好食啲🤔·🦪海鮮拼盤拼盤有齊墨魚🦑蝦🦐扇貝🐚生蠔🦪甲羅燒🦀生蠔可以先燒5分鐘 再麻煩店員幫手開🙆🏻‍♀️然後再燒多一陣就食得 生蠔唔腥 蝦都好彈牙🤓扇貝大粒好香牛油味 至於甲羅燒可先將蛋黃同蟹膏撈勻 再拎去燒 不過我哋燒耐咗有啲燶🥲但係食落真係好香 溫馨提示大家小心海鮮上嘅牛油融化後流去個爐 因為好搶火🔥·🐂日本A5和牛拼盤(牛川秘制黑椒牛柳．牛肩梅花．稀有汁燒千本筋．後腰肉．牛冧．牛五花．牛頸脊．壺漬牛肋條．蜜糖芥末豚軟骨)一片片和牛放上階梯木盤 相當打卡able😉印象最深刻就係壺漬牛肋條、牛冧、千本筋呢三款 牛肋條相當腍 調味夠惹味 千本筋就係期間限定🤓牛冧牛頸脊接近入口即融 試晒咁多款可以再集中encore鍾意食嘅😋-上面介紹完和牛套餐包啲咩 接住當然要介紹放題有咩食啦😆掃QR code就可以直接落單 食品隔離有+$0都係任叫任食😋上檯速度幾快 而且完全冇漏單 不過如果食唔晒 有機會要罰錢架 大家記得量力而為 唔好做大嘥鬼啊🤭-🐟刺身(三文魚．吞拿魚．劍魚腩)刺身類每款每次最多只可落4片 當中最推薦三文魚 厚切啖啖肉 我哋都叫咗兩次🤣-🍣壽司(黑松露玻璃蝦壽司．蔥花吞拿魚軍艦．火炙三文魚壽司)放題嚟講 壽司選擇都頗多😌嗌咗平時比較常食嘅吞拿魚同火炙三文魚 同埋比較特別嘅黑松露玻璃蝦 佢哋嘅壽司食落都好新鮮😙醋飯都唔會過酸或者鬆散 玻璃蝦亦幾彈牙😄唔霉-🥩肉類(炭燒厚切牛舌．薄切牛舌)見我哋嗌咗兩次就知佢哋嘅牛舌好味啦🤓第一次嗌咗厚切 好食但有少少韌 所以第二次就嗌返薄切 燒都燒得輕鬆啲😎-🦑海鮮(孜然深海墨魚．清酒煮蜆．味醂汁鰩魚翅)第一次食孜然味墨魚 exactly土匪雞翼味嘅墨魚🤣幾新奇有趣嘅味道🤪清酒煮蜆會連錫紙兜上 不過燒咗一段時間啲蜆都仲未開殼👀蜆肉冇沙 帶淡淡嘅酒味 不錯 至於鰩魚翅真係打開新世界大門 簡直係牛川隱藏美食🏆輕輕燒下已經可以食 食落好香口 煙煙韌韌 味道好似一包包嗰啲魷魚絲 大家一定要試下！🤩-🦀熟食(燒牛肉他他．雪花蟹肉湯)店員有特意提醒燒牛肉他他本身已經係熟 所以唔需要燒🙈牛肉上有黑松露醬、蔥花及生洋蔥 入口好香好惹味😍推介！朋友叫嘅雪花蟹肉湯都幾大碗 望落好似粟米羹😂底部仲有啲豆腐 不過湯味道鹹咗少少-🍢炸物(炸雙皮奶．吉列廣島蠔)炸雙皮奶同廣島蠔正常質素 炸雙皮奶入面偏實心 炸漿食落仲甜甜地🥸-🍨雪糕 *每位只限一杯(MÖVENPICK楓糖核桃味．大阪牛乳豆腐味)臨走前記得食埋杯雪糕！😋不過大阪嗰款豆腐味唔算好重 都係食返MÖVENPICK最好🤤-☕️冷泡茶(茉莉薰花茶．白桃烏龍茶)除咗常見嘅罐裝同紙包飲品外 佢哋自家製嘅冷泡茶同樣可以任飲😲我哋揀嘅茉莉同白桃烏龍味道清新🍑解膩一流 另外仲有梨山烏龍 如果茶味再香濃少少會更好～-食完個身都冇乜油煙味 讚😚可以打電話或者whatsapp訂位*需加一…查看更多

尖沙咀呢間驚安燒肉商店非常受歡迎🤯平日夜晚經常full booking不特止 見到有人walk-in都要等個幾鐘😧可見佢哋相當有名 人氣爆棚 所以大家一定要預先book位！🙈-經常喺網上見到有人介紹佢哋嘅九宮格盛合 不過最近推出咗新品🌸第二次和牛盛合🌸包含嘅食品都好吸引 所以嗌嚟試下😉除咗呢款 另外仲有🌼第三次和牛盛合🌼分別係和牛壽喜燒+和牛棒+三點盛🐂睇啱食咩就可以scan QR code落單～-🍱第二次和牛盛合 $588-🐂和牛三點盛盛合嘅重頭戲 就係呢三款和牛·1️⃣極黑第一款就係食呢款 選用見島和牛 牛味都幾重💁🏻‍♀️配蒜蓉一齊食都幾夾🧄不過比沙巴當稍為遜色 ·2️⃣赤身同樣選用見島和牛 赤身一般指紅肉油脂較少嘅部位 牛嘅厚度幾厚 不過有一片特別韌 可能咁啱係筋位🧐·3️⃣和牛沙巴當選用鹿兒島和牛上肩里脊肉 被譽為最稀有嘅部位🤯雖然比較薄 但係油脂分佈多😍亦係三款入面牛味最濃、最軟熟 食完個口仲有牛味☺️建議唔好蘸任何醬料就咁食·🥪和牛多士烘得香脆嘅多士夾住鹿兒島和牛😍和牛燒至7成熟 非常厚身 中心仍然呈現粉紅色💕最頂仲有魚子醬點綴 和牛食落一啲都唔韌😆可以同多士一齊咬開 和牛肉味濃郁 配埋多士入面嘅黑松露醬 齒頰留香🤤大家一定要趁熱食 凍咗冇咁好食😕·🥗驚安手切牛肉他他生牛肉選用頂級美國肉眼🥩混合意日烹調方法 再切成一粒粒 將蛋黃戳穿撈埋牛肉🍳蛋汁包覆每粒牛肉 令牛肉表面更濕潤易入口 肉味濃郁 調味可能加咗柚子醋 味道酸酸哋😙另外帶點生洋蔥同黑椒嘅辣味🌶相當開胃 旁邊仲跟有薯片配生牛肉食 瞬間有種墨西哥料理嘅感覺🤣-🐖豬頸肉 $48較薄所以容易燒得乾身 不過食落仍然有肉汁 -🌕紫菜月見飯 $28啲飯已經被紫菜遮到不見天日🤣飯粒好煙韌 撈埋燒肉汁同蒜蓉更加惹味 食多碗都仲得😋-🍵宇治抹茶最中餅 $32造型成個寶盒咁 最中餅夾住巨大抹茶雪糕球🍨不過我唔記得揀後上 所以燒燒下肉要食咗佢先🤣個餅味道似雪糕筒 至於抹茶雪糕味道似綠茶多啲😶‍🌫️不過底下嘅紅豆甜甜地幾好食～-🍍焦糖菠蘿乳酸 $38食燒肉當然要叫返杯飲品解解膩🤪全部飲品都係用啤酒杯裝🍺我就叫咗乳酸 最頂仲有舊焦糖菠蘿 相當吸睛🤓每一口乳酸都充滿啖啖菠蘿肉🍍乳酸亦唔會好淡 都幾好飲-🍋青檸菠蘿梳打 $28朋友就叫咗杯青檸梳打 同樣加咗好多菠蘿肉🍍味道酸酸甜甜 好清新🍃-而家午市仲有7折！快啲bookmark定啦！筲箕灣都有佢哋分店啊～…查看更多

估唔到一間裝修成間cafe咁嘅餐廳 竟然主打一人一鍋和牛shabu shabu？！🤯就係呢間位於銅鑼灣嘅🍲本延鍋物🍲純白外牆配以木系 有種日系cafe感覺 唔係見到招牌 都唔知入面係食shabu🤪-午市只提供關東風壽喜燒套餐👺肉主食可以揀和牛或者豚肉 和牛更採用熊本縣和牛之王——「和王」😯最平$200都唔使 就可以食到靚和牛😆晚市就可以自選昆布/壽喜燒湯底 -🐄日本和尚頭A4套餐 120g $168肉原定應該係美國特選牛板腱 不過而家免費升級為日本A4和尚頭肉🤩即係牛後腿內側嘅肉 會比較瘦 油脂相對較少 肉嘅數量有5-6塊 不過勝在夠大塊 淥幾秒已經食得😗放入口啖啖肉 食落牛味都ok 有嚼勁🥸-🐃日本黑毛和牛A4套餐 120g $238呢款係牛肩脊肉 好明顯見到雪花紋絡好靚😍油脂分佈比和尚頭更細密 肉切得較薄較細 所以幾乎入口即融😳牛味重得嚟充滿油脂香🤤肉質嫩滑 蘸埋餐廳提供嘅胡麻醬 更加惹味 令人滿滿幸福感🥰-👺關東風壽喜燒湯底味道鹹甜鹹甜😙有醬油香 放咗幾片京蔥😂-🥗綜合時蔬蔬菜種類都唔少 分別有娃娃菜🥬、粟米🌽、紅蘿蔔🥕、京蔥 另外仲附有芋絲、蟹柳、豆皮、金菇、冬菇、本菇😯值得一提粟米好甜 啲菜食落都好新鮮 其他配料索晒壽喜燒湯底 味道更加濃郁🤓尤其本菇同豆皮超級入味 一放入口即刻雙眼發光🤩-🥚生雞蛋係橙紅色嘅蛋黃😝應該係蘭王蛋 一隻蛋都可以有多種食法 朋友將蛋黃拌入飯中🍚同埋蘸肉 我就撈烏冬+蘸肉🥩令食物多咗份蛋香味～-🍤蟹籽蝦滑竟然有蝦滑！瞬間覺得自己打緊邊爐🤣淥完蝦丸好有驚喜 口感非常彈牙😌加上面頭嘅蟹籽 好似食緊燒賣咁啊🤪-🍚日本米飯套餐已經包埋飯 真係好抵食🥺飯用咗珍珠米 食落偏硬身 口感煙煙韌韌 係我哋鍾意嘅硬度👍🏻推介大家將壽喜燒湯底倒落飯一齊食💁🏻‍♀️感覺好似食緊茶漬飯咁！-🍜烏冬 +$15唔想食飯亦可以加$15轉烏冬😉一食就知唔係cheap cheap野 烏冬口感同樣煙韌 索晒壽喜燒湯底 鹹甜鹹甜好好食🤤不過我淥得太耐 味道有啲過鹹 大家記得淥一陣就好撈返晒啲烏冬上嚟🥲-🍵抹茶蕨餅唔係店員提醒 我哋都唔記得仲有個甜品仔🤫每人兩粒抹茶蕨餅 蕨餅口感較實淨 有啲似硬身嘅啫喱😮抹茶味主要來自表面嘅抹茶粉🍵蕨餅甜甜地 抹茶味再香濃啲會更好～-總括壽喜燒性價比高 座位亦坐得舒適😙絕對值得推介俾身邊嘅朋友食～不過檯邊容易俾啲湯彈到黐笠笠 小心唔好掂到頭髪或者衫！😂…查看更多

秋風起 最啱就係滋補養生一下🍂發現原來路德圍有間藥膳醉雞店😲店名仲盞鬼玩食字 叫「醉藥雞」朋友不嬲好鍾意食藥膳醉雞嗰類😚所以即刻拉埋佢一齊一試究竟🤪-總店位於深水埗 而荃灣係新分店～餐廳裝修簡約明亮 牆上仲掛滿瓷碟🍽平日夜晚都幾多人食 有機會要等位 朋友見到menu滿滿醉雞 未食先興奮😝本身想叫醉藥鑽石蜆 可惜唔當造😞-🍲砂窩醉藥雞米線 $68砂窩生滾麵係佢哋嘅招牌 當然要重點介紹😤我哋叫咗醉藥雞款🍗麵底選擇好多 可以揀米線、米粉、粉絲、刀削麵、銀針粉、瀨粉或者白飯 我哋就揀咗佢哋最出名嘅米線😋·雞湯底以多種食材精心熬製 無添加味精😙離遠已經望到窩中有紅棗、杞子、蟲草花、雲耳同薑 足料得嚟又養生 仲有行氣活血功效🤓湯底飲落甜甜地😌有鮮雞味 酒味 同少少藥材味 底部仲有酒釀 酒香更加濃🍶食晒啲雞都忍唔住飲多幾啖😋·雞件肉質幾嫩滑😬又冇乜碎骨 啱晒我呢啲懶人🦥只係雞嘅酒味冇湯底咁重 至於米線份量都幾多 而且夠滑身 吸收晒湯底精華 超jeng🤩$68就可以食到個咁足料嘅米線 性價比幾高🤓-🥚溏心醉蛋(一隻) +$10主食加$10就有一隻溏心醉蛋 咁抵唔加真係走寶😆蛋黃呈現半流心狀態 浸住醉蛋嘅汁喺咁多款入面 酒味係最香濃🤪所以隻蛋吸收晒精華 面頭嘅杞子亦好甜 推介大家一定要加錢叫🤑-🥗麻醬雞絲撈粉皮 $58除咗醉雞 大家都可以試下佢哋嘅雞絲粉皮😍份量大 青瓜絲雞絲多 粉皮仲夠晒薄😆甚至薄到捲埋一齊🤣麻醬香而不膩 夠撈晒成碗粉皮 食完非常滿足🥰除咗粉皮 亦有刀削麵揀 想特別啲可以試下～-🍶醉三寶(牛舌、豬肚、薰蹄) $52嚟到小食部分 三寶中最有驚喜就係牛舌😯佢哋整得好軟腍 一啲都唔韌😙豬肚就幾彈牙 至於薰蹄偏薄身 冇乜肥膏位 如果酒香味可以再濃啲更好😉-🐖麻辣豬耳 $36對於唔食得辣嘅我嚟講 呢碟麻辣豬耳簡直係打大佬級數🥵辣味比麻味更出 辣度我勉強接受到 但係面頭嘅白芝麻簡直係錦上添花🌸豬耳食落充滿芝麻香同爽脆😙-🍮皮蛋豆腐 $28豆腐切好一片片平鋪喺碟上 再淋上甜甜地嘅醬🤤食落豆味香濃 質感嫩滑 仲額外多咗份甜味 至於皮蛋幾彈牙 建議可以留到最後先食～-🥛豆漿(樽裝) +$8-☕️烏龍茶(樽裝) $13-如果午市嚟堂食 佢哋仲做緊醉優惠💥每日12點至6點埋單 所有粉麵減$10！低至$12起就食到是日指定小食！鍾意食藥膳醉雞嘅朋友 記得唔好錯過喇😌…查看更多

三文治可以有咩千奇百趣嘅變化？🥸咁就要試下本地品牌HAND3AG嘅出品 尖沙咀、旺角、中環、觀塘都有佢哋分店😬-佢哋食物選擇可以話應有盡有🤪除咗主打嘅各款鐵板三文治🥪仲提供粉飯、小食、甜品、飲品 淨係甜品 就已經有法式吐司同croffle🥐想食得健康 亦可以到櫃檯自選沙律🥗-店內裝修以白灰配水泥灰牆為主 不僅簡約 更突顯三文治嘅色彩繽紛 而且入面有卡位 坐得都幾舒服～😌-🥪遊日懶人鐵板三文治 $73(吉列和牛漢堡丨照燒北海道帆立貝丨熔岩芝士丨脆生菜丨他他醬丨香蒜檸檬蛋黃醬)朋友叫嘅三文治🤓餡料都係日式食物 食完好似遊歷咗日本🇯🇵塊吉列和牛漢堡望落相當吸引🤪吉列維持到脆卜卜嘅口感😗不錯味道比較普通 牛味唔算特別重 至於帆立貝食落幾彈牙 彈牙到我仲以為帆立貝邊係魷魚鬚🦑-🥪慢調撕理食肉獸鐵板三文治 $58(慢煮手撕豬肉丨熔岩芝士丨炸洋蔥圈丨烤蕃茄丨脆生菜丨墨西哥辣椒醬丨芥末籽蛋黃醬)個名改得好得意啊😝手撕豬肉滿佈三文治 啲肉汁仲流晒出嚟🤤拎起嚟食有啲困難 唯有刀叉 手撕嘅質感好似煲湯嗰啲瘦肉咁 超級腍 因為調味關係 所以食落少少辣🌶豬肉下面仲有兩塊甜洋蔥圈🧅我同朋友都比較鍾意呢款😚-🍟芝士韓式烤肉薯條 $38去完日本 係時候去韓國🇰🇷薯條總共有三款toppings 估唔到喎😯包括芝士醬🧀韓式烤肉醬🍖同埋泡菜🌶！個人覺得韓式烤肉醬同薯條最夾😉甜得嚟又帶微辣 夠晒惹味 薯條炸得微脆偏腍🤓都幾抵食 下次有機會想試吓辣肉醬～-🍞日本白桃吉士忌廉法式吐司 $58今餐已經食咗三個包 澱粉質爆標😂法式吐司製作時間需要20-25分鐘⏳不過我影完三文治就有得取餐了 吐司鋪滿吉士同白桃🍑最頂仲有雲呢拿雪糕🍨非常邪惡！吐司應該浸咗蛋漿再拎去炸 味道充滿蛋香🤤而且質感鬆軟 配埋清甜嘅白桃同雪糕好滿足☺️-🥛奧利奧沙冰 $42好香濃嘅oreo味😋仍然食到oreo嘅顆粒感 味道唔會太甜 唯獨沙冰比較容易塞住飲管 飲得有啲麻煩😂-因為臨近閂門之際 所以店內冇客人🙈…查看更多

喺旺角多數都去樓上cafe搵食😋約咗朋友試下呢間長期上榜嘅茶聊 當日滂沱大雨 行到連鞋都濕埋☔️好彩餐廳喺朗豪坊附近 好快就到-雖然落大雨 仍然無阻大家食好西😶‍🌫️一上去全場爆滿 已經開始要攞飛 所以奉勸大家記得早少少bk位😤店員安排咗我哋坐窗邊吧檯位 正對雨街景食飯 都幾有feel嘅👀-嚟到當然要試主打嘅髒髒系列飲品😎所以我哋嗌晒珍奶同紫薯鮮奶兩款✌🏻另外仲嗌咗all day menu幾款菜式 先要掃QRcode落單 再去櫃檯俾錢💸-🌮安格斯沙嗲牛肉火箭菜烤手抓薄餅 $88除咗一般意粉漢堡 餐廳亦提供不少fusion菜式😉例如呢款烤新德里手抓薄餅配沙嗲牛肉 牛肉沙嗲味濃郁😌不過薄餅偏厚 再酥脆啲會更好 如果唔好牛 都仲有軟殼蟹或者豬頸肉揀💁🏻‍♀️-🍔鹹蛋黃烤鳳尾蝦漢堡 配凱撒沙律及薯條 $158萬眾矚目嘅鳥籠漢堡！✨店員真係會成個鳥籠連帶漢堡上檯🙈不過打卡要趁早！因為稍後店員會收返個鳥籠😂漢堡入面塊安格斯牛肉偏腍 個人鍾意硬身少少嘅牛👀鳳尾蝦食到有少少鹹蛋黃味🦐伴碟嘅薯條就較幼身🍟味道好似卡樂B嗰隻什菜薯條(啲回憶返晒嚟)🤣不過調味重手咗少少 至於凱撒沙律整得幾好食🥗沙律菜夠爽脆 加埋沙律醬 芝士粉同煙肉碎🥓又香又好食 一啲都唔偷工減料 如果其他菜式都係配凱撒沙律就好🤓-🍝輕煎北海道刺身帶子水牛芝士汁墨魚麵 $138意粉入面最推薦呢個！😎帶子煎得幾香 厚肉得嚟又帶啲肉汁 而扁身嘅墨魚麵軟硬適中😙每條麵條掛滿濃厚嘅芝士汁😝好好食 同朋友share啱啱好 唔會太膩 如果大家留意到幅相 墨魚麵仲加咗啲瓜粒 幾特別😯-🥞脆薯海鹽焦糖芝士梳乎厘 $88甜品唔叫返個梳乎厘pancake對唔住自己🙈留意製作時間需要半個鐘左右 其實menu款款個名望落都好好食🤤掙扎住好耐最後都係揀返自己最鍾意嘅芝士🧀呢度嘅梳乎厘係我見過最脹卜卜 篤佢仲會動L動L🤪食落好soft充滿空氣感 又夠蛋香 真係有驚喜🥰配埋面頭嘅番薯脆片同海鹽焦糖 鹹甜鹹甜幾match～-🧋髒髒黑糖珍珠鮮奶 $44珍奶上灑滿可可粉營造髒髒效果🧋加上黑糖嘅掛邊效果 打卡100分🤩珍奶飲落微暖 唔會太甜 珍珠都幾煙韌 水準拍得住一般奶茶舖😙-🍠髒髒紫薯鮮奶(沙冰) $44紫薯控嘅我當然唔可以錯過😏成杯紫色好夢幻💜我哋揀咗微甜 甜度啱啱好～淡淡嘅紫薯味沙冰 面頭仲有幾粒紫薯 但係大粒到用粗飲管都啜唔到🤣個人比較推薦黑糖珍珠鮮奶🤓-總括梳乎厘同墨魚麵最出色🥰下次有機會想試下佢哋嘅水果茶 見到好多檯都有叫 好似好吸引😆而且有位店員幾風趣幽默haha…查看更多

原址喺旺角黑布街嘅黑布小巷 主打多款邪惡足料台式蛋吐司🤤舊年3月旺角外賣店結業後 今年喺荔枝角重開 仲設有堂食位置👏🏻而葵廣同炮台山分店仍然係外賣店～-除咗邪惡吐司 仲提供滷肉飯、小食、芋圓 叫吐司或者滷肉飯就可以加錢叫小食/飲品 我哋揀平日夜晚 嚟到已經高朋滿座👀近門口仲有一排好似自修室嘅面牆位 坐嗰邊可以體驗重返校園嘅感覺🙈Scan QR code就可以落單俾埋錢-🥪慢烤雞腿芝士蛋吐司套司套餐 $53重頭戲當然要重點介紹🤘🏻佢哋亦貼心提供手套 吐司加咗半熟流心蛋同芝士🧀所以賣相非常邪惡😈芝士仲有拉絲添 雞腿又厚身又大塊 而且嫩滑多汁🤪不過味道同我哋想像中有啲唔同😯本身以為加咗芝士 應該會係鹹吐司 估唔到佢哋為咗減低油膩感 喺自家秘製醬汁加入咗檸檬🍋所以食落酸酸甜甜 幾清新～食辣之人可以試下麻辣鬼椒雞腿蛋吐司🌶·🥓黑布台式香腸 (跟餐+$28)雖然只有兩條🥲但係離遠已經聞到好香 面頭搽咗層蜜糖🍯一咬已經爆晒汁 好juicy 香腸亦好入味 推薦大家叫呢個小食😉·🌼桂花烏龍茶 (跟餐+$8)茶葉都係嚟自台灣💕再經過低溫冷泡8小時而製成 飲落桂花味幾香 茶味再濃啲會更好😗-🍚古早味手工滷肉飯套餐 $48滷肉飯肥肉瘦肉都有 滿佈成碗飯🤓飯就煲得啱啱好 滷肉味道同平時食嘅有啲唔同 比較重豉汁味😬可以同朋友share·🍤台南蝦捲 (跟餐+$28)蝦捲有3條 但係要加$28有啲貴😶‍🌫️味道甜甜地 幾煙韌 可惜炸得比較油 而且入面有我唔鍾意食嘅青豆🥶或者大家可以試下花枝丸 見到網上評論都唔錯😉·☕️古早味冬瓜茶 (跟餐+$5)食咁多油膩野 梗係要嗌返杯冬瓜茶解下膩😙佢哋採用台灣空運過嚟嘅冬瓜磚自己煲 味道冇出面咁甜✌🏻夠健康-🍡桂園杞子玫瑰三色圓(凍) $38最尾當然要食返個甜品作結 三色圓分別係芋圓 地瓜圓 同紫薯圓 形狀四四方方😆味道天然 同桂園杞子糖水好夾 不過有幾粒黐埋咗一齊(可能佢哋太frd🤷🏻‍♀️-p.s. 4個月前食的…查看更多

今次嚟到銅鑼灣呢間Layback Cafe🦥 一上到去就已經感受到溫馨小店感覺☺️首先最入有個可愛熊仔榻榻米區 天花仲吊住好igable嘅月球燈🌕餐廳好貼心 每張檯都有籃可以放嘢 不過唯獨坐得有啲逼夾 環境有啲嘈 當日咁啱左右兩檯都慶緊生 好有緣🥳而且佢哋pet-friendly 大家可以帶埋寵物嚟🐶-🥭香脆炸雞芒果漢堡 $158芒果配炸雞真係初體驗 炸雞望落同正常炸雞冇分別😉但其實用咗新加坡牌子TiNDLE出嘅植物雞肉 所以係素burger嚟架🤪唔係好多間餐廳可以食到TiNDlE嘅雞肉咋 素雞肉食落口感較硬身 質感似麥樂雞 配埋面頭酸酸甜甜嘅原粒芒果🥭同埋辣辣地嘅千島醬 好開胃 -🍗霹靂霹靂烤法國春雞 $188非常好奇點解菜名叫霹靂霹靂🤣直至食到春雞旁邊個醬幾惹味👀問咗廚師先知原來係Nando’s出品嘅葡式烤雞霹靂辣醬😯就明白點解叫霹靂霹靂🤣春雞平攤方便切開 食落好濃香草味 脆脆雞皮吸收晒烤焗精華 雞髀肉質尤其嫩滑 擠埋檸檬汁🍋酸酸地更刺激食慾-🍰伯爵茶巴斯克芝士蛋糕 $78餐廳自家製嘅蛋糕😙呢款絕對有驚喜😍伯爵茶芝士蛋糕面頭仲有一層厚身嘅伯爵茶奶蓋 一放入口已經充滿幸福感覺🥰伯爵茶味好濃郁 芝士蛋糕質感偏實淨 不過伯爵茶味同芝士味平衡得好好😋推薦大家叫嚟試！-☀️Tropical Sunshine $78(Pineapple, Banana, Mango, Peach)雖然沙冰加咗四款水果😗但係香蕉同芒果味道比較出 菠蘿同蜜桃味唔太飲到🧐$78嚟講價錢有啲進取 同埋個杯墊凹凹不平好危險🤭-🍵宇治抹茶草莓鮮奶 $68抹茶配草莓呢個配搭幾新鮮🤓賣相亦幾吸引 抹茶味道ok 奶味會較重 個人鍾意呢杯多過沙冰🙈…查看更多