羊公子's Profile

新開張車仔麵店，其實係舊時大牌檔小炒執咗轉型，唔怪得服務咁差。諗住新開檔，作為灣仔街坊嘅小弟梗係入去試下咩料。夜晚8點食飯時間一入去得兩枱客，個心已經打咗個突，企咗3秒有男人坐咗近門口張枱我仲以為係食客，點知見佢著住職員制服，完全當睇我唔到，好，照坐低睇下係咪真係咁差。叫咗4餸麵加飲品，5分鐘上齊。食物味道只係不過不失普通車仔麵。食完埋單個男職員埋去收錢，收錢找錢完全唔望我一眼，找完錢一句多謝都冇，明顯唔係新開張食店正常操作。呢間咁嘅嘢不出半年一定執，我話嘅。…Read More

外賣叫咗個時菜炒班片，一打開個盒已經唔對路，成盒嘢水汪汪，一陣臭味撲鼻，d班片淋patpat完全冇咬口。勉強食晒d菜同兩件班片，唔夠20分鐘肚痛，痾到肚都反埋。…Read More

午餐粟米火腿雞絲飯，雞絲雪味超勁，粟米汁淡而無味。例湯係紅蘿白豬⻣湯，飲落係一碗落咗好多鹽嘅水，完全飲唔出湯料嘅味道。就算只係$48個午餐，人地都可以做得好好多，今時今日仲有咁嘅茶記真係香港奇蹟。…Read More

話說有一晚9點左右去幫襯，準備入門口之際見門口掛咗休息牌，即刻望吓門口寫住營業時間到10:30pm，好照入。入到去坐低，冇人埋嚟招呼(當時只有兩三枱客都已經食到7788)，三個阿姐一個呆企，另一個響度食緊宵夜，仲有個行來行去唔知做乜)，睇完餐牌叫阿姐埋嚟寫嘢，叫咗個包湯連飲品嘅焗海鮮飯晚餐。一分鐘後阿姐送上飲品，再過約一分鐘阿姐埋嚟講話冇晒湯(佢話頭先唔記得咗講)，即刻無名三把火，心諗你落單時唔講，我已經飲咗杯飲品兩啖，如果唔係都可以取消個餐。ok，既來之則安之，當豪咗個湯俾佢，靜待焗飯嘅來臨。再等咗唔夠3分鐘個飯已經送埋嚟，心又諗唔駛6分鐘已經焗好嘅焗飯好極有限，一望果然中復。個飯表面睇落水汪汪，一睇就知未焗夠時間，再用匙更攪吓，成個飯得兩舊青口、兩片魷魚圈、同埋一舊得兩隻手指咁大塊嘅唔知乜魚柳，飯食落一d都唔熱，明顯唔係即叫即焗。最後只食咗1/3即閃人，又多一間可以blacklist嘅廢店。…Read More