honeyloveseating's Profile

因為babe既關係，不經不覺我做左十多年廸士尼既奴才... 因為有年票既關係，基本上廸士尼既餐廳、餐飲夾夾埋埋我都食過不下過千次。可能係食得太多既關係，一直都無諗住寫廸士尼食評。不過今次我真係好想寫下當中我最喜愛既華特餐廳 —> 因為佢食既唔單止係味道，仲有服務同埋個種想再做好啲既態度 👍🏻還記得有華特之前，個度個位係一個類似lounge既餐廳，有high tea 同 輕食dinner。數年前廸士尼裝修間lounge索性搬大啲到而家個位，形成今日既華特餐廳 🍽最初去試食華特high tea 時，感覺價錢貴左同埋質素無以前咁好；當時都有放棄再去華特既念頭 🤨但有一次住酒店時所有餐廳都爆晒，得返華特dinner有位，於是乎我地又鼓起勇氣再試一次。點知 💡 晚餐水準原來不錯，仲要係班廸士尼之友口中得知華特立志要做好，當時請左一個係澳門唔知邊間酒店做大廚既法籍廚師到華特 😋所以係呢幾年黎，我地奈唔奈都會去幫襯下 😋😋同往年一樣，我既生日就係華特過 🎂🎂首先要推下既，係我babe黎親都食既 “大蝦帶子龍蝦汁意粉” 🦞🦞大蝦🍤🍤 - 雖則唔算勁大，但都算彈牙帶子 - 鮮帶子，幾好食龍蝦汁意粉 - 意粉口感都okay, 最緊要個龍蝦汁唔算好salty, 食完都唔會口乾而我，至愛就係佢既澳洲M6和牛 🐂雖則無日本和牛個種入口即溶，但以佢既價錢、再加上medium既中間粉紅，入口仲有點點即溶同牛味 😋😋😋算是很不錯 👍🏻除左以上兩款，華特既海南雞飯、burger set 既水準都唔錯，而價錢以酒店餐廳黎講都算okay. 如果食得太多出面既酒店餐廳，不防可以去試下 👍🏻👍🏻👍🏻😋😋😋…Read More

有朋自遠方來，一班好朋友扮青春所以揀左呢極尚大喜屋放題聚舊 🥳🥳數年前有一段時間babe好鍾意食放題，不論大喜屋還是極尚大喜屋我地都食過數次，野食質量是不錯的；今次可以再食我都有啲期待一黎當然係刺身 ✌🏻三文魚、蝦都幾新鮮；仲有象拔蚌，雖則唔係最靚最甜既位，但放題都有得食算係咁；海膽sushi, 細細舊都okay 跟住芝麻雞翼、羊架、牛舌、牛肉粒都唔錯 👍🏻佢地仲有燒菠蘿，好味好juicy 👍🏻有個花膠雞湯，幾似相撲鍋；唔差，花膠都算淋 😋老人家要食下粥、燉湯... 都幾入味 😋甜品我地都叫左好多款，overall都係唔錯，唯獨個炸鮮奶既皮有啲厚 🧐🧐🧐我地一行7個人，基本上可點既都點晒咁濟 😂當然我無可能每一款都食晒，不過朋友都話以呢個價錢再加上放題，有呢種質量算係好okay 😊希望餐廳繼續保持水準 👍🏻👍🏻👍🏻…Read More

度小月係每次去台灣必去既地方，最鍾意食滷肉飯、炸大腸同埋炸蝦 之前已經知尖沙咀銅鑼灣都開左，但聽朋友既意見話偏咸；再加上懶惰既我住葵芳，變相無乜推動力支持我去 🤪知道南昌有開，只係搭兩個站就到既話，所以琴日就動身去試試同台灣有咩唔同 🥳一坐低，見到地下有點dirty (有些食物殘渣、飲管膠袋).... anyway, 我地叫左：1/ 兩個滷肉飯 （我一個、babe一個）2/ 一粒貢丸3/ 滷豆腐4/ 炸大腸5/ 炸蝦價錢當然唔可以同台灣相比，始終香港租金咁貴。或者係原材料都唔同既關係，味道都還是差一點點點... 😵😵1/ 兩個滷肉飯 = 飯太多；雖然滷肉的份量仍何沾滿整碗飯，但就帶不出每啖飯應有的滷肉重味2/ 一粒貢丸 = 比起台灣size細了，亦沒那麼入味juicy 3/ 滷豆腐 = 尚可4/ 炸大腸 = 不是很脆口5/ 炸蝦 = 很油，不是很脆口之餘肉質亦有點鬆散埋單二百鬆啲其實還可接受，我很喜歡滷肉飯，所以還會去幫襯；只係未必會再食炸蝦 🧐🧐…Read More

一坐低，就覺得對手好痕；一望後面，一排下爛位正正係後面 😱真係唔係好明點解可以安排啲下爛位離客人咁近，但無奈都坐低，就照食喇... 大家朋友都係想食下野搵個無限時餐廳吹下水我地三個叫左個二人餐，再加左杯野飲同雞翼；野食so far無乜野 - 唔係難食但又唔係特別好食... 而重點係我地邊食邊拍蚊，好多蚊滋飛黎飛去，我地又係咁摸頸r手.... 總之好唔自在都算喇，我地都係想傾下計....突然之間，係我地無叫埋單既情況之下，有個侍應就放左張單係我地枱面，話 "放係度先" 😱😱😱你係唔係咁心急翻卓呀 😡😡😡你係咁緊張翻卓既，你不如set 限時.... 咁我可以選擇揀唔揀呢間餐廳我地最初都無理住，張單就咁放枱面。五分鐘後，阿侍應又走黎扮晒野打開張單，就講左句 "呀，你地想比cash 定咭"....Sorry, 但真係好肉酸 🤔🤔🤔野又唔特別好食；地方又污漕；仲要借啲耳趕你走....不會再幫襯！…Read More

Babe 鍾意食蟹 或 同蟹有關既野食 🦀還記得上年去上海廸士尼食過The Cheesecake Factory, 佢既 crab cake 同pasta 都不錯, 但份量真係超大，遺憾當時就無試到佢既cheesecake 😢年頭知道佢會黎香港開分店時，我地都已經好期待，但又擔心等咁耐唔知做咩好...咁啱當日babe 網上買左啲衫要係海港城間門市攞同試，所以就決定試下等呢間六點鐘去排登記，六點半登記好；七點半又要返去攞pager, 最後八點半左右就有位。雖則攞位方式有啲煩，但大致上啲人都守跌序... anyway, 最緊要有得食 😋😋😋Crab cake 就必叫🤗都仲係full of 蟹肉，外面脆，又唔乾 👍🏻另外叫左個炸蝦小食，都好香好脆口；但放耐左就開始淋淋地，所以建議盡快食😋但佢都好多隻 - 大概都有十隻，兩個人又真係好難快食 🤔🤔🤔至於pasta 我地揀左個 Louisiana Fried Chicken Pasta - 查實係蝴蝶粉黎既...蝴蝶粉軟硬度適中，啲汁又唔會多到漏、啱啱好；最過份係，佢係有四大塊雞扒 😵😵😵最後，今次我點都要叫件cake食 🤗我揀左 red velvet cheesecake... 溫度同軟硬度都不錯👍或者我本身好鍾意食 cheesecake, 當個個都話佢好肥好漏時，我覺得佢好正 😋😋😋等耐啲唔使再等咁耐，我會再去的 ✌🏻…Read More

住係禾輋既寶寶，今晚帶左我黎 漁樂 食飯🤗🤗兩個人叫左 THAI炒飯 + 牛肉湯河 + 黑糖牛油雞翼；我見叫飯或麵飲品半價，就叫左罐Coke Zero 😋Coke Zero 好快就到，最驚喜係佢原來係連冰杯底👍🏻半價只係$9，已經感覺好抵轉頭 THAI炒飯就到。THAI炒飯表面無乜特別，但一食真係停唔到口 😋😋😋啲飯炒到一粒一粒；並沒什麼特別配料，只是洋䓤跟䓤加點牛肉，帶點辣但很惹味！再來是牛肉湯河，$4x 但也很大碗，有4-5片牛肉；味道正常，以這價錢已是很不錯最後來的反而是小食雞翼 🤗一食，很熱、很香、也很脆 👍🏻總括黎講，本人覺得以晚餐來說，價錢公道之餘，亦不失質量；有waiter 服侍但不收加一 👍🏻座位也不算迫挾... 以這價錢，有這種質量、服務及環境，算很好👍👍👍…Read More

睇openrice呢間無"喊樣", 仲要有9x 個 "笑笑"; 再加上見佢既價錢唔算好貴，所以今年元宵揀左呢間同babe 食.... Babe 不好生蠔，但鍾意食有"蟹肉"既餸菜，於是乎就點左crab cake 及 海膽蟹肉意粉...Crab cake = 係好多蟹肉，但唔creamy, 口感好乾海膽蟹肉意粉 = 無乜蟹肉味之餘亦都唔多蟹肉；海膽亦唔係靚而我，本來想食羊架的，但見佢有西班牙黑毛豬，仲要只係三百幾蚊，所以我就改變主意，棄羊取豬.... 一上枱，個presentation都靚靚的，好厚、條骨又夠粗... 一食就... sorry la, 好韌、好鞋，零juicy 😤靚既黑毛豬係唔使配汁，但當時我好想要碗洋䓤汁去送呢塊豬 😞問題唔係塊豬，而係煮個個... 真係好韌，韌到我好攰 -- 𡁻到棚牙好攰....我向waitress 反映，佢都好有禮貎咁話塊豬比較厚要煎耐啲....老實，我都知... 但唔會煎到咁韌；我比緊中高檔價錢，但仲差過茶記豬扒飯午餐.... 嘥左塊扒，隻黑毛豬死得好唔值，浪費晒 😤😤😤最後我地仲叫左個沙律、 有海膽，最好食都係得呢個； 菜都新鮮，落左啲sea salt 去調味，不錯總括黎講，我見好多人係去食生蠔 🤔或者間餐廳主打唔使煮既野食，我要食煮熟既食物就唔應該揀佢掛 🤔🤔…Read More

之前已有聽聞這家由韓星開的炸雞店在旺角的分店很長龍... 今天朋友山長水遠過來葵芳搵我食飯...碰巧nene chicken 又剛在葵芳開店，我們一行三人就來了這家餐廳試試，看看到底是食物的魔力、還是明星的效應大 🤔🤔🤔我們三人每人點一款食物...喜歡吃蛋的我就點了"勁量級雞蛋卷" -- 本來想點 "迷你雞蛋卷"，但店員回應就只有勁量...另一位鍾意食韓式魚蛋既朋友，就點左"芝士魚糕串鍋"...最後一位朋友，係無理由去炸雞店唔食炸雞既理念下，無奈地揀左"韓式焗雞(甜辣)"第一道上的是"勁量級雞蛋卷"... Wow! 真係好大份! 一食，又幾好食喎...蛋都算滑，餡料有啲青椒同午餐肉，有芝士，但食落唔膩... 算不錯!因為第一道菜感覺不錯，對接下來的兩道菜還蠻有期望.... 第二道是"芝士魚糕串鍋"... 鍋很大! 一食，不入味... 有點失望的是魚蛋並不是太家期望那些帶點韓式，而是看上去及根據魚蛋們的外形/味道，應該是來自"江湖".... 當我夾粒魚蛋來沾芝士... 噢，一滴芝士都沾唔到.... 因為芝士有啲實同硬 😨我再用叉撩啲芝士就咁食，好un、有啲硬.... 第三度終於黎"韓式焗雞(甜辣)"...舖係面既杏仁片幾好食，炸雞就不過不失、都算嫩, 但雞件比較"un瘦"；只係比起出面其他炸雞店，還差一點點... 其他炸雞店會香口些，雞件都比較多肉及大件... 總括黎講，食品質量不高，但價錢尚算有人性... 雖則碟碟都過百仲要加一，但份量都算大，一大班朋友一齊食比較合適及化算 🤗…Read More

係CWB食完飯﹐朋友話有間芒果布甸好好食既甜品﹐不過沒什麼美麗裝橫﹐但芒果布甸真係好好食... 當然﹐我地呢啲窮等人家﹐最緊要既係好食我朋友很強調"沒美麗裝橫" - 係10分鐘既路程﹐佢足足講左三次... 有一刻閃過 "如果真係咁好食既﹐點解係CWB呢啲地區會無人排隊???"... 反而我 concern 既quality... 當我到達時﹐反而我好欣賞呢間舖頭... 好似返返細個讀書時﹐食完飯就會約埋好多朋友落街食雞翼尖糖水個啲舖頭... 餐廳都好多甜品揀﹐價錢仲要合理我地三個人﹐嗌左 "原味木槺布甸"、"巨峰啫喱" 同埋 "南瓜粟米露"︰"原味木槺布甸" = 好好食﹗真係要比個"指公" 佢 ... 每一啖都有木槺﹐每層都好分明﹐中間白色仲有啲硬硬地；唔太甜﹐很有木槺味"巨峰啫喱" = 好好食too﹗係唔係巨峰都唔重要﹐但佢有既係提子味﹐無藥水味﹐仲要啫喱底係舖左椰果! 好食"南瓜粟米露" = 好好食 three﹗成碗野好溶﹗以為呢啲少人嗌既野佢會"渣流灘"﹐但無﹗仲要有啲大大粒既粟米比你有啲咬口我著實太耐無食過呢啲咁好食、咁有 heart既甜品﹐所以忍唔住最後都叫多左個 "朱古力木槺布甸"。都係... 好好食four﹗食完呢餐甜品﹐感覺真係好開心﹗一個好普通既甜品﹐但感受到間餐廳都會想做好... 希望啲大集團﹐懂得賺我地錢既同時﹐都會懂得比返啲有heart既質量我地吧﹗呢間餐廳﹐一個字 --- 讚﹗…Read More

好朋友生日... 係跑馬地返工既佢﹐就揀左 The Hwaduk食佢既生日飯查實我自己一向對韓式食品/餐廳都不物別喜歡... 一來覺得韓式食品心思不夠之餘﹐味道亦不是特別好味﹐而且很多價錢亦很貴... 比如韓燒﹐兩個人閒閒地都要食超過八百蚊先會有啲啲飽既感覺；仲要好多時限時限刻﹐驚死你阻住佢做下一輪當然﹐朋友生日﹐就要比朋友揀麻 一早BOOK 左枱﹐一坐低已經有十個肚餓...  一打開MENU, 選擇其實不多 - 主要係烤雞﹐跟住係PIZZA同幾款SALAD、PLATTER同煱類... 不過﹐呢啲先係韓國風味麻查實正常你去韓國旅行﹐啲韓國餐廳都係主打某款食物... 食牛就主要係牛；食豬就主要食豬；食蟹就係食蟹... 最後我地決定左叫 "香辣烤雞" 同 "韓式什錦魚蛋湯""香辣烤雞" - 好香﹐頗入味﹗雖則食到尾聲時有啲膩既感覺﹐但食"炸雞"類係咁上下"韓式什錦魚蛋湯" - 好好味﹗值得一讚﹗好多不同類形好韓式既魚蛋﹐好好食。湯都好飲﹐雖則我懷疑佢有味精﹐但魚蛋著實又多又好咬口本來我地都有點PIZZA﹐但＂小二＂應該落漏左單... 同埋我地都想轉地埗﹐所以就CANCEL了總括黎講佢既價錢都算正常 - 同係出面食任何一間韓式烤雞店既價錢差唔多。烤雞質量不算太差、也算很韓﹐跟普遍韓式烤雞店的味道差不多。值得一讚的是＂韓式什錦魚蛋湯"﹐著實不錯﹐很少地方可以做到咁足料、很韓的感覺期待再幫襯... 下次要試下PIZZA …Read More

星期日17:56攞飛，18:45 左右有位...我同babe都好鍾意海膽，但年紀大了，食太多感覺會太膩。同埋眼見好多枱都食剩啲飯，真心唔想嘥野，所以我地決定先order 一碗4色丼 - 即係有拖羅蓉 + 蟹肉 + 三文魚子 + 海膽 🤗。食完先再睇下使唔使加野食Babe 唔食拖羅蓉同三文魚子，所以我地就將碗飯分兩份，佢食海膽蟹肉飯，我就食拖羅蓉三文魚子飯😋拖羅蓉 - 好高好多三文魚子 - 好多海膽 - 有三片蟹肉 - 算多，但又未至於爆Babe話蟹肉無乜蟹肉味，海膽又無乜海膽味；唔係難食，好普通...我個拖羅蓉都多筋，三文魚子都okay, 只係食得多都好膩，又唔算好鮮最後，好彩我地只嗌一碗，因為太膩既關係，同埋又唔算十分好食 - 啲料真係無乜鮮味，所以兩個人食一碗都食剩 😟我都唔想做大嘥鬼，但真係食唔落 以量黎計，佢係算爆。但講到質，$298+10% 既一碗四色丼，居然不如一盒你去超市買既刺身丼；座位更加唔使講，茶記既格局，仲要有蚊同比個waiter 批左一踭 （知佢唔小心，但佢地係我後面係咁傾計... 又點會留意有客坐係度，同埋想像到有幾迫....)唔會再去了 👋🏻👋🏻👋🏻…Read More

Babe鍾意食拉麵，我家住葵芳，所以一見到新都會舊toast box個位圍晒板話11月中旬會話開拉麵店後，babe 每日都問住我"開左未"...㚵於，放工行過佢終於開左 🤗🤗🤗Babe仲特別係沙田放工就過黎，我排住隊等 😋😋😋好辣的babe, 叫左碗辛辣熟成濃湯拉麵；我就鍾意乜都有但唔辣得，所以就叫左俺流男盛熟成拉麵 😋😋😋辛辣熟成濃湯拉麵：我食唔到辣，babe就話唔算好辣，麵有啲硬 - 揀麵時佢㨂左普通，下次應該要揀"軟"...叉燒好好食，真係要讚 👍🏻叉燒係用正中做法，厚度適中，有"咬口"... 有啲拉麵店片叉燒遍薄，食到有啲到喉唔到肺 😅😅呢度既叉燒剛剛好，唔會一啖就無左俺流男盛熟成拉麵：一豌算叫做齊晒有既餸既拉麵🤗麪既硬度我係okay (我叫左普通），湯底都不錯，有豬骨味但應該唔係"餚"左好耐個種。半熟蛋一隻 - 有流心，不錯👍有兩片叉燒 - 好食炸雞兩件 - 我有啲後悔無係佢一上枱時夾開，到我食時已經淋晒 😟但比我想像中大舊，有件仲手心咁大舊 ✋🏻粉漿係有啲厚，但$88呢個價錢，算係不錯同有誠意總括黎講算係不錯，侍應都會主動針水。雖則佢有加一，但價錢同食到既野都算值的 - 好似 X蘭 $89， 都係得一片薄薄又細既叉燒；X王都$9x 一碗，不過叉燒真係無俺流咁正中 😋希望你可以keep住，等我地呢啲住葵芳既有多個選擇 🤗…Read More

同事推介vision 8 既豬手好食、好多collagen... 遇著今個星期屋企無飯開，搵晚放工後就去試試 🤗🤗餐廳面積不大，但枱就密密麻麻...同事發板，話豬手好大份，加多份帶子意粉兩個人食應該都夠... 係等緊食物既時候我就睇下份menu... 原來呢度係有dinner set, $398 + 10% - 有湯有扒有野飲... 但望望個環境，好似同個價錢有啲唔相符... 好喇，豬手同意粉都已經上枱了:豬手 = 好普通，唔係難食... 只係唔大隻、無乜collagen；相同價錢去另一間B字頭食佢既烚豬手會大隻好多同超多骨膠（肥膏） 🤗🤗帶子意粉 = 帶子煎得不錯 ，意粉都好食埋單時，呢餐盛惠$38x...老實價錢唔係貴，只係以荃灣地區、一個比較擠擁既環境，好似唔多值... 明白現今租金係貴，但要是你想客人付出多些而走貴價路線的話，就不太應該放到啲枱密密麻麻，同埋要注意下食材既質量...當你用呢個價錢同朋友食飯傾計，但隔離唔識既你都可以好清楚咁知道佢地既內容... 不如下次都係去返茶記🤔🤔🤔…Read More

朋友家住大埔町角個邊，提議我地去皇朝漁苑飲茶再大戰八圈 🤗食完後覺得水準不錯，於是乎早幾日就同我至鍾意飲茶既babe去多次等佢試下 😋😋家住葵涌既我，轉了三次巴士搭了個半鐘車終於黎到三門仔...雖則有啲遠，但當效遊下，黎睇下風景都okay既...餐廳有室外同室內，人唔算釨多。其實室外環境都不錯，但怕蚊叮既babe就揀左室內；兩個人佢都比張靚靚卡位我地，或者係室內大部份都係大枱掛... 不過都okay la 😁基於我地都未食昁餐，而著實係山長水遠既關係，兩個人都嗌左好多點心... 有：灌湯餃 - 正常"油"魚酥 - 都好食，唔算好油同過份大條蝦餃 - 好味，用料都新鮮蝦腸/叉燒腸/生腸combo - 蝦算新鮮，叉燒腸同牛腸都不錯煎羅白糕 - 推介！個皮真係好香好脆，羅白又不會太硬太淋XO醬煱腸粉 - 腸粉好香好滑好野味；係有啲油，但唔常食既都okay小龍包 - 皮薄，都多湯；但略嫌個皮太快變硬奶黃流沙包 - 流沙奶黃包通街都有，但佢連個包都好香椰汁味...  真係好滑好好味仲有就係，呢度都仲有菊花呢種出面好多酒樓都無再提供既茶，仲要唔hea，壺茶有好香既菊花味 🍵🍵🍵查實第一次食時，我地叫左個煎豆腐又係好好食 - 好似叫唔知咩黃鉐磚咁上下... 多人去既可以試下總括黎講啲野都算好食，服務都好okay... 但對我黎講大遠了... 寫低呢篇野等我無時間去都可以係文字上回味下 😋😋😋…Read More

之前聽好多人話Lady M啲蛋糕好好食，每次去親都大排長龍...難得行過時無人排又有位，於是乎我同babe 就打算坐低慢慢歎下、試下佢點解可以令到咁多人排隊 🤔🤔🤔我點了signature mille crepe, babe 就點左chocolate mille crepe, 另外我地怕濟，都叫左杯苿莉花茶飲...第一口食完，babe 已經停左手... 佢話個朱古力一層層好怪、麻麻地 😳😳😳然後我食啖佢既朱古力，再食啖我既招牌千層餅，老實就真係麻麻地...或許係我地唔識欣賞，但佢每層既"糕" 係好 "鞋口", 一啲 "cake" 既感覺都無...再者之間既cream 有啲濟，夾埋既效果查實好普通、好多普通既cream夾係啲唔好味既乾淨淨無味既薄薄 （近乎透明）蛋糕layers....唯一可取既係朱古力蛋糕上面個兩舊朱古力，係幾好食，同埋杯苿莉花茶都okay...總括黎講，幾好彩之前自己無衝動去排隊食... …Read More