味嚐不可's Profile

今晚拍拖去到紅磡，咁細個區真係中日泰菜咩都有得食，真係啱晒平日鐘意周圍貢嘅我。但係太多選擇都係一個難題，不過地道香港人緊係搵啲小店尋寶啦～嚟到呢度唔係食啲周圍都係分店、擺明掠水嘅「名店」呀～捐窿捐罅去尋寶是常識吧！就在此時看到幾個紅色紙燈籠🏮，舖仔唔大但好有日本feel就貢入去啦。入到去師傅安排我地坐近冷氣位置（可能見我哋滿頭大汗都幾細心）打開餐牌，女友諗都唔諗就話食沾面，我就比較喜歡食幼嘅拉麵，點知打開餐牌沾面都有幾款👍🏻女友話估唔到。叫了一個豚骨沾面及辣味醬油拉麵（好似係咁上下名😅）望一望坐滿晒客人，應該無揀錯。有提供杯及水，而且枱面都放了多種調味料，很周到，筷子用一個有蓋的盒子裝好，感覺衛生。有得食啦，望落去唔係話好特別但係個湯底認真唔錯，仲要有我最鍾意嘅糖心蛋仲要係原隻都只係賣$78。女友嘅沾面到啦⋯⋯估唔到都有一隻糖心蛋，終於可以自己獨享一隻啦（因為大家都鐘意但永遠要讓佢）我平日好怕食粗面覺得好滯但呢度啲面唔知係咪師傅自己造呢，好特別，感覺係麥造嘅而且唔會做到好粗好厚（出面嘅沾面多數係四方形面條）有啲似寬條麵嘅感覺但係拉麵質地，真係好得，連我都忍唔住食咗佢半碗，仲有啲肉質地好特別，感覺係慢煮肉，出面真係小見。師傅同客人好互動，有講有笑勁開心，最後埋單一百八十元有找，出面真係好難搵，無加一、有服務、食完唔會口乾感覺無味精，出面真係好難食到。…Read More

平日都鐘意四圍貢四圍搵食，朋友極力推薦下走咗入一條平日好少行嘅街度，發現原來鬧市中嘅一片綠州。門前很有日本氣氛，老闆掛著笑容推介著他們的主打壽喜燒煱，shabu shabu食得多既然係推介價錢又相宜便走入去坐低，店舖內位置雖然不多但也很乾淨。問了老闆三個人食咩最好，老闆著我們先叫一個二人煱因為飯係任添嘅，覺得不夠才再添加小食或者配料，認真係識食唔好嘥👍🏻店員姐姐首先放下一個爐，入面已經滿滿盛載著配菜，賣相吸引，看得出師傅很有心機，有著日本人的一絲不苟👍🏻之後給了我們兩隻日本雞蛋，她介紹可以點牛肉來吃更滑或者有些人喜歡原隻放入湯弄熟來吃也可，我第一時間喝了一口湯，非常好，味道夠之餘又不會太咸，對於我這個喜歡用湯汁來餸飯的人來說簡直是一個喜訊；之後來的是切片牛肉、海鮮（隻蝦同隻蜆仲旭緊⋯有啲驚但這個價錢竟然可以吃著新鮮生猛海鮮）老闆話幸好舖租不是太貴，寧願賺小一點也要給顧客最好的，一讚👍🏻還有一個雜菜⋯嘩！一個二人套餐已經可以塞滿三個胃，超抵食！後來服務員姐姐給了我們每人一杯花茶⋯洛神花加玫瑰花，解滯之餘還可有美顏功效，原來他們在假期前夕及假期當天會開至凌晨，會專做「手沖咖啡、花茶及一些等色小食」現在真的太飽了，過兩天聖誕節出街玩完再約啲朋友落嚟一人一壺吹下水自斟自飲也是很好的聯誼活動啊！良心食店越來越小，我一定會繼續支持，十個讚💪🏼加油。都幾特別，分開時段賣不同種類的食品但都是日式的，老闆很有heart。我朋友話中午嚟有便當🍱食都好味，下次一定嚟試下。…Read More

行過見到新開以為係以前頗出名個間,點知就係中伏嘅開始.......有個下午茶餐牌名稱很吸引,便叫了一個脆炸雞脾擔仔麵及糖醋京烤骨新竹米粉,另外加咗個優惠珍珠豆腐花,店員話要等半小時,無問題啦～食完都咁上下時間。後來店員1告訴我們優惠價的沒有了,只有正價$38的才有😵那便取消了!食物來到真是嚇得我......以為係例湯,個糖醋烤骨同梅咗嘅肉無分別,糖醋只係掩飾可能真係酸,總之唔得,超核突。個炸脾擔仔麵,話明脆炸另上都得啩，浸响湯度真係感應唔到有幾脆囉,擔仔麵好重梘水味…兩個湯一款底都係味精水味。唔改善真係好快執,不過呢間係無得留低,永不再來。要試嘅朋友真係慎重諗清楚....好坐但核突同難食。…Read More

天寒地凍早餐食碗粥暖一暖先,食粥都無乜好寫,食中呢間垃圾真係要講出嚟,嗰名叫大師傅,學師都不餘!D樓面無記性又出品亂晒俾錯D食物!皮蛋瘦肉粥普普通通,個叉燒腸“鞋”到不能入口,食完成個人鞋口鞋面,成日唔開心,唉!千祈不要食腸粉類!…Read More

本人星期日去食爆丼屋,都知要排隊啦,排20分鐘安排入去,個待應俾張2人枱但我3個人囉座到我又熱又窄,地方正一垃圾!叫咗魚生飯,鰻魚飯,牛肉飯全部放滿餸係上面係幾澎湃,但係有好多飯係下面撑住的,仲有最嚴重係魚生飯D魚係熱嘅,上到枱暖魚生飯好難食,食唔落,嘔吐物咁~但熟食Ok,魚生勿吃…Read More

早上起床第一時間總想到食早餐，難得今天十點未夠已出門覓食，就到這間上次途經覺得裝修及餐單頗別緻嘅餐廳試下。剛走到門口已看見裡面坐無虛席，我們便入內和侍應交代兩位，他叫我們等一下，有人埋單，我們便坐上那兩個位。叫了一個沙爹牛肉麵餐及一個美式扒餐，看見牆上寫著「金牌奶茶」餐飲諗都唔使諗就叫了茶走及一杯凍鴦央。不得不提都的是枱面上竟然看見辣菜甫頓時很開心，因為我非常喜歡。先來的是兩杯飲料，先試一下所謂金牌奶茶⋯完全沒有茶香，只有少許練奶的味道，另一杯凍央咖啡味重，可能因為這裡奶茶的茶真的沒什麼味道，只飲到咖啡味，味道不錯。跟著來的是沙爹牛肉麵，我先試湯-非常淡，再試沙爹牛肉-只得甜味😑麵也很一般沒有味道的，心想幸好有辣菜甫便落了兩匙。。。只是吃到辣椒的味道。不抱奇望，算了！接下來來了扒餐，我叫了雞扒，還有薯餅、煎蛋及我最喜歡的茄汁豆還有多士。雞扒煎得非常好，肉質嫩滑、薯餅炸得剛好，不燶而脆、煎蛋的黃仍有微蛋汁，整體不錯👍…Read More

每次經過不是賣完就是已收工，今日趁假期早啲去，去到門口有告示要17:30至開門，唯有四圍逛下到17:40左右再行過去但仍未開門便企一企等一等，過了大約五分鐘左右門開了便走進去。看見一行位置大約十來個是在bar枱另外有一張小型枱在門口附近，感覺都頗日本feel。坐低侍應便遞上點菜紙給我們，款式不多，眼見有五款，我係芝士迷當然選擇有芝士的，但⋯這些會是平時食薄餅那種芝士粉嗎？雖然心有疑惑但應該不會吧，八十多塊一碗應該不會那麼行貨吧，那便點了一個芝士的、一碗雜錦的試下吧！這裡的蒜及野菜可以選擇「不要、正常、一倍至三倍」看見是炒的芽菜，我非常喜歡的所以要了三倍。面到了，三倍芽菜，侍應還重點說明份量會很多，但沒這回事，看見圖樣明明好像一座山，但在我面前的卻是平平一碗。我叫的是幼面，硬得很，但可接受。但眼見芝士真的是卡夫芝士粉，真的無言了，味道很怪，粉溶掉後整碗湯杰得緊要，雖然我都是濃味一族，但呢碗嘢真的咸得太勁😑呢個價錢食啲咁嘅嘢，真係唔會有下次。…Read More

既然好評如潮當然要試下，開業至今也有一段時間仍然人山人海，有一定實力。記得上次來過一次等了一個小時還未到忍不住走了，估不到今天是星期天反而沒那麼多人，等了大約四十五分鐘左右便可，當然中途也走落樓下呼吸新鮮空氣，服務員告知可以致電問輪隊籌號（接電話的服務員是操普通話的）進入後覺得格調很好，但都頗嘈，和朋友談天說地的好地方但有限時只有90 分鐘。看見餐牌樣樣都想試，等了這麼久當然要試盡，便叫了以下食物：㗎喱牛腩佐法包：每日限量供應，本來是想跟白飯的，但服務員表示白飯已賣完，只剩一份跟法包的，二話不說也要了，很辣但惹味，牛腩真的一流，和平日吃的不同，值得一試。--總滙三文治：是隨行小朋友叫的，平日也是嘴刁一族但也掃光，我想味道應該不錯。--香蕉巧克力鬆餅：覺得無什麼特別，最特別的是跟了一小瓶巧克力醬，分出小碟後可自行加上，小朋友可在鬆餅上用醬畫出一些圖案。--兩杯飲品：一杯是OREO沙冰，一個人真的飲不完。另一杯鮮果茶大家一定要試一下，這裡會給你一個杯，杯中會有一顆冰中間夾著件檸檬，倒進杯中可keep住冰涷並夾著鮮檸香味，很是特別。…Read More

今次特意為了工人姐姐食印尼嘢。致電訂位時服務員很溫柔的告訴我星期五至日均不設訂座。揸車前往到達時間七點半左右，周圍附近有三個停車場及很多錶位但都全滿，等了半小時左右才幸運地泊到位。一行四人行入舖頭，不難找亦不是想像般多人，還有數張吉枱。此時店務員給我們一張枱，但看到隔離大枱有個牌寫住留座，真搞不懂。坐下後叫姐姐叫菜，她就叫了一個雞串燒、牛串燒、巴東牛肉（沒有跟白飯，最後我也是另外加一個）、雜錦黃薑飯、加多加多其實係沙律（甜飯條切一件件與芽菜、黃芽白等跟辣花生醬撈勻）--串燒每碟六串，每串跟一根手指般長，牛肉跟的是甜的醬、雞串跟的時甜辣花生醬。--黃薑飯裡面有很多香料，我個人頗喜愛，但不太適合小朋友。--巴東牛肉肉質不乾，汁頗惹味淋飯一流，小朋友都愛吃，但在這裡竟沒跟白飯，姐姐說這款餸在任何地方食都會跟飯的，但這裡要另叫。--加多加多，將所有撈埋一齊食頗特別，但甜飯太稔我不太喜歡。另外還叫了一杯玫瑰花椰果茶（不太記得實在名字）很特別味道不錯值得一試、椰汁紅豆冰紅豆夠稔但沒特別、珍多冰這個真的要試，這裡飲到的和泰國版或越南版不同，它是用椰奶沖出來，顏色是啡色的，味道似兒時喜愛那種椰子糖，感覺很好！個人覺得印尼菜的食品大部分都是甜加辣，都適合香港人的。還有要提提那裡只收現金…Read More

　　由以前係銅鑼灣已經聽過這間大名，亦試過無數次，最近經過見到便走入去試下，睇下水準係咪一樣．　　坐低叫了一個星洲貴刁，瑞士汁雞絲河及香蕉班戟，下午茶餐各款都係＄２８（冷熱同價）　　先嚟瑞士汁雞絲河（可以自行選擇要牛／雞／豬都得，適合不吃牛人仕），賣相同銅鑼灣個間一樣，份量適合一個女孩子，小小地，但係個樣都几精美；星洲貴刁都夠辣；而戲肉就係呢個香蕉班戟，係即造（個皮都係自家整）賣相很一流，切開來，啖啖都有香蕉，真的很好味．　　近排我差不多每天都有去，一定會食香蕉班戟，每個師傅的整法都唔同，可以話係次次去都有驚喜，可以值得推介．但係記住一定要下午茶去，因為本人覺得午，晚市較貴，而且午市食的與下午茶都大同小異，但價錢就相差一大截．…Read More

　　第一次嚟呢度食嘢~~係同事介紹，一聽到豬什～～好嘢！！因為我平日食飯都已經係最愛什會炒河，什會飯．．．．第一時間沖落去試下先，餐廳內外都擺滿了枱及櫈，迫滿了人．　　豬什的確新鮮，不過河粉水準就不太好，很散，而我的朋友吃麵，麵質似油麵，沒有全旦麵吃．　　但是埋單只係一碗$12（細），而大的也只是$17（雙併亦是這價錢）．　　抵！！！…Read More

　　記得小時侯常到街邊吃腸粉，不知道是否巧合還是每個女孩子也是比較鍾情腸粉（因為我的同事及朋友當中女孩子都喜歡吃）．但是自從香港政府打擊街邊小販後我發覺每一樣食物也食不到往昔的味道及感覺．　　朋友介紹話這間腸粉很好吃而且價錢也超抵，不妨試下．到步後已見一條長龍，我當然也唔執輸即刻排隊（當時店內已沒有多餘位置）．　　不過當時情況頗混亂，只有一個人剪腸粉（堂食及外賣也是她）她又負責收錢，咁啱有人倒瀉豆漿，她又要去理（哎！總之什麼都關佢事）搞到很慢．　　５元４條，１０元９條，價錢合理，就算唔係因為好食，嚟呢度買都抵．終於買到了！！立即放進口裡，嘩！！以前在街邊小販食到的味道今日終於尋回．真的特別滑，甜醬合到好處，豉油一點也不吝嗇，完完全全係以前的味道．　　價錢合理，味道一流，就算多點一點時間也是值得的.…Read More

　　１０點几真係唔知食咩好，選擇唔多，多數收舖．見到呢間好似未試過，平日唔入去係因為以為佢淨係有粉麵食，今次就試下啦！！　　去到門口見到有人食煲仔飯諗住食煲仔飯都好啦，入去坐低見到餐牌原來好鬼多嘢食咕喎，即刻叫了一個（小）蠔餅＄２５，一個梅菜扣肉煲＄４２連一杯凍奶茶．　　Ｄ好餅好好味，唔會好燶及唔會好似出面Ｄ舖頭咁返用Ｄ油好多次好污濁咁，入口面頭脆入面軟，Ｄ蠔仔好大隻同鮮味，我平日不愛蠔也不期然夾起吃了兩粒．另外個煲仔就唔係好得，梅菜扣肉要Ｄ汁嚟撈飯架嘛，都冇汁的，Ｄ肉大大舊但係數埋唔夠５舊，一係就全肥一係全瘦，食到落底連梅菜都夾唔到原來只係用椰菜嚟掠住搞到個煲仔本身有的汁都變晒水．…Read More

　　成日都同同事行過但係總沒有機會入去食，今日唔理啦．．．一定要佢哋陪我去．望入去真係好似跑馬地飲個茶食個飽，Ｄ名人推介旦逹奶茶個種FEEL．　　我哋一行兩男兩女一起走進去，坐低之後．．．好搞笑，冇飯叫．其中一個做貨倉的男仔嗌救命，好彩可以加底（即係加多個麵）．最後叫咗一個公司三文治，餐旦麵（加底），腿旦麵（加底），一件卷旦，一個旦達，兩杯紅豆冰及一杯凍同一杯熱奶茶(諗住呢Ｄ餐廳紅豆冰及奶茶旦達應該好得）　　先嚟公司三文治：就咁睇以為自己叫咗兩片白面包，入面Ｄ料少到．．哎兩個麵都好得，味道同個樣都好得（應該係用福麵唔係用大光麵）　卷旦勁好味，夠厚同軟滑；旦達屬一般．紅豆冰同奶茶都係．．差．仲要冇餐，全部散叫，好貴又唔飽．食完都頂住．BLACK LIST佢.…Read More

　　早兩日食左老店，今日試埋呢間，的確Ｄ人係冇咁NICE．但係Ｄ質素都是几好，其實我一直都有幫襯開，不過係外賣較多，因經常擠滿人．　　今次叫了平日常吃的幻彩明珠＄１５真係好抵食（我個人認為這是全店最抵食的）入面有涼粉／大明珠／黑珍珠／蜜瓜／西瓜／芒果／奇異果等．我鍾意落忌廉奶，因為底有水而忌廉奶夠重味，但食前記得撈勻．　　我仍然係比較喜歡外賣，雖然外賣合要加一元，但我覺得個盒好似大碗Ｄ又用得返，又唔駛同人迫，一邊睇電視一邊食真的很正．…Read More