Maskkid's Profile

一次過訂三盒月餅，講到明係送畀三家人，要三個月餅袋， 但結果都係一個袋。再三爭取，阿姐先肯俾多一個！問阿姐如果我分開三次買，係唔係會每次買一盒就可以有一個袋？阿姐無言以對！小事一椿，但心情已壞！…Read More

呢間嘢食咗好多年，轉手之後第一次食，味道的確唔同咗，主要係淡咗！ 以前嘅原班人馬全部唔見曬。今次依然叫返三寶，牛腩，冬菇，炸肉丸。牛腩味道其實冇變，冬菇淡咗，冇以前咁厚身，炸肉丸細舊咗，但未到都差。咁嘅價錢咁嘅味道，同附近嘅幾間比，依然係首選。…Read More

山長水又遠入到大埔睇跌打，特登過來幫襯。性價比都仲係極高，家庭手作，即叫即做，味道依舊好。四點鐘去到，好彩仲有腸粉！今日試咗新嘅xo醬腸粉，雖然好味，但有啲鹹，下次都係試返雞蛋腸！…Read More

紅磡的生記，大埔的勝記，樂富的聯合興，佐敦的長發，食過咁多間鹵水舖，鴻發竟然是最難忘，難忘在於被呃秤！佢同長發好似，味道，去骨的刀功都好似！ 鹵味的味道確實不錯，價錢亦好相宜！ 可惜，個磅明明寫住133，但個斬料師傅居然望住個磅居然講收我140！ 7蚊的數目很細，但心理的影響很大！ Well, 下次都係行遠D，去返長發！ …Read More