or#Tm65191235's Profile

今天去北角辦事，諗起千樂，吃午餐叫了梅菜蒸鯇魚飯，魚腩新鮮大大舊，我本身胃口小都能夠清碟! 唔記得打卡添🤪。臨走仲order咗一個外賣做晚餐：鹹蛋蒸肉餅飯，鹹蛋淡口，飄著淡淡的鴨蛋味，送飯一流，就算只吃鹹蛋也不會覺得鹹。肉餅肥瘦適中，鬆化而不鬆散，不鹹有肉味，很久没有吃過這樣高質的肉餅了。等外賣時，唔覺意聽到鄰桌顧客講：「嘩，义燒咁厚，簡直是別家的一倍，不鹹有肉味，把碟上的醬油澆在飯裡，這個最精彩，只是义燒太多，否則定會吃多一碗飯。」真係咁好味？搵日試义燒至得。…Read More

年頭食過千樂，今晚約齊飯腳再嚟幫襯，極之期待，冇失水準，兼喜出望外。每人百幾蚊，超級無敵抵食。龍躉骨白菜豆腐湯海中之龍 養顏 兼重骨膠原。邊會諗到係街坊小店飲到滋補湯水，入口鮮甜無比，果然係足料靚湯。清蒸龍躉頭腩龍躉骨熬湯，頭腩用嚟蒸最啱數，魚雲肉質最嫩滑，唔單止鮮味咁簡單，以「鱻」去形容更貼切，伴粉絲索汁，絕配。靚食材難覓，買手應記一功，眼光頂瓜瓜。西蘭花炒龍躉腩一魚三吃，各有各精彩。啖啖鮮味，肉嫩油豐，入口即感漁油膠質脂香滿溢，份量又足，極抵食。黄金茄子上回試吃，念念不忘，今天再點，沒失水準，成為必點菜式。薯仔爆炒牛柳粉上菜香氣四溢，鑊氣十足，味道一流。人氣燒鵝王在千樂點菜，燒味一向穩陣，燒鵝必點下庄，肉嫩皮脆，水準之上。脆皮燒乳豬外皮卜卜脆酥香，脆不膩口，配嫩嫩乳豬肉，忍唔住，夾完即再夾。海蜇拼青瓜未到齊人，最啱食開胃菜，青瓜新鮮，海蜇爽脆，微微地辣，開胃醒神。…Read More

周圍行，發現這轉角小店，午飯時間，索性入去試下，原來係高質西餐。午巿套餐，90蚊，加一，性價比高！秘製香料炸雞鎚外層雞皮香脆，內層肉質嫩滑，香料味道四溢，極度野味，伴啤酒一流。食一碟唔夠喉，再嗌多咗一碟。手撕豬肉漢堡配薯條神秘香料醃豬肉，配新鮮椰菜，麵包烘烤過，薯條炒得剛剛好，唔會過硬過軟，熱辣辣上枱，誠意可嘉。Lamp Chop師傅廚藝功力，羊架肉質嫩滑，羊味充滿口腔，香滑薯蓉伴碟，牛油味香濃，青豆滿滿薄荷味，配塔一流。…Read More

疫情呢幾年，農曆新年都靜英英。今年酒樓座無虛席，巿道好暢旺。在翠園食咗幾餐團年飯、開年飯，好多賀年菜式好好味，又有特色，又好意頭，使人回味。金沙䱽魚球外皮鬆化，鹹香可口；內層魚肉起晒骨，鮮味多汁嫩滑，老人家都啱食；魚骨炸到脆卜卜，十足十似炸薯片，讚呀！十年陳釀花雕雞花雕味香濃，雞件充滿酒香，肉質燴得極嫩滑。海參蹄筋炆鵝掌海參、蹄筋、鵝掌炆得好入味，軟硬適中，底層白菜仔墊底，解膩配搭佳選。發財好事大利湯足料老火靚湯，夠晒滋潤。…Read More

朋友介紹 千里迢迢 大西北去北角 結果喜出望外呢間小炒王，夠晒鑊氣 yummy yummy 😋 實在太好味，寫下人生第一次食評，小店應被看見精緻必吃小炒 咕嚕肉 加咗紫洋蔥 紅黄綠椒，一上枱吸引全枱人眼球，入口鬆化唔厚粉，酸甜有至，高手師傅在民間 金銀蛋上湯豬乸菜嗌餸嗌到最後諗唔到食乜菜，店員提議食金銀蛋菜，問我哋鍾意食乜菜，話今日豬乸菜靚，不如試下。一試難忘，這配塔突出了豬乸菜的鮮甜。椒鹽鮮魷膽固醇超標 quota不能亂用呢碟鮮魷 堅好味 忍唔住夾完一嚿又一嚿爆炒牛柳粒牛柳粒炒得極嫩滑，但又不失鑊氣…Read More

跟阿媽去流浮山辦年貨，見到呢間企企理理，食過超驚喜廚師手藝一流撞正靚蟹時間，兼師傅揀蟹技術神乎其技鹽焗奄仔蟹第一次食咁靚嘅重皮奄仔蟹大師傅功駕，從未食過咁好味嘅干燒伊麵熱烈推介…Read More

頂瓜瓜廚藝 👍👍👍👍👍無有得頂咁好味價錢公道地方衛生，仲要係洗手間都咁乾淨！出菜時序體貼 負責人功力可見一斑脆皮乳豬 肥瘦適中 燒得火喉啱啱好 盡顯師傅功力黃金茄子新年必點意頭菜，唔油膩，唔鹹，食到停唔到口花菜炒肥牛辣辣地惹味菜式，冇諗過花菜配肥牛原來咁夾，師傅創意梅菜蒸肉餅食得出用靚梅頭，梅菜浸泡得鹹甜度剛剛好，送白飯一流…Read More