敏~'s Profile

喺荔枝角D2 Place樓下嘅鵜舞 Umai，每年9月至10月都會有「德島美食祭」，用高品質走地雞「阿波尾雞」同肥美秋刀魚創作菜式！阿波尾雞果然有雞味又Juicy！亂咁嗌嘅黑糖鳴門金時蕃薯條我同朋友都食到停唔到口！神山香菇北海道海膽壽司 HK$118神山香菇天婦羅外脆內juicy，北海道海膽夠甘甜，與香菇嘅香氣好夾，而且有多重口感！明太子芝士釀阿波尾雞翼 HK$58「阿波尾雞」雞翼肉香味濃，入面包住福岡明太子同芝士，增添鹹香味道，再沾上天婦羅粉漿炸到鬆脆內嫩！鐵板油浸芝士有馬山椒德島釜揚丁香魚HK$118 家嫂覺得最有驚喜嘅一道菜！釜揚丁香魚、芝士同山椒用橄欖油低溫浸煮，香脆到不得了，生椒爆炒過之後冇咁麻但係好香！雖然應該卡路里爆燈，但係第一次食到呢個味道同口感！秋刀魚刺身HK$ 198 秋天係秋刀魚當做嘅日子刺身食起嚟完全冇腥味，配上薑蓉、蔥花或同大橘子香味嘅醋，襯托出秋刀魚油香！黑糖鳴門金時蕃薯條 配忌廉芝士沾醬HK$78 我同朋友仔都食到停唔到！番薯條炸到脆卜卜，但係一啲都唔油膩，帶雲呢拿甜味嘅忌廉芝士醬係MVP，食落有喺日本食鮮忌廉焗番薯嘅感覺！帶雲呢拿甜味嘅忌廉芝士醬係MVP，食落有喺日本食牛油焗番薯嘅感覺，推薦！…Read More

家嫂鍾意關西多過關東壽喜燒，見到銅鑼灣呢間經OpenRice訂位有8折，即刻約朋友嚟食生日飯！嚟到發現A4和牛同三文魚籽釜飯都有得免費追加！和牛仲要勁靚，下次要帶埋男朋友嚟食🤣呢間小店主打傳統關西風壽喜燒，食材由日本直送，屋枱座位，每枱都有師傅席前煮同介紹，有omakase feel，見到唔少人嚟呢度慶祝！食完之後我比較推薦Deluxe set！可以無限追加嘅係日本A4和牛三角胸肉🥩油花勁靚，入口即溶，主食筋子釜飯🍚配蟹肉同黑松露，魚籽可無限添加，海膽和牛他他配黑松露同蛋黃🐮 都好rich超濃郁！Supreme Set就升級A5和牛西冷，油脂更豐富 ，仲可以免費追加一份！家嫂仲好鐘意極上海膽和牛一番卷🌯，炙燒和牛卷住蔬菜，加上一大行海膽，海膽好鮮甜而且份量好足🤤Deluxe set包含而Supreme set可以揀柚子檸檬冷蕎麥麵或者黑松露和牛炒烏冬。甜品有豆腐雪糕＋蜜瓜🍈清新收尾唔錯🍨 兩個set都有厚燒牛舌，牛舌煎到勁香，肉質爽滑，係我鍾意嘅口感！每個set都有10個course，包你一定飽住走！！…Read More

生日去食好嘢！中環 A lux 好貼心，幫我哋準備咗花花裝飾！食物方面我最鐘意甜品，全部都高質！榛子泡芙平時我唔鐘意食cream，不過呢個泡芙嘅忌廉綿密不膩，榛子香濃不過甜！Lobster bisque, Lobster Ravioli Ravioli有滿滿嘅龍蝦肉，外皮有煙韌感，龍蝦湯味濃幼滑。Spaghetti, 24 Months Parmesan Cheese, Black Truffle有廚師即場煮意粉，好有睇頭！意粉有極香濃嘅芝士味同酒香，配上黑松露醬同薄片，視覺同味覺嘅刺激max! Casarecce, Pork Sausage, fava beans 貌似普通，但Casarecce煮得恰到好處，le dente 有嚼勁！Slow Cooked Pork Chop 豬鞍煎到外層有焦香，但入面啱啱熟仲有肉汁，而且覺得豬鞍有陣漿果味，出色！USDA Ribeye 肉眼生熟度啱啱好，仲係pink pink juicy！夠淋而且牛味濃！…Read More

同朋友去咗尖沙咀嘅「炑」，佢哋主打精緻四季料理，全bar枱設計可以睇住廚師備餐！，而家仲有午市7折同晚市指定套餐65折，實在太抵食啦！家嫂最鐘意: 鯛魚白子茶碗蒸呢道菜令我對白子改觀！流心嘅白子完全唔腥，有啲似骨髓同肝臟味，食得出新鮮感。上面仲有少少柚子皮，增加咗層次。靜岡縣白三文魚質地好似白魚咁爽身，但又有三文魚嘅香味，搭配柚子醋入面嘅蔥同佢好夾，有加乘！鹽燒鮭魚鮫一打開就有汁流出來，外皮燒得脆脆嘅，入面骨膠原感覺十足，魚油香味濃厚，本來以為咁大舊食唔晒，點知食到停唔到！A4十勝牛板肉牛肉多汁得令人心動，半筋半肉搭配炸蒜蔥花同辣粉，味道層次豐富。蝦天婦羅呢隻蝦天婦羅真係脆衣薄而脆，蝦頭都可以食，真係好過癮！…Read More

放工同朋友飲野chill吓，呢間串燒居酒屋啲Cocktail同串燒都好特別，梳化仲好好坐添，啱晒慢慢傾偈！最推薦嘅係: 火炙牛海膽紫菜TACO壽司手卷火炙牛肉夠淋，海膽鮮甜份量多，炸過嘅紫菜脆脆增加口感，提升咗成個菜式嘅層次！西班牙黑豚玉子燒燒香咗嘅黑豚肉加上鬆軟玉子燒，口感好好！鹹甜調味啱啱好。吉列蠔外層炸得金黃酥脆，外脆內嫩，配埋特製takoyaki醬汁，好鮮味！迷你蟹王蟹肉窩夫撻小小一口，但蟹肉味道超濃，撻皮好香牛油果而且酥脆酥脆！🍝北海道辣味魷魚肝汁松葉蟹肉意大利麵魷魚肝做嘅醬汁MVP，微辣而且好鮮好濃，有新意粉吸晒啲醬汁超正。🍸 Cocktail 精選推介Empress cocktail 侍應送過嚟嘅時候真係心心眼！cocktail用木盒裝住，打開時好似開寶盒，用咗有紫蘇味嘅gin 調配，加上茉莉花同帶酸味嘅水果，夠fresh有日式feel！Anana Epice 青檸vodka 加柚子檸檬好清新，後勁竟然係hot Sauce辣味，鍾意飲bloody Mary嘅朋友要試吓有驚喜！…Read More

Visiting this cozy cafe for their signature bagel sandwich! I opted for their house-smoked salmon bagel sandwich, and it did not disappoint. The bagel was perfectly toasted, offering a delightful crunch that contrasted beautifully with the silky, flavourful smoky salmon. This is properly the best smoked salmon I have tried! To complement my meal, I chose a refreshing lychee ginger kombucha. Its delicate sweetness paired with a zing of ginger created a harmonious blend that invigorated my palate. Lastly, the coleslaw added a crunchy, tangy element to my lunch, making it a well-rounded meal.This lunch combos costs $148, which worth its price! …Read More

餐牌入邊幾乎所有菜式都同魚有關，真係佩服老闆嘅創意叫咗三樣嘢最鍾意就係炸魚無薯條，口感似煙靭啲嘅炸魚腐，食得出魚香味，仲有四款醬汁俾大家揀，在場見到幾乎每一枱都會點蝦頭油炸蝦球撈魚麵炸蝦球爽口彈牙，不過魚麵醬汁就普通啲，蝦頭油味道唔夠重，似沙律醬，而且同個蝦球好似唔關事咁芫荽魚麵芫荽湯底清清淡淡，不過芫荽魚麵真係完全冇芫荽味，芫荽控表示有啲失望。…Read More

約朋友去銅鑼灣食飯，突然好想食刺身，所以就嚟咗呢間，6:30排隊排四五個字先入得。本來想食吞拿魚加海膽，但係竟然冇晒海膽，所以最後食咗藍鰭吞拿魚同油甘魚雙色丼 ($14x) 兩款刺身都好肥美冇筋，醋飯酸味突出，呢個價錢嚟講就不過不失啦！…Read More

我好鍾意食餃子，今日去開長沙灣就特登試吓好味餃子店，即刻變成我top 5喜愛餃子！食咗佢兩款湯餃，都皮薄多餡，豬肉係碎瘦肉，完全冇肥膏粒，啱晒我口味，芫荽同韭菜份量好多，應該有五六成，所以好重菜味正呀湯底係野葛菜生魚湯，雖然有少少魚腥味，但係可以下火，所以我連湯都飲埋！辣椒醬加咗少少菜脯，我覺得幾香，如果菜脯譜大粒啲有咬口啲就再啱我啲！10隻湯餃單拼係$47 ，價錢中規中矩啦！…Read More

呢一間已經成為我最愛嘅西班牙餐廳！服務勁貼心，我哋有個大肚朋友一齊食飯，本來係刺身帶子前菜，佢哋可以做到一半刺身一半煮熟，生日又有煙花蠟燭，慶祝嚟食就啱啦！叫咗幾個菜式，suckling pig 係我哋每個人都讚，乳豬皮又脆又薄，廚師將乳豬肉拆肉再壓返實，所以乳豬四四方方好得體，而且淡淡肉！乳豬有微微嘅鹹味，豬肉香好重！Truffle & cheese bikini 芝士同松露嘅份量都好闊綽，啱啱上碟芝士半溶加上看到脆卜卜嘅多士包超好食！八爪魚腳都煮得腍，但係焦香味可以再重啲海鮮西班牙飯，食得出用咗好多海鮮嚟煮，海鮮味超豐富，不過期望佢會有飯焦🙈…Read More

想食呢度嘅麻糬窩夫好耐！今日終於嚟咗，因為落雨所以唔使排隊就直接入得🤭餐廳環境寬敞枱與枱之間有一定距離，適合慢慢傾偈！食物方面，嗌咗竹炭麻糬窩夫，不過就有少少失望，窩夫質地同普通窩夫差唔多，冇乜特別煙靭感，都係有料案內所好食啲🙈配料有牛奶雪條、忌廉同雜莓，視覺效果好好，但係食落真係非常普通，$128全份有啲Overpriced慢煮雞胸沙律嘅雞胸做得唔錯，而且蔬菜都有好多款，欣賞！飲品我哋叫咗flat white 同orange expresso，咖啡香味欠奉🙈總結嚟講，都要試一次嘅，不過應該唔會再嚟luu…Read More

No need to queue for pistachio mochi anymore! This mochi is better! Maybe this is the best pistachio dessert in Hong Kong with reasonable price. The pistachio filling is made of American pistachio crunch and Japanese pistachio paste, is so Crunchy and nutty, though the mochi dough is a bit too watery and sticky.Recommended to eat immediately as it will easily be squeezed into mash 🤣…Read More

閑日夜晚嚟食點心，全晚淨係得我哋一台，但其實食物質素幾好，值得多啲人認識！我最鍾意係鵪鶉蛋黑松露燒賣，鵪鶉蛋蒸完之後都可以保持流心，蛋黃香勁濃郁！蝦餃算大粒，而且有大量蝦肉，皮比平時嗰啲更加煙靭雪山叉燒包熱辣辣即食就覺得幾軟熟，不過攤凍咗就幾硬下西檸三黃雞店員話係廚師嘅拿手菜，西泠牛油汁真係幾香，如果再重啲酸味就再啱我心水啲，三黃雞食得出有雞味好新鮮，唔係冰鮮雞扒嘅感覺XO醬炒腸粉腸粉嫩滑，而且XO醬份量都唔少，香辣惹味！…Read More

二刷呢間餐廳，因為我真係超掛住佢嘅炸魚子昆布，外皮炸得鬆脆，而且入邊嘅昆布魚子鮮味十足，又有脆卜卜嘅口感！炸沖繩苦瓜，每片苦瓜都炸到乾身脆卜卜，略嫌鹹咗少少，應該特登設計嚟俾人送酒刺身五點，想話呢度嘅魚生海膽，好食過日本魚市場嗰啲，海膽甜度爆，雖然價錢進取啲，但係覺得值得！和牛石鍋飯，用咗A4和牛加牛油撈，呢個組合好唔好食牛油果吞拿魚沙律吞拿魚同牛油果嘅份量都唔少，沙律醬甜酸酸甜甜同場再見到好多人食火鍋，下次可以再試吓…Read More

香港有好多價錢比較進取嘅coffee shop，不過little cove係少有我會再encore嘅餐廳，因為我覺得佢哋做菜式非常用心，每一碟都有好多配料，就好似我呢個green brunch，有牛油果、南瓜蓉、水波蛋、西蘭花苗、藜麥、果仁同酸種麵包，而且每個item都做得好好，尤其是係西蘭花苗煎到好香，麵包外脆內軟，又有得慢慢坐，貴啲都值嘅！…Read More