LawTszKing的個人專頁

之前行開旺角，見到呢間賣海南雞飯好似唔錯咁，今日再次經開就梗係試吓啦，結果又係失望而回，去之前已經知要企喺度食，因為店舖面積有限，我選擇了堂食，不過我想講....如果想堂食既朋友，考慮返自己嘅身高，高過170cm會食得好辛苦；寫之前都有睇過其餘八份寫評，但與我各有差異入正題了～～碗湯ok好飲的，份量飯同埋雞，我都覺得足夠嘅，飯既味道同好感都還可以，出事都係個雞ga la,切雞刀風不敢恭維，食落有d位有骨，冇乜雞味，口感亦都好一般，喺我心目中評價呢個飯只值$35左右…查看更多

每日收工，經過深水埗，又想試吓食雞飯，於是OpenRice search左呢間，見評語都不差就試吓啦，入到去好似一個酒吧嘅隔局咁，都聞到陣酒吧味，我去到都差唔多成8:00 ，唔知係咪就嚟收檔，樓面得一個人，點餐及上餐速度當然係有啲耐，跟住我後邊有兩個客人想叫啲食物都話賣晒，咁我當然叫雞飯食啦個半菜係菜心，我好鍾意食，比起平時食嗰啲海南雞套餐，用青瓜半碟我根本就唔會食，雞嘅味道同口感都唔錯嘅，不過成個食評都拎唔到我嘅好評，因為佢個地區係深水埗，呢個飯賣$48梗係唔抵食啦…查看更多

某一天去到荃灣行街，突然間想食放題，結果搜尋OpenRice，就睇到呢一間野，惡評如潮，不過我又想食放題，咁啱我位置又係海之戀附近，好啦，死就死啦，首先打電話，問咗價錢佢話埋單268，上到去，我大概應該記得係差不多6:00左右，由我食到走，入左率都尚算可以，首先講環境，佢真係唔錯，有類似日式餐廳嘅VIP房，海景卡位，望海一流，之後會有個露天室外座位，如果天氣舒服，成個環境真係好正硬件就冇問題，咁食物質素如何呢首先講吓佢選擇多唔多先啦，其實我cap咗好多張圖，但係由於有限制所以放唔到咁多上嚟，我覺得佢選擇性唔係太多，食物方面尚算合格，不過有款壽司真係喺出邊都食唔到呢個醬燒壽司🍣，我真係不能忘記你，食落去好似食牛油一樣，最後嗰兩點就係，佢同我講我買單㗎 268原來仲係要比加一，我就唔介意比多26.8，不過如果呢個放題成三舊水，真係一啲都唔抵食囉！…查看更多

下午去了灣仔工作，於是就選擇了這間雨林軒食，入到去環境不差，冷氣也足夠，其實選擇這間食都是被它午餐其中一個西炒飯吸引了，於是一試，大家普遍都知道灣仔食一個lunch價錢一定一定有返咁上下，$58我就覺得係中上價錢，咁我就睇吓佢俾唔俾得返$58嘅嘢我食，結果呢，係沒有令我失望的，首先講碗湯，細左啲，同埋冇白湯選擇這個紅湯味道尚可講返電話，睇幅相都知道，足晒料夠份量，味道相當不錯，不過最敗筆就係杯茶走，超級難飲，我唔知飲緊杯係乜鬼嘢嚟㗎，不過成個食評我都會比好評佢！…查看更多

市中心見到有海南雞飯，當然要試一試啦，一見到個價錢有少少嚇親， $88 ，好！我就睇吓你俾唔俾得返$88價值俾我，結果完全失望啦，咁一定係比負評，講吓餐廳硬件先，環境尚算幾好，坐位都坐得舒服嘅，設置好多卡位可以坐入正題，講返個飯先咁睇個表面上就冇乜特別，但係嘅特別地方就係佢賣緊$88⋯⋯我記得一落單，好似唔使一至2分鐘，成個餐就送到，咁即係代表佢已經整定咗啦,碗湯嘅味道尚算可以嘅，不過凍嘅，再試下個飯，不過不失，再試埋個雞，份量中等，又係雞皮大過雞肉，雞味一般，口感可圈可點，起碼唔硬囉，總括嚟講成個飯唔值呢個價錢，係我心目中只係值$40題外話，食完第二日，我另一半，原來佢公司同事都一齊去咗呢間食，之後我問佢好唔好食，佢嘅答覆都係話麻麻地，根本唔值$88…查看更多

以香港米缐來説，大部人食家也喜歡傳統勁旅，譚仔或三哥譚仔，因為坊間傳說，譚仔系的湯底特別令人回味，而雲貴系列就係人們其次的選擇，但以湯底來説，其實我又覺得雲貴系列也未必好差，其實該店是我最喜歡的，因為佢有我最喜歡的配菜，豬大腸同腸仔，我通常都係食呢兩樣，加上計小食當中，雲貴系更勝一籌，不過計味道來説，好評真的談不上，冇乜特別之處，再還顧價格方面，抵食度更加談不上，所以我都只能給一個一般的評價這樣一碗清湯豬大腸腩肉米線～$50值得一題店內有Wi-Fi🤣🤣🤣…查看更多

泰國人海南雞（深水埗）記得此餐廳已開業多年，第一次食到N年前了，真的不記得大概的開業時間，那次食完之後的感覺平平無奇，之後如果冇記錯此餐店都長期積弱，分店越來越少，相隔多年再次光顧此店，看到餐牌上有很多變化，但我依然無變，都係點了一個海南雞飯套餐午餐S01:冇骨海南雞套餐先講個飯，口感真係十分難食，一個字形容，劣再講個雞，睇落分量已經好一般，睇落d雞好似ok,但食落去其實D肉都算少，至於味道方面，尚算合格，冇乜特別，唯獨真係杯泰式奶茶叫做不錯，$57喺深水埗食個咁既午餐，算留番個「美好」回憶吧😂餐廳環境企理，衛生不錯，播d泰音樂幾輕鬆，不過一粒老鼠屎就搞wo 曬，廚房傳出一陣濃煙味真係好勁，影響食慾，應該就唔會喺街傳入黎，因為佢哋有裝風閘，加上我坐位置近廚房，不過呢個都係好多餐廳廚房通病，唔係針對佢，希望該餐廳想辦法改善食物質素為首要…查看更多

以前這個位置是金大班，是屹立多年嘅茶餐廳，但經過時代改變之下，舖位一開二下，今日變成了四季冰室，寫這個食評之前，我一定望一望之前食家的評價，睇左五個都係幾差，不過都係講服務方面，朝早就試一試佢早餐，入到餐廳環境舒適，始終係新舖，衛生當然冇問題啦,眼看樓面全女班本人就叫了一個漢堡扒公仔麵炒蛋腸仔加方包，茶走一杯上餐速度算幾ok,食物質素方面尚算合格，漢堡扒算大塊，麵食落尚可，隻蛋食落去都冇乜特別，杯茶走飲落又冇乜特別，總括成個來講都係冇乜特別$40呢個早餐梗係唔使食啦，不過我未至於要比負評佢彩蛋：朝早早餐不算特別忙，但好似成日搞錯上餐嘅內容同位置，計埋我自己在內，都有三次…查看更多

朋友看到了某雜誌的食評推介，就約埋一同四人去試試，咁其中兩個人食到辣，兩個人就食唔到辣，食唔到辣嘅就包括我自己，我都好擔心，冇咩啱我食，去到環境幾舒服，咁就睇吓餐牌有啲咩食啦款式都幾多，（仲有其他套餐我冇影到）睇價錢都唔係好貴，我仲以為價錢一定好貴，四條友諗好食咩就落單，上餐速度都算快呢個炒飯真係超正如果食唔到辣嘅朋友，真係要推介嗰個酸菜蛋炒飯，水煮魚，同呢個青椒小炒肉（青椒係辣的😅），真係幾正，轉述返食辣嗰兩位朋友講，味道都好正，據員工講返，咁其實食辣既程度，都可以自己選擇，唔會一下子整到你辣到死嗰隻，同埋員工態度都好親切，埋單冇記錯應該係$536，呢5樣野加埋真係抵食，綜合食物質數幾好，份量夠，4個人真係食到飽，唯一缺點裏面冇廁所，要行幾步路去對面屋苑廁所…查看更多

和朋友慶祝生日，本來是諗住食晚市放題，唯疫情下...只能改作午市放題，其實今次已經係第7至第8次束吉壽用膳，今次第一次用OpenRice 既預約功能，也十分方便的，去到全幢大廈，只有該餐廳做生意，亦聽聞同區放題好多也暫時也關閉，所以人頭湧湧，係我意想不到的，餐廳環境其實幾大，坐得亦舒服，衞生亦算中上，食物方面，今次自助bar冇左章魚小丸子，有少少失望，其他基本自助冷盤齊全，甜品及飲品選擇亦都ok,在若干時間前，該公司已改用QR code電話點餐，都算為環保出一分力，至於上餐速度，以該餐廳入座人數，算快，去到食物方面，今次其實令我幾意外....竟然係一個三文魚魚腩壽司，好大件，唔係平時出邊嗰啲放題切得咁細，另外燒比目魚加西西醬真係好最後講一講餐牌選擇，其實我覺得就可以再多啲，因為餐牌上我岩食既野，都係佔三分一，希望日後可以加多一些吸引既菜式，整體來說我當然會比好評…查看更多

其實呢個蛋包飯我一年都食2-3次因為一去親Moko都諗唔到食乜，所以一行過food court ，見到有漢堡就會被吸引，我諗由於係Food court 關係，主要講下食物為主，我當然係叫漢堡蛋包飯，製造時間方面都算係快的 ，不過快係冇用既，最緊要當然係好唔好食，首先講賣相，我就覺得算合格，分量方面，2塊漢堡扒，四塊薯王伴碟，飯既份量算ok,至於味道方面，我覺得蛋和漢堡味道同口感都謹謹過關，呢間舖有個好處，就係可以自取胡麻醬，因為胡麻醬送飯真係一流！以旺角+food court既價錢來説，其實要扣下分，因為冇包飲品，加$都要自己去水吧拎，呢個就係food court缺點，所以大部分既食客，都唔會叫飲品，又貴又麻煩；查實我對蛋包飯係冇乜點接觸，希望日後可以試吓其他店既蛋包飯賣相：6味道：6扺食：6…查看更多

本人甚少去到該區用膳，因要提取禮品才到該商場，既然一場來到，當然要睇吓有乜好食，最後比一個好普通既餐吸引到我，就係「咖哩腸仔餐肉蛋飯」，首先店內環境其實算可以接受，坐低後落餐都等左陣，上餐速度都ok，一開始就要講一講我既遭遇了，餐來到，賣相都ok,之後手機食先，再放上我的朋友WhatsApp gp 到，當我食左幾啖飯，咬左塊餐肉既同時，我喺WhatsApp 谷見到有個朋友回應「隻蛋呢」<有圖有真相⋯⋯我真係搵勻成碟飯真係冇左隻蛋，於是叫侍應幫番隻蛋比我，其實呢個錯誤都幾不應該犯的......講番食物方面先，咖喱味道算唔錯，本人係不算食得辣的，對於不算食得辣既朋友，相信係可以接受，分量，三塊餐肉（不薄），一隻蛋（原本冇埋）兩嚿薯仔，兩條腸；看落分量都算幾好，但賣$50，價格與抵食度可算可圈可點吧其實這寫評前，我都有睇下其他食家寫的.....結果負評甚多，的確.....以我親眼見到，侍應態度真係一般，尚有改善空間，坐我對面的一對男女，對上餐時間略有微言環境：6唔算大，加上配合商場設計唔會太高分服務：4坐後落餐等得耐，侍應態度一般已經大打折扣，漏左隻蛋呢個錯誤真係扣哂分....賣相：6味道：6飲品：5唔覺得特別好飲同難飲抵食：6公道些説，該位置屬於中産區域，分量對比價錢，埋單$53算可以接受，不過最後總評分我都會比劣評，除左漏蛋之外，綜合以上評價，真係大有進步空間日期：20/11/2020 時間：12:55…查看更多

紅運餐廳裝修不錯，入到去環境衛生幾好，燈線光猛，沒有Wi-Fi，空調夠當然要試咗個海南雞飯，$62，賣相幾好，分量充足，飯質素較淋，雞口感印度中上，試埋杯奶茶緊緊合格…查看更多