Kayi_ka2's Profile

豬油渣係脆渣，係香同脆，有幾塊冬菇作配料，但麵底竟然係7仔用既烏冬而唔係粗身上海麵。。。湯底味道亦唔太特別，有提供辣菜甫及原味菜甫，所以整體唔係一碗合格既油渣麵。…Read More

我不嬲對外省菜都好有興趣，見佢招牌寫住正宗廣西螺螄粉，配料有生菜、酸豆角、酸筍、炸腐皮、花生、木耳等等，豬骨湯底，不加味精，好似幾正，鋪面亦算企理，就叫碗小辣招牌螺螄粉。係等候期間，熱切期待螺螄粉究竟係咩樣架呢？碗嚟到...唓...原來即係米線...不過味道唔錯！湯夠熱酸度適中，香辣度都可以接受。配料爽口，米線亦軟硬適中，唔似出面嗰啲唔新鮮，好似隔夜淥定，讚！下次再試會叫埋豬手，特意一提，食嘅時候聽到疑似老闆娘講佢哋啲一囗粽嘅用料有幾新鮮，仲好似以前係等二度擺檔，日賣好多隻，亦好多熟客捧場，鍾意食粽嘅食家不妨試下！…Read More

星期六諗住食個早餐，知道呢間餐廳開左無幾耐，見到鋪面幾企理，就中入去試下。早餐，我最重視杯咖啡，見佢餐牌寫住係即磨咖啡，我期望甚高。點知......唔香都不特止，仲稀到好似溝水咁，好難飲:(。食物無驚喜，但香煎雞扒變炸雞扒，隻蛋煎得唔好。俾錢個陣又等得耐D職員又唔多禮貌，都唔知有冇搞錯。呢間嘢......無下次！…Read More

有次行過見到個午餐牌，嘩！時光倒流咩$28一個午餐？有焗飯、意粉、湯烏冬揀，仲凍飲唔駛加錢？我第一次試過焗豬扒飯，味道偏淡，但我鍾意。今次試焗肉醬意粉，都幾足料，覺得間餐廳幾有誠意。但通脹猛如虎，相信佢個抵食價可能好快會調整。…Read More

開正係一間老牌同類菜館對面，無番咁上下水準到最後只會汰弱留強。呢間館子已經開左一段時間，有次見到師傅整點心，就諗住搵日帶埋屋企兩個孖寶（即係爸爸同媽媽）去試下。呢間館子裝修一般，唔夠企理，唔明佢點解只擺圓枱，要行入最入個張枱有啲唔方便。我地先叫左上湯菜肉雲吞、上海粗炒、小籠包同窩貼，其實味道唔錯，無同區館子做得咁濃味。我地仲後加左三鮮炒年糕同生煎包。總括黎講，碟頭幾大，都抵食；味道偏淡，但我覺得幾健康:)。…Read More

呢篇食評打左好耐...唔記得post...又係兩口子晚餐唔知食咩好既時候，天氣又有啲涼食火鍋就啱哂，醒起呢間新新地又未試過，又推介啲雞鍋，咁就即管試下。一坐低點左個藥膳醉雞鍋，聽到老細即刻係廚房拎藥材煮，轉頭仲叫我地耐心等候。個鍋到左我地後加左碟肥牛、同菜，食第一舊雞，咦ok幾滑喎，湯底既藥材都足料，但肥牛就唔ok。由於佢地用拖板駁電磁爐，多人係鋪入面食火鍋應該幾＂喱hea＂。總括黎講好食，都會再去:)。…Read More