hk.foodlab's Profile

📍烏蠅館 (九龍中心大廈)尖沙咀亞士厘道29-39號九龍中心大廈地下G29號舖烤魚🐠係烏蠅館的招牌菜，我地今次試左佢嘅“烤魚自選套餐”，只需要$398！包一條烤魚，一款小食，三款烤魚火鍋配菜，另外每位加$28仲可以任飲無酒精飲品！🍻烤魚選用新鮮清江魚🐟，肉質幾嫩滑，叫左小辣🌶️，辣度適中。魚身好入味🥳，搭配蒜蓉同辣椒、雲耳、金菇、洋蔥等配菜，不過略嫌有啲油🥶。除左烤魚，仲試左串燒、小食同嘢飲🧋。特別推薦佢哋嘅嘢飲，水準拍得住出邊嘅台式茶飲店😙整體性價比唔錯🥰推薦俾鍾意食烤魚嘅朋友！不過要趕時間嘅朋友要留意返，烤魚等得比較耐的，當日都等咗一個鐘🤯🫠🫢💰人均~$300😋總評分: 7/10   #foodlab尖沙咀…Read More

📍午夜麵包俱樂部 (大坑)大坑京街22號地舖試咗佢地嘅泡菜芝士同明太子薯仔bagel。首先包體係麵包派bagel🙂‍↕️好鬆軟，有回彈力嗰種。中間好大一個窿，但係內餡又唔係超多，變咗好似淨食包皮咁😂仲試咗佢哋嘅青提roll cake，蛋糕體幾濕潤，如果cream都有啲青提味會更出色👍🏻飲品方面叫咗特飲青心蘋果抹茶梳打，幾特別🤩好清甜😝黑糖牛奶都幾好飲～整體以bagel嚟講唔worth the type🧐性價比都有啲低，如果餡料蛋啲就好啦！💰人均~$100😋總評分: 6.5/10   #foodlab大坑…Read More

📍Roji (中環)中環蘭桂坊德己立街20A號地舖小食試咗佢地嘅cartilage😲，同一般食到嘅雞軟骨唔同，佢哋切到一條條再拎去炸，比起一般雞軟骨腍啲，口感幾有趣，推薦！💯主菜叫咗佢哋嘅「Seafood Box🦀」有好多蟹肉同埋三文魚子，底下配上醬油飯，好有鮮味🤤；明太子烏冬🍜嘅明太子味唔係好出，麻麻地😟；「Octopus」🐙章魚唔係西班牙好軟腍嗰隻，有啲咬口但唔會韌，燒到吸管有啲脆口😋配上柑橘醬同墨汁薯蓉，無論味道口感或presentation上都好有心思👍🏻但個人覺得味道可以再重少少🤏🏻甜品試咗matcha cream brulee，呢個就真係唔係好得，無抹茶味咁濟🤣整體feel到呢間居酒屋對食物幾有心思☺️，可惜當日去到嘅時候好多都賣晒😭試唔到好多嘢。原來佢地星期五星期六晚10pm-2am仲有DJ，應該會再去試吓其他dishes🥰💰人均~$500😋總評分: 7/10   #foodlab中環…Read More

📍Bakehouse by Grégoire Michaud (沙田)沙田沙田正街18-19號新城市廣場一期2樓247號舖揀咗佢哋嘅$360盲盒套餐，餐廳會隨機分配前菜主菜同埋甜品～2個人total有8個dishes，好抵！😆首先，前菜嚟咗炸魷魚、「Burrata & Hot Honey」同「Sourdough & Umami Butter」Burrata食之前淋上hot honey，令味道又甜又辣，好好食😋推薦！Sourdough都係勁好食！Umamai butter味道似明太子牛油，淨係想像都知有幾好食🤪炸魷魚就普普通通主菜嚟咗「Grilled Lobster Mac and Cheese🦞」同「Roasted Spring Chicken🐔」mac&cheese唔夠cheesy，龍蝦肉都焗得有啲太乾身🥹唔推薦👎🏻春雞用咗piri piri sauce🇿🇦，食落辣辣地幾好食，就算係春雞肉質都唔鞋😙仲有啲肉汁，不錯🫶🏻甜品係「Chocolate Mousse🍫」上層係Mousse，下層有Espresso Gelato☕️，但係太watery，唔係好知食緊乜😂整體而言有少少高開低走嘅感覺，有pastry嘅dish好出色，無嘅就一般般。下次可能會去試吓食lunch會好啲～💰人均~$400😋總評分: 7/10   #foodlab沙田…Read More

📍CALL ME AL 上環皇后大道西123號地舖前菜試咗「Peaches & Burrata」清甜嘅桃🍑同蜜瓜配上奶香味十足嘅burrata🧀再加上鹹鹹地嘅煙肉🥓，味道好有層次，可惜唔係好食得出hot honey，如果有埋少少辣味點綴，相信會更好食🔥！「Polmard Beef Tartare」生牛肉上面有碎嘅tortilla chips，食落幾得意😆不過略嫌佢有少少乾～主菜叫咗「Spicy Rigatoni」呢個可以唔洗叫🫢味道好單調，芝士有啲過多，食落好漏😥「Pork Belly」就好有驚喜😍本身已經有調味，肉質軟腍帶油香🤩推薦！「Hanger Steak」不過不失，幾重牛味～甜品叫咗chocolate mousse🍫，可能本身唔係好好mouse，雖然佢上面已經有sea salt同choco chips，但味道同texture上依然好單調同埋好漏，但確實好重朱古力味。如果有其他嘢配埋一齊會更好🫢整體食物質素唔錯，夜晚成條街得佢一間full house🤣有好多人喺入邊慶祝生日同埋小酌，好有氣氛🎉想去食嘅話記得去佢哋IG book位😙💰人均~$500😋總評分: 6.5/10   #foodlab西營盤 #foodlab上環 #foodlab西環…Read More

📍The Cipollini Pizzeria九龍城啟德協調道2號AIRSIDE G樓G012號舖「Gamberi Zucchini」🍕薄餅dough好airy🥳上面嘅用料新鮮，味道上就無太重嘅調味，不過不失嘅選擇～主食叫咗龍蝦意粉🦞、墨汁🦑意粉，兩款都幾好食，簡單嚟講就係濃味+新鮮，不過我覺得呢個價錢可以再做得足啲😛甜品食咗Tiramisu同gelato🍨，意外又幾好食🤣tiramisu好重酒香🍾，手指餅嘅濕潤度我覺得剛剛好，不過mascarpone無話好smooth😬gelato叫咗泰奶🍼同椰子菠蘿味🥥🍍，泰奶好濃，同埋真係偏甜，似返泰國😂椰子菠蘿就偏清新😙位於啟德airside入邊其中一間意大利餐廳🇮🇹，食物質素同價錢成正比，算係啟德唔錯嘅選擇🤓💰人均~$250😋總評分: 7/10#foodlab啟德…Read More

📍火夫 紅磡黃埔天地百寶坊(第3期)地下G29號舖「虎蝦🍤濃湯麵🍜」 湯稠而不濃，蕃茄味比蝦味出🤔因為好稠，所以超掛汁。食呢個麵最主要因為佢隻蝦🤤超大隻厚肉彈牙😋外面沾上滿滿嘅櫻花蝦再去炸，好香😚不過第一次嚟食嘅時候有少少界口，今次又無～串燒食咗「葡提鴨卷🦆🍇」呢個有啲驚喜！✨鴨肉入邊包住提子，上面仲有柚子醬。味道超有層次，鴨肉帶有少少油香，提子嘅酸甜可以中和左油膩感，胡椒柚子醬起到提味作用。超推薦🥰🤩🥳；另外仲試咗牛舌，但係就普通食物有心思，最出名嘅虎蝦濃湯麵，建議大家唔好抱太大期望喺個蝦湯，反而串燒就唔錯～😜 💰人均~$150 😋總評分: 7/10#foodlab黃埔 #foodlab紅磡…Read More

📍Ole Spanish Restaurant中環雪廠街24-30號順豪商業大廈1樓Tapas試咗Garlic Shrimps🦐, Anchovies🐟, Clams同Grilled Octopus🐙。每樣都好食同新鮮🥰garlic shrimps係食過咁多間最好食嘅，因為好入味🥳clams粒粒都好飽滿無沙😙octopus每粒下面係薯仔，比較新穎嘅presentation，都好食🤪主菜叫咗乳豬，Seafood Paella🥘同墨汁Paella🦑。乳豬多肉同埋好多汁，食落好重油香且個皮都好脆👍🏻亦有配埋沙律解膩🥗 兩款paella都有好多海鮮，但飯就無乜鮮味🤨seafood paella食到更多係青紅椒嘅味道；墨汁paella相對比較濃味。但兩款飯粒都做得乾身但唔過硬幾好🫶🏻甜品叫咗churros同炸鮮奶🫠兩樣都唔好食😭 churros有啲過油，重點係食得出浸油味🥺 炸鮮奶炸皮好薄，鮮奶有輕微奶味。唔肯定西班牙正宗嘅係點樣🤔不過我覺得粉落得有啲太多，如果可以做到外脆內軟同濃奶味就會更值呢個價🫢整體feel到所有dish都有心思🫶🏻 但係paella同甜品我會選擇去返picapica/ barbar😬 但係鋪面有live singer🎤，係好有氣氛，慶生🎉嘅好選擇👍🏻（不過手字就有啲…😂😂)💰人均~$600 😋總評分: 7/10#foodlab中環…Read More

📍馬來椰爺大角咀櫸樹街62號富多來商場第二期地下14號舖「鮮香蕉流心班蘭椰香手工咖央多士」 真係好流心🤣但嫌個多士唔夠脆🫢「四重香蝦叻沙湯麵🦐」係幾香蝦味，帶少少辣味🤏🏻但係個湯好濁😥 入面有太多料… 食唔出鮮味，只係有種求其拼湊一齊嘅感覺，啲海鮮都唔多新鮮🫥「原隻炸軟殼蟹蜆肉無味精椰爺秘傳叻沙摻摻」好香椰奶味👍🏻但同蝦麵有一樣嘅問題😿整體而言個人覺得店家係以料嘅澎湃度取勝，但我對各樣用料嘅配合度有所保留🫢💰人均~$150 😋總評分: 5/10   #foodlab奧運 #foodlab大角咀…Read More

📍Le Jardin à Soho中環蘇豪士丹頓街36-36B號地下E號舖前菜叫咗花雕柚子凍花甲🐚花雕酒香同柚子清新味融合，花甲爽口又入味，食完好開胃，推介✨主菜我哋試咗西班牙紅蝦意大利麵🍤，蝦肉彈牙鮮甜，汁雖然唔稠但有好香濃蝦味！黑安格斯牛肉眼蘭王蛋煲仔飯配原條牛骨髓🥩🍚係必食！🫶🏻牛肉嫩滑，骨髓油香濃郁😍甜品Chocolate & Banana Pancake🍫🍌就略為普通😬Le Jardin à Soho 環境好有氣氛，下層似酒吧，上層優雅，坐得舒服。🌿 整體食物偏中上，適合同朋友chill住食飯吹水。⭐💰人均~$500😋總評分: 8.5/10  #foodlab中環…Read More

📍壽喜・關西尖沙咀金馬倫道33號The Cameron1樓101號舖壽喜・關西位於尖沙咀，主打關西風味壽喜燒🍲。我試咗佢哋嘅「特選肩胛壽喜燒套餐」同「極上肉眼壽喜燒套餐」🥩，兩款都包季節前菜、野菜盛合、和牛、蘭王蛋🍳，仲有白飯或烏冬加甜品性價比高💰，味道同份量都令人滿意🥰「特選肩胛壽喜燒」用優質肩胛肉，油脂適中，煮落湯底嫩滑入味💦，帶點嚼勁，吸晒甜鹹湯汁👍。「極上肉眼壽喜燒」就更出色✨，肉眼油花多，入口即化🤤，配上蘭王蛋，滑嫩濃香。野菜盛合新鮮爽口，前菜都好有心思🌟，平衡晒整體口感。白飯同烏冬都各揀咗一款，烏冬用讚歧，彈牙又入味😋，湯底滲晒入麵條；白飯都煮得粒粒分明，好適合配肉。甜品係蕨餅🍮，甜度啱啱好。店員服務貼心💖，會幫忙調火，體驗加分。總括來講，呢兩個套餐質素唔錯又抵食💯，只係二百幾就食到壽喜燒！鍾意壽喜燒嘅朋友唔好錯過壽喜・關西啦！🎉💰人均~$300😋總評分: 7.5/10  #foodlab尖沙咀 #foodlab節日慶祝…Read More

📍Tamarind旺角通菜街1號威達商業大廈地下K&L號舖近排呢間旺角泰菜好有人氣🇹🇭 當日去到出面都排晒長龍，排咗20分鐘左右泰北金麵嘅特色係有一半炸金麵、一半係煮過嘅雞蛋扁麵，雙重口感✨。而佢地嘅「咖哩金麵🍜」咖喱汁係偏creamy嗰隻，唔會辣，撈埋金麵十分掛汁！配埋生洋蔥、酸菜同檸檬汁味道更有層次~「泰式蠔餅🦪」蠔嘅份量好慷慨，煎得好脆口但又唔會界口，配上泰式酸甜醬，推介！另外「牛肉河粉🐂」河粉係Samsen嗰種好煙韌嘅河粉~整體表現正常但調味有少少唔夠入味同惹味🤏🏻仲試咗「泰式奶茶」雖然顏色似港式奶茶多啲😂但味道正常，無平時泰奶咁甜同埋有用返碎冰，加分😎整體味道唔錯同埋性價比高，係油尖旺區泰菜嘅好選擇👍🏻入邊環境行泰式大排檔風格，幾熱鬧有氣氛，會encore試下其他菜式😆💰人均~$150-200😋總評分: 7/10  #foodlab油麻地 #foodlab旺角…Read More

📍Charcoal Bar 尖沙咀廣東道3-27號海港城海運大廈OTG62號舖Charcoal Bar主打木炭燒烤的熟成肉食🍖和海鮮🦑，並由米芝蓮二星行政總廚Bjoern Alexander主理，今次終於有機會一試~🍽首先試咗必食嘅✨「海膽多士」✨，海膽鮮甜，配埋嫩生牛肉片同黑松露沙律醬，份量少少但味道值！😋 另外「炭烤白鱔」都十分驚喜，肉厚兼彈牙鮮嫩，充滿炭燒味，燒得啱啱好！😍💯 「炭烤魷魚筒」都爽口彈牙，香料調味一流🦑「美國Brandt Beef 西冷牛扒」🥩，有少少乾🤏🏻肉質都幾鞋🙅🏻‍♀唔推薦;「香濃龍蝦意粉」「青口」同「炭烤西班牙伊比利亞豬鞍架」表現正常 甜品「炭烤菠蘿」🍍上枱時會用Rum喺蛋白霜上輕輕一燒，可以打卡🤣椰子雲呢拿雪糕唔會太甜，菠蘿粒多汁有咬口，味道好清新❤ 整體嚟講，食物質素唔錯，炭燒風味出色，價錢稍貴配埋海景物有所值！😋 另外要讚一讚服務態度，waiter有一直睇住上菜進度，有甩漏都即時補返comped dish，好細心👍🏻 💰人均~$500😋總評分: 7/10  #foodlab尖沙咀 #foodlab節日慶祝…Read More

📍CUÍT 西貢普通道3A號地舖 「炸白鱔三文治」用咗新鮮白鱔，超厚✨炸得外脆內嫩，仲有魚油！😍配上清新爽口嘅切片薄青瓜🥒，中和咗油膩感👍🏻但downside係麵包有因此變腍，做唔到外脆內軟，以麵包主打嘅cafe加上呢個定價係有少少失望🫢另一款seasonal「炸蠔三文治🦪」，蠔十分大隻，新鮮亦炸得幾酥脆💛，但可能因為蠔本身就較漏，呢款即使有青瓜，食到後面都係會有啲漏😣整體而言係有少少失望，可能因為評價同定價好高，係好食同有心機之作但唔算好驚艷，但環境係幾chill，咖啡都好飲🫶🏻可能會再返去試下sourdough~💰人均~$200😋總評分: 7/10  #foodlab灣仔 #foodlab中環…Read More

📍 Bengal Brothers (灣仔)灣仔莊士敦道6號文熙大廈地下D號舖Bengal brothers喺灣仔已經有幾年嘅時間，佢哋初頭以外賣起家，慢慢做到依家有堂食嘅位置。嚟自印度嘅創辦人希望令大家品嚐到最正宗嘅印度street food味道🇮🇳因此無融合其他國家嘅味道，同一般印度fusion菜唔同～前菜部分我地試咗「Prince’s Papri Chaat」、「Lays Keema Masala」同complimentary嘅「Poppadoms & Chutney」，Poppadoms薄脆有少少蝦片嘅味道，配上🥭chutney係一個好light嘅前菜🥰 Lays用上Lays嘅India’s Magic Masala做底，加上羊肉醬、青瓜等等，好惹味🤩！Chaat食落好似有好多料嘅yogurt咁，入邊亦有啲crackers增加口感😆主菜就試咗「Chicken Tikka Deluxe」、「Smoked Butter Chicken」同「Chettinad-Style Lamb Curry」🥘。當中覺得chicken tikka deluxe最特別，咖哩香辣，比起butter chicken更惹味，同時雞肉都好嫩滑，推薦✨另外搭配嘅兩款paratha (plain/ garlic) 都好好食🥰整體食物不錯😋佢地嘅pop song playlist令氣氛好好🥳好適合同朋友一齊嚟friday night或者睇波😆💰人均~$250 😋總評分: 7/10   #foodlab灣仔…Read More