澄子小姐的个人专页

2年前曾經比8度晚餐buffet驚艷左，近排朋友仔6月之星生日我地見推出生日優惠有紅酒1支同生日蛋糕一個😍 唔夠飲仲可以+$118位任飲！即刻急急腳去book位。重頭戲之一就係有即開生蠔！有海水的鹹鮮味之餘仲要生蠔本身嘅甜味！忍唔住食左半打😍除左生蠔仲有鱈場蟹腳，青口同凍蝦。日料區刺身種類繁多，有入口即化嘅三文魚，吞拿魚，甜蝦等。小朋友都有玉子腐皮手握壽司選擇🫰🏻熱菜區Carving有剛出鍋的烤羊排裹着迷迭香的焦香，仲有燒烤十足西冷牛排，醇厚鴨肝多士。最欣賞仲有不同國際化嘅海鮮，中式蒸石斑魚，紅燒肉花膠扒，忌廉青口，日式清酒鮑魚。令食客有選擇困難症，眼花撩亂😍 不過小朋友先做選擇，大人全部都要一啖！唔可以浪費食物！食到差不多，澄子小姐就黎到甜品區！見到大家排隊即刻又望下有咩好野！估唔到！係薑汁撞奶😍 靜待10分鍾後即刻有得食，一試便知龍與鳳，全檯人一人食左兩碗！薑汁味出奶味夠濃，可以做到佢地嘅代表作👍🏻甜品區更有多款蛋糕，口感層次分明嘅芒果拿破崙，桶裝豆腐都係我欣賞嘅款式。覺得8度用心製作，誠意滿分！今次體驗感拉滿，自由與滿足的晚餐。久不久同朋友黎食下buffet飲少少酒食少少海鮮8度酒店絕對係個好選擇！…查看更多

無錯今次要為大家介紹既係尖沙咀全新登場既日式居酒屋 - 戀佢係位於尖沙咀既北京道餐廳成個環境都好chill 好有日式和風味道食物個方面 今次為大家介紹既係佢地既剌身拼盤點解？除左鮮甜美味之外 佢個份量超多有甜蝦，吞拿魚，帶子…等基本上係舌尖上既享受除左剌身之外 佢地既餃子都好好食係皮薄多汁咬落口啲肉汁係咇哂出黎超正有興趣既朋友仔記得bookmark定地點: 尖沙咀好美道: 8/10環境: 8/10價錢: 人均$250-$350…查看更多

上次黎tea時候見到晚餐buffet只需$568+1，即刻密鑼緊鼓約friend子一齊食個dinner buffet. 咁啱撞正我地7個之中有生日之星，我地揀左免費紅酒1枝🍷增加生日儀式感❤️ 生日仲可享半價優惠！我地五點半入場，以為我地最早原來都陸續有人排隊and walk in入場. 餐廳雖然唔大，勝在樓底高空間大. 令人震驚嘅係568 價錢可以有50-60款菜色，仲要有即開法國Fine de Claire生蠔🦪應有盡有，的確麻雀雖小 五臟俱全！🤩我地由冰鎮海鮮開始刺激下味蕾，鱈場蟹腳、生蠔、海蝦、海螺及青口！值得讚賞係蟹腳鮮甜，海蝦彈牙，任食法國蠔真心無敵！如果經常食開生蠔嘅朋友都知道Fine De Claire 法國紛迪加蠔是為人所知的法國蠔。修長的薄殼，蠔肉有透明感，肉色略淺色，肥度適中，帶點榛果香味與甜味. 澄子小姐比較喜歡嘅生蠔之一就係呢一款，味道Fresh Biscuit（沒有強海水道）更能食得出本身蠔嘅鮮味。冷盤粗略估計都有9-10款唔同嘅特色小菜😍
西式煙三文魚, 泰式雞腎,巴馬火腿伴香瓜, 意式墨魚仔沙律等等. 中式蒜香海蜇及杞子花雕醉雞翼. 味道全部上乘❤️ 其中墨魚仔沙律都唔多見，一般都採用蝦黎做沙律，所以對於鍾意食魷魚類嘅我 會再加多幾分！其實每款攞少少試下真係好開心。仲要留肚食刺身㗎嘛！刺身區當然不少得三文魚，油甘魚，北寄貝，帶子啦. 魚類款入口即溶，貝類QQ彈彈😍 澄子小姐係小朋友口味，竟然有玉子刺身，好高興啊！食完咁多凍食就轉戰暖胃區！好彩一開始就攞左一盅滋補蟲草花螺片燉雞湯🤤 係充滿媽媽靚湯嘅味道，對於一般上班族黎講飲個靚湯都唔容易. 足料燉品可見到大大粒螺頭！湯底清香甘淳，滋味濃郁，回味無窮。如果唔係食緊buffet 我可以飲三碗.
熱食區包羅萬有，小編只講下自己食嘅，西式包括黑松露煎鵝肝，燒羊扒 ，白酒煮藍青口。中式有清蒸石班，椒鹽鮮魷，XO醬臘味炒飯. 基本上全部都係西式都有西餐廳水準喜出望外❤️ 中式味較為濃，如果淡口d就更好。咖哩非常出色 味道正宗 偏向馬拉口味👍🏻
雖然都個肚都差不多無位，但我有第二個胃😝 終於打大佬！擺設設計全部都托起個蛋糕，等每個蛋糕都可以特出自己。
芒果拿破崙蛋糕，迷你蛋白士多啤梨卷
特濃朱古力蛋糕，迷你葡撻，味道中規中矩❤️下次都要留多個胃食甜品 估唔到只能食得落少少🥹 不過最正嘅係即場焗椰子撻再加d燕窩，仲有即刻整嘅熱辣辣鬆餅配上Häagen-Dazs雪糕閒日$568 buffet真係好抵，仲要咁多野食！係酒店eShop預訂有8折優惠，而且星期一至五頭100位仲有額外9折優惠! 好期待下次再黎增肥❤️…查看更多

第一次黎到8度海逸探店，依家有土瓜灣站好方便，6-8分鐘就行到去。Friend子帶路話有平tea食，酒店竟然只收$98/位 （未計加一）！好抵！一開始有杯青檸冰沙refresh一下味蕾，就好快進入我地重點，榴槤😍由底層有炸雞配榴槤沙律醬，榴槤配搭熱辣辣嘅炸雞十分特別，味道分明互相都唔會搶走原有嘅味道，值得讚許👍🏻 火炙三文魚壽司及油甘魚沙律亦都鮮味十足，如果有多兩件就好啦！黑松露薯蓉都好香，啖啖黑松露味中層有牛油Scone加榴槤忌廉，榴槤味略為淡，如果榴槤味再重d會更出色。榴槤葡撻細細一個精緻可愛，奶味香濃🫶🏻再黎一個燒牛肉洋蔥三文治中和一下，令到個tea set加分不少又消膩最高層當然有最濃榴槤味嘅榴槤布甸同榴槤芝士蛋糕！值得令人「榴槤忘返」一定會係Q彈奶香的布甸夾埋滿口榴槤蓉埋尾！令人回味如果大家想靜靜地食個經濟受惠靚tea，推薦指數五粒星🌟 樓主見到有芒果主題，原來酒店隔幾個月會轉一次主題，大家把握時間品嚐啦！…查看更多

天氣凍左少少，食火鍋嘅心情就會膨脹。見到帝景酒店出 龍蝦花膠「鮮」味粥底蒸汽火鍋，即刻book位 帶埋屋企人衝入汀九食食食一段時間無黎，原來係到都可以飲到cold press juice。但仍然可以享受優惠價$25/位任飲，又或者加$78飲紅白酒。其實都好划算！咁啱閒日唔多人食火鍋，我地安排坐係窗邊望泳池景，環境寧靜，食得都享受啲即蒸材料好豐盛😍至少有6款新鮮海鮮，仲貼心配給一個計時器，方便我地可以在建議時間內食到最鮮味道嘅海鮮！同屋企人閒談之際，材料都上齊啦。望到都流口水！海鮮仲好生猛，仲郁㗎火鍋底分為3層，底層就係吸收全部之後精華嘅湯底（粥底會後加）。中間同上層都可以放海鮮首先我地食左需時最耐嘅滑雞件先同埋放係上層嘅龍蝦！龍蝦開邊蒸5分鐘，蒸完的龍蝦完全無離殼，成舊龍蝦肉緊緊痴住啲殼。食落肉質彈牙，啲糕雖然唔算超級爆滿，但味道好鮮！雞件應該係新鮮雞，好滑同好香雞油味，完全唔需要加任何調味料，已經好足夠！同時都可以幫個湯底加多幾分食完龍蝦同雞件開始令澄子小姐更加開胃！即刻加入龍躉球同鮑魚，上層再放埋啲蝦。按下計時器，5分鐘後又食的！龍躉球魚油味重有滑口，魚片及肉身超正！鮑魚同蝦好嫩又鮮味！全家人一開始食野就無再傾計😂 好專心咁食晒啲海鮮。食完新鮮海鮮後，餐廳姐姐會幫你加入粥底就可以開始打邊爐。另外一個主角，花膠小姐出場。塊塊都好大塊，建議第一款落花膠，之後個粥底就變到好綿好「膠」質 。黑豚肉，肥牛，仲有美國桶蠔，全部都係澄子小姐鍾意食嘅嘢😍 不得不讚下美國蠔，因為煮熟之後完全都無縮細！蠔味海鮮水濃郁！齒頰留香食完全部配料後，熱辣辣嘅精華粥底最個完美嘅Ending飲飽食醉後，搭免費shuttle bus出返荃灣站帝景酒店總是帶來不一樣嘅驚喜…查看更多

漸變秋涼，秋風起，天氣一涼就想吃辣辣🌶️難得成班女人都鍾意食辣，就想試下位於朗豪坊的川莊。本身想食片皮鴨同水煮魚，可惜個日話無鴨買。但勝在佢水煮魚配菜可任意搭配四款配菜，所以都唔咁失望。茶水係預先擺好的冰糖菊花圓肉枸杞紅棗茶。我地叫左Jumbo size 水煮桂花魚，配搭吸收精華的凍豆腐，爽口蓮藕片同牛百葉，同一定要辣油掛面的木薯粉！一上菜實在嚇一跳，珍寶size都唔係講笑，雖然大碗材料偏多，但好辣的5個人覺得啱啱好其他小菜價錢適宜，涼粉，油麥菜都ok臨尾差35分鐘 佢話last order，我地就打算叫甜品拔絲香蕉。但個姐姐服務態度超級差，唔比我地落單，話做都要25分鐘，所以佢自己講完就自己走左去。澄子小姐見佢咁就唯有叫其他人落單，仲只等左10分鐘。上甜品前10秒個姐姐就自己拿張單埋黎叫我地買單，仲話冇幫我地落做唔切。講完甜品就黎左。🤷🏻‍♀️ 或者考慮係menu寫低要需要製作時間，last order唔比落甜品？非常莫名其妙但因為個拔絲香蕉甜而不膩，脆脆的焦糖裹住有少少juicy嘅香蕉😆 所以決定原諒個姐姐一次…查看更多

前幾日聚會，要食梗係要食好啲！今次去米芝蓮二星美譽的明閣中菜🌟雖然我地簡單叫左幾款點心和前菜，但味道卻別樹一格，色味俱佳！筍尖鮮蝦餃，蟹籽鮮蝦餃都係飲茶必食之一，所以就唔多講啦。反而莧菜星斑餃回味無窮😍 清新的莧菜配上鮮味的星斑，十分配搭。澄子小姐必需推介燒味拼盤，即燒化皮乳豬 x 至尊蜜汁叉燒，可以話齒頰留香第一次食到真係會化皮的乳豬，香脆入口但即刻鬆軟到化開。叉燒脂肪比例均勻，入口鬆軟香口。真係值得一試！鵝肝炒飯也不錯，但澄子小姐不偏愛鵝肝，所以不多加意見。但個炒飯乾身不油膩最後加到個流流流明閣流沙包做ending！蛋黃味道濃郁，香味四溢。享受級的午飯之一絕對會再黎！…查看更多

今次想同大家介紹的餐廳位於726大廈，可以望到一片繁華熱鬧的旺角區。距離太子或旺角站亦近，非常方便！價錢也不算太貴。我地total叫左8樣嘢，6個人食。結果喜出望外的水準！等我逐一介紹帶子羽衣甘藍配上Balsamic Cream非常開胃！沙律非常新鮮，完全無「枚枚地」咁。松露薯條炸得酥脆，松露醬份量都好大方！卡邦尼蝴蝶粉，芝士同忌廉奶味濃郁，口感都好滑。可惜個粉唔夠Al Dente～青口size夠大隻，肉質飽滿結實，忌廉搭配都無蓋住青口個鮮味👍🏻另外豬鞍架及牛排，煎到剛剛好。Size dish 啲蔬菜非常有心思，有粟米仔，秋葵，番茄仔，蕃薯，全部都微微燒過。值得一讚！由於澄子小姐星期二去食，但結果都滿席，好彩有訂位，真心值得一試！…查看更多

今日拜見葵芳隱私日本拉麵🍜😆澄子小姐只要聽到有人解釋拉麵就一定會去試下！即刻去朝聖！今次叫叉燒拉麵，驚喜啊，鋪滿滿滿的叉燒肉😎 只食過面多叉燒少，未試過調轉。雖然面份量不多，但有筋道，彈牙。豬骨湯底好濃郁，加多少少蒜末調味，另到味道更加昇華😍 叉燒嫩口又不肥膩。但唔係好夠飽餃子外皮夠脆，雖然餡有少少偏咸。但都不錯。飲埋招財貓汽水解膩，好滿足！雖然小面店選擇不多，卻用心熬制湯底，叉燒又好食。位於街市隔離，有少少氣味，影響餐廳環境，但會繼續幫襯小店！…查看更多

難得一次入西貢，所以打算食下松記車仔面。但竟然無曬兒時的味道，雖然已成過去，味道變到非常一般。澄子小姐叫咗雞翼尖，魚皮餃，蘿蔔，豬皮，生菜。味道除咗無味之外，真系無味。連面底同個湯都無味。但個魚餃本身幾好食。fd子個碗牛腩，豬大腸，豬手叫做好少少。但湯底仍出奇地淡而無味。松記真系一年不如一年，服務態度下降，野食質素變差，真心希望改善下。已成為40年歷史老字號的松記竟然變成咁真系有d失望。實在令人嘆息……查看更多

今日見Open rice post 出Mimila 手掌咁大的主打馬拉辣老虎蝦麵（2018年4月20日11:10pm）。打算即刻去試下啦，坐底後為之興奮諗都無諗就落單叫咗馬拉辣蝦麵，結果一上菜嚇我一跳。說好的虎蝦呢？點解變咗蝦仁嘅？再仔細睇返menu 根本就無 「馬拉辣老虎蝦麵」 得 「馬拉辣蝦麵」 ，一種比人欺騙嘅感覺。說好的手掌咁大嘅虎蝦呢？隱藏式menu？著字蚤？同個post完全系兩樣嘢。撇開個好韌的蝦仁，系有用蝦煲，但個湯底唔系太濃同唔系好鮮甜，但個檬粉系好食的。fd子個咖喱喇沙面無咩特別，一般般，賣相唔多好。價錢如果以蝦仁黎同無咩材料黎講真系偏貴。加埋個$28單骨白胡椒排骨之後仲嬲😫碗麵加埋要竟然$127.6，仲要唔飽，啲蝦湯又少，想飲啖湯朗住個胃都唔得😫天啊為之失望。你想點啫…查看更多

由上年年尾忙到依家，終於可以放下假。今年我地入住澳門Galaxy酒店，所以就澄子小姐提早預定食葡軒，享受下。地點實在太方便啦～入到葡軒有懷舊葡國的感覺，環境溫馨別緻。高天花刻意打造成拱型，餐廳遍佈標誌性的葡萄牙瓦磚，木質的餐桌及地板，彷彿置身葡國別墅一樣。餐具亦用了葡萄牙藍白色花紋瓷碟。由於處於放假狀態，我同friend子一人叫咗一杯red sangria and white sangria. 一路品酒一路品嘗佳餚. 餐前附送特製烤麵包，熱辣辣又鬆軟。配搭葡萄牙橄欖油及秘制辣椒醬實在好食！橄欖油好香及純正，辣椒醬食得出有魚類系入面，好好食！Parma cheese salad 唔錯，Ham 油脂足夠亦不膩。雖然d洋蔥實在太辣，但都不影響。葡式烤乳豬，脆脆的外皮酥脆內里肉質鮮嫩多汁！炸馬介休食得多，所以決定壓軸配搭奶油馬介休。果然無令我失望，啖啖魚肉，濃濃的奶油味！超級推薦！下次黎澳門一定要再encore，除咗食物了得，服務亦貼心。…查看更多

好耐無食過麻辣火鍋，澄子小姐表示好興奮可以食蜀大俠！據聞成都必食的火鍋。一出𨋢，已經辣到嗆親😆 咳住行埋位坐，坐底繼續咳。因為隔離個台食緊大辣！非常正。果然名不虛傳，真系唔系得個“辣”字，仲要個湯底好香。由於朋友們食唔到太辣，所以叫咗微辣同骨湯鴛鴦鍋。清湯撈一撈可以見到蔬菜同菇類，麻辣鍋出咗辣椒之外亦加有姜同蒜調味。真心very nice。最緊要系食完唔會口渴！澄子小姐推介幾款必食產品：特級安格斯牛肉，雪花肥牛，墨魚滑，太極雙滑，功夫土豆片。同埋其他盞鬼菜色！佢地menu改名都幾得意。牛肉唔會韌，亦唔會比湯底蓋過牛位。墨魚滑等非常好味！功夫土豆片真系要跟足指引煮8秒好啦，有好幾次我都煮到唔見咗塊土豆。同埋由於湯底夠味，所以可不加調味食用，但我地開咗又特製芝麻香油蘸，更添加香味！唯一敗筆ge地方，佢杯水果茶原本幾好飲，都內面個杯蓋好dirty😑 下次都系飲罐裝飲品算。但真系極度推介蜀大俠！！…查看更多

今日黎到atum 同朋友仔們一齊食個lunch. 我地提早book咗枱，所以唔洗等位。座位空感較寬，所以坐得舒適。lunch set 有2 courses plus drinks，當日餐湯系茄子芝士湯，但由於澄子小姐要輕食所以就揀咗田園沙律 同 香煎盲鰽魚配檸檬牛油汁。茄子芝士湯其實味道都唔錯，（系隔離打劫咗一啖😂）完全無茄子的青味，亦比較傑身。田園沙律就用咗柚子醋調味，好開胃！原來餐前麵包香脆 配黑椒牛油，有少少驚喜。煎魚味道比較重魚味，如果喜歡食魚的朋友可以一試！友人的澳洲肉眼扒亦不錯，肉質嫩，不乾，及有肉汁。飲品澄子小姐只叫咗杯檸茶，友人話杯朱古力可可好好飲！好濃郁同濃稠。在鬧市中，享用了簡約工業悠閒的時光！下次再黎一定要試下佢地個招牌甜品…查看更多

自上次入過黎帝景酒店食中菜lunch覺得好有驚喜，所以今次約咗幾個朋友黎提早慶祝新年。咁啱系fb見到佢地今期做緊「松茸。海參大江南北」 海鮮自助晚餐，重點！澄子小姐去到先知每位贈送菜膽蠔皇蝦籽海參一份！星期一至五淨價成人只系$258，提早預約仲減$30，仲有free shuttle。無論食品指數上同價錢上都系very surprise！由於今天同朋友仔食團年，所以我地加$75叫咗杯紅酒🍷Chile Luis Felipe Edwards Merlot 2017 (呢款比較易入口）其餘野飲都要加$25 任飲 其實都ok架首先講咗頭盤先，沙律其實種類繁多，但都叫做五臟齊全！有紅菜頭牛油果，菠菜燒雞沙律，扒蘆筍芝士黑松露火箭菜，意式扒燒雜菜配黑醋汁，泰式燒牛肉燒沙律等等同可以自己任意沙律組合！你話系咪真系好多款😂cold cut 同 smoked salmon 都幾好食。重頭戲梗系長腳蟹同蝦啦！長腳蟹肉質飽滿鮮甜，一d都唔離殼。蝦d蟹膏爆咗出黎，食得好滿足！佢地個刺身檔雖然得4款，但鮑魚同三文魚都好好食。鮑魚非常鮮甜，忍唔住去拿多咗次。食完咁多凍嘢梗系要食熱嘢！松茸海參我黎啦！蟲草花姬松茸悶鴨，雖然我本身唔鐘意食鴨子，但有蟲草花就忍唔住夾。食完都覺得有少少滋陰的感覺，其實味道不俗。罈子骨，雖然夾個陣已經見底，反而最後一舊味道濃郁，肉質較嫩。西蘭花龍井蝦仁，不錯，西蘭花系吸咗蝦仁味架！松茸三文魚魚籽長通粉，有驚喜！食落口中仍然keep到 Al dente，配搭魚籽，口感比較豐富，咬落「bok bok」感覺。水煮原條海鱸魚，可惜唔夠辣，同有少少over cooked，但味道唔錯，有可能系我口味偏重又食得辣啦。雲腿海參絲，夾個陣蔬菜偏多，有可能已經比人夾曬。但味道清淡可口！Carving 送上澄子小姐無聊之作，除咗食我都鐘意煮嘢嘅最有顏色繽紛的甜品corner，雖然一入門口已經見到一排甜品幫佢地影咗寫真。但都系忍口最後先是食。我比較偏愛朱古力同奶類甜品，其中有款mousse cake原來工作黑松露製作！Creme Burlee，朱古力噴泉唔錯～雪糕原來都有7款咁多！Haagen Dazs 3款 & Nestle 4款。食得各種滿足，撐住肚皮，搭免費shuttle滿足回家去～ 有小朋友的家長可以帶小朋友出黎玩扭蛋，好貼心。果然適合一家人去過一個causal假期！帝景酒店i will be back！…查看更多