_sukilsk_'s Profile

雖然打住黃店名號，但本身等四張枱 過隔離行個圈5分鐘唔夠完過左號 入到去睇餐牌，選擇都還可以，但變化不太大，粉麵飯都係配搭差唔多。係新城市做得住，仲要價錢唔平，心諗應該都有返啲質素，但黎到完住係大失望！ 湯底似係超市買到個啲調味包開水，連蝦都係有醙味。份量唔多，staff 又唔多理你，餐廳亦做到好似車仔麵檔咁，大家廿分鐘半個鐘就會走。環境上餐廳都光猛嘅，舖內冇咩poster/deco, 最特別係入門口係兩三個bar 位坐，但出菜都為同一個位，有點兒破壞了氣氛。…Read More

兩個人十二點去食 ，叫左一個雞扒飯，一個雞扒豬頸肉飯。豬頸肉比一般嘅闊身啲， 相對都算大塊。 重點講吓塊雞扒， 佢有油得黎入味又有少少酥脆，唔會有燶味。一開始個飯好似冇咩汁 但撈埋啲蔥油就差唔多。另外佢有3款辣粉提供 有興趣嘅朋友仔可以試下。…Read More

返完工，約左朋友食個tea，開個圍爐大會，近近地簡左呢間日本野。咁啱下午茶時段，埋單有八折都算幾抵。 叫左個豬軟骨烏冬，湯底鮮甜，烏冬彈牙爽口，豬軟骨甜甜地好入味，又唔會un, 軟骨位都可以食埋。另外跟餐仲有三件壽司（三文魚，蝦，蟹柳），壽司就稍為弱。壽司飯底握得唔夠實，夾著有機會散開，魚生就唔夠鮮。餐廳裝潢不錯，店內都會播啲輕快嘅歌，能夠讓食客放鬆心情。不過上菜速度就可以再改善一下，朋友嘅魚生飯竟然比我嘅湯烏冬更遲上餐。但總括味道是可以的，會再幫襯。…Read More

睇戲前諗住食個快飯，黎到搵到呢間越南野。裝飾古舊啲，但乾淨企理嘅小店，冷氣都夠。叫左一個越南豬扒泡飯同一個豬頸肉撈檬。越南泡飯都係第一次聽，所以叫左黎試下，佢係咸咸地有啲中式紫菜加啲蔥花同莞茜嘅湯底，可惜個肉本身有啲en, 而湯底本身亦較為淡口，如果想清清地係一個不二之選。豬頸肉撈檬個汁就不過不失，酸多少少就會更出色，豬頸肉舊舊都夠曬爽，唔係凍鮮豬又冇醃咁。成碗檬粉不論配料定檬底都比得好足👍🏻。…Read More

去到旺角，竟然諗唔到食咩好，回頭一望，見到敏華冰室，即刻諗起聽過好出名但一路都未試過，一於同朋友兩個人入左去。雖然都7 8點，但可能係閒日夜晚，所以都唔洗等位。舖頭算係open area, 但都唔會太嘈。staff 落單同上菜速度都快。叉燒大部分都爽口，唔會肥，係有一舊啲肉比較實，需要咬多幾下。蛋黃流心，啲汁又可以撈下飯唔洗比豉油搶曬啲味，甜甜地幾好食。凍菜蜜亦唔會太甜，清甜解渴，啱曬唔想飲汽水又解到開飲甜野嘅諗頭。雖然個飯72蚊係偏貴少少，但兩個女仔唔太肚餓share 食其實都好夠飽。…Read More

第一次下午茶時間入座，發現有半價優惠，即刻叫都叫得輕鬆左。出名嘅南瓜飽店員話已經冇賣，未能一試。叫左個湯水餃，湯底較淡口，但仍能細味丁點鮮味，相對湯餃比較鹹。日式三絲炒拉麵則材料比較簡單，不會油膩。 燒汁雜菌焗牛仔肉較多醬及相對較鹹，亦較多三色椒。肉嘅日感較特別，有啲似苣葯，但可以接受的。overall 味道都還可以。以全素餐廳黎講，菜嘅款式好多，士多啤梨骨個啲都幾吸引，但人數太少好難試到咁多，麵食嘅都算大碟。…Read More

店舖位於8樓food court，好似係全層唯一炸雞店。門面唔太光，圖都冇話特別大吸引，但同朋友仔一齊專登上黎食炸雞。比預計中細份少少，但唔會話多炸粉，size 都啱一啖一口雞。味道都唔會話偏埋一邊，細份都有兩條韓式年糕送 中size 就送4條。食慣左其他麵食時呢個都係個唔差嘅選擇，雖然個人認為少少貴。…Read More

去到個時如果叫happy hour 就得返1個鐘頭度就要交枱，所以我哋5個人最後叫左100分鐘個款任食，唔包烤肉所以冇得拎菇類個啲去燒。但前菜啲粟米，泡菜，酸瓜，沙律都唔錯。炒飯唔會太乾或者起曬飯蕉，側邊仲有菜同好食嘅年糕，尤其紫色個款特別好味，年糕夠晒黏韌，但又唔會好難咬斷。🤤 另外啲炸雞同雞翼都唔錯，幾款味道都可以。絕對可以食雞食到飽，炒飯亦都可以添加一次。餐廳環境乾淨，返到屋企啲衫都冇油煙味，可能因為店內有分開烤肉區而我哋又坐得離開個區。中間有漏單情況出現，但店員有幫手處理。…Read More

在附近training 完一班人落黎食野，早十分鐘打落黎叫餸，黎到啱啱好。呢晚啲沙拉骨差左少少，肉有啲痴骨，味道亦偏酸少少。蝦醬通菜炒得幾惹味，蒸水蛋亦好滑，唔會太鹹。沙嗲肥牛粉絲煲都好足料。西檸雞就少汁左啲。蒸鮮魷就細條少少。全晚幾個餸大致上都唔錯，有位挑剔但街坊餐廳黎講算唔錯，會再幫襯。最中意黎到人頭一人一碗足料中湯，冇咩味精味，亦啱曬我呢啲屋企冇咩湯水飲嘅人。即使舖頭就收工，伙計態度都唔差。舖頭冷氣夠，乾淨企理。…Read More

薩莉亞嘅平價向來都吸引唔少食客，特別係一班後生仔，係第一城呢間新開之前如果想食就要去石門個邊，新開方便左好多，但經常一到午飯時間就要拎飛排隊先可以入座。兩個人11點半落到去都仲可以直接入座，過多十分鐘已經需要等位。 叫左一個煙肉菠蘿pizza, 明太子意粉同埋4隻雞翼。上菜速度okay, 係雞翼比較細隻 但辣味較其他分店重👍🏻新開兼早更人手有啲不足，舖面連埋門口帶位先得3個人，睇全場相對有啲壓力，但入座同落單速度都唔會太慢。…Read More

早兩日 Happy friday 幾個女仔聚一聚 一早book左枱但可能五點幾開餐太過早 我哋食完嘅時候舖頭都唔需要等位入座。木瓜沙律少少辣 但可以接受 黃咖哩海鮮都算多料，有青口有魷魚，唔算太辣，夾埋烤餅一齊食幾match。炒金邊粉唔會油或者痴埋一pat pat。馬拉盞通菜好惹味。串燒豬牛羊各叫左一串，唔算多汁但不過不失，配埋佢個醬就有啲特色。場內有live music 佈置，但食完都係7點幾可能未開場，下次有緣坐低聽下歌先。…Read More