idacsw的個人專頁

九龍城食肆有唔少，但1個人的午餐，其實選擇唔算多，價錢唔平但質素亦好參差。路經呢間餐廳，見到店員姐姐積極推介，就即管試下。Lunch set，一共有8款選擇， 包左。湯（加餅乾條），。主菜。餐飲$53起錶，最貴的$88，唔駛加一，我覺得算係相宜。我今次就試左佢嘅牛扒意粉，份量足，牛扒大大件，但又唔會乾晒柴，即使唔落汁，味道亦都好ok.2位店員姐姐，手腳快，又好禮貌。小店唔易做，要支持一下，所以會再幫襯～～…查看更多

老友生日飯，當然要食好dd。係社交平台睇到九龍酒店的龍逸軒做推廣，出左2位起的點心套餐，啱晒我地呢d食量唔大但想坐得舒服傾下計嘅人。唯一唔好的係要先係佢的 e shop買coupon 同埋無得改日子，無左flexibility。幸好無令我地失望。食物 - 款式，份量同質素都唔錯環境 - 可惜安排唔到坐唔到窗口位，但枱與枱之間空間寬敞，坐得舒服，唔會聽到隔離枱講乜😅服務 - 主動加水收野，又唔會催你走價錢 - 全包價$238@ （2位起）， 算幾抵食整體唔錯，可以再食～…查看更多

三月尾的中午，27度加太陽的威力，1杯涷飲又點可以少?路過呢間名為Sleepless的cafe, 決定入去飲杯啡抖抖氣。我單點左Ice Americano，佢地用左方塊冰而唔係一般的碎冰，所以可以較長甘保持到咖啡的香味， 而咖啡亦係我喜歡帶nutty的口味～環境舒服，佈置亦有注入心思，加埋音樂，坐坐下其實反而有點睡意😅可能係因為係平日的tea time，客人比較少，令我可以好好甘享受一下我的coffee time!!…查看更多

Boxing Day 要搵食唔容易，見餐廳social media介紹新推的午市套餐幾吸引，就決定訂枱試試看。食物 ： 我地點左鐵板海鮮和鐵板牛肉2款主菜，牛肉薄切唔會過熟，海鮮新鮮彈牙，沙律，湯，刺身，炒野菜+飯，甜品都無欺場，4個餐仲額外送左2份鮑魚添，yummy！環境 ： 裝修簡潔舒服，枱同枱有一定的距離和用屏風隔開服務 ： 有禮貌和懇勤價錢 ： $350@ + 10%， 酒店餐廳係boxing day 算係好合理中途加插聖誕老人派小禮物和合照，讚～…查看更多

尖沙咀食晏，睇到呢間餐廳係社交平台的介紹，決定去試試。同朋友各自點左1份午餐-前菜 ：- - 洋蔥薯仔湯，朋友覺得味道偏淡左dd; - 沙律算新鮮，落單時可以揀汁另上；主食 ：-- 蘑菇蛋意粉，蘑菇和意粉的份量算大，味道唔錯；- 牛肉漢堡配薯條，份牛肉幾juicy唔會有渣，可以落單指明要時1開2，薯條炸得唔錯，唔太油亦唔會唔會1陣就淋姐姐；包埋餐飲。整體食物質數唔錯，環境都覺舒服，價錢係尖沙咀區黎講唔貴，不過待應的服務就只係好一般。…查看更多

星期六係油麻地附近搵食，見呢個印度咖喱餐廳的評價唔錯，就去試試看。星期六，日都有午餐供應，$6× - $7x, 有湯，主菜同野飲，唔加一，價錢算好相宜。我地叫左1個牛肉和1個雜菜咖哩做主菜，牛肉唔錯，好淋又無渣，帶點辣好開胃；雜菜就只算不過不失；烤餅即叫即做，唔會好油，掂。小店的座位有限，所以其實係枱同貼枱都幾逼，不過我地2位佢見唔算人多都安排我地坐4人座，服務算好好。整體黎講，我覺得值4(out of 5), 可以再幫襯。…查看更多

有台灣朋友來香港，相約在銅鑼灣食lunch, 見食評唔錯就揀左呢間飲茶吃點心試試看。雖然訂左枱，但尋日人多所以都要等大約15分鐘，好可能亦因為人多，問佢野時知客的態度好麻麻。。。我地叫左5個點心，水準只係好一般：-- 排骨好多肥肉，- 燒賣的肉有點散，- 咸水角算是外脆內軟但入口比較油- 鳳爪和腸粉合格環境算OK, 我地坐邊位所以唔算太逼。埋單2人共$220.或者我要求或期望過高，整體其實係失望的，尤其今次係帶台灣朋友來嘗點心。。。…查看更多

之前試過位於尖沙咀海港城的分店，但只限於咖啡甜品，今次有由北京來港的朋友想食西餐，於是決定試試佢嘅午市套餐 ：面包 ： 雖然係餐前送的，但係熱上兼外脆內軟，唔錯唔錯；湯 ： 是日係南瓜湯，唔會太"杰‘’，南瓜味亦重；主菜 ： 我和朋友都揀左三文魚，賣相吸引，魚唔會過熟，配以帶點點酸味的汁醬，好夾！服務員招待殷勤，坐得舒服，唔會限時限刻俾人趕交枱。$298（未加一）的2道菜（包咖啡或茶），係太古廣場黎講算是合理。…查看更多

親戚由澳洲番香港渡假，今次下塌帝苑酒店，幫佢地洗塵就近近地揀在酒店的自助餐。食物 - 海鮮，魚生壽司，燒牛肉，串燒，燒味，海南雞飯，湯粉面，冷熱盤，當然唔少得佢餅房出名的蛋糕和蝴蝶酥等等。。。種類真心多，質素亦唔錯，例如龍蝦肉質彈牙唔會"林姐姐‘’；每人贈送的鮑魚花膠亦煮得入味；環境 - 今日雖然係星期日晚，但目測幾乎滿座，枱與枱之間比較密，亦相對比較嘈；服務 - 服務員好勤力甘收碗碟，態度都好好，我地差不多係最後果幾枱離開都唔見佢地走黎‘催’。對上一次惠顧，應該係1年多前的事，整體我覺得佢仍舊保持到水準，算是幾唔錯。…查看更多

尋日1清早玩完迪士尼跑，同老友決定豪一次去酒店食個豐富早餐。食物 - 種類夠多樣化，中西冷熱盤同甜品都有，味道唔錯（最緊要我無因味精敏感），咖啡茶都係任飲，少部分仲有迪士尼特有的造型（例如蛋糕）；環境 - 濶落坐得舒服；服務 - 服務員有禮；價錢 - 大人$298+10%算合理；最開心係高飛化身廚師同大家影相，臨走仲同食客逐枱say byebye。值得到去～…查看更多

好耐無去Soho, 尋日同同事們的飯局就去左位於依利近街的1間義大利餐廳試試。因為樓面唔大，所以坐得比較逼，我地3人坐1張4人高枱，放埋袋算係啱啱好。Happy Hour只限3-6，我地講笑話呢個應該叫tea time 唔係happy hour 羅😆食物方面，我地叫左cold cut plate, 牛油果3文魚沙律，蕃茄鱸魚同日式牛肉蓋飯。當中牛肉飯比較有驚喜，肉質唔錯，無根亦juicy; 鱸魚就比較失望，煎得唔夠外脆內軟，同d蕃茄和火箭菜係o交流；starters算是不過不失。不過係soho區黎講，價錢尚算合理。…查看更多

搵食艱難，係中環搵食就更難😮‍💨今日lunch time經過以特級燒牛肉出名的Lawry’s The Prime Rib，無意中發現佢推出左3款只限星期一至五供應的精選午餐，包括主食、薯條和飲品“只”盛為$148 ，依家仲做緊8折優惠😲，就決定“會一會”佢的特級牛肉三文治餐。未打開外賣盒，已經聞到薯條的香味，打開一睇，嘩，齋睇份量就已經無欺場喎！ 一片又一片的燒牛肉，配上洋蔥蘑菇汁，被外層略焦的面包環抱住，一口咬落去，蘑菇洋蔥汁的香洗滌左牛肉的膩但無帶走佢濃濃的肉味，連帶面包的甜味，三者出奇的合拍；薯條新鮮即叫即做，即使外賣都唔會“淋姐姐”，加埋用椒鹽調味，真係忍唔住一條接一條😋；餐飲可以點紅酒或白酒，番緊工的我就好乖甘點左紅莓汁😆幾時試埋其他2款好呢🤔😚…查看更多

本來一心去一嘗網上介紹的牛丼，去到先發現星期日原來係休息日😵，唯有在附近逛逛看；在轉角發現了這間帶簡約風cafe, 就決定當多一天偽文青試試看😅☕️long black 係用自家研磨的豆，fully body又帶點淡淡可可的香味，啱晒我的口味；🍝試了店長紹的青醬蘆荀蘑菇意粉，青醬微辣中帶點點酸，2者超合拍，而沾滿醬汁的意粉亦彈牙有口感，加上我喜歡的蘆荀和蘑菇，要俾個like佢。生活或許不似預期，但或者因為不一樣才為日常帶來點點的驚喜啊🤗…查看更多