YanHung3433's Profile

之前一直都好想試呢間，今日終於食到，裝修一入去已經好有feel！店員Service好好，我揀左個368set 餐，蟹同蜆係任食，啲蟹同鮑魚係自己揀完比店員，店員會幫我開埋蟹蓋，好貼心。野食方面真係好正，佢有啲菜茄子粟米係任食，個餐仲有埋湯同溫泉蛋加蟲草雞，啲雞係真心滑，我最驚食個啲鞋碩碩嘅肉，反而佢唔係主打雞都咁好食，另外啲蟹隻隻都爆膏，好驚喜，加上好生鮮👍🏻👍🏻啲蜆冇沙嘅，仲有4款蜆揀，好好食，佢個粥超足料，有埋白蘿蔔同排骨，令到個粥好鮮甜，食唔哂我都打包返去做宵夜。物有所值，讚！…Read More

之前一直都好想試呢間，今日終於食到，裝修一入去已經好有feel，店員Service好好，我揀左個368set 餐，蟹同蜆係任食，啲蟹同鮑魚係自己揀完比店員，店員會幫我開埋蟹蓋，好貼心。野食方面真係好正，佢有啲菜茄子粟米係任食，個餐仲有埋湯同溫泉蛋加蟲草雞，啲雞係真心滑，我最驚食個啲鞋碩碩嘅肉，反而佢唔係主打雞都咁好食，另外啲蟹隻隻都爆膏，好驚喜，加上好生鮮👍🏻👍🏻啲蜆冇沙嘅，仲有4款蜆揀，好好食，佢個粥超足料，有埋白蘿蔔同排骨，令到個粥好鮮甜，食唔哂我都打包返去做宵夜。物有所值，讚！…Read More

自從透過友人介紹，我已經黎左呢間隱世小館幾次！青衣居民更加值得一試呢間位於屋村街市既小菜小館，主打都係家常菜同大排擋野食，估唔到d野食咁有鑊氣！上兩次黎食最好食既係麻辣雞煲同鹹蛋黃炸雞翼，真係好好食！雞煲入味得黎又滑口！今次食左新菜式 椰子雞煲飲完即刻上癮！係超級甜既椰子雞湯我地成班人自己都飲左兩三碗D雞又滑又香椰子味！而其他小菜都仍然咁出色，無一樣令人失望首推係椒鹽炸鮮魷，出色過好多大排擋仲有老闆娘推廣既補湯，花膠螺頭湯好味又養生總結：新界超推介既地道小館…Read More

今次黎到大圍食晚餐，呢間餐廳燈光暗暗地😏，幾有浪漫西餐的感覺，好適合男女朋友或者三五知己相約聚餐，係一個令人放鬆傾計既空間龍蝦湯味道不錯，湯的口感更稀點應該會更加高分生蠔非常鮮甜滿200塊就可以10/一隻的價錢食到，又平又好食，同埋重點係無腥味，如果同多d朋友黎食，叫多幾隻仲抵呀芝麻雞翼好多餐廳都有，但不是間間餐廳都煮得好味，而呢間既雞翼即炸，又脆又香，如果有d醬沾一下，應該會更加出色最後係主菜，香煎鵝肝黑松露意大利飯，鵝肝好味仲要大大舊，配埋飯都真係好正不過食到最後就有少少油膩，但賣相同味道都相當高分，不愧為咁多朋友推薦既餐廳…Read More

Mamaday呢間店早有耳聞，係不少年輕人小聚都會推介既一間餐廳，今次終於同個朋友黎呢到食下lunch店面用左創意工業風，帶點復古味道，需員工的服裝都係日式復古風，整間店比人感覺時尚潮流而食物質素都好出色，最令人滿意係呢個墨魚汁意粉，墨魚汁同意粉既比例同份量岩岩好，食完都想再叫多份我地仲叫左軟殼蟹pizza，靚得黎又好好食，成份pizza都烤得好香脆，加埋軟殼蟹一齊食，非常滿足同埋個人認為pizza既沙律醬同個軟殼蟹都好夾另外仲跟左套餐叫左個薯條，炸得香脆好味而飲品方面就叫左杯咖啡，我朋友話幾好飲整體而言，真係一間值得推介同再去既店…Read More

同朋友係銅鑼灣約左食lunch, 我朋友好中意食日本野，就特登黎呢間日本料理店食個lunch傾下計。估唔到呢間餐廳既刺身係咁高質！不過價錢上就偏高檔d, 最平既lunch set大約300多港幣，但份量同賣相都好值呢個價我地一人叫一個lunch set（2&4，餐牌在後面）三色丼飯非常出色，有新鮮海膽，吞拿魚蓉同三文魚籽係飯上面，刺身全部都食落非常好，新鮮同無腥味海膽真係好好食另外呢個set仲會有前菜，日式燉蛋同烏冬，都一樣令人滿意而另一個set係各款刺身加前菜白飯，刺身食落都係好新鮮朋友都覺得幾滿意，話下次要帶其他人黎食同埋呢盤刺身賣相好藝術，擺盤好有心思…Read More

最近香港愈黎愈多麻辣火鍋，今次就試左呢間二家姐麻辣火鍋。原來分開左新舊店，裝修幾舒服，環境同d枱都好夠闊落，坐落舒服吾會迫！由於今次我同一個朋友去食，打邊爐吹下水咁，我地兩個都好中意食辣野，所以湯底就當然係叫左麻辣湯底叫左小辣湯底，味道不錯但比預想中無咁辣，有機會再食就試一下中辣，應該會更加好味。當晚食得非常滿足，值得一提的是呢間店每一樣野既份量都好足，我同朋友兩個人叫既野不算多，但每碟份量都好多，單單係碟魚已經有8舊，魚肉又大又厚肉。呢個黑豚肉係最令我意外，估吾到肉質好有彈性，加埋麻辣火鍋湯底，好好味道呢個魚都係好評之一，放落湯到滾下就食得，不過我朋友就覺得有骨…Read More

同兩個朋友黎左呢間慢煮工業聚餐，呢間餐廳都幾出名，好評也不少，今次就特登黎食下，結果的確幾滿足，環境氣氛濃厚，裝修加入復古元素，非常有特色。而食物質素也很不錯，和一群朋友或是幾個好友小聚一餐是個頗適合的餐廳這個芝士煙肉溫泉蛋薄餅是這個店的招牌菜，即叫即焗，上枱後仍然熱辣辣，非常香脆可口！的確是招牌菜的水準。另外也很滿意的是這道醬燒焗豬大脾骨，醬汁和脾肉的平衡剛剛好，不會過甜過鹹。炸雞翼相對上沒什麼驚喜，而配上的芥末醬味道不是太合我們叫胃口這道農夫湯包，預期中裡面是又濃又滑的南瓜濃湯，但沒想到包是焗得很脆，但湯卻有點失望，口感不是很好。但整體而言，這餐廳還是很不錯！…Read More

同一班好朋友聚餐，黎到呢間由九十後老闆們經營的西餐廳，店鋪招牌主打超足料龍蝦大王拼盤，聽落去很吸引！餐廳裝潢設計充滿活力，由復古霓虹燈混合現代工業風風格，非常有特色，也很適合打卡。而餐廳的菜名也玩味十足，很符合年輕人的創意想法鰻魚蛋包飯實際上是不少呢類型餐廳的主打菜，競爭對手頗多，呢間小店絕對達到水準，鰻魚肉質厚而嫩，但蛋包飯內的醬汁不太足夠，可以研究一下令白飯更融入於整道菜之中。非常欣賞這道醬油風白汁三文魚意粉，好好食，意粉同醬汁比例剛剛好，日式醬油風配上意粉都幾特別！跟住就到呢道鬥西牛魔王vs蝦兵蟹將，份量超大，拼盤包括兩隻大龍蝦丶軟殻蟹丶秘製豬仔骨同炸雞翼。不得不說拼盤裡面的每樣食物都無令人失望，味道同賣相都好高質，三百幾就食到好味仲份量十足既龍蝦拼盤，性價比非常高！！其他菜式也很有水準，而店內的老闆同員工都是年輕一代，加上店內氣氛輕鬆，整體而言實是一間很潮又有創意的新派小店！…Read More

這間西餐廳店內裝潢非常高雅大方，裝潢打造出一種優雅氣氛的感覺，以木質及石壁為主令店內氣氛十分浪漫放鬆，不論是約朋友相聚或情侶約會都十分適合。餐廳內還設有酒吧，客人也可以在這裏小酌一下，整體環境非常放鬆。而食物水準也令人滿意，份量對於兩個人而言剛剛好這個帝皇蟹餅是店員推介的招牌菜，食落去滿滿的蟹肉，誠意十足！而意大利飯也出色，飯的軟硬度剛好，汁也不會過多，材料的配合很好最後一道是西班牙燒乳豬，但這道菜水準比起我的期望有一點點落差，皮燒得非常香脆，但肉似乎有一點兒過熟，令肉質有少許乾，但整體而言也值高分…Read More

星期日放假 來杏花村 行街街影下相📸📸📸順便來這裡先逛逛街吃個午餐 假日到處都人頭湧湧, 見到門口既木馬覺得好靚, 就入左café paradise食啦好耐冇食過鐵板飯，就叫左黑椒雞肉飯同埋黑椒牛肉飯2個飯未送到黎既時候都聞到好香, 個雞飯舊舊都係雞脾肉黎, 仲有D醬係上面, 嫌唔夠仲可以自己加牛肉飯果D都係肥牛, 咬得爛, 唔痴牙, 同樣都有SAUCE跟住呢間cafe飲品既選擇唔算多, 但係基本要有既飲品都齊曬唔飲咖啡既又可以飲佢地既特飲, 唔岩仲有朱古力, 沙冰同梳打都有好多口味, 仲要花茶添!…Read More

今次黎到呢間小菜館，呢間小店係街角入面，外面比一大群大排擋包圍，也算是幾隱蔽，但入到店內發現有好多客人！店內裝修以木色為主，簡單舒服又有潮州小菜館的感覺。今次同朋友兩個人黎左呢間小館食晚飯，叫左幾樣食物，味道同賣相都令我地好滿意花膠燉雞湯好好飲，有親切燉湯味道，吾會好似飲緊味精湯而椒鹽九肚魚都炸得岩岩好， 外脆內軟，魚肉非常嫩滑，甚至個人認為好食過吾少大排擋！兩個人叫左一隻BB乳鴿，好好味，而且用鳥籠作為裝飾品令呢道菜變得更有意義，仲見到吾少客人都為左乳鴿影相炒通菜同水煮牛肉都好好味，基本上每碟食物既味道同賣相都令人滿意，係一間令人回頭既小店不過今次我地兩個人似乎叫太多樣菜，呢間店份量好足夠，都好適合多人黎食！…Read More

今次同朋友黎左呢間餐廳食夜晚，本來打算食小菜，但估吾到呢間餐廳的師傅8點半就收工，得返車仔麵食，於是我同朋友就叫左個車仔麵加燒味拼盤。先說車仔麵，係本港地道車仔麵的味道，麵加埋d送一碗都好大碗，夠兩個人食，料也很足夠，而燒味拼盤有齊叉燒油雞腩肉等等，味道也相對不錯整體而言，味道還可以！不過個人都係想試食埋夜晚的小菜，似乎呢到既小炒更加吸引，下次再試！另外，餐廳員工非常友善親切，還很熱情地和客人聊天…Read More

夜晚約左朋友黎到呢間餐廳，聽聞左招牌菜薯仔牛肉粒好多好評，今次就當然要跟下風試下到底幾正估吾到真係好好味兩個人總共叫左3樣食物加一道甜品岩岩出爐熱辣辣，d薯仔粒切到細細粒，方便入口，而牛肉粒好冧，食落口感好軟，吾會熟過頭。加埋一層融化芝士同半熟蛋，不愧係招牌菜，就算飽左都會想吉下d薯仔粒黎食另外餐廳仲主打窩夫，所以我同朋友就order左多個香蕉抹茶雪糕窩夫，都幾好食！其他主食既味道同水準就同一般cafe差不多:)…Read More

四川菜以辣聞名天下，而香港亦有不少川菜館，今次呢間就主打藝術畫廊主題，店內最吸引人的是一幅描繪香港特色的作品！非常有香港味道。另外店中有一條長走廊掛住不同作品以供欣賞及售賣，客人可以隨意參觀，作品充滿藝術氣息及懷舊風情至於餐廳食物水準也很不錯，川菜而言味道不是很辣，餐廳老闆把辣度調較成迎合大部分香港人的口味，所以也很適合香港人對川菜的需求個人認為最令人滿意的是口水雞，雞皮雞肉很嫩滑，而皮上的辣椒籽及油也配合得相當出色，食落口感豐富麻婆豆腐及回鍋肉的味道也令人滿意，整體而言食物質素令人感到很滿意！另外特別的是餐廳定期會舉辦不同的活動，客人有興趣就可以成為會員參加活動，幾有意義…Read More