Yannnnnnnnnn's Profile

The Salted Pig 成日都聽到朋友提起呢間餐廳，今晚同媽咪行完街終於有機會試😆餐廳氛圍輕鬆愉快，現代設計融合工業風元素，開放式廚房比較少見，岩晒同朋友共享美好晚餐🥰餐廳選擇都幾多，小食主菜肉類意粉選擇都好多元化牛油帶子番紅花意大利飯一上菜已經俾佢嘅賣相吸引咗色澤金黃，香氣撲鼻🤤🤤🤤帶子外脆內嫩，同creamy既意大利飯相得益彰，口感滑順👍調味完美番紅花既獨特風味更為成道菜增添左層次感，令人回味無窮，我同媽咪好快就清左碟！手撕豬肉芝士肉汁薯條見到都令人垂涎欲滴🤤🤤🤤薯條炸得非常好，外脆內軟，搭配香濃豬肉同埋融化既芝士，口感層次豐富肉汁醇厚，而且非常惹味，為薯條增添了絕佳的風味每一口都充滿滿足感，而且消息嚟講份量非常大份！烤比目魚柳配白酒海鮮湯色香味俱全❤️魚肉鮮嫩，而且非常滑湯底清爽，帶有海鮮鮮味大蝦超級大隻，仲有好多隻❤️食落啖啖海鮮既層次感，味道清新怡人。每一啖都令人感受到海洋氣息，擺盤而好靚👍Strawberry Daiquiri色澤鮮豔，冰沙質地鬆軟，飲落清涼宜人。酸酸甜甜既草莓風味同微微既酒香完美融合，而且好易入口，飲落幾清爽可口媽咪都忍唔住係咁飲😝杯邊既糖霜增添左一絲甜蜜，係消暑的絕佳選擇！…Read More

好奈冇食過港式燒肉放題，一想食就諗起校長燒肉，佢地既放題有燒肉又有邊爐。宜家仲有埋高級版，刺身生啤任飲任食，打埋放題。一場黎到就緊係整個貴set黎試下。最貴set一黎就上左生蠔同埋靚肉拼盤生蠔🦪鮮味十足，非常唔錯👍先黎北海道A4黑毛和牛，牛肉油花分佈平均，色澤誘人，燒烤後肉質柔嫩多汁，帶濃厚牛香。除左日本和牛，仲有美國頂級手切牛，雖然冇和牛咁林夠油，但勝在肉感勁牛味濃拼盤仲有北海道千歲米豚腩片，用黎燒肉真係好正，油脂豐富，落d鹽同辣粉，正。另外，即叫即炸的芝麻雞翼、芝士年糕呢d升級炸物都係加分位。雞翼外脆內嫩，肉汁充盈；芝士年糕炸到酥，芝士味濃，同平時食開既急凍款唔同，口感同味道都好好。到到出去拎既野食，餐廳食物既選擇多到真係眼花撩亂。淨係燒烤區都有幾十款選擇，包括常見的牛扒、雞翼、豬扒、金沙骨、雞腎、五花肉、雪花牛、牛仔骨、多春魚等，咩人都有野岩食。刺身區有驚喜，三文魚、吞拿魚赤身、希靈魚、劍魚腩、帶子、螺片，甚至有肥美的牡丹蝦。每款刺身切片厚身新鮮，魚類肉質爽滑，又有鮮味帶子鮮甜，三文魚夠香，忍不住食左幾round。壽司都有唔少，基本款如蟹柳、焦糖玉子、炙燒三文魚壽司，味道都唔錯。火鍋區都係佢地另一個重點，湯底選擇有唔少，豬骨湯、壽喜燒都有。配料都好齊全，蔬菜、菇、各式丸類餃子，好似芝士腸、魚蛋、餃子、麻吉燒等等，都係應有盡有。燒到唔想燒烚到唔想烚既話，仲有熟食區。炒粉麵、點心，另外仲有湯飲。甜品亦都好多野揀。芒果布甸、啫喱滑溜香甜。葡撻酥脆，蛋香濃郁。涼粉與雪糕仲有得DIY，好似仲加緊夾糖區。飲品選擇同樣豐富。我地既set有特飲，奶蓋沙冰超級大杯！仲有出面比較少見既日本樽裝綠茶汽水。出面既紙包飲品都有好多款，仲有DIY花茶區，可以沖杯黎解膩。梅酒、清酒、罐裝啤酒都係任飲。揀左生啤任飲的高級套餐既，仲有生啤任飲！野食性價比高，又有卡位，坐得舒適，環境寬敞熱鬧，特別適合朋友聚會、家庭聚餐。咁多野食，慢慢食，邊食邊傾，感覺就好放鬆。再想食燒肉一定會再黎。…Read More

係旺角附近番工既我，終於等到Hashtag B係旺角開啦！咁多間酥皮蛋撻我自己最鐘意Hashtag B❤️次次見到琳瑯滿目嘅酥同埋撻多會心大心細唔知揀咩好😋😋😋今日見到佢地既新撻係黑糖麻糬撻就即刻去試☺️黑糖麻糬撻驚喜連連🤭🤭🤭外殼一如既往香脆而不油膩，入面既黑糖麻糬濃郁帶有黑糖甜，麻糬口感柔軟彈牙，咬落係獨特既咀嚼感。上層既蛋撻令成個甜點增添左豐富層次蛋撻滑順口感同埋淡淡奶香，同黑糖麻糬完美結合，每一啖都充滿驚喜❤️❤️❤️每一啖都感受到黑糖香氣同埋麻糬既Q彈，加上軟滑蛋撻，味道非常正，絕對值得一試！建議唔係即刻食嘅朋友，要氣炸或者焗返熱嚟食，效果會好好多😆呢款白粟米酥望超級精緻，我見前面幾組客人都有買😝果然咬落外皮酥脆，入面既粟米甜美多汁，仲帶有微微燒烤香味每咬一啖都有濃郁香甜感，係完美既小吃選擇！吉士餡亦都非常滑順，食落有濃厚奶香，令白粟米酥增添左豐富風味。每一啖都令人感受到吉士既醇厚，同粟米🌽既甜味相互輝映😋😋😋佢哋嘅鬆餅有好多特別嘅味道，今次就揀咗泰式奶茶鬆餅試吓呢款泰式奶茶scone都唔錯👍👍外酥內鬆，奶茶香氣濃郁，有淡淡的甜味。除左泰式奶茶既香之外仲落左啲朱古力，搭配一杯熱茶一齊食更完美！☺️☺️☺️最後係Mixed Cheese Bagel同樣焗番熱食，外皮金黃酥脆，入面係濃郁既芝士，食落奶香四溢。咬落去食到唔同既芝士，非常有層次感，而且口感滑順又不膩。Bagel嚼勁恰到好處，既不過於硬亦唔會軟爛，令人啖啖都好滿足🫶🏻…Read More

平日放工時間去到，好多人等緊飲品，果然係喜茶！店面好新，都幾乾淨，店員都有禮貌👍今次試左輕芝楊梅☺️清新既口感同獨特既風味贏左我既喜愛❤️❤️❤️這款飲品最大亮點在於楊梅酸甜滋味搭配上輕芝奶蓋，令整體口感層次分明飲品底部是鮮榨楊梅，飲落酸中帶甜，瞬間喚醒味蕾😆而上層既輕芝奶蓋則帶有淡淡的奶香，口感綿密，令人感受到一種絲滑既享受😋佢既視覺效果都相當吸引🤩紅色楊梅同白色奶蓋形成鮮明對比，配上可愛既杯身設計，令人感受到飲品質感同時都增添了飲用樂趣呢杯飲品非常適合夏季消暑無論係烈日午後定係朋友聚會時都是不錯的選擇👍另一杯輕芝多肉青提都係清爽夏季飲品，令人眼前一亮☺️以新鮮青提為主角，酸甜適中，瞬間為炎熱天氣帶黎一絲清涼🫶🏻底部既多肉果肉口感Q彈，唔單止品味到青提既香甜，仲可以享受咀嚼既樂趣上層輕芝奶蓋令整體口感增添左滑感，奶香同青提既酸甜相互交融，令人感受到豐富既層次感❤️既唔會過於膩口，又不失清新感輕芝多肉青提同樣都好清新，奶蓋既奶香夠重但又唔會太膩無論係獨自品味定係同朋友share，都係消暑既極佳選擇👍佢地都仲有好多其他飲品非常吸引，會再去試埋其他味道！…Read More

搬出去住之後都好少同媽咪撐枱腳，今日特登帶媽咪嚟沙田食法國菜餐廳氛圍非常好，柔和燭光同埋優雅音樂，整體幾浪漫💕餐牌嘅選擇非常多，海鮮肉類意粉等等應有盡有椰汁甘荀湯係溫暖既橙色，望落非常開胃入口散發椰子同甘荀既天然香氣，感受到一絲熱帶氛圍湯的質地都幾滑順，入口即化，椰汁🥥既濃濃甜香同甘荀既清甜完美融合，飲落清新又不失豐富感每一口都感受到層次感，並係喉嚨中留下淡淡椰香湯面上撒有切碎杏仁，增添脆脆既口感，整體味道更加多元👍餐包外表金黃酥脆，咬落去時發出輕微脆響，裡面則非常柔軟。麵包內部柔軟又有彈性，非常岩搭配餐湯👍法式點心拼盤每一樣都令人垂涎欲滴，有豐富的風味和口感。🦀炸辣蟹肉球外皮金黃酥脆，咬落去感受到滿滿蟹肉，鮮甜既蟹肉伴隨微微辣味交織，幾有驚喜！入面餡料細膩豐富，配上香脆外皮，口感層次分明☺️🐟煙三文魚煙燻味道恰到好處，肉質柔嫩，帶有一絲魚油香氣。搭配檸檬片提亮左整體風味，食落係幾鮮美🥧迷你蛋批小巧可愛，外殼酥脆內餡食落係濃郁蛋香，口感滑順，而且香料香氣濃郁🧀香草芝士撻芝士餡料濃厚而不膩，香草香氣增添清新感撻皮輕薄酥脆，同內餡既豐富口感形成絕佳搭配🫕雅枝竹鮮醬第一次食artichoke整既醬料，入口意外清新可口，基本上搭配每樣野都非常合適紅酒燉牛面頰意粉媽咪舉晒手指公既一道意粉😆牛面頰肉燉得非常入味，肉質軟嫩，可以用叉子輕鬆撕開，搭配上香濃既紅酒醬汁，味道絕對令人驚喜。意粉的口感剛剛好，而且吸收左牛肉既精華，搭配紅酒醬汁每一口都係滿滿既幸福感。法式烤黃雞配薯蓉及松露野菌醬汁呢個就係我既至愛🫶🏻完全色香味俱全！雞肉外皮烤到金黃酥脆，咬落去香氣四溢🤤🤤肉質超嫩，完全唔會乾柴，搭配上濃郁松露野菌醬汁，簡直絕配！醬汁香氣令整道菜更奢華，又增添左獨特的風味。薯蓉入口綿密滑順，令人忍唔住一口接一口。醬汁同薯蓉一齊食味道更加豐富，松露香味同野菌鮮味交融，好好食😋火焰橙酒可麗餅先將橙酒點著火焰再即刻淋上可麗餅，未食已經聞到濃郁橙酒香氣可麗餅外皮薄薄的，但食落非常煙靭，兩邊都煎得金黃酥脆，口感柔軟又有嚼勁咬落去既時候，橙酒香氣瞬間撲鼻而來橙酒既甜味同可麗餅完美結合，既唔會太膩口，又不會掩蓋可麗餅本身既風味。另外值得一提係呢到既mocktails都非常唔錯😌…Read More

今晚係星期六晚，唔洗諗係full booking。一入座就見到拎野食既位企滿人，一開始仲擔心會唔會拎唔到d好野食，之後就知道係諗多左。因為我地食左全晚，雖然人多，但係全部野都食到，就算有啲嘢要等轉頭就有得食。一開始當然先食凍海鮮，龍蝦size正常，肉質同膏、睇落相當唔錯，食落亦都真係唔錯龍蝦肉爽彈，膏既量多，而且甘香。蟹腳亦都唔錯，味道同口感正常。凍蜆亦都中規中矩。其實呢個價位冇諗到有日本生蠔食，雖然要排隊拎，但其實最多都係排七、八個人左右，去到中段就只需要排三四個，同埋完全唔似會冇貨生蠔新鮮，入口爽口，跟住Creamy，有蠔味同海水味，金屬味唔算重，算係清爽既生蠔。鍾意食嘅可以瘋狂咁排。酥皮湯亦都好耐冇飲過，size Perfect，因為始終係酥皮多就好易滯，南瓜湯又香又creamy，偏向鹹口同酥皮好夾，酥皮亦都做得好好，夠酥脆，鵝肝多士，鵝肝既份量都大方，多士酥脆，配少少黑醋消滯。鵝肝入口甘香豐腴，油脂感滿滿。沙律既選擇都好多，凱撒沙律、雜菜沙律、南瓜沙律、水牛芝士配蕃茄等等都有。芝士既種類都多，太多嘢要食嘅關係，我地淨係試左Brie，軟滑又有奶香比平時食開既鹹，但鹹得來又好好食。除左煙三文魚、火腿類我地試左Parma Ham配密瓜、Salami，正正常常唔錯。刺身款式正常，我地試左佢地即切既吞拿魚，食落又好似比平時食既感覺更加新鮮，魚味都好似特別濃，咁啱食到中拖果d位，口感同油香味就非常好。三文魚腩油脂超級夠，又香又滑。帶子同赤貝就爽甜好食。至於佢地另一個主打和牛，除左有鐵板和牛、烤和牛仲有和牛漢堡。鐵板和牛係薄片，師傅即刻鐵板燒，配炸蒜片同少少鹽，口感同味道一流。敲和牛牛牛我覺得都幾特別，因為之前喺酒店自助餐食過既烤牛肉，都唔係和牛，好唔好食，有時要睇彩數，但和牛就完全唔需要。一片切落黎，就算有少少筋都唔會好韌，接近成塊烤黃牛都係入口即溶，唔知係A幾，我諗最少就算唔係A4就係A3和牛漢堡賣相亦都相當吸引，即刻燒熱鐵板裝俾你，配埋溶左既芝士，打卡一流。熱食我地淨係試左紅油抄手、蒸比目魚同清酒煮蜆。紅油抄手唔錯，麻辣好味。蒸比目魚好多人食，啖啖肉唔會鞋。清酒煮蜆就正正常常，清甜冇沙帶啖啖清酒香。飲品選擇好多有茶、果汁、咖啡。除此之外，食到一半仲有Mocktail，我地試左杯士多啤梨奶昔，味道香甜濃郁。最後仲有大量甜品，雪糕係Movenpick既，但好可惜，我真係太飽啦。本身期待甜品部份既我，都真係飽到食唔落甜品。只能怪佢地前面既野食實在太多太豐富，同埋和牛既油脂實在太香太強勁。…Read More

今晚難得地同媽咪去尖沙咀行街，媽咪一路都好鐘意食鰻魚，所以決定帶佢黎試下鰻工房，主打即叫即燒的鰻魚料理👍👍👍餐廳外觀非常日系，有種日本小店感覺☺️餐廳乾淨明亮，混合木系同工業風，幾有feel餐牌選擇都好多，淨係丼既選擇都有十幾款我地最後揀左兩個套餐三重鰻魚丼一個丼飯有晒三款鰻魚：蒲燒鰻魚、穴子同埋白燒生鰻魚蒲燒鰻魚用香甜既蒲燒醬汁烤製，食落醬香味道濃厚，既甜又香鰻魚肉質嫩滑，配埋蒲燒醬汁一齊食，非常惹味🥰🥰🥰穴子係海鰻嘅一種，比一般的鰻魚細長，肉質都幾滑嫩，鰻魚味道食落更香濃生鰻魚係我最鍾意嘅一種用白燒方式烤製，不加任何醬汁，只加鹽無燒鰻魚咁香濃惹味，但就更加品嘗到鰻魚本身既鮮甜一次過試晒三款鰻魚真係好滿足套餐的配菜都非常不錯溫泉蛋夠晒嫩滑，蛋黃濃郁拎黎拌飯一流🤤🤤🤤鹹菜酸酸甜甜，清爽解膩蒲燒鰻魚烏冬上菜嘅時候真係哇咗一聲真係完整一大條嘅蒲燒鰻魚，我敢保證鰻魚愛好者一定食到非常滿足鰻魚燒到外脆內軟，蒲燒醬汁濃厚無論係味道，定係口感都一流👍另外媽咪都幾欣賞個烏冬，食落去非常爽口彈牙同鰻魚亦都好夾另外值得一提嘅係店家唔係提供味噌湯，而係鰻魚肝白貝湯以鰻魚肝臟同埋白貝熬製，湯汁鹹香，飲落鮮味十足，鰻魚肝和白貝都很鮮嫩👍👍呢個湯可以感受到店家誠意十足❤️…Read More

奧海城新開咗呢間綠茶餐廳，非常多人排隊今日拉埋朋友一齊嚟食lunch 😆餐廳裝潢走一店一景，走風清竹影主題，江南風既用餐環境一啲都唔馬虎餐廳內都有好多假樹，成個感覺氛圍都幾舒服餐牌選擇都幾多，睇到我哋十五十六🤣松露松仁烤菜心呢個係冷盤嚟嘅，食落松露油嘅香味都幾濃菜心都幾爽口，唔會老，而且係沾滿咗松露油但係食落去比想像中清爽，唔會好好油膩松仁有畫龍點睛嘅感覺，咬落去又松仁獨有嘅香氣配埋松露油都幾夾麵餅醬香五花肉有啲似片皮鴨，只係鴨肉而家做炸五花肉餅皮厚薄適中，有咬口得來唔會過厚過乾配埋鹹香嘅濃厚醬汁，同埋青瓜京蔥口感同味道都非常豐富重頭起當然係中間嘅炸五花肉五花肉勁大一嚿，烤得非常熟透肥嘅位置咬落去係酥脆，完全唔會油淋淋肉質都幾軟腍，係直落非常可口惹味嘅小食龍井烤雞店員好有心機，會先上完隻嘅烤雞俾食客打卡影相之後會拎走幫我哋去切開隻雞，服務非常唔錯烤雞外皮黑到金黃色非常靚仔，食落微脆油脂唔係好多所以食落去負擔感唔會好重肉質係非常嫩滑，連雞胸部位都唔會柴食落會有淡淡嘅茶香，原來係因為碗底會熱薰住啲龍井茶葉，非常有心思東坡肉賣相非常靚仔嘅四方塊☺️☺️☺️東坡肉炆得非常入味，甜甜地，香味亦都好夠濃咬落去油脂香十足，肉質亦都好軟嫩送飯一流嘅東坡肉，店家亦都配送埋白飯👍西湖雷峰塔已山藥泥同埋牛奶造成嘅布甸賣相都幾精緻好，入口係滿滿山藥泥既感覺之後會食到淡淡嘅牛奶香，口感同味道都幾特別…Read More

今晚去左MOKO打邊爐椰子雞興左好多年，但係我就一次都冇食過。一講起，朋友話以前食過四季椰林呢間覺得好食，所以今晚就帶左我去食。呢間椰子雞喺大陸度都出名，有好多分店，前排開到黎香港。佢地標榜個湯底係四隻椰子煲成，一滴水都冇加，就等我試試佢有幾鮮甜。等位時有啲小食👍我地叫左個原味椰子雞鍋，本身就跟左半隻海南文昌雞雞睇落新鮮，切成一口大小既雞件。上左鍋之後，水滾店員就幫我地落雞，然後用沙漏幫我地計時5分鐘，話雞烚5分鐘之後就食得。食雞之前當然飲啖湯，果然係椰汁既精華，個甜味唔係講笑飲埋啖湯就即刻夾舊雞黎食下，嫩滑彈牙有雞味同埋用左椰子湯整熟既關係，直頭連豉油都唔使點不過當然佢地都有配火鍋既醬汁，佢地基本既豉油並唔係普通果隻鹹豉油，而係有鮮甜味，甜甜哋果種豉油另外仲配咗d青檸仔、辣椒、碎沙薑可以比你自己撈。貴州紅托竹蓀。竹蓀新鮮爽脆，用埋椰子雞湯烚，吸哂湯果個甜味，味道同口感都一流。竹蓀品質唔洗講，一定比平時食米線既好好多，口感同完整度都相當唔錯。鯇魚片。脆肉鯇薄切，上碟既擺盤砌得好靚，直頭好似魚生咁。薄切魚片唔洗烚好奈就食得，新鮮有魚味，薄切得黎又唔失口感。手打黑虎蝦滑。爽彈有蝦味，食到一舊舊蝦肉。調味同口感都做得唔錯，雖然份量唔算多，但兩個人其實都夠。娃娃菜同菇菌我地去到後尾先烚娃娃菜黎食，個煲開始愈黎愈濃，收濃左椰子雞湯加上娃娃菜原本個甜味，一食落去果下真係以為d菜落左糖。金牌蠟味煲仔飯。雖然打完邊爐已經飽，但最後都係想試埋個煲仔飯。始終呢個天氣，整番個蠟味煲仔飯，食d帶蠟味香（佢地仲加左芋頭）既飯焦，就係正。最後飽到捧住肚走。雖然果晚唔係星期六日，但都接近坐爆…Read More

好奈好奈冇喺銅鑼灣食飯，唔係咁岩有野做，宜家連銅鑼灣都好少去。今晚就去左食臺北棧既銅鑼灣分店同尖沙咀分店一樣，裝修有心機，設計好睇又有格調，地方坐得舒服台灣菜大多數都俾人比較平民既感覺，但臺北棧係走精緻路線。將平平無奇既台灣菜式花心思令到整體感覺都更高檔，CP值唔錯👍我地兩個人叫左5樣野。招牌滷肉飯醬汁夠多，滷肉油脂豐富，甘香豐腴。食得滷肉飯，就預左滷汁係要夠肥。唔夠肥，就唔夠香唔好食佢既鹵肉切一粒粒，醬汁濃厚，撈飯一流。滷蛋係糖心，亦都鹵得夠入味，三扒兩撥就食晒成碗飯。松露起司玉米蛋餅蛋餅好大既一份，賣相唔錯。餡料豐富，面頭有黑松露醬點綴，未食就聞到香味。蛋餅除左餅皮同雞蛋，入邊仲有芝士同埋大量粟米。餅皮軟熟帶煙韌，芝士份量亦都好多，配搭埋啱啱好熟，唔係粉狀嘅蛋黃，口感同味道都好豐富大量既粟米，除左帶來其他口感，亦都有香甜既味道。唯一可惜既係我地略嫌佢唔夠鹹，不過其實佢都做得相當唔錯。明太子甜不辣甜不辣雖然係炸魚餅，聽落唔係咩貴野，但係確實係得呢種炸台式甜不辣，先有呢種既香脆又好煙韌既口感。可能會有人覺得幾塊魚餅呢個價錢唔抵，但係我食過好食既甜不辣，呢個份量既，全部都係呢個價錢而且佢亦都整得相當唔錯，炸到外面酥脆，入邊仲好煙靭。最突出既，係佢既魚肉香味係我食過既甜不辣入邊最勁既。加埋少少明太子醬，更加惹味。招牌牛肉麵牛肉麵睇落好豐富，有佢地自己既特色。最特別既地方係佢喺碗邊痴左一嚿仔牛油，仲提我地要喺湯凍之前溶左佢。佢地既濃湯偏向藥材味，帶d酸味。一開始唔明點解要喺面頭落咁多脆既蟲草花，但食下食下，蟲草花俾湯浸到半林之後，口感同香味都唔錯，又覺得幾好食。牛𦟌厚切，炆得夠林牛肉味香，湯底同藥材味都炆左入去。啖啖肉得黎，又有炆林左既筋位，口感相當好，食得好滿足。但我最鍾意既係佢地既麵，滑、軟、彈、少少煙韌唔會過份。唔洗不停o趙先咬得爛既麵，好似配菜既豆腐片咁軟滑，又有彈牙感，極少食到呢個口感，但我十分鍾意。開心果奶奶麻薯最後甜品我地揀左開心果麻糬。呢種麻糬我地自己都喺屋企做過，但係就冇做到佢咁流質咁滑。麻糬有牛奶香，開心果既份量多到想問一句：係咪唔洗錢？有磨到成粉狀，亦都有粗粒，咁多開心果碎，好難唔香到爆而且舊麻糬係好難用得晒全部開心果，不過每一啖撩極都有開心果碎，就係食得好爽。無論食物、服務、裝修、舒適度黎講，都做得幾好，係值得推介既餐廳👍…Read More

今晚去左沙田食Bultery上次就朋友請，今次就到我請啦。有質素既餐廳，回頭幫襯好正常。menu多野揀，兩個人既話，兩個main再小食又得，加埋pancake又得。我地就兩樣都加哂，最後食到好飽。Caesar Salad近排食出街野都算食得多，所以我就叫左個Caesar Salad，清清地得黎又唔想咁寡。沙律份量正常，煙肉碎、麵包粒、芝士粉，要有既野都有佢地做得唔錯既係平衡，所以材料，醬汁都係岩岩好，唔會有邊樣多左少左，食得舒服。MO Burger上一次黎食冇叫burger，今次朋友話要試，咁就岩啦，我都想食。MO burger冇煙肉，有炒焦糖洋蔥蘑菇。包厚但鬆軟，牛油味香，烤到焦脆，唔會dry漢堡煎到好香口，雖然唔係爆哂汁，但都係唔會dry。配香甜既焦糖洋蔥蘑菇同埋其他配料醬汁，overall做得唔錯。Sour cream works Chip食burger點可以唔配薯條。我地就叫左呢款sour cream既薯條，佢仲有埋少少蕃茄莎莎同牛油果醬薯條岩岩炸起，外香脆內軟綿。Sour cream量足，又夠稠身，加埋牛油果同蕃茄莎莎，又香濃又fresh。Calamari Squid Ink Pasta之前喺度食過既意粉都相當唔錯，今次就大膽d試下墨魚墨汁意粉。意粉汁香濃，配埋al dente既墨汁意粉，煙韌得黎又唔會食到腥味魷魚爽彈又有鮮味，配埋蕃茄莎莎，稍稍平衡番個醬。原本怕食墨汁意粉既，都值得一試。Matcha Cream Pancake佢地既疏乎厘pancake我都食過幾隻味，好簡單，如果整得唔好食，就唔會次次黎都叫。口感鬆軟入口即化係基本，今次揀左抹茶味，pancake上有一層濃厚抹茶cream配左抹茶cream、紅豆蓉同綠茶蕨餅，有抹茶香得黎，抹茶個少少苦味同紅豆蓉既甜平衡到，再加埋pancake就岩岩好。次次黎都食到好飽。野食味道唔錯同份量又夠，坐得舒服，服務質素又好。想一餐食哂正餐加甜品既，黎呢度就perfect。…Read More

今日去開沙田搵朋友，臨走見到新開既百味章魚，即刻鈎起我既章魚燒癮☺️店家好新淨，章魚燒味道選擇亦好多最緊要有埋相俾你睇到唔同味道既樣係點👍味道有成十幾款，分6粒同8粒，可以雙拼味道咁多味道搞到我心大心細，最後決定叫晒想食既三隻味😆明太子、黑松露同埋蟹膏🤤🤤🤤店員都幾nice，傾左幾句原來佢地係旺角中心既章魚無雙既班底！質素有保證😍魚膏章魚燒非常足料，睇相都見到係滿滿既蟹膏果然食落係濃厚蟹膏既鮮味，配上蟹籽卜卜脆，口感加分👍另外仲有沙律醬令整體味道更上一層樓咬落去熱辣辣，外脆內軟，整得好好😍八爪魚大大粒，非常有咬口而且一啲都唔韌配上柴魚食落更加香口，好食！黑松露章魚燒我既至愛！黑松露醬超多，食落係啖啖都充滿黑松露香醬既份量非常夠，唔洗慳住慳住，配埋柴魚同埋八爪魚🐙一流🥰明太子章魚燒呢個係男朋友至愛❤️明太子醬非常濃稠，食落係極之濃厚既明太子咸香完全唔係撈左好多沙律醬有啲明太子味個種食落會有微微辣，不過連食開清湯既我都食到👍…Read More

同事大推我飲吃茶三千之後就念念不忘今晚食完飯唔係好飽，一於再嘗咁茶三千飲品方面選擇非常多，我地心大心細諗左一陣款款都想試，又見到佢地有新出既濃芋系列最後我地叫左慢熟濃芋厚奶同埋熔岩黑糖波霸鮮奶店員都幾nice，同我地講佢地黎緊12月16-31號會有聖誕換領活動希慎、k11、海港、moko分店限定，買左飲品之後Like & Share佢地既平台可以換領冰箱貼貼埋鎖匙扣（每日3點後限量派發, 先到先得）Moko呢間店裝潢幾文青，都幾多座位可以好似我地咁當飯黎甜品，買完飲品就過黎坐係到飲住傾計🥰🧋熔岩黑糖波霸鮮奶都幾鐘意佢地既design🥰飲落第一啖係滿滿黑糖香，伴隨濃厚鮮奶鮮奶飲落好creamy，加上黑糖係絕配👍甜度適中，古法黑糖夠香，加埋鮮奶既香滑，好飲👍國王珍珠大大粒，夠晒煙靭，食落有淡淡黑糖既香甜☺️🧋慢熟濃芋厚奶本身都係芋頭控，但望落非常吸引決定試鳳眉紅茶既茶味夠突出，配上皇家厚奶既奶香一流芋泥好軟滑綿密，食落有陣陣芋頭香配上小芋圓可以話成杯野似由頭芋到落腳😆整體配搭幾好，芋泥、芋圓同奶茶既配搭唔錯👍…Read More

今晚黎到德美食晚餐，平時假日行過成日都見到要排隊，今日決定黎試試佢😆餐牌選擇非常多，刺生、壽司、卷物、天婦羅、串燒等等應有盡有滿足晒我地唔同需要👍餐廳感覺幾日式，走日式木系風格坐得舒服，有師傅即場整壽司，氣氛幾好☺️我地叫左北海道甜蝦帶子魚生丼，有跟沙律同味噌湯北海道甜蝦帶子魚生丼好豐富🥰甜蝦好大隻，食落非常鮮甜，口感定糯，非常好食三文魚份量都幾多，塊塊厚切食落三文魚獨有既魚油香充滿口腔，油脂感非常唔錯帶子刺生同樣鮮甜味美，仲有三文魚籽既咸香同埋三文魚鬆係非常豐富既一碗魚生飯😆👍牛油果🥑軟殼蟹卷個size大到嚇親我，每件都有半隻杯咁高，真係好大份好抵食軟殼蟹熱辣辣係新鮮炸起，食落酥脆惹味，有淡淡蟹既鮮味牛油果夠creamy，青瓜解膩加上蟹籽增添口感，無論味道同口感都非常豐富👍唐揚豆腐係我好鐘意既日式料理，但整得好食既餐廳唔多呢間令我非常有驚喜😍😍😍豆腐炸得非常金黃，而且炸皮極薄咬落唔會成口粉，可以食到炸物既香同埋酥脆口感豆腐十分軟滑，一咬就散開，有淡淡豆香醬汁鰹魚味好濃厚，為豆腐增加味道，醬汁仲帶有微微辣度，令整體味道一啲都唔單調十分驚喜🥰大蔥雞肉串燒雞肉嫩滑不柴，大蔥黏稠而有濃濃蔥香另外醬燒汁夠濃厚，味道咸咸甜甜，非常惹味清酒煮蜆又係滿滿一煲，清酒味非常突出但又突兀配上蜆肉既鮮甜，非常夾蜆肉火喉亦岩岩好，食落一啲都唔會韌👍食完蜆飲一啖蜆汁同清酒精華，超正😆店家仲有附送甜品，黑糖味濃厚，中間紅豆餡亦好香甜軟糯，好食👍…Read More

轉左去大角咀番工都年幾有多，呢區既餐廳都試左好多鐘愛韓國菜既我就最鐘意李家☺️一開始係同事介紹，話佢既set lunch好多款式，而且一個set lunch有晒沙律、小食、主食好豐富👍🏻所以同同事耐唔耐就會去食李家😆今日決定試下餐牌其他野食前菜有三款醃蘿蔔：酸酸甜甜非常開胃，我自己好鐘意佢唔會太酸，成落唔會酸到好難受，味道比較溫和👍🏻泡菜：望落去超紅，食落辣味都好夠，食落整體偏濕潤，口感爽脆，都係好開胃沙律：沙律菜夠新鮮，個醬好惹味，似溫和版千島醬，同樣食到我好開胃🤤無骨蜂蜜大蒜炸雞本身驚半份唔夠食叫左一整份，黎到真係嚇親😂超級大份，舊舊炸雞都好大舊，份量超足！醬油蜂蜜汁份量好夠，每舊炸雞都包裹住醬汁，仲有好多大蒜，熱辣辣上枱真係流晒口水🤤咬落去果然熱辣辣脆卜卜，炸得夠透唔會油淋淋雞肉口感軟嫩，食落外脆內軟，仲有大蒜同醬油蜂蜜既香甜，整體味道更上一層樓辛辣麵用韓式拉麵碗裝住辛辣麵黎食成個感覺超韓🤣一如既往既辣，湯底濃厚👍🏻👍🏻👍🏻麵條亦都係一如既往既爽口彈牙，嚼勁十足畫龍點睛之處係加左隻太陽蛋，蛋漿中和咸辣既湯底，增添左蛋香，配埋爽口麵條，正😆年糕餃子湯係我好鐘意既韓式料理，基本上餐廳有提供我都會叫😋呢個湯底飲落飲似牛骨湯，湯色乳白❤️加左蔥、鹽同胡椒等等提味，口感清爽香醇不油膩年糕份量都唔少，食落軟糯可口餃子肉餡都幾豐富，同紫菜牛骨湯非常夾份量又係超多😆我同同事飽到成個下晝都係企起到做野手西柚梳打酸酸地幾香西柚味，我鐘意佢唔會太甜夠清新👍🏻同樣又係大大杯，兩個人share一杯都唔係問題😆…Read More