漁米之鄉's Profile

好多身邊朋友過親澳門玩都大力推介葡萄園餐廳嘅葡國餐好好味好有特式 , 尤其係招牌菜乳豬飯 , 燒鱔等等:) , 都舉起手指弓同V字手勢話Good ...剛巧星期六無咩特別事要做 , 想來點新意又想消費吓 , 就約咗個朋友過咗澳門玩兼試吓呢間餐廳 . 下午5點半左右到咗澳門碼頭 , 跟住坐星際車到酒店後再慢慢行過去餐廳 , 不用6點就到了 , 餐廳客人不是太多 (可能尚早未到晚飯市關係) , 選了窗口位坐後就先來杯嘉士伯啤酒嘆吓 , 再睇睇Menu有咩好介紹 , 最後同朋友決定就試一試餐廳三個招牌菜 葡式乳豬飯 - 乳豬味香但口感有點油膩 , 吃兩件已很滯 , 炒飯底飯粒吸咗乳豬肉汁幾好味有咬口 馬介休焗薯蓉 - 賣相令你想大匙大匙咁食 , 薯蓉焗得很香 , 口感很充實 , 馬介休鹹味適中很香 , 很有咬口 , 爽 燒風鱔 - 鱔味不太突出 , 醬汁也一般 , 不爽整體上 , 餐廳環境怖置 , 氣氛 , 食物款式 , 味道水準都算不錯 , 唯獨價錢真的貴咗D , 如果呢3款菜式可以選擇半份量(夠二人份量) , 應該會更好 . …Read More

住在屯門 , 元朗 , 天水圍嘅朋友仔 , 放假得閒都會近近地去吓南山書城睇吓書 , 海岸城唱吓K (匣子K Box - 自助式KTV ) , 揼吓骨鬆一鬆 , 食吓不同各省各地的特式家鄉菜 , 絕對不失為一個好節目 .今次同大家分享吓係南山海岸城商場入面嘅韓食全國連鎖店-漢拿山韓國料理當日係星期六 , 大約06:30pm左右到漢拿山門口 , 櫃位妹妹話4人枱前面仲有十幾張飛等緊 , 起碼要1小時後先有枱俾到我哋 , 但她突然講如果即場買會藉卡(好似係RMB500,1000...可用作消費)就唔駛等可以直入...等咗大約45分鐘後 , 終於有位入得 , 一坐低就遞幾碟kimchi俾我哋 , 其中蕃薯蓉湯幾好味 . 叫咗支老青島一路飲一路睇吓Menu有咩食先 , 最後拍板點選有 : 海鮮炒年糕 - 因同行朋友不食辣 , 特別叫司傅不要加辣 , 點知成碟海鮮炒年糕是白色的 , 賣相怪怪地 , 味道很淡 , 不爽 蔥薄餅 - 蛋同蔥都好有味 , 漿粉水不太濃油份略多咗少少 , 薄薄地幾好食 雜菜石頭鍋飯 - 雜菜幾新鮮有光澤 , 醬汁味道剛好 , 爽 精品五花腩肉 - 賣相新鮮有光澤 , 燒出來肉汁很甜口感很好 , 配生菜蒜頭片包住來食味很好 已調味豬扒 - 豬扒入晒蒜香麻油味 , 燒出來肉香 , 配芝麻醬味道很好 香菇 - 放它在爐邊慢慢烤 , 見差不多烤到乾乾地夾來食 , 非常有菇味 , 很有咬口 , 爽總括嚟講 , 食物水準跟價錢都可以成正比 , 大可以值得一試 , 下次會試試燒海鮮類同多幾款石頭鍋飯…Read More

昨天同朋友傾開偈才知道完來今時今日仲有好多少上深圳嘅香港朋友唔夠膽係深圳食魚生 , 生蠔 , 怕唔乾淨肚痛搵廁所睇醫生就大鑊 . 除此之外 , 完來有更多朋友係永遠唔會幫襯國內嘅涼茶舖 , 因為佢地怕D涼茶同龜靈膏唔知用咩材料同咩環境整出來 ……明白嘅 :). 老實講 , 大家都知涼茶成本非常低 , 但係在香港D大型涼茶舖 , 閒閒地飲一杯五花茶都要 $8~10蚊 , 功效係點真係見仁見智 . 不過我每次上開東門同朋友食飯 , 有時間會去東門o個間黃振龍 ( 太陽廣場旁邊近中國移動 ) 坐低食番個秘制龜靈膏 $5 蚊 ( 如果趕時間就整杯五花茶或者火麻仁 $ 3 蚊 ) . 除咗價錢比香港平一截 , 據D服務員講佢地所有涼茶同龜靈膏係工廠中央生產處理 , 再分派落不同地方舖頭 , 質量衛生有保證喎 . 值得一試 : 秘制龜靈膏 : 膠碗錫紙包裝 , Order才從雪櫃攞出來 , 感覺衛生 . 淡淡藥材味帶少少甘苦味 , 加桂花糖味道更好凍火麻仁 : 甜味適中帶點杏仁味 , $3蚊杯好過飲汽水食後評語及注意 : -龜靈膏仲有靈芝同蘆薈味 , 不過靈芝龜靈膏係貴D涼茶有膠樽裝 , 記得好似係 $8 蚊…Read More

多放一天假 , 一早起身便打算去行下東門繼續尋找特式的紅酒杯同啤酒杯 . 過關後 , 時間尚早又見肚仔餓 , 記得關口有免費專車去三島酒樓 ( 三島按摩樓上8樓o個間 ) , 便上去嘆番過個早茶先再慢慢行街 . 閒日果然人流稀少 , 成個大廳都唔超過十枱客 , 兩個服務員前後招呼 , 感覺頗算不錯 . 點了普洱茶 ( 是普通的那一種 ) 後再睇點心紙 , 心諗一個人食不多幾款點心份量 , 最後就簡單地叫了一份點心拼盤 ( 包括蝦餃 , 魚肉燒賣 , 牛肉丸 , 粉果同菜肉飽各兩件 ) , 諗住樣樣有D , 結果就等了差不多30分才送上 . 食後簡評 : 普洱茶 : 雖然點了普通的那一種 ( 佢地有另一種較上等的普洱 , 要$10蚊茶位費的 ) , 但係D茶除咗有顏色外 , 茶味跟本同熱水完全無分別 , 丁點兒茶味都沒有 點心拼盤 : 蝦餃餃皮厚度適中 , 豬肉有鮮味蝦亦彈牙 . 魚肉燒賣不是傳統黃色那一種 , 佢係全粒白色 , 賣相不太好 , 不過魚肉味濃 , 底部用蝦墊底 , 味道是可以的 . 牛肉丸感覺不太新鮮 , 味道怪怪地 :(, 咬一口已沒有再食了 . 粉果皮厚 , 內料不太香 , 口感因粉皮厚而影響 , 吃半粒已有滯的感覺 . 最後菜肉飽 , 凍的內涵料不多 , 認真麻麻地食後評語及注意 : -茶費位每位 $4.5 , 另加一服務費好多款式小菜都係由 $12蚊起 , 扇貝 $1蚊隻 , 紅蟹 $38斤等 , 價錢尚算經濟…Read More

前兩個星期一個人走去深圳參觀一下由中國 , 香港 , 澳門三地所舉行嘅大型車展 , 順路打算係 Coco Park 酒吧街嘆番杯德國生啤 , 點知行吓行吓先發現原來Coco Park 家下真係有好多各地特式嘅餐廳 , 真係攞晒D手指出來數都數唔晒喔 , 再加上酒吧街嘅號召力 , 難怪呢到已經成為香港人同本地人嘅新落腳地喇 :). 回歸正傳 , 最後我都係選咗韓餐作為我嘅午餐 . 由門口到室內環境裝飾 , 我真係100%感受到地道韓式設計嘅 Feeling . 午餐大多款式都有特價 , 各款石頭鍋飯 , 冷麵 , 人參雞都係 $18 ~ $50左右 , 不過晚餐價錢明顯就貴好多 , 韓式年糕同其他小食 $24 ~ $48 , 牛類韓燒 $100 ~ $400 , 豬類韓燒由 $58起 , 海鮮併盤韓燒 $268 , 海鮮火鍋 $198等等 , 感覺都幾貴 ( 可能係大商場關係喇 ) . 最後成交 ( 午餐 ) 人參雞湯 : 清淡雞湯滲出薄薄嘅人參同大蔥味 , 落咗半茶匙淮鹽之後 , D湯味就更加徹底釋放晒出來 , 好味 ! 雞肉好滑好咬口 , 雞肚內材料有糯米 , 人參 , 蓮子 , 栗子等 , 都好鮮味 . ( 午餐特價 $50 , 晚餐正價 $78 ) 蠔仔餅 : 蠔味好甜配合蔥香同海鮮醬好夾好好味 . 蠔仔餅煎得好乾好香 , 不過蠔仔份量就少D , 粉漿就多咗D , 食兩件已經感覺好滯 . ( $48 ) 食後評語及注意 : -下次絕對有興趣試下佢地D韓燒如果從上水火車站出發 , 用落馬洲站過關轉地鐵 ( 購物公園站落 $2.0 ) 近好多 人數多可以電話訂房Coco Park 詢問台有好多優惠卷攞 , 可以睇睇…Read More

今朝剛同一個大前天從澳洲返來的老朋友食完早餐 , 佢第一時間問我有無去過深圳海鮮街食海鮮 ( 佢所指係深圳樂園路 ) , 仲馬上滔滔不絕大讚樣樣海鮮都好新鮮 , 即叫即蒸 , 而且價錢簡直係澳洲嘅五分之一……:). 跟住我就問下佢最後俾邊間阿姨拉咗入去食 , 佢就唔係好記得個名 , 不過就攞咗包用剩嘅紙巾袋俾出來 , 才知道原來就係最多上開深圳玩嘅港人落腳飯堂樂園路寶發 :). 唔難明白點解寶發叫港人飯堂 , 兩層樓高 ( 二樓有露天位 , 夏天咪搞 , 有風扇都熱到滴汗o架 ) , 好明顯十枱有六枱係香港人跟國內朋友開緊餐 . 呢到點解吸引到咁多港人幫襯除咗海鮮夠平夠新鮮之外 , 佢地嘅各款小炒 , 燒蠔同老火湯都非常OK . 個人推介海底椰煲廋肉 : 湯味濃夠火侯 , 少味精飲完唔見太口渴 , 如果2 至3 個人叫半煲就可以 ( 價錢都係收一半 $34蚊 ) 焯河蝦 ( 大頭蝦 ) : 蝦身中size , 肉質爽口 , 蝦味甜香 , 撞正有糕就更加 Very Good ( $ 48蚊一斤 ) 避風塘紅蟹 : 辣味算是中等火侯十足 , 蟹肉本身帶點甜味加上蒜香 , 辣椒炒到入晒味 , 好正 ( $ 38蚊一斤紅蟹 , 避風塘炒加5蚊 ) 紙包骨 : 肉質彈牙 , 味好濃 , D調味汁入晒落D肉內 , 好香 . 不過就好油 ( 注意 : 佢地係用釘書釘來封住D紙o架 ) , ( $38蚊 ) 西蘭花花枝片炒百合加腰果 : 西蘭花同百合好新鮮帶清香甜味 , 花枝片爽身有o趙口 , 腰果好脆送老青島就更加100分 ( $ 32蚊 , 腰果另加 $ 5 蚊) 啫啫芥蘭 : 如果食開冰震芥蘭嘅朋友 , 不妨試下今次用啫啫整 , 熱力十足 , 味香有咬口 , 絕對有另一種感覺 ( $18蚊 ) 油爆鴨舌 : 辣香味加上鴨舌嘅爽脆 , 雖然份量就少D , 但真係好正 ( $ 28蚊 ) 食後評語及注意 : -坐的士從羅湖火車站到樂園路約25蚊 , 巴士 $ 3 蚊 ( 京鵬大廈站落車 , 過班馬線再前行 3 分鐘 ) 晚餐最好6點半前去 ( 包括星期六 , 日 ) , 一般都唔駛等位同有電視機位小菜每枱一碟 , 每碟 $ 2 蚊 , 紙巾就 $ 1 蚊 , 唔要就即刻叫佢拿走就唔收錢帶紅酒唔收開瓶費 , 仲會幫你開無加一 , 不過埋單一定一定要睇單計數 , 我試過發現佢地兩次計錯錢o架食飽飽 , 可以行去湖貝路 ( 慢步約10分鐘 ) Face KTV 唱K再玩過 ( 好平 ) 羅湖關口收12點 , 玩夜咗就要從皇崗走 ( 的士約 $ 35蚊 ) …Read More

上星期行完老書城打算從遊舊地食下鐵板燒buffet ( 大源 ) , 點知去到樓下才知道已經換咗新老細 , 據樓下接待靚女講 , 公司四月份換咗新老板 , 連舖頭都改咗名為生和料理鐵板燒 . 就係咁 , 當時本人跟朋友打算去另一間心水餐廳開飯 , 點知o個位接待不斷係咁 sell , 仲話家下做緊推廣 , 任食晚餐 Buffet食 $150 送 $50 蚊現金代用卷下次用 , 吸客增人流喎 :). 跟朋友諗咗一陣 , 又見有D開始肚餓又唔想周圍走 , 就決定試下由新人事新作風下有咩唔同 , 點知係失望 ! 首先 , 上到二樓等咗成5分鐘都無知客帶位 , 唯有同朋友直入餐廳打算搵服務員帶位 , 但亦無人理我哋 , 最後要由經理安排卡座俾我哋 , 感覺非常混亂 . 坐低後打算先叫兩支老青島一路飲一路諗下今晚嘅戰略 , 點知等咗差不多20分才送一支過來 ( 中途催咗3次 ) , 仲係唔夠凍o架 , 唉 ! 最激氣係由落單叫嘢食到第一樣食物上台足足等咗30分鐘 , 你話有咩唔對新管理失望 :(. 至於食物味道及新鮮只可以算是僅僅合格 , 唯一推介係鵝肝燉蛋較為特別 , 手工精細 , 味道鮮甜蛋白內有鵝肝粒 . 下次不會再來 !…Read More

噚日約咗兩個朋友在萬象城等 , 打算一齊去老書城走個圈 , 點知朋友遲到又家上未食 Lunch :(, 心想本來打算走過去前面 “面點王” 或者 “味千拉麵” 食D嘢 :), 但最後都係選擇咗個門面幾時尚嘅天母藍鳥D Cake . 坦白講 , 現在國內嘅麵包西餅市場確係越來越有規模 ( 大型連鎖店 ) 同時尚化 :), 麵包同蛋糕款式 , 味道也改進不少 ( 但個人認為仍有大量改善空間 ) . 睇咗一個圈 , 呢間天母藍鳥D麵包同Cake嘅價錢都唔算平o架 ( 比麵包新語平四份一左右 ) , 但係我眼見都好多本地人幫襯 , 仲見到有對男女訂緊兩磅嘅生日蛋糕 …最後成交紐約芝士蛋糕 : 芝士味不太強 ( 有少少檸檬味 ) , 蛋糕鬆化不過有少少膩嘅感覺 , 餅底少少脆有o趙口 , $10蚊可以一試食後評語及注意 : - 麵包價錢最底由5蚊起步 坐地鐵 2 蚊 “大劇院” 站往萬象城方向可見…Read More

數數手指十多本介紹深圳旅遊書及飲食指南雜誌中 , 都著咗九本有介紹呢間位於東門嘅忍者居新概念日本料理 . 經常到深圳消費嘅朋友 , 我估真係無咩人未聽過呢間咁老字號嘅日式Buffet . 記得第一次到忍者居係幾年前嘅事了 :), 它當時仍是舊裝修設計 ( 電梯上層是一間全東門最大嘅café新派書店 , 可能生意唔好 , 現在已經關門了 :(, 改建了現在新裝修嘅忍者居同唐宮酒樓 ) . 最令我深刻印象驚喜係佢地嘅特大相撲手大碗拉麵 ( 炸蝦 , 蛋 , 紫菜 , 栗米同大量拉麵 ) , 每次都要兩個服務一邊叫一邊抬出來 , 幾有趣不過味道就無咩特別 . 另外各款刺生賣相相當有睇頭 , 不管你點了份量有多少 , 佢地都會用一個大碗 ( 底部放滿冰 ) , 堆放得靚靚整齊地上枱 :). 至欣賞推介 特長鰻魚壽司 : 鰻魚香味不錯 , 好啃口 , 但有點細軟骨 , 最好每人叫一件就夠 ( 因為好易飽o架 ) 鐵板牛柳粒 : 肉質好軟 , 牛香味豐富 , 配燒汁一口一粒 , 再加上凍清酒 , 100分鐵板燒元貝 : 蒜蓉加配料汁配搭得天衣無逢 , 加上師傅嘅板上工夫 , 又係100分之選 ( 只可惜每人只供應一隻 ) 奶油蟹 : 清香奶蔥味 , 加上完隻花蟹燒 , 保留晒蟹o既甜美 , 非常好食 鐵板秋刀魚 : 肉汁香甜 , 魚肉有啃口 , 如果你係坐係鐵板枱前 , 就可以即時聞到秋刀魚剛熟o既魚香味食後評語及注意 : - 1 ) 2至3個人去最好坐鐵板枱 , 師傅燒完即刻同你直接上碟 , 消費滿$500蚊以上可以電話book房 ( 可坐 7 ~9 人 , 有獨立電視機 , 房間就有 “北海道” , “沖繩島” 同 “首爾” 房 ) 2 ) 行會員制 , 家下會員優惠4位送一位 , 另外可以儲積分換紅酒 , 海膽同$20蚊優惠卷等等3 ) 鐵板日式 buffet $128一位 , 晚上九點後就 $78 ( 個人見意在對面匣子K-BOX唱完K又或者買晒嘢先過來食比較著數 , 最後坐地鐵返香港 ) …Read More

昨天一個人走到東門買靚紅酒杯同玻璃紅酒瓶 , 本來打算一個人走過去東門大家樂食半隻燒春雞同嘆番杯凍O茶 , 不過就遇正停電 , 提早關門 :(. 就係咁就行o左過對面二樓花田家 , 點左個肥牛Sabu Sabu ( 一人份量 $38蚊 ) 同大支老青島 $12 . 落完 order 之後 , 慢慢睇下本 Menu先發現呢間花田家尚算幾多o野食 , 不過價錢唔可以話便宜囉 . 各款日式拉麵 , 鰻魚粒炒飯 $18~30蚊左右 , 三文魚 Sabu Sabu一人份量都係$38 , 二人份量就$68 , 炸蝦天婦羅都係$38 等等 . 見到隔離枱叫o左兩個小食好香 ( 鹽燒蒜頭 $6.0 同串燒白果 $18 ) , 奈何一個人又唔食得咁多喔 . 是日午餐 肥牛Sabu Sabu : 湯底好甜 , 肥牛有少少尚未完全解凍 :(, 配料有南瓜 , 豆腐 , 金菇 , 東菇 , 菜心 , 烏冬等等 , 賣相都幾好 , 不過唔可以叫好新鮮囉食後評語及注意 : - 1 ) 環境舒適乾淨 , 行完東門餓餓地可以食個拉麵2 ) 每人兩蚊茶位費 ( 唔理你有無飲茶都要收o架 )3 ) 紙巾一蚊 , 唔用落單前俾番佢 , 唔收錢4 ) 無加一服務費 , 不過佢地後面同集團o既芭蕉葉就收加一o架 5 ) 無自己洗手間 , 餐廳後面洗手間係要收錢o架 , 五毫子一次…Read More

上幾個星期 , 原本打算同朋友去樂園路食海鮮 , 但在巴士上見到個招牌 “羊門小將”都幾吸引 , 又標榜健康內蒙火鍋 , 就係咁就同朋友提早o左落車 , 試下呢間又有個 “羊” 字既火鍋店 ( 真係唔明白 , 到底係咪國內D火鍋店一定要有個 “羊” 字先會出名D o既呢 , 哈哈 ) . 上到二樓 , 環境可以算叫過得去 , 坐底睇完個餐牌之後 , 發覺價錢同火鍋料選擇跟其它連鎖火鍋店都無咩唔同 :(. 我就立即問o下個服務員點解你地叫健康火鍋 , 點知個服務員就即刻叫o左個女經理過來 , 用超快既普通話同我o地講 , 佢地o既湯底係不加味精 , 用羊骨加幾十種配料煲十幾個鐘出來的 , 另外招牌羊肉係來至內蒙古的 , 多吃不燥熱的 ( 坦白講 , 我o地咁問得就肯定預o左佢係咁答 , 信佢囉 :)) .是晚火鍋料及小食辣烤蒙古羊肉串 : 羊味100分 , 不過就超so , 頂得信先好叫呀 清湯鍋底 : 真係好多配料 , 龍眼 , 大蔥 , 蒜頭等等 . 個湯好香蔥蒜味 , 飲落好有羊味但係唔so喎 ( 下次可以試下麻辣 ) 肥牛片 : 牛味算一般 , 落鍋後縮水約一倍 ( 可能切得太薄 ) , 兩塊當一塊食先有番D口感 招牌羊片 : 羊味十足 , 不so喎 , 好啃口 , 奇怪地落鍋後無咩缩水喎 , 如果喜歡愛羊o既朋友 , 真係要試試 , 再俾D意見 脆肉鯇魚 : 小心 , 好多細骨 , 好淡魚味 , 脆感一般咋 :(貢圓 , 唐生菜同大支老青島 : 貢圓好爽口 , 但味道一般無咩大驚喜 , 唐生菜賣相好 fresh , 最驚喜係大支老青島只係八蚊支咋食後評語及注意 : - 1 ) 食得多小肥羊 , 可以試下呢間羊門小將作比較 , 價錢跟小肥羊平三分一左右 2 ) 有好多冷盤前菜 , 服務員會經常拿過來問你要唔要3 ) 醬油叫先有 , 因為佢地標榜不用醬油食鮮味4 ) 我地當時做緊優惠 , 食100蚊送30蚊 , 下次用 , 係幾抵o既…Read More

每次聽見身邊朋友講起蛇口大飽口福 , 又抵又多野食 , 地方又大又靚 , 服務質素好又有現場BAND表演等等 , 我就會諗到底佢地係咪少上大陸食buffet , 為何反應會咁大 ? 不過老實講 , 就我去過大飽口福幾次之後 , 佢地俾我既感覺亦都真係算唔錯 , 食物水準又真係幾令人滿意 , 而且食物選擇種類亦非常豐富 :), 另外佢地亦非常懂得照顧小朋友 , 特別裝o左兩部 Wii 遊戲機俾小朋友玩 ( 真係諗得周到 ) , 大人食完找數後又可以抽獎贏取不同的優惠卷 , 難怪賺到不少香港人及本地人o既口碑喇 . 整間餐廳分左幾個部分主題 :), 海鮮刺生吧 , 日式燒物 , 西式食品 , 中式點心甜品及小炒 , 火鍋食物及燒味 , 甜品吧同酒水吧等等 . 我個人就較喜歡 凍龍蝦 ( 要用紅寶石換的 ) : 肉質彈牙 , 清香龍蝦味 , 估唔到都幾好食喎凍三點蟹 : 隻隻有糕o架 , 肉質好甜 , 細細隻好易開西式沙津 : 各款菜 , 青瓜番茄都好新鮮 , 配龍蝦湯 , 蒜蓉飽作為熱身非常好燒牛仔肉 : 原o舊燒 , 好juice , 配汁又多 , 仲可以配火腿一齊食 , good , 要幾多同廚師講切幾多 , 不浪費燒秋刀魚 , 燒多春魚同燒石班仔 : 廚師燒得非常好 , 鹽味剛剛好 , 好有魚仔味 , 最少可以食5條o架辣炒西蘭花花枝片 : 辣味剛好 , 花枝片好爽好香好有o趙口辣味蟹 : 一個字 , 正 !!疏孚里 : 甜味適中 , 蛋味好香軟綿綿 , 七分鐘出爐一次 , 排隊等出爐都係值得 綿花糖 – 無論落糖沙 , 卷綿花糖都係親手自己做 , 好有童年回憶o架不過就無我至愛既大支老青島提供只有虎啤 :(, 清酒 ( 不好飲 ) 同紅酒 ( 好淡 ) , 但係玫瑰花茶就好香 , 各款果汁都好好味 :)食後評語及注意 : - 1 ) 有Party房 , 人多去可以先訂房可以玩得開心D2 ) 近廁所位前 , 有好多免費Locker提供3 ) 如經深圳灣口岸 , 可坐8號機場巴士 ( 2蚊一位 , 第三個站南山文化落車 )4 ) 如無人仔 , 可以用港紙找數 , 無記錯對0.875 ) 長者60歲出示回鄉卡半價…Read More

之前在關口狂谷廣告 , 狂派增卷 , 加上當日同朋友上到深圳唔知食咩 , 就係咁 , 幫襯左第一次 . 間餐廳正正在舊書城後面 , 出到地鐵站真係要花點時間搵 , 如果你少上深圳 , 就最好就係問下人 , 但係好多人都唔知邊到係大塬 , 最好直接話都市名園好D . 鬼佬 Buffet 有句咩 " All you can eat " , 用來形容大塬都算合格 , 一般 Buffet 有既佢絕對有 , 一個價錢包晒 , 生蠔 ( 如果你係" 大飽口福 " 都夠膽食既話 , 呢到都可以試下既 , 不過味道就淡D ) , 魚生 , 燒物 , 中西甜品 , 紅酒 , 清酒應有盡用 , 最欣賞既係我既至愛大支老青島 , 係即叫即開 , 無限供應 . 個人就較為喜歡食佢地D天婦羅 , 炸得唔油加上味汁 , 好食 . 另外魚生都有幾多款式 , 中西甜品合共都有大約20多款 ( 唔計生果架 ) , 有本事就慢慢試喇 . 食後評語及注意 : - 1 ) 一出科學館站 , 向舊書城方向去 , 跟住即刻在舊書城服務台問職員 2 ) 人多可以包房 , 如果係三兩知己就早D去 , 霸住個窗口位…Read More

好簡單 , 如果上次你同你朋友過來澳門玩左兩日 , 晚餐去左食蟹粥或者去左食葡國餐 , 今次你再來 , 肯定就要試下觀光塔360既自助晚餐 . 客觀o黎講 , 呢度絕對係一個浪漫晚餐既好地方 , 最好就係六點左右上塔 , 先行過圈再 Order 支白酒 ( 因為這裡海鮮食物好新鮮 , 而且種類較多) . 當六點九左右 , 太陽開始落山 , 日落既景色係好....好靚 , 好浪漫 , 幾乎全澳門都可以睇晒 ( 如果撞正燒煙花 , 就更加 wonderful ) , 強烈見意睇完景 , 嘆完第一杯酒先開始去攞野食 ( 放心 , 食物不斷加的 , 肯定越加越新鮮 ) , 個人較喜歡翡翠螺 , 凍蟹 , 白灼大頭蝦同甜品 .食後評語及注意 : - 1 ) 可以打電話或者 Email book 位 , 記住如果係慶祝生日 , 記住Book位時要講出來 , 佢地會免費安排一個蛋糕送俾你 ( 我上次就係紐約芝士蛋糕 ) , 仲可以幫你寫名同簡單一句祝福語架 , 仲有仲有 , 當佢地拿蛋糕出來既時候 , 會有隊BAND跟住唱歌 , 好開心架 . 2 ) Book 位時 , 問清楚咩 Card 有 Discount 3 ) 如果發現有咩食物剩番少少或者唔夠新鮮 , 放心同當值經理講 , 佢肯定親自從廚房拿俾你…Read More

上星期六16號七點左右跟老友第一次幫襯一品大長金 , 接待親切但門口感覺較細 , 不過唔入過唔知 , 原來入面餐廳面積又真係幾大幾靚 , 全木料石塊韓式設計 , 絕對可以帶俾你暫時去左韓國既feeling . 可能係時間尚早 , 客人不是太多 , 但就我自己觀察所得 , 大部份坐上客都係斯文客人 , 感覺幾好. 接待安排我地坐o左係靠窗既韓色坐位 ( 注意 : 要除鞋架 ) , kimchi 就馬上上o左幾碟 , 味道唔錯 . 細看餐牌 , 價錢又真係幾......大眾化喎 . 韓色年糕 , 海鮮餅 , 綠豆餅都係人仔28蚊 , 韓燒 - 牛扒類 $78-128 , 豬扒類 $48-98 , 仲有羊肉都係 $30 , 另外海鮮火鍋 ( 足2人份量 ) $88 , 人參雞同仲有好多韓食類都係 $30幾蚊起 . 我地兩個大男人點左牛扒 , 豬扒同羊肉 , 再加左份年糕同海鮮餅 , 當然唔少得我既至愛大支老青島 ( 叫左四支 ) , 找數每位人仔 $121 . 食後評語及注意 : - 1 ) 下次可以試下多幾款式 , 如海鮮火鍋 , 睇下跟明洞 " 老媽媽之家 " 有咩分別先 , 哈 2 ) 如食韓燒 , 要收開爐費 ( 好似係 $15蚊 ) , 不過全程有服務員幫你燒架 3 ) 人多 , 可以BOOK房 , 房好靚 3 ) 下次補番所有相 …Read More