eddy499's Profile

期待而久既自助餐，可能期待太高，所以有D失望。選擇唔太多，同普通既自助餐無咩分別。期待味道上會有不同，但都係差唔多! 海鮮幾生鮮，食到海水味，唔會有雪藏味。長腳蟹好多肉，好鮮好甜。個熱盤就好一般，個炒飯有D油，亦都揀吾到可以食咩。刺生都好生鮮，但好唔中意由佢分，次次都係得2件，排又排得耐，其他野唔岩食，想食刺生返本都唔得。中意甜品既就應該幾岩食，佢甜品選擇算多，好似Macaron都有幾種味俾你揀。但同一般Macaron個問題一樣，就係太甜，而且佢應該唔係自己整，係攞貨既。其他切餅就幾唔錯，好似朱古力Cake，朱古力味好香濃好滑。但八百幾未必會再黎多一次。最高性價應該係個View… ……Read More

依條街既餐廳，開同執都好快，雖然成日經過依頭，但都搞唔清係新開定開左好耐。見價錢唔貴就入去試下，點左冰鎮咕嚕肉、麻婆豆腐、銅盆蒸雞。首先個咕嚕肉係好味，不太酸亦不太甜、唔係用醋精溝出黎，但！真係太多冰，都做唔到外脆既效果。佢凍到好似係雪櫃拎出黎，成個FEEL係好差，好似食隔夜餸。如果佢做返一般既咕嚕肉應該會好好食! 個麻婆豆腐好好好麻，唔係個個都食到。我地食淨左好好好多。隻麻味太重！不過好炒功，d豆腐無咩碎到，圓好無缺甘一粒粒係到。個蒸雞好鹹，一定要同白飯一齊食！係幾好諗頭，但真係太重味! 會再黎食，野食唔係完備，同服務幾好。…Read More

一直想食半熟蛋糕，又驚連鎖既唔好食，見到依家小店經營有就即係買黎試。點解我話有理力呢? 因為佢小店，又無咩客人，佢好熱情。當時我同屋企人傾緊食咩，佢全程企係隔離唔走不得止，仲要搭咀! 我地想1個CAKE 2個人SHARE啦，佢「建議」我地一人叫一樣野再加個CAKE SHARE!! Well… 個蛋糕無想像中甘好，第1: 個質地好實! 一D都唔SOFT! 第2: 個流心好唔流心，只係個蛋糕焗唔熟，中間有小小汁甘。唔計個中間，其他地方就濕濕地。唔可以話蜂蜜味好重，但真係好甜。 依個價錢，唔會再試。如果下次再食，會食其他野! …Read More

新店點都要支持下! 雖然喺Take Away店，裝修都幾型! 就喺唔知啲雞得唔得?!叫咗1中辣 + 1小唔辣加芝士。埋單$70，以小食黎講幾貴，就睇埋個量先!個量中叫正常，可接受；但小果個就真喺幾小，計起黎好貴。烤雞好入味，個皮唔會好厚，唔會食來食去都係粉。但芝士就唔得，除非好快食，因為芝士好快凍，凍咗就一塊痴喺啲雞上面。辣味好出色，雖然酸酸甜甜，唔會蓋過啲辣味，同時小小辣味回甘，一般人都食到。…Read More

新分店點都要支持吓於是食晏就同同事去左會一會新店驚要等位 同事就諗住去攞定位先可惜要人齊先可以入座入到去點完等左30分鐘都無野食隔離遲過我地既人都食完埋單我地6碗先黎左2碗明明一齊入單問佢地就話煮緊... ...之後追左3次就再黎左6碗但完全分唔到邊碗打邊碗唔關油唔油事係味好鹹 可能食唔慣太濃而且絕對有味精然後個加麵竟然同碗麵一齊黎所以到食加麵時個麵餅已經變成一舊好難拆返散黎食今日個Tasting 好失望…Read More

想啤一啤，吹下水，又唔想去酒吧，就揀左黎依到。叫左2個小食做下酒菜: 薯條同炸雞。薯條岩岩炸起，仲熱辣辣，配上芝士同乾肉粒，真係好好下酒。粗幼度岩岩好，好Fresh，不知不覺令人食多幾條。個炸雞都熱辣辣，但好似炸得太耐，有d乾同鞋。不過就好入味，加埋個醬一齊食，就唔會乾到入唔到口。個醬好特別，好似解到油膩感! …Read More

由話開到真係開左，都好想食。但又唔想同人迫，諗住拖多排，人潮應該會退DD。點知又低估左HK人排隊既耐性。 對鹹點無咩興趣，單叫甜品。揀咗個抹茶軟雪糕。雪糕奶味同抹茶味好夾，唔會互相搶過對方，好滑好幼嫩。丸子有D硬，唔夠煙UN。配埋個紅豆蓉真係好正，因此紅豆起晒沙，好甜!…Read More

心血來潮想食小籠包，方圓百里都只有依個選擇。好多遊客! 好多人! 有排等! 太餓既關係，入到去唔理三七廿一喪點! 2個人點左7樣野,,, ,,, 飽到好想嘔!小籠包仍然皮好薄、好多汁、好好味!個擔擔麵就麻麻地，唔知係咪一次過煮定，個麵底有D霉，唔彈唔爽。豬扒就炸得好金黃好脆好香。個雞絲粉皮就稍厭D醬太多，食多幾啖有D膩。食豬肉包一定要小心，因為D肉汁會流到一手都係，好失禮。炒飯夠鑊氣，原以為份量有D小，但其實都唔係。真係食得好飽，成台野誇張到隔離台客係甘眼望望。不過真係好滿足。…Read More

佢岩岩開時已經去幫襯，果時D 服務好好! 特別有個阿朱媽係到教人點燒最好食，正宗包法係點樣。但依家唔同晒啦! D職員好趕客，明明都無人排隊，無限人食幾耐，都係甘將所有野食埋晒上個爐到，搞到D野食都燶晒!黎依到就係中意佢人唔多，又唔限時，唔會被人趕走!但依家,,, ,,,前菜食晒唔REFILL，主動叫都愛理不理，明明就唔多客，唔係忙到唔得閒! 肉類新鮮，厚度都適中，好似個五花腩就係每次必嗌既，豬肉都真係無得彈!個烤牛肉就麻麻地， 可能係個職員自己趕時間啦，求求奇奇放上去又唔理佢燒，最終好"UN"同燶燶地，見到佢地被燒到乾晒水!個部隊鍋就好唔得，個味有小小古怪，唔係一般果D辣，好似飲緊D薯仔湯甘! 係呀! 因為我食到好D薯仔蓉既野! 其實佢價錢都幾貴 3樣野 要八百幾蚊! 已經無叫野飲同酒!可能要再搵過間好味既韓燒舖啦!…Read More

整個尖沙咀都被韓國菜，日本菜攻陷左，是日想來點不一樣的就揀左依間泰國菜。朋友曾經食過，大讚個菜包同炒金邊粉好食。於是又叫返佢上次食過一次既餸。菜包個味好岩食，肉碎好香口，用菜包住，即刻減晒本身既油膩感。但奇怪既係，上次朋友食可以免費REFILL生菜而今次唔可以。個男職員(老闆?!) 態度唔係甘好甘答我地話D菜好貴，唔可以REFIL錢! 而D菜竟然要三十幾蚊! 天呀! 個金邊粉都炒得好地道，仲有幾隻好大隻既蝦，仲要係生鮮既! 最後悔叫左既係串燒，因為好乾身，個醬除左鹹味外就無其他味!…Read More

一直見佢係Openrice榜到穩佔一位，成日都心思思想試。4點幾路經果到，見無人排隊就去等下啦!點知一等就1個鐘! 有張4人檯，佢俾左排我後面既Family入去。2大人2BB… 都唔緊要，但最嬲係佢地都係手抱BB，2張Chair用黎放袋>< 如果可以俾我地入去就好啦! 而有一台客由我地等位到食完佢地都唔走，野食都完全食晒!我明佢有權利甘攸，但如果我係老闆都會擔心，畢竟租甘貴，都想返多幾轉台>< 講返野食，我好期待個窩夫，比起咖啡弄好實果隻，我中意脆卡卡既口感，唔會好似食麵包蛋糕甘。依到好脆，真係岩岩焗起，好香蛋香! 因為佢唔係實既質感，所以就算食完鹹食再點都食得落。幾時都話香蕉同朱古力係天生一對，雪糕好滑，朱古力味都好出好濃。雖然等左耐，但又真係幾好食! 如果下次唔駛等甘耐就好啦!…Read More

評價有好有壞，心大心細去搏一搏。次次食得自助餐同放題，我最在意既就係刺生。好怕雪味好怕雪到好硬仲食到有冰係入面，好在佢好新鮮，仲有我大大大既帶子，大大粒好鮮甜。不過我見D 刺生台台都一樣甘，好似係整定放係雪櫃，因為我地都無點到吞拿魚… …而最不滿係，佢唔應該叫放題囉!生蠔食左1隻就話賣晒，我覺得佢係計人頭1人1隻，味係好鮮應該係即叫即開，但… … 得1隻好令人意想不到!放題D熟食一直都唔係主打，只要不過不失就可以! 但又係一個估你唔到!壽司唔得，D飯好硬；炸物好油膩，個皮比KFC更差；見人食燒玉子，但食唔到因為又係賣晒；拖羅，無；牛肉，正常味唔好要求好嫩；羊肉，全晚最入得口既熟食，但… 又係小得可憐，一人一份；甜品，又係有限供應!先到先得，仲要無Refil!其實，樣樣都限，唔係任食… …可唔可以唔好叫放題?!最好食既係刺生，但調轉諗… …依個價錢去好多地方都食到生鮮既刺生!…Read More