可人兒的個人專頁

海皇最近完成新裝修，地方比以前光猛舒適，由於太耐無光顧，想試番我的最愛菜乾排骨粥，再加油炸鬼，個粥要$18.5 ，貴了幾元但就大碗左,味道偏濃及咸，但很合我意，很好味。油條微脆，但要$8條就貴左少少，不過由於新裝修期內送左幾張增券比我，都會很快會再來。…查看更多

佳記的喊面越來越多,服務的確很差D阿姐服務態度係零,縱使如此,它仍有些令人欲罷不能的出品, 就如今日心血來潮想食甜品,咁啱行過就入去點了一個"芒果西米撈",在無乜期望下竟然有驚喜,西米撈由芒果加碎冰打成的芒果汁加入適量的西米,入口鮮甜透心涼,加上成十粒的方型的芒果肉,十分足料,而芒果亦非常鮮甜佳記的確有十樣都有七樣差,但剩下個三樣事實又真係幾吸引,所以到今時今日有咁嘅服務仍生意興隆,真係服咗佢…查看更多

再次食這裡的香辣大什車仔麵,湯底美味濃郁,餸料有紅腸,豬紅,豬皮,豆卜,雞尖,魚旦蘿蔔,好多芽菜,再加上我選的香辣味有一碟附加的香辣油,又香又辣又好味,真係很好味,另加一杯涷飲,都係27元,真抵食!今次再試小食,選了椒鹽魷魚鬚($17),真係好大碟,新鮮炸很酥脆,很滿足的一餐!…查看更多

此食店招牌菜是海南雞飯,咁就要試一試,雞飯好少雞肉,起了骨的雞肉有少少鮮味,都幾滑,好普通,反而個油飯就好味道,飯粒乾身有雞油香味,另外重叫了咖哩牛腩飯,d咖哩唔辣重甜甜地,最憎這種味道,無性格(十足日本d所謂咖哩),咖哩唔辣就唔好食,反而我朋友就覺得幾好食,所以食嘢taste都是見仁見智…查看更多

這間舊式的快餐店,起碼有20多年的歷史,我小學在真光讀(以前真光小學在真光幼稚園旁),而中學就在信義中學讀,我小學二年級時,我人生第一次到快餐店買野食就在此快餐店,當年那位收銀的姐姐,現在仍是她收銀,但已變成一位中年婦人,在廚房做水巴的哥哥,現在已變成大叔,所有的陳設依舊,連食物的味道也和我童年時所嚐的一模一樣,我買了一個漢堡包,那種味道令我像坐上時光機一樣回到過去,那種味道談不上好食,可能對現在的我來說可以說是難食,但在我小學的時代,能有錢買這個漢堡包食已是非常幸福,那時每吃一口從心裡笑出來的感覺,我竟然再次想番起來,一個遺忘已久的感覺,竟然令我眼泛淚光,一幕一幕小學及中學的生活片段點滴如映畫般在腦內浮現,這裡的食物只是一般,但對我來說就回味無窮!*這不是一個食評而是一個回憶,如果二十年前你曾在元朗真光小學或元朗信義中學就讀過,你可能是我的舊同學,你可有想起那時的味道嗎?…查看更多

這間粥店我最少十年都無食過,有日行過突然好想食粥,於是入去試下懷舊下,呢間店真是十年不變,個個好似打仗咁,我都未坐低,阿姐就問你食乜,d伙計行來行去好快手,d食客又食得好快,總之現場氣氛好緊張.我叫了一個粉牛艇仔粥,d粥係較稀及有味精,但又真係幾好食,但其他野我就唔咁試,佢d腸粉不是即刻整,放在在爐旁,有人叫就放入去蒸一蒸,咁點會好食,以前佢d炸兩都用隔夜油炸鬼整,相信現在都唔會有改善,總之一句,真係夠平,但堂食真係好辛苦,下次要外賣吧…查看更多

上次試霸王雞飯,今次試車仔麵,叫一個大什油麵要咖哩湯底,大什油麵有豬紅豬皮蘿蔔豆卜冬菇魚旦紅腸,還有芽菜菜莆,連一杯飲品都係$24元,算十分便宜又抵食,其中個豆卜真係很好食,吸晒d湯又林又好味,而所謂咖哩湯底原來只是把咖哩汁淋落個麵度,但是個咖哩就真係唔掂,有些香味但一d都唔辣,而且最差是好多油好肥膩,重好似甜甜地,對愛辣的我,這是一個嚴重缺點,如果這是招牌菜之一(咖哩),好應分等級為大辣小辣或唔辣,否則我唔會再試這裡的咖哩了!…查看更多

見有咁多人讚,今日終於試到,一盒燒鵝飯外賣要$29元,真係幾貴,可能我買的時候約六時,無乜新鮮出爐燒味,我個盒飯d鵝係涷,雖然頗多件,而層皮唔脆,但重有些少油香,但d肉好"un",真係好失望,根本就食唔到其他食評人所形容到咁好味道,真係名過其實? 還是我要求太高呢? 都會比多次機會佢,揀日下午有新鮮出爐鵝再去試過,力求找出真味道.…查看更多

車仔麵的味道比永年差好多....個湯是好淡的咖哩味,d全是得一種味....成個地下都係垃圾,但無人掃....冷氣唔夠,勁熱.....個舖又細又窄又迫.....點解重要去食?因為它的必殺技是平,重係好平果隻,$14.5有一碗大什麵(細什麵$11.5都好多),好多好大碗,加一杯紅豆冰都係$9.5,又係好大杯,味道真係好一般,但當無乜錢的時候,都是一個好選擇…查看更多

新開張梗要試下,叫了一個十式鴛鴦米,即是有十個的米線加粉絲,湯底要中辣肉麻辣湯真係好失望,個湯不知所謂,又淡又唔辣又一陣香茅味,古古怪怪,除了三色蛋白吃得下外,其他都難以入口,個菜莆蛋硬到好似石頭,真係唔知佢點整,雞軟骨丸又硬又無味,其他d乜丸物丸全是雪藏貨,不麻不酸也不辣,全部都淡而無味,改壞名,三十元好大碗但好難食,無下次…查看更多

唔係其他食家介紹,我住元朗都唔知有呢間食店,雖然鄰近元朗有食街之稱的又新街,但位置很僻,由大馬路行去真是很遠,雖然如此,但我到達時已全滿座,一個人食不如買外賣,叫了一個霸王雞菜飯餐,侍應把外賣交給我時,心想"咁重", 返到屋企打開,嘩....全個大外賣盒迫到滿,個大發泡膠盒有兩邊,一邊大一邊細,大個邊放了幾乎半隻雞,細個邊放滿了菜飯,一定足兩個大人食.霸王雞底是芽菜,面放了很多蔥絲,薑絲,炸蒜粒,再放上甜豉油,雞一定不是鮮雞,但都算幾嫩,湯是木瓜雞腳湯,好大碗足料老火湯,果然是一個足料抵食餐…查看更多

今日叫了一個晚市二人餐,有酸辣湯,雜菌石頭窩飯,小籠包,奶油津白及高力豆沙小籠包真係無得彈,皮超薄,見到包內有很多湯汁,用筷子挾起,整個湯包搖搖蕩蕩,放入口大量湯汁,皮薄多湯肉滑,整個湯包像飲湯一樣,由口直入喉嚨,好味到不得了,真是太耐未試過咁滿意又喜悅的感覺.因此我另外再要多一客小籠包,一定要盡情享受.至於其他菜式水準都好,但小籠包實在太出色了,所以其他變得失色,我一定會再試星期六及日的自助午餐.…查看更多

這裡的牛肉麵及雞排麵真是很有水準;牛肉麵- 個湯底是很濃郁的牛肉湯,配合煮得洽到好處的牛輾肉,個麵軟硬適中,回味無窮雞排麵- 雞排分開上碟,分量勁多,炸得外脆內軟,好好味(比之前大雞大不知好幾多倍)加十元可配任何冷熱台灣特式飲品,絕對值得一試…查看更多

今日返屋企經過西鐵站,都想試下,買了塊雞排$13元,真係好大塊,但炸到好乾又啡啡黑黑又唔脆,雞排面晒上好多味粉,得面有五香粉味,D雞肉無味又"鞋",得個大字,收銀同炸雞個兩個姐姐仔又雞手鴨腳咁,樣樣都唔得,點有下次呀!…查看更多

第一次黎食粥,本來想食豬潤雞粥,但$38咁貴唔好食就激氣,所以試下豬潤粥先($15),用個煲仔上,好大煲,好多好大塊的豬潤,無十塊都有八塊,豬潤剛熟,又爽又滑,D粥又香又綿,真係好抵食又好好味,不過鮮蝦肉片腸粉就普通D,粉皮較厚,蝦就真係好大隻,都算抵食既.…查看更多