Ringosongprasart's Profile

9月15日(18:30)預訂四位晚飯，我哋準時入座，大約15分鐘後落單，當時就已經有幾樣小菜未能提供！咁只好問服務員廚房有乜嘢可以落單咁就點咗四個小菜。滷水拼盤(三款)凍烏頭拔絲咕嚕肉花開富貴（炒雜菜）大約15分鐘後先上滷水拼盤，之後大約再等多20分鐘仲未有任何菜式上枱，咁就詢問服務員仲有三個小菜未到，跟住服務員就入廚房詢問，點知得到嘅答案係其中一個炒雜菜已經冇！我就問點解冇嘅話又唔問吓客人轉其他小菜！有冇跟進！跟住佢冇理我哋就行開咗，之後又過咗一陣間又再追點解咁耐仲未上菜，跟住再等多一陣間先上條凍烏頭又再等一陣先至又再上埋個拔絲咕嚕肉，之後再等多一陣間又問服務員仲有個花開富貴未到！跟住最尾嘅回覆係廚房冧檔做唔切，不如你取消佢啦！呆咗！唔係叫我改其他菜式，而係直接叫我取消！已經等到一肚火！竟然得到一個咁嘅答案！由肚餓等到唔餓再等到一肚火！都算啦！咁就問佢有冇甜品啦？咁就叫咗個黃金糕同一個腐竹薏米糖水，嚟咗個腐竹糖水之後又等咗10幾分鐘！個答案都係一樣，廚房做唔切！服務嚴重大叫(取消乜都得)無語！咁唯有就埋單走人！唔知點解間餐廳明知道做節食飯勁多人，又冇預足材料！又冇預足人手做嘢！門口就大把人喺度等位，但係裏便啲人又冇嘢食！咁其實出邊啲人都係白等，已經唔係第一次嚟呢間食嘢，但係啲服務同嘢食就越嚟越差，可能遲啲都會相繼消失，一定唔會再去！只怪我去咗一間不知所謂嘅餐廳！…Read More

家人移民搵地方Farewell Party，移民外國當然要搵返間好味中菜，留返個美好回憶😊今次一行15人、叫咗個$348餐。好高興餐廳安排咗房間俾我哋，等我哋可以開心地高談闊論😁人齊上菜。先嚟個燉湯足料又好味～夠晒份量。花雕蛋白蒸蟹～肉蟹新鮮啖啖肉～爽。勝瓜蒜蓉帶子～鮮甜大隻。芝麻雞～皮脆肉滑。黃金蝦拼芋蓉多士～蝦肉爽、芋蓉香。鮑參翅肚～矜貴又足料。蒸魚～火候剛好夠滑嫩。瑤柱扒菜心～分量十足。飄香炒飯～粒粒分明。因為有小朋友所以加多個生炒骨～超好味😋家人非常滿意所有菜式，餐廳地方整潔，服務好好👍🏼如果有朋友生日🎂家庭聚會🎊龍泉都係一個好嘅選擇🥰…Read More

好味午餐😃去到厚和街跟同事搵食，叫咗兩個午餐一個係@串燒定食一個係@燒青魚定食食物送到枱，驚喜的係6種唔同嘅串燒保存到有唔同嘅香味，散發炭燒香味令你可以食到兩碗飯😅（串燒雞翼冇得輸）另一個午餐係燒鯖魚、鯖魚燒得乾身皮脆肉嫩（同一般連鎖店嘅鯖魚定食完全兩回事）雖然堅尼地城有好多食肆，但真係好難會搵到一間真係用心製造食物嘅食店🥰值得介紹俾堅尼地城到處搵食嘅朋友，如果有時間一定會再去幫襯，同埋試佢晚市嘅串燒。…Read More

十月之星慶生，朋友係外國返香港好少食唐餐，朋友又想唔到吃乜嘢！於是我提議去“私房菜”吧，這家之前都有同朋友去過。我哋一行五人選擇咗“鮑參翅肚”餐。當菜色開始上枱時“壽星仔”開始不斷講:估唔到😂蒸蟹蛋白滑夠酒香芝麻雞皮脆冇油鮑參翅肚夠入味條魚蒸到啱啱好扇貝蒜香味夠香三色蝦各有特色蟹肉勾翅好好味瑤柱西蘭花清淡炒飯夠乾油唔多芒果布甸做甜品壽星仔問 : 點解而家仲可以唔使$300 可以食到咁多嘢！我同壽星仔講 : 而家香港嘅私房菜大部分都係樓上，所以唔使負擔昂貴租金！雖然龍泉無華麗嘅裝修，但勝在地方舒服，回家食飯嘅感覺(當然屋企唔會成日食鮑參翅肚~haha)。當然其他朋友對今餐亦讚口不絕，如果遲D再有飯局的話，可以再黎，其中一個好處就係人多可以有獨立房間。下次亦可以試下其它菜單。…Read More

一年一度團拜飯局又黎！諗地點，食品係最頭痛嘅事，突然想起都好耐無去過"龍泉"，就決定喇今次一行13人去到有房坐可以傾到計～讚！人齊開飯“花雕蛋白蒸蟹”蛋滑蟹夠肉😃“三色蝦”各有各精彩😊“鮑參翅肚”花膠 海參夠入味，冬菇夠厚，鮑魚夠嫩😄“蒸班”夠滑😉“生炒骨”每次必另外加 Order，粉薄肉汁夠😗一班朋友碟碟清晒😁歡樂嘅時光好快就係美味食物下，開心傾談中度過！…Read More

飯局好地方，每次帶新朋友嚟都keep到水準唔會失望^_^今次朋友最喜歡除咗蛋白蒸蟹外，仲有個＂鮑參翅肚＂，而每次都會一定會加嘅＂生炒骨＂就更加保持得好好嘅水準，雖然此菜式好多中菜館都有＂生炒骨＂呢個小菜，但要做到皮脆肉軟就要好用心做！好期待下次嘅飯局。…Read More