lucia906's Profile

相信甜品控一定聽過呢間Pan de Pain，朋友話佢係全香港整soufflé最好食0既一間，咁佢地就帶我去試啦。呢間店有個特色係要等齊人先入座，其實我對等齊人先入座都係支持，因為佢都係想公平對待每位客人，避免有客人坐低左先慢慢等齊人，會影響其他客人等候時間。但佢0既安排同機制確實好有問題。我地今次係一行３人去食，其中有一位未到，但已經就快落車，店員見到門口有個２人檯，問我地介唔介意加一張櫈俾我地，我地係因為佢真係0係正門口而且都有Ｄ迫，同埋亦諗到其他人客出出入入會又阻人又坐得唔舒服，所以話我地寧願再等下一檯，於是店員就俾左後面２位。咁我見朋友都就快到，咁我就睇下menu，見到佢門口有個牌寫住用餐時間係２小時，呢度我就十分難以理解，因為如果佢地係冇限時用餐而想避免Ｄ客慢慢等齊人先落單而要求Ｄ客人齊人先入座呢度我都可以理解，有Ｄ餐廳可能係對用餐時間有限時，客人未到齊但有一半或以上人數就可以入座，咁佢地以入座時間去計，夠鐘就要客人埋單走人咁先叫合理。（個人認為）講番我個情況先，咁之後見到有仲有２人檯（店內比較靠裡面唔阻人0既位置）同４人檯（俾佢地拆開左２個２人檯）係靠右邊，同門口位明顯唔同先啦，同埋佢根本就係一張４人檯，但個店員冇再問我地0既情況下俾左後面兩對客人，我就覺得有問題喇，尤其係張４人檯。於是我就問店員，點解唔問左我地先而直接俾左張４人檯0既其中兩位俾後面0既客人，佢話因為只有２個位，我話咁都可以問我地接唔接受加櫈坐住先，咁佢就話因為我未齊人（但唔好忘記，之前係我地放棄門口位２人檯加櫈，如果唔係我地一早就坐低左啦），咁我就問佢咁你都有寫明用餐時間係２小時，咁就算我朋友未到，我２小時內交番張檯俾你咪又係一樣？佢話佢地餐廳就係規定要人齊，兼且要限食２小時。佢講到咁，雖然我極度不滿意佢地0既機制，但算，佢有佢規矩，只能說佢規矩有問題，但我要用餐咪唯有任佢擺布啦。好喇，終於３位人齊入坐。咁我地就即管試下佢有咩咁巴閉啦。飲品價錢係Matcha Latte $45，Detox Water $68，味道係十分一般，唔可以話唔好飲，不過不失啦。好喇，試主角！Original Soufflé，真係做到入口就溶，口感係唔錯0既，不過我覺得味道比較淡，冇食到蛋香。其實一開始食時已經見到旁邊d cream有一條毛仔，應該係D衫甩出黎ge我估，已經自己整走左佢。但當我再見到第二條時，我已經忍唔住一定要影低放上openrice。（我見到佢係分工序，會有人一次過唧D cream，等pancake或soufflé整好再放上去）朋友0既Caramel Apple Soufflé，比Original Soufflé更被搶去蛋味。所以綜合上面0既食品質素，我覺得如果10分滿分加埋價錢，我只會俾佢6分。…Read More

因為睇到U Magazine介紹，睇相覺得好吸引，於是同朋友一齊去試。我地一行5人3點左右去到，已經見到要排隊，排左大半個鐘，覺得唔係好對路，見到前面有D兩位0既被安排入座，有D排前面4位0既客人就要繼續等，我地原本有諗過走，但見都排左大半個鐘，於是都繼續排。同埋等待期間有問過店員我地5個人咁要等幾多張檯，店員就唔多耐煩咁答我佢唔知我要等幾耐，佢控制唔到....（但留意番我地根本唔係想問要等幾耐）佢俾我0既感覺係唔太歡迎3位以上。（所以極度建議如果要去試，2個人去好喇，3位以上有排你等）等左一個鐘左右，終於都有位喇，堂食0係樓上，地方幾舒服同乾淨，呢點值得一讚！至於食方面，我本人試左Tiramisu Tart同Mango Tart，整體味道只屬一般到中上，但好處係唔怕太甜，朋友試其他水果撻，大家一致覺得味道都算一般到中上，其實係個撻底好食。（但大家覺得絕對唔值得要排隊一個鐘） 問題0黎喇，我地都叫左飲品0既，其中一位朋友有蛋奶敏感所以佢只點左飲品，我地食晒成個撻，仲已經邊傾計邊食，唔算食得好快，野飲仲未到（由落單開始等左大約半個鐘）。我地叫店員跟下D野飲，店員都知道我地都等左好耐，亦知道我地係乾哽個撻，但亦冇主動俾水我地（我見到隔離左右D檯有D有水有D冇水，而我見到店員係主動拎水俾某D岩岩入座0既檯，估計佢地都係記得就俾水，唔記得就唔俾咁）。杯飲品終於到喇，我飲0既係Iced Hojicha Latte，我反而覺得佢先係主角，真係有驚喜，好飲！總結：0係排隊0既唔公平處理同埋佢地0既服務又唔係話好0既情況下去評，加上價錢都唔係平，平均都成$60一件撻，而佢D撻又未好食到令我會唔理排幾耐隊，我諗如果下次叫我再幫襯，除非唔洗排隊，如果要等位我諗我唔會揀再食佢。…Read More

聽說銀河丹桂軒不錯，上星期與同事來這裡試試。基本上他們的點心不錯，雖然不是特別出色，但水準也很平均。（值得推介是豬潤腸粉，腸粉夠滑，豬潤足料）但唯一不滿的是他們的流沙包及其中一位侍應的態度。我們點了兩籠流沙包，兩籠同一時間上桌。我吃了一口，已經知道流沙包是完全不流，叫侍應來，展示給她看，把流沙包倒轉都沒有沙流出來，侍應解釋可能是流沙包放太久變涼了所以不流，我就說我剛拿上手時還炙手的。此時我的台灣同事拿起另一籠的一個流沙包吃，他的流沙包明顯是有流沙的，然後我跟侍應說，很明顯是這籠包的問題，不知道是蒸的溫度還是怎樣，反正我不是師傅，不知道會影響流沙包「流不流」的因素是甚麼。侍應唯有拿走這籠流沙包，之後經理到來道會換一籠給我們。經理服務態度很好，亦很耐心解釋，值得一讚。隔了十多分鐘，流沙包又到了。這個侍應放下這籠包時，冷冷的對著我說了一句：「流沙包要即時食，再放又唔流架。」完全感受不到這是善意溫馨提示。我馬上拿起包子咬了一口，看到硬的流沙（請看圖），不知道是蒸太久還是蒸不夠久，還是流沙餡料比例問題，總之就肯不是本人的問題。馬上叫經理過來，給他看看這個流沙包然後跟他複述剛剛侍應說的話。他連忙道歉，我說不要緊了，但侍應態度確實有待改善。他又說要送生果盤給我，我也拒絕了，原因是我不是要投訴到店家給打折或送甜點的那種人。如果只是流沙包的問題，我會選擇下次不點流沙包。但如果服務態度有問題他，下次中午跟茶都會考慮要不要再給丹桂軒多一次機會。…Read More

尋晚同屋企人去左金沙酒店3樓嘅Copa Steak House慶祝生日，服務好好，waitress好耐心介紹各款牛扒，試左「21日熟肉眼扒」，係暫時我喺澳門食過最好味嘅牛扒！我絕對冇誇大架，真係好滿意，十分推介大家去試下啦，塊扒四百幾蚊一塊，價錢十分合理（以呢個質素嚟講），我覺得比某大連鎖牛扒餐廳Mxxxxx's好食好多呀，我地食到好飽，3個人埋單唔洗1400蚊，唔算平，但間中食下都幾好～…Read More