sum food hunting的個人專頁

公司係九龍灣EMax附近，附近嘅茶記多不勝數，但想搵間正經啲，豪氣一下就冇乜選擇😂 今日跟住同事嚟到高銀大廈食lunch，試吓啲好嘢食😂 佢哋話依間餐廳已經係高銀大廈入邊價錢最親民嘅一間。餐廳裝修好華麗，啲座位都好寬躺。佢地有個海鮮喇沙套餐($68)仲可以加$28有原個椰青！見到有幾台人客都有叫好吸引。因為我哋一行五人，所以就直接叫咗個海鮮粥四人餐，另加個豉油王炒麵。個4人餐所以用料都好足，而且樣樣都係水準之上！個餐包左：鮑魚粥: 個粥一撈起就見到一細隻原隻鮑魚同好多肉片，啲白粥煮得好綿好綿，鮑魚咬落lum得黎又有少少彈牙👍🏻 好高質👍🏻炸兩腸粉: 好脆個皮超薄南乳豬手，南乳雞翼：個豬手整到好lum好香😍…查看更多

平時經過都見到人排隊，感覺應該幾好食先會有排隊，店面望入去都幾企理。今日見人少少就絕心試試佢！ 餐廳用咗白色做主調，俾人感覺好乾淨好舒服，簡約嘅風格好日本。餐廳主打各式各樣嘅魚生飯，丼飯。我地就決定各點一個，叫左呑拿魚牛油果他他丼（$98)，帆立貝和牛丼（$98），會附送沙律同麵豉湯。呑拿魚牛油果他他丼：啲人成日話牛油果點䜴油食就會好似食緊三文魚，原來係真！似個丼食落好清爽，不過呑拿魚質素好一般，完全冇油脂香味，乾淨淨咁，唔值似個價錢😞帆立貝和牛丼: 對比起個呑拿魚丼，個和牛丼好食太多😂 和牛就不嬲就冇乜牛味，主要係食佢嘅油脂同軟lum。依個丼嘅牛就夠曬lum，整到5成就熟，中間仲帶粉紅色。個燒汁帶起曬成個飯👍🏻…查看更多

喺歷史建築雷春堂隔離，有一間隱世特色小店，行到入去四處都係青花瓷嘅壁畫。就好似個名一樣，青花亭。儘管裝修比較中式，佢嘅主打都係西式嘅意大利粉飯同埋牛扒。當然就唔少得嘅就係佢無論打卡同埋味道都一流嘅甜品，水清沙又唔使搭飛機yougurt bowl. 同張相一樣，廚師好花心機咁樣將啲藍色嘅Yougurt 同埋生果放埋一齊，當中最有驚喜嘅係，雪凍左嘅黑莓，有啲入口即溶成個層次提升左唔少。另外仲叫咗豬安，份量好足，又唔會有好多肥膩嘅感覺。面頭嘅醬汁更加係靈魂所在，魚香茄子肉醬，雖然有少少油，但係食到停唔到口好想叫店員再加多啲醬汁俾我。食物嘅擺盤都非常精緻睇得出廚師都有花心思係入邊。另外仲叫咗一個和牛扁意粉，略為有少少鹹，但係整體都唔錯。…查看更多

中環大部份嘅餐廳都係西餐或者日本菜，定價冠絕全港，人均應該都要$200。要喺中環搵間CP值高又好味一啲都唔容易！吃什麼就係例外，老闆係親切嘅台灣姨姨，感覺好正宗好台灣。我地叫左3樣野食：1. 肉鬆蛋餅：肉鬆份量好多，好慷慨。蛋餅上面嘅有甜甜嘅嘅醬汁，簡直係靈魂所在😬2. 兩個小滷肉飯：滷肉飯係台灣經典。老玉份量適中，絕對夠撈晒成碗飯。而且肥瘦都arm arm好，唔會成口油太肥膩3. 鹽酥雞：份量好多，成碗滿瀉🤣 個調味粉係有少少孜然味，同我印象中嘅鹽酥雞有啲出入。如果炸得更加香脆就perfect另外餐廳嘅裝修都好有心機，走嘅係時尚工業風，牆上面有吃什麼嘅logo，打卡一流最後埋單人均$75 ，抵食👍🏻👍🏻👍🏻…查看更多

襯住有半價優惠，禮拜日同屋企人黎到觀塘海濱附近嘅Flames餐廳。位於JP Morgan office 下, 相信平日有好多白領幫襯😗 假日就要做promotion 吸客😛半價只限主餐牌上面嘅主菜，我地order左香草白酒煮青口配黑松露薯條，蟹肉蕃茄汁扁意粉同蕃茄澮牛肉扁意粉！ 逐樣講下：1. 青口：份量好多，每一隻都好飽滿！見到枱枱都有叫，必食👍🏻2. 黑松露薯條：薯條粗身香脆熱辣辣，即叫即整好好味！不過只有少量黑松露粉末喺面，食唔出有黑松露味3. 蟹肉意粉：非常creamy, 個汁調夠得好好。每一啖都食到蟹肉好足料4. 牛肉意粉：個source冇蟹肉意粉咁好味，但個牛肉好淋好淋好滑，仲有三大舊咁多食完仲可以去海濱行下relax下～…查看更多

為咗慶祝媽媽生日，我哋一家四口嚟到hotel icon 非常出名嘅the market食自助餐。因為有七五折，所以都幾多人客嚟幫襯，未開門已經有長長嘅人龍喺出邊等量體溫。服務員安排我哋坐咗喺近食物位置，方便行出行入拎嘢食。座位寬敞坐得好舒服，一入坐就提供左四杯香檳幾surprise自助餐最重要就係食物多元化，一般大路嘅刺身，沙律吧，熱盤，扒類，麵食都有提供👍🏻 以下幾樣都特別推介:1. 淮山杞子響螺湯：足料香甜 飲下暖胃好舒服2. 凍蝦： 眾多幢海鮮入邊最出色，大大隻爽口又新鮮3. 羊架：現場碳烤，非常香碳烤味。好夠lum身，但如果多返啲羊肉味就最好4. 燕窩泡芙：同老行家cross cover幾有創意，個內餡好正5. Movenpick 雪糕: 有成六款咁多，推介乳酪味同焦糖燉蛋味…查看更多

今日平日上到黎官塘駱駝漆大廈覓食，上到黎先發現有好多小店，大部份有貼有memo紙同文宣，唔少人排隊。依間餐廳都唔例外，每幅牆都有文宣。餐廳主打burger，有成9款咁多，所以我同朋友都分別叫左72小時安格期牛小排漢堡同烤大啡菇黑松露醬牛肉漢堡，一款配薯條一款配蕃薯條，兩樣都試下。味道方面，兩個漢堡都有烤過非常香脆，有啲接近餅乾果種脆，唔係行鬆軟路線。漢堡入邊夾有多款配菜，包括酸瓜，洋蔥，蕃茄同生菜，中和到牛肉嘅肥膩又增加層次感。兩款牛肉burger都夾有厚厚嘅牛，牛味香濃，亦好多汁，個人認為完勝shake shack! 薯條正常冇咩特別，不過粗身值得一讚。反而蕃薯條幾有特色，比較少見，食落有淡淡嘅甜味，感覺比薯條健康！？…查看更多

講到香港車仔麵，第一時間一定係諗起文記！喺深水埗食肆林立，周圍都係各式各樣嘅美食，文記竟然可以喺度獨佔三個用鋪位！ ！ ！ 繁忙時間更加係要排隊，可想而知佢係有幾咁出名又好食😱今次我地6點就去到，不用等就可以入坐！店面貼滿米芝蓮推介, 必食大奬！餐牌上嘅選擇起碼有50款，有選擇困難症嘅朋友可以參考佢哋十大必食推介。瑞士汁雞翼可以話係鎮店之寶，我每次嚟到都必定會叫，雞翼大大隻有好入味，必食必食！我另外都點左鮮蝦腐皮卷同蟹子丸，兩樣都好好味👍🏻 配上腩汁湯底，簡直係平民嘅幸福xd 枱面亦上面放咗唔同嘅醬汁可以俾大家任加😝如果有外國朋友，不防帶佢地黎試試香港車仔麵，本士得黎又滿戴人情味，體驗下香港地道經典💛 …查看更多

早幾日見朋友喺IG post左間環境超靚，充滿少女心嘅餐廳，一問之下先至係新開嘅💛抱住滿滿嘅期待，12點餐廳一開門就walk in入去，放眼望入去個天花鋪滿五顏六色嘅花🌸🌼💐原來餐廳今日一早已經full Booking，不過店員好好咁安排我地兩點前交枱就可以😝我地兩個人分別叫左個帶子蜜糖芥末意大利飯同櫻花蝦意大利扁意粉🍝 兩份都有另外加35蚊轉套餐，套餐會包多士、餐湯同一杯$40以下嘅飲品，都好豐富！ $40以下嘅飲品選擇偏少，所以我地有另補錢，叫左杯巨峰提子梳打同培茶拿鐵。整體睇食物質素都好好！餐湯入面有三文魚塊好有誠意，個意大利飯蜜糖芥末味出奇地夾，好有驚喜😋 啲飲品都好出色，又唔會太甜👍🏻誠意推介男仔帶女朋友黎拍拖，又或者一班閨蜜黎談心打卡！…查看更多