or#Tm65377535's Profile

第一次寫食評，覺得餐廳政策奇怪，態度欠佳。用openrice book左lunch 13：30, 但早到左，大概13：05上到門口，眼見都有至少三張枱冇人坐。同侍應講book咗枱，佢話因為我哋早到咗未夠鐘，如果而家入座就會冇咗openrice優惠。好啦，咁都差少少又唔趕時間企門口等（門口位其實好窄一出𨋢就已經係），等嗰陣都覺得自己好阻住，但侍應又唔畀人入座。心諗可能真係有人reserve左枱，但未到。（不過都得返25分鐘，到底夠時間上菜定食野？）咁啱有walk in客入嚟，佢一問侍應話有冇位話係walkin冇訂枱，人地又比佢即刻入。結果夠鐘到我哋入嘅時候佢只係喺其中一張枱拎開個reserve嘅牌（一直都冇人坐），但就真係未夠鐘都唔畀我哋入座。如果你入機要睇時間先可以有優惠，其實唔緊要，但至少畀個客入去坐住先啦？一啲都唔識得彈性處理。食物方面都係普通傳統扒房嘅味道=強力嘅鬆肉粉。 個人就可以接受嘅，不過同行朋友就覺得冇咩牛味。…Read More