siuricky's Profile

舊店試過好幾次高水準，今次約埋大女友（媽媽）試試新店，看餐牌全是高質餸菜。眼寛肚窄，專點了份量少的菜。手功菜多選擇，尤其係炆燉牛面頰同個魚翅，突顯大廚功夫。牛面頰大而不散，魚翅足料湯底靚。試左一個皮蛋雲吞，流心皮蛋再配紅酒係一絕！重點係個自調醬油，雲吞加醬油啖啖肉，恰到好處！相比荷葉飯失色了一點。環境方面，店內有一空中花園，希望下次可以試試。總體雖比舊店小，但勝在服務好，店員細心。一次好好的飲食經驗。下次再來！…Read More

一坐低張木櫈搖下搖下已有伏味，諗住兩條友整個沙鍋粥加碟豬油渣菜心宵夜，十分鐘先話無菜心！唯有剩試過粥啦！最低消費$150，自由配料，叫左雞件、肉片、蝦、鮑魚！再過十五分鐘，個侍應先話無鮑魚！已知中伏！想即走！不過俾風度佢，由於有最低消費，所以叫魚片補返差價.......再過十分鐘，個侍應又問：先生請問頭先補既係味肉片呀？嘩！火都黎！我話係魚片唔係肉片，肉片之前叫左！坐左35分鐘食風！終於等到粥黎，不外如是，最重要係食完勁口乾！超重味精！無下次！…Read More

今日突然收到老友電話，佢送條七斤重既手釣泥王我，我即叫齊親朋戚友，落呢間酒樓加工，老闆建議三食，清蒸腩，炒球，魚骨就煲豆腐湯。再黎半隻燒鵝，一個大雞煲，鮮腐竹時疏，芥辣牛柳粒。仲有個蠔餅！估唔到一黎隻燒鵝即有驚喜，皮脆肉厚。雞煲麻辣適中，一個大煲又係啖啖肉，正！而個芥辣牛柳就更加係我至愛，快速食哂！（食到一半先記得影相，因為太好食喇！）個鮮腐竹時疏就一般啦，始終幾味都重口味，要清清地平衡下。（又係食哂鮮腐竹先記得影相）主角黎啦，首先係炒球，一句講哂，好味，爽口。跟住一個清蒸魚腩，滑！鮮！最後一個魚骨豆腐白菜湯，就真正完美句號，濃濃白滑鮮湯，又係一人一碗快速清哂！總括黎講，呢間隱世酒家真係驚喜處處，期待再黎發掘過！…Read More